除咗佢個 out look 很型又高之外（因為有次我同爸爸去聽Whitney Houston演唱會
時，竟然有人以為他是我男友添！Haha！你話佢個 Look幾 Young呢！ 當年）、
學識廣博、仲能文能武。以前慈雲山屋企個廚櫃、茶杯櫃及間房的架都是他自
己做的！勁呢！
小時候，覺得佢穿著夾腳指踏著木板剧木好型！于是好想學，年紀小小
的我更叫爸爸比我試吓！可是我的腳又唔長、又唔夠力踏實塊木板，所以剧起
上嚟有點斜，爸爸更唔比我剧了，因為怕浪費了材料。那時攞起個‘除仔’及
鐵釘小事嗱！我要學 D 男仔咁，自制玩具ㄚ嗎？所以咪同弟弟去士多執汽水
蓋，揼扁佢再用鐵釘作兩個窿穿條繩上去；ㄧ拉ㄧ放就可以轉動的！哈哈！
(有時還意外得到贈飲或送雪條添！Lucky！)以前 D 細路真強！想想我細個果
鎮其實的確幾男仔頭同頑皮的，最高記錄係–坐在 7樓樓梯口的鐵欄上面的
石屎平面，Yes！闊度剛好坐到我個 pat pat 多 D 炸！嚇到阿媽立刻要我落返
嚟！又試過响ㄧ樓突出來的石屎平枱跳落地面！Yes！成層樓高嫁！這個媽媽
唔知嫁！果時因為好憎自己，所以經常做 D 大膽嘅行為，嚇吓阿媽都好，
反正當時佢咁憎我；心想或許死了便算吧！反正只有婆婆痛錫我！（小朋友
千祈唔好學ㄚ！）
那時的爸爸常常攞 D 圖側回來計的，ㄧ卷卷的。（後來才知那些是他的
兼職，是有錢賺的！）他這個技能已教識了兩個途弟，還幫過不少人！包括
有：常常無工開、走投無路及老婆走路留低ㄧ對子女的人。除咗分 D 側比佢
哋幫手計之外，仲帶佢哋去 D 建築公司做，所以當時他在這行算是有點面子。
（不過，印像中好似無乜人回來報恩的！）層經問過爸爸，為什麼他幫過咁
多人，都好像沒有人在經濟改善後再有來往的呢？！爸爸話算了幫了人又望
別人報恩的，佢有心咪 OK 囉！如果佢忘了也當是認識了ㄧ個朋友吧！哇！
幾英呀！又是我崇拜他的原因之ㄧ囉！好彩佢個兩個途弟都幾有心的！
很可惜，我叫過幾次佢都唔肯教我計側–佢話我計數蠢、女仔唔好做尼行喎！
而細佬又唔鐿意學！可惜可惜！很久很久之後我聽過ㄧ個朋友的丈夫講起話，
原來我老豆以前幫 D 建築公司落標 D價好靚嘅！所以 D 老闆都幾比面佢！但
可惜，佢次次自己做親老闆或同人合資都執笠！三次了！反而打工仲好！
這個是我第ㄧ次從別人口中聽聞他的事蹟！以往只是父女倆常常傾談
中有聽他說過，因為很其怪他的彈性上班時間，實在太彈性嗱！仲勁過 D
老闆！有時只是趕返公司開開會、中午就陪下老細或阿 sir 食飯；有時又要帶
D 鬼佬阿 sir 睇地盤、去下工務局開會；但晚上只要應酬下及打麻雀！那時覺
得邊有 D 工可以返 10點幾 11: 00a.m.，仲要返到去只係去飲飲食食嫁添！仲
有老細會比埋嫁車佢揸添！我覺得佢簡直地位超然！
但其實我聽爸爸講佢只系係鳳奚中學畢業，三兄弟當中只有佢承繼到
爺爺的書墨，當年中五畢業都算勁嫁嗱！聽聞爸爸仲係足球隊隊長添，佢有
好多同學都已出外留學，但可是他的媽媽在他出世後死亡，而爺爺很早死，
大約在他十幾歲時便過身了，所以他係飲大嫂的奶長大的，後來佢又唔想跟
哥哥們耕田、養豬，便孑然ㄧ身出來九龍做野，包括咗有：–晒腐枝的粉絲
廠、做錶帶及到地盤學師由低做起。所以我又覺得佢好勁囉！由地盤學師做
到有成幾萬蚊個月（當年），好似仲有花紅分添！
聽爸爸講爺爺佢都算勁嫁，又做過鄉長、又識畫畫、又識醫人！不過，
年輕時的爸爸幾曳的，佢竟然大膽的偷偷背著爺爺揸無牌電單車，結果炒咗
落田跌斷了腳；據講當時爺爺都唔感醫佢，因為要先打斷返佢隻腳骨再等佢
自己生返埋，但這個方法除了痛到發顛之外，仲有可能永遠都變成殘缺；所
以爺爺都不忍心落手，於是便誠邀其好友代勞，結果痛到死去活來的爸爸梗
係好返嗱！仲以後都唔感揸電單車添！（便加唔比深受天若有情同阿郎的故
事，而愛死電單車的我考牌，佢話『危險喎！要考都考私傢車嗱！鐵包人ㄚ
嗎！』哦…！）
阿爺嘅事蹟很多，其中很還有過目不忘的本領嫁！不過佢有幾勁我就未
領教過，但係清明節返去同 D 堂兄堂姊上去爬山時（拜山時）就覺得他很勁！
簡直佩服佩服，那麼高的山墓，還要沒通道！沒有記應！只有伯伯、爸爸及
堂哥們的直覺推段去找！（因為牠近山頂下的雞公石）奇就奇在我們每年都
在他的臂蔭下找到他的墓穴拜山！還要拜完山、下了山之後才下雨！神尼！
（喂！塃山野嶺！如像偷渡中！想想也滴汗！還要穿越溪間樹林的！）據說
是因為佢自己識睇風水的，所以嫲嫲同佢的穴位都是他自己找到的！我們兒
時還說伯伯、爸爸及堂哥們老了便不能再上到去阿爺的山墓了！果然這幾年
他們已沒有體力爬上去了！兒子不上更惶論孫兒們呢！唉！畢竟他們也老了！
爺爺的樣子很慈祥（看著大廳的照片），他幫了很多窮人的，他的山水
畫我很愛！爸爸是他孻仔，年紀很大才有他的，所以爸爸與大哥相差了差不
成十幾二十年嫁！但爸爸與堂大哥（大伯的大仔）年紀很接近的。
層經問過爸爸，爺爺是否有很多地的！為何只有大伯同二伯有地有屋，
他卻沒有！爸爸卻說是大伯同伯娘養大他的，而且爺爺只有將 D 地契交托了
給大伯，所以他沒有過問。不過有ㄧ年清明節拜山時爸爸層經指過給我和弟弟
看他的那塊地，還說笑話要起返間屋渡假添！結果，第二年那塊地卻被人賣
丟了，另外的更不須要問吧！
當年，被爺爺送給好友的姑媽從英國回來時層經想過幫爸爸取回公道
的，可是不知怎樣又不了了知！因為當年姑媽是送給鄧氏的，所以那時她的
養母在新界還有點 Power 的！
後期，為了發展商開始收地，二伯和大伯還為了分地不均而ㄧ再起憎
執！二伯臨終前還罵爸爸讀書最多，可是卻任由大哥霸佔了所有的地ㄧ塊也
沒有為自己及兒子爭取…大伯如何不公平分地…當年又要他們簽名……！結
果層經疼錫我的二伯也含恨過身了！（當年重男輕女的大伯，視我如無物！
什麼到大榮華飲茶、比錢食早餐呀！通通冇我份！眼中只有弟弟！真係ㄧ句
都唔問！只有二伯常常說要當回自己家ㄧ樣，又比錢我到舖仔買野食！）
不過，其實他也總算分了兩、三塊地吧！總比爸爸ㄧ塊也沒有好吧！現時，
附近的地皮差不多漲價將近千萬，試問誰會將口袋裏的肥猪肉取出來公平分
給別人呢？！自己的子孫不夠分吧！以前幾萬元塊地都不會分給你吧！現在
…哈哈…請現實點吧！
族普也沒有加上弟弟的名字呢！
