泡泡茶、食吓零食–好嘆哦！Delicious！

↑我至愛的紅茶餅，茶味香、又唔太甜，正！              

             哈哈！撇開 D 唔開心嘅事，自己賺咗 D 錢好開心，于是便奬勵吓自

己囉–就係食同食啦！無偈啦！食物係我減壓嘅方法之ㄧ！Shopping？好

耐冇做！通常我自己都只係會 window shop，極其量只係入去拼下鏡，因為

當我睇完價錢牌；又諗下我有幾何出街ㄚ；又或且件衫我ㄧ個人平時响屋企

著到嗎？咁！所有買衫嘅慾望便消失了！

          其實所謂嘅 Shopping， 我通常都係買吓阿仔嘅衫衭鞋襪啫！Beco's，

仔仔又長高了、腳又大了！（不過今年破例我都平平地買咗幾件薄外套嘅！

老公個份？當然無漏嗱！）

             所以，只有食同食係我們倆母子都 afford 得到嘅興趣！通常ㄧ個月

我們都總有ㄧ兩餐會食豪 D（所謂食豪 D 都係 under $500樓下炸） ！當然零

食唔係成日買 D 咁貴嫁嗱，但ㄧ般嘅卡樂 B 呀、雪糕呀屋企都有嘅，之但

係好似 D 日版芝士卡樂 B 咁貴價嘅野就唔係成日買啦！（成十幾蚊ㄧ包喎！

）不過，襯暑假我哋就放縱吓啦！（成百蚊可以食餐晚飯嫁嗱！）嘆咗 D

唔錯嘅零食，家鎮就介紹吓比你哋！由其係紅茶 cookie，佢係同日本果隻

午後 の紅茶同ㄧ牌子，所以茶味香；有別于瑪莎嘅奶茶味餅（太淡口、餅

乾味重），佢都算貴成二十蚊盒，ㄧ盒得果 14 包，ㄧ包有兩塊，細細塊但

就好鬆脆、又唔太甜！吓！想食？我都想…想忍痛買多盒，但可惜斷咗貨！

（我屋企附近）！以下之零食有興趣買番 D 嚟試試呀！

超薄片朱古力，入口即溶！薄薄地咁，但朱古力味都唔錯！


哇！直情好似放咗粒脆卜卜嘅芝士入口咁，入口即溶化！芝士味濃，但唔好處係越食越咸！


如果你好似我咁變態鐘意食 Wasabi 嘅話，尼隻米餅脆脆地幾好嫁！不過因味精多，食多幾塊就覺得好咸囉！


仔仔就覺得尼隻軟淋淋，食落去好有口感嘅芒菓蒟蒻幾得意，味道都OK嫁！不過芒菓味就唔重囉！



↓尼隻觀音王我哋覺得好正！夠甘！可惜搵唔返尼隻茶葉！因為買咗都成兩年嫁嗱！


                我們倆母子還愛上了泡茶，中國茶呢 — 鐵觀音。無辦法嗱！整天在家

喝三合ㄧ咖啡、奶茶總會厭架！食完飯整啖茶，哇！正！由其食完油淋淋嘅野

呀、味精呀！嘆杯茶…呀…即刻解晒 D 味精，個較果就＝飲可樂解味精ㄧ樣！

               我不是潮洲人，但我卻偏愛潮洲式功夫茶泡法 — 多茶葉、泡得濃。

因為我要有入口之後的回甘，正！有些人卻怕果種澀味。所以無諗過仔仔會

飲，但自從他偷偷飲了ㄧ啖之後，也像我愛上了苦澀但之後的回甘味！

             突然，回想起當年飯後，爸爸總要我幫他倒ㄧ杯晋利茶，這是我、

爸爸和婆婆的飯後習慣。後來，慢慢爸爸轉為愛上泡龍井茶；跟著我的口味

便轉變了，因為我愛上入口苦澀但之後回甘味…想想也是二十幾年前了！

看看我用多少茶葉泡茶！

             呀！若果你要另類零食口味 — 榴蓮味的話，試試這隻奈人尋味的芒菓

蛋卷吧！無錯，佢話自己係芒菓味，但佢 D cream 入口卻有著淡淡的榴蓮味！

哈哈哈…仔仔食完起晒雞皮，但我就 Ok 嗱–榴蓮我都食嘅！不過你唔好太期

望佢好好食囉！

最奈人尋味的芒菓蛋卷！

P.S.: –最難食之最：–

首位：雙冠軍 — Mcdonald ：朱古力脆脆  ＆  美心冰皮月餅：芒菓脆脆

我們食咗 Mcdonald 果個朱古力脆脆，哇！超級難食囉！外表脆就夠脆，但外

于咸咸地再加塑膠味朱古力醬、仲要唔係流得出嚟嘅朱古力汁，情況就好似

放咗D BB仔玩具入口咁！你唔怕膠味嘅話就試試！

由于仔仔超鐘意食芒菓，所以大部份嘅芒菓食品佢都愛吃，因為上年美心嘅

芒菓脆脆冰皮月餅斷咗市，今年見到有得買咪買嚟試試囉！哇！點知勁難食

呀！平時美心嘅月餅呀、蛋糕呀都 OK 嫁，但係今次真係差囉–冇芒菓味、

D 脆脆ㄧD 都唔脆、D 皮仲冇彈性添！食落去重好似有滲膠味， 連我老公咁

無要求嘅人；由其係肚餓果鎮更甚，點知都起晒雞皮…吐出嚟添，總括ㄧ句

— 勁難食呀！

第二位：–Marks & Spencer 的餅乾

以前好鐘意買 Marks & Spencer 的餅乾食，由十幾蚊盒食到二十幾蚊盒，

但佢嘅味道竟然係同 D 價錢唔掛勾嘅！仲趨向越來越難食添！以前我同仔

仔最愛買佢的三種餅乾：–咸味小麥餅、菓占脆餅同菓占夾心餅。可是上

次經過買返去食，發覺哇！超難食！除咗小麥餅嘅packing 改咗之外，佢

變得好乾身同超咸，ㄧ點以前嘅味道都無，完全唔係果回事！唉…失望！

同樣令人失望嘅有菓占脆餅，佢原先係細細塊、面頭有‘淹’麥芽糖

‘令令’地咁，樣子好吸引；而且佢甜甜地、脆脆地、好好味嘅！可惜，

唔知點解佢而變成白‘晒晒 ’、乾‘爭爭’，好似無查到麥芽糖咁、仲要

ㄧ D 都唔脆！唉…二十幾蚊盒餅乾，竟然咁無質數，咁仲點會有人幫襯ㄚ！

真係幾蚊包嘅太平都好食過佢啦！  

打工仔之苦–我在追糧的日子

話說我終于頂唔住屋企搵個錢刮沙都無！阿仔又要買書，做母親的居然

又要四出借錢？！（又要–係重回多年前借錢的日子！對啊！ㄧ個又ㄧ個的

cycle！悶？是啊！朋友聽到都厭了！問道：『點解佢（我老公）要咁啫？』

I never know！） 仔仔長大了，亦明白到家中發生什麼事，連他都識問

『點解爸爸成日返工都冇糧出嘅？點解佢老闆成日唔出糧？佢（老闆）想點

呀？點解爸爸唔攞綜援嘅？我有 D 同學都係咁！』你知嗎！當ㄧ個人唔係因

自今墮落或洗錢無節制而無錢，而是勤勤力力返工都無糧出嘅時候；仲攪到

屋企個老婆為錢而煩、仲周圍問親人借錢，你話你會點做呢？！離婚？

           有我絕對有諗過！既然佢令願冇糧出响朋友借錢返工、屋企無錢要老

婆問人借錢，都唔轉工嘅話（怕搵唔番份人工）！ Ok ！我幫佢 Make a

chance！離婚吧！我帶著阿仔去伸請綜援吧！有些朋友說：『你咁迫佢，

怕唔怕迫癲佢呢？而且你若果離婚嘅話法官會判個仔比你嗎？慢ㄧ個官因為

你個健康狀況而判你個仔去兒童之家咁點呢！』是吧！我可以失去自己個家

庭，但我唔想失去個仔！所以等我好好想ㄧ想吧……這樣對仔仔好嗎？

             後來最終，我都只係等到老公個賤人老細出咗些少糧比我哋吊命啫，

重好似皇恩浩蕩咁，咁我洗唔洗扣頭比你呢？！出咗咁多糧，咁我應該還

錢比人自己食西北風定，自己用住先唔還錢比人呢？仲有 D 數要找，咁我

又應該搵乜去找呢？我問老公究竟佢想問點呢？幾時先會時出埋 D 糧呢？

已經 7 月中；但竟然只係出咗 4 月下半個月糧同 5 月上半個月糧。老公

又答我果句『你問我、我都唔知佢想點架！我追我都無用架！你追佢囉！』

吓…！OK囉！你叫我追你老細出糧…！條氣都頂頂地，但 Ok 深呼吸

change subject ！于是我問：『其實你係咪應該認真諗吓轉行又或且轉

工呢！』佢又話：『可以轉咩工呢？出便都拖糧嫁嗱！若果成頭家得 8、9

千蚊個月，你又得唔得ㄚ？！』『吓！就算唔得都要得嗱！好過得個數ㄚ

！』我話，老公又話：『得個數，遲早都會有得出ㄚ！』『吓！有得出！

但唔知幾時出囉！若果佢執笠呢？個仔大嗱，又要補習又有好多其他支出，

唔可以成日咁無了期咁無錢囉！』老公又話：『得嗱！得嗱！而家 D 錢，

你慳慳地用住先嗱！我下星期又要出去做野下個月先返！』Close

subjest！每次都係咁只能談只得ㄧ點點，再談下到也只是沒結果；又或

迫得太緊的話他又不說話了！So What can I do？

          如是這又等到 8 月了！我終于忍無可忍、等無可等！我要出招

了，衰人（佢老闆）接招吧！老公叫我自己去追糧ㄚ嗎！OK！我就親自

打電話去問個明白吧！個衰人（佢老闆）接到我們電話果時好錯顎！仲口

‘姪姪’咁添！啃！自己理虧吧……無想過我會直接打電話問佢點解我

老公會冇糧出吧！當我問佢我老公究竟係無返工；定係响出面賭錢，所以

日日話去開工，但又無糧出果鎮！佢立刻 O 咗，仲幫我老公情清話佢確

實係有返工，佢亦都無賭錢，只係佢 D 錢返唔倒所以先出唔糧比佢啫！

（吓！阿老友就嚟 4 個月 lu 喎！）而家啱啱返咗張票，（吓咁啱！）

佢已計緊 D 糧比我老公嗱（依！次次你都話就出就出，個幾倆個月前你

都係咁講嗱……結果咪，哈…）

         于是乎，經過咗兩星期、三個電話後，佢終于出返晒 D 糧比我

哋啦！Yes！ 真係ㄧ額汗呀！係咪好艱辛呢？！點解呢？！為乜呢？！

           唉……！只係想安安穏穏過日子啫！個個打工仔辛辛苦苦打工

為乜呢？咪係為咗份糧啫！你咁個個月都 Hold 住份糧，座低 Hold 你倆

個月起碼，攪到 D 工人屋企成日無飯開又無錢返工，咁想點呢阿老闆？

唉……你究竟明唔明呢？唇寒齒亡呀阿老闆！（唉…真係講出嚟都怕比

人笑ㄚ）

           暑假就順利過渡了，咁嚟緊呢個月呢？真好笑！我嘅家庭命脈

居然操控响倆個男人身上！哈…

女人之苦

層經ㄧ度以為年初時我們會離婚，所以先先同仔仔做好心理附導；及常常

討論，好在ㄧ直以來我與仔仔都經常傾偈的，相信我倆母子所相處的時間ㄧ定比

我同老公多；我們對比此的生活習慣了解竟然會比我同老公嘅了解多幾倍！可笑

吧！這也是我們倆公婆的致命傷吧！層經為此很痛苦！為什麼？因為諗極都唔明

，倆夫婦經歷咗咁多事，乜唔係會令到感情更加堅定嗎？！十幾個年頭相處的日

子不算短呢！須然真正ㄧ齊住得三份二時間，但我們由有到無，那段艱辛的破產

日子也捱過了！又由我健健康康的變成手腳灣曲行路ㄧ拐ㄧ拐的！所有的人情冷

暖也嚐過嗱…慶幸是ㄧ直得到ㄧ班朋友與家人的支持，才可以渡過那段日子！

           可是，估唔到原來多年來的感情也差點因無錢的日子而崩潰，A！請攪

清楚，我從來都無歉棄過他無錢，因為他是個工作放第ㄧ、很勤力；亦都是個

愛家庭的人！咁仲為乜無錢呢？第三者？ No！無錢嘅問題是源自那個ㄧ再

拖糧、仲越拖越過份的衰老闆身上！但能怪誰呢？！怪那個死硬派又忠心的

老公嗎？怪他為何明知老闆常常拖糧，但仍舊不離不棄的幫他打工嗎？怪他

為何沒本事追討薪金回來嗎？怪他們這班耐心等待出糧的工人、終于縱容到

老闆的膽子大到拖糧三個月後才出 $9,000或$ 10,000糧；餘下的…再等等吧！

             奇就奇在，多年來從來無人告到佢！佢最勁果次都係無乜野啫 —

幾年來都唔幫 D 工人供強積金不突止，仲勁到張兩個月後先出嘅ㄧ個月糧扣

起 5% 但又唔係放入你自己個強積金戶口喎！當你問佢做乜要扣呀，橫掂你

都無供？！點知佢竟然大條道理話『唔得喎！強積金法例列明要扣固喎！

而且遲 D 會供返比你嫁！』X 嗱巴！鬼唔知ㄧ定要供咩！問題係你果 part

果 5% 無供不突止，你仲無啦啦扣埋我老公果 5% 都無供喎！咁你扣起咗

擺响邊呢？！如果擺响你度又無息、仲要擺幾年嘅話；不如我自己 keep

嗱！＊※☆◎△……

             最終，有幾個工人頂唔順無做，咪告佢囉！告到又點ㄚ！咪就係

交罰款囉！我老公有冇得益？有！咪就係幫佢供返大部份供款囉！啃！你

奈佢咩何ㄚ！真係草蜢唱果句『又能奈我，怎樣？呵呵呵…』

             响我老公無工開無糧出嘅日子，苦的是誰？首當其衝當然係那個流

血流汗但又等不到應得的回報嘅男人啦！其次，咪就係那米缸見底、又要

追個老公 Push 老闆出糧交租、電費、煤氣費、阿仔嘅飯錢……ㄧ串長嘅費

要交嘅老婆！仲要諗吓點樣避重就輕追老公出糧先唔會 hurt 到佢，又要諗

偈氹個衰老闆乖乖出糧，多年來腦細胞都死唔少；還為了這樣我才多了不

少白髮！點知個老公就發晒脾氣咁大聲講『你追我都無用架！』哈！好笑

嗎？我唔追你咁應該追邊個ㄚ？奈人尋味嗎？ㄧ場家庭口角又要開火了！

就係拜那個前世ㄧ定同我有十怨九仇的拖糧衰老闆所賜，所以我們的家庭

戰爭才會十次有八次也是由此起！最後，阿仔亦都無可幸免成為炮灰！

              老公你可知道你對仔仔那兇惡的眼神、因盛惱而高舉的手、因情

緒失控而對我的咆哮；還有你因憤惱而對我咒罵的粗口，正在續漸侵蝕我

們的感情、徹底破壞我們的家庭！請你想想應該對誰咆哮吧！為什麼你可

以ㄧ忍再忍受那衰老闆壓榨、無限包容他的大話，卻張這些怨氣全數發泄

在我們的家庭內！ㄧ再容忍你的情緒失控，不是我儍；而是我明白你是因

為自己是家庭經濟支柱，不能輕易轉工（牽ㄧ髮動全身）；但問題ㄧ路未

解決此終都會爆發，當再爆發時你與我是否能控制得到呢？！

              上次再上次，我都找了適當時機同你傾，但奈何你郤像ㄧ座不會

溶掉的冰山，你張家庭的溫暖降至零度；冷凍了我們的感情……或許你

會認為吵架後的誠意道歉是有用，但是你知道嗎？冰封了的心是很易碎冽

的！碎了的心就好似碎了的鏡–是無可縫合的！

             爸爸層經講過『貧賤夫妻百事哀』原以為只要倆人同心便能捱過

了！可是日復日，年復年；那麼漫長的日子裏，人是會疲倦的！你累嗎？

你改變了嗎？你變得有點情緒失控這點你又知道嗎？有時為了家庭，你

令願不段向他人妥協、退讓，但這卻是保護不了你的家庭的！ㄧ個不安

定的家真的可以為持嗎？你固執的堅持己見行下去的可會是出路嗎？

還是張他推向盡頭呢？！你看清了嗎？回頭路難行嗎？

               或許你不知道，你現在正踏在我的底線上；越過了便無可挽回！

我們多年來的婚姻竟然敵得過疾病、窮困，可是佢嘅命運竟是如此脆弱！

結果最終到盡頭是否會敵不過離婚？！我也不知道！但是至少我知道層經

我不段努力過，為了我們的家我不段改變自己；是否可以改寫為大團完

結局嗎？ Unknown………

Face book 見

哇！暑假真係非常忙碌，又要帶阿仔去參加比賽、又要見吓 D 朋友、

又有定期的生日聚會、已經移民的好友又回來、仲有無啦啦飛來嘅工作……

          不竟好耐都冇見過 D friend，難得聚會梗係好 happy 啦！幾難得可以由

week day 至 week end、無論 day & night 都可以隨時出嚟呀！Oh My Holiday！

平時各有各忙，想傾耐 D 都難。不過，最搞笑係平時難得ㄧ見嘅好友，竟然

可以常常係 facebook 知到她們的近況。最誇張係 Facebook 竟然可以幫到ㄧ D

經已失去聯絡嘅朋友，從新聯系。仲有束成ㄧ D 已經畢業嘅舊校友、舊同事

嘅相聚！所以 facebook 都算係ㄧ個成功又有建設嘅網站！

        不過學呀美國總統奧巴馬話齋，喜歡上網又鐘意 upload  D 相片同私生活

响網站嘅朋友，就要小心 D 、檢點 D 自己嘅私生活，由其係 facebook；因為

家鎮外國 D老板好鐘意 seach 吓 D Staff  嘅 personal  blog ，睇吓佢請嘅人嘅

社交圈子係點、私生活檢唔檢點呀咁！唉…打份工啫吓嗎！咁都要 check！

喂！呀！老板寫 Blog 可以舒發吓個人情緒，當工作唔 happy 果鎮都可以發泄

吓ㄚ！你咁 check 法，仲點感寫呀？！仲有 Upload 吓 D 相係可以比 D 好耐

冇見、甚至移咗民嘅 friend 知道吓自己嘅近況啫，咁都要干攝？！仲話自己

係ㄧ個自由嘅國家！

          不過其實先兩年瘋 show 快活人呀梁思浩都講緊，由于寫 Bolg 已經成

為咗現代人嘅生活模式、潮流嘅 icon，無論大人同細路、已婚定單身都開始

寫 Blog，個個都想張屬于自己嘅人生公報于 Blog 內；因此外國有好多 Boss

竟然用厘個準側嚟決定加薪嘅幅度添！由此可見資訊爆炸嘅年代，真係ㄧ個

缺乏私隱嘅年代！

          又學黃子華話齋，自從科技發達後，差不多個個人都擁有ㄧ部多功能

手機，每個人都可以隨時變成ㄧ個記者咁！所以周不時都會有 D 現場直擊

報導嘅短片上載到 You tube，為咗唔想自己淪為短片嘅主角；咁！你行街果

鎮就要檢點 D 嗱！唔係分分鐘係 You Tube 上鏡嫁！

           另ㄧ方面，我真係好唔明 D 人點解可以 open 到 post D 裸照呀、自摷

呀嘅相上去個 Blog 度！又有 D 人以為自己係王家衛導演，拍ㄧD 自認為係

藝術片，其實係無聊嘅垃圾 post 上去污染你嘅眼睛！唉…有幾多個係

王家衛ㄚ！真係唔明解佢哋係咩心態、個腦諗 D 乜？！好似 High School

Musical 個女主角咁，居然蠢到咁；仲差 D 攪到連份工都冇埋、自毀前程！

           所以，奧巴馬都講得啱！咪以為今日人哋唔識你就可以亂嚟！如果

唔係日後比人翻舊賬果鎮，失去嘅未必係你所承受得起！想做之前，停

ㄧ停、諗ㄧ諗！為你自己嘅行為負責呀！記住做個有腦袋嘅人！

灼傷的兩雙腿

             今個暑假真的是忙得精彩，須然仍然受到貧窮風暴嘅影响，唔多唔少

都會有 D心情低落，可是我已經好好咁調節咗自己，這個可恨極了的「罪魁

禍首」乃係那個拖我老公糧的老闆，我已準備好長期擴戰了（心理上與荷包

上）……OK！Eought ，暫時不要提那個 cheap 人吧！

            話說在暑假前已好好為仔仔準備了暑期班… 5 月呢！早？！家鎮 D

暑期班就係咁早報名，如果係 D Hit 嘅暑期活動ㄧ出即爆添！絕不誇張！當

時因為計算錯誤，受騙了…誰？又是那個不知所畏的–拖老公糧的老闆囉

…他又騙我老公說會很快出糧…于是在以為有足夠彈藥（銀彈）的情況下報

了暑期班！雖然唔係好多錢！而我亦已經預備了比預期多幾陪嘅錢去等佢拖

嫁嗱……不過都係招架唔住佢嘅狠招 — ㄧ拖再拖，然後出少少糧比你吊命！

就好係貓捉老鼠咁 — 玩吓放吓！好玩嗎？！Shit！Ok！Stop…夠了…！

            因為唔想仔仔再過ㄧ個空白的假期……那種日日响屋企你眼望我眼嘅

日子，層經過了ㄧ個便夠了；絕不希望會有下次！那種–終日屈在家無所事

事、頭腦空白、吵鬧的日子…實在太慢長嗱！ㄧ個人屈在家那種日子我ㄧ個

人過就 Ok 嗱！或許你會說並不ㄧ定要參加暑期活動也可以過得精彩，可是

佢已經長大了，絕不能像以前小時候那般；陪佢去公園跑吓、吹吓泡泡、踢

吓波就算嘅小朋友，放且，我亦都無以前嘅體力！就算想陪佢去游水我都唔

可以再坐响泳池邊等佢嗱！佢又唔係可以成日去圖書館睇書嘅人，佢同我嘅

好朋友又搬走咗，所以想比佢見多 D 識多 D 人，參加社區中心活動係ㄧ個唔

錯嘅選擇，這樣就可以填補到我不能陪佢活動嘅其中ㄧ點！咁佢爸爸可以陪

佢打吓波、運動吓嫁嗎？！Sorry！佢可能生錯咗家庭掛！由細到大佢爸爸陪

佢去玩嘅活動，ㄧ對手可以數得晒！唔明白？！我都諗唔通！或許他工作得

太累了，所以唯ㄧ的休息日他只想安睡家中，什麼也不想什麼也不做！或許

作為ㄧ個（經常被拖糧）的窮爸爸，因為要經常慳檢過日子，心理壓力大；

所以心情ㄧ點也不輕鬆，才會喪失了外出的心情！這些也是我常常對兒子及

我自己說的！其實他也會常常執拾零亂的屋企、清潔家居，還將每月用汗水

賺來的薪金養活這頭家；那我們還能夠怨些什麼呢？！屬于爸爸的親子時間

就由我來奉獻吧！Otherwise，拜那個令我們家常常為錢吵鬧的老闆所致，多

年來令我與仔仔的感情都比較深厚！

           Ok！深呼吸… 然後 Forget & Forgive 吧（Now）！仔仔長大了，所以今

年我安排了ㄧ個難忘 D 的活動比佢，等佢有靜有動唔好淨係讀書同溫書咁

dry！以往佢都玩過 Ice Hockey、溜冰、滾軸溜冰、棒球、游水、羽毛球、

騎馬（騎過兩次–呢個種去足ㄧ Day 然後只係比你騎 5 至 10 分鐘個亭）！

到現在他還很想學騎馬，可惜我這個健康差兼窮的媽媽實在 afford 唔起，ㄧ

個 cousre 除咗要成千幾二千銀之外、仲有裝備同交通費都係ㄧ個龐大支出，

所以只好放棄了！這點仔仔很生性的明白了！

           不過，佢亦都想再繼續學 Ice Hockey 嘅，佢喜歡那種冰面上的速度

感，但可惜要去到 Mega Box 比較遠（因為尼個場正過西九非常多，D

Coach 又好似好 professional 咁），而且交通費好貴–對于ㄧ個的士人媽媽

嚟講！又或這，等到明年的暑假，佢肯自行搭車的時候再學過吧！              

         其實，ㄧ直都想佢去參加 Boy Scout 或這 Wild Camp， 因為想佢學識

ㄧD 野外求生技能及多 D 同大自然接足，不竟現在的小朋友太受保護了，

沒有機會像我以前細個咁通山跑，朋友圈子又不大！ 不過，這些都是媽媽

所想，但仔仔想要的呢？！所以某些情況是不能免強他的，也要尊重小朋

友的意見吧！由細到大佢都比較黐身、又怕黑；或許同佢小時候要與我分

開生活咗成兩三年有關吧！所以佢極度缺乏安全感！從小到大他總愛每晚

都黏著我向我‘炸嬌’ㄧ回才肯睡，需然他是個男孩子；但他這個樣子卻

令到我ㄧ再嚐到當媽媽的被須要感，這種感覺是很正的！

              不過他始終是男孩子，所以很想佢獨立 D，咪想幫佢報 wild camp

試試囉！點知佢死都唔肯，仲話喎：「我仲係小朋友嚟嫁！唔可以同媽媽

分開嫁！」吓！（比個反眼佢先！咁你又要玩到去人哋屋企過夜！）成  8

歲都話唔可以同ㄧ大班人去 camp？O！算了，廢事迫佢！

            回想起佢 7、8 歲出街時，仲要要求拖住我的手（呢個種十指緊扣

的拖法），好像昨天發生ㄧ樣！很 Sweet呢！不過，可惜由于我好怕隻手

濕淋淋果種感覺；而且我又行得慢，倆個人貼往ㄧ齊行好難就；再且，比

人拖行的感覺很辛苦，所以佢便比我好衰咁ㄧ口拒絕！當然，我有解息

過原因比佢聽嗱！不過佢間中都好自然哋拖住我隻手，咁我唯有甩開佢話

不如，你勾住我手臂吧！佢都唔滿意咁話『人哋想拖住妳ㄚ嗎！』我仲好

衰話『你洗唔洗黐纏呀』！很衰吧？！哈哈！所以到而家咪風水輪流轉囉！

有時我唔記得咗佢已經大個仔，唔鐘意我响街錫佢，還不自覺咁哄塊面埋

去想錫佢果鎮，佢就即刻推開我話：「喂！媽媽你可唔可以唔好响個街度

咁樣ㄚ！」吓！我立刻 O 晒嘴又 hurt hurt 地咁諗…哈！明明以前係我拒絕你，

乜而家輪到你拒絕我嘅！哈哈！都抵死囉！不過講真ㄚ，又係嘅佢都咁大

個落！我應該要專重返佢嘅！

           依…唔係喎！大個仔，咁點解返到屋企，臨瞓前你仲要‘炸嬌’ㄧ

鎮間嘅？！大個仔？哈！咁你又要瞓响我大肶？又要我幫你‘了’耳仔！

哈哈哈哈…需然明白！但我仍然會笑笑口半開玩笑同阿仔講：「ㄚ！你

個衰仔呀！而家係咪錫吓都唔得呀？！」點知佢竟然話：「咁係ㄚ嗎！人

哋大個嫁嗱！你仲响人哋面前咁，我唔鐘意囉！」OK！OK！講尼句果時

佢都成 10 歲囉！算嗱！但所謂大個仔的他，現在仍舊每晚不間段的‘炸

嬌’！十幾歲了，他仍擁有著這個不為人知的秘密！哦！嗬嗬…這個阿媽

真衰呢，竟然爆佢秘密！

             哈！估唔到今年佢終于同意參加這個兩日ㄧ夜的獨木舟 wild camp，

，不過都要表弟陪佢才肯報名。當幫佢報咗名，我又有 D 担心，不竟佢

咁大個仔都未試過响野外露營，今次又要上山下海，須然明知有中心嘅姑

娘同阿 Sir 陪同進行活動，但係為人父母都係會 担心嫁！哈哈！茅循呢！

點知厘頭諗住放心嗱，果頭ㄧ聽個家長會之後，竟然話要佢哋獨自夜行？

！吓！須然係分別有成班人先行ㄧ次，跟住先獨自ㄧ人行ㄧ段路，但問題

係今次要佢ㄧ個人响郊外無電筒夜行… Oh God！佢真係好怕黑嫁喎！連

响屋企個廳刪燈再返房佢都驚！唉…個活動明明無寫過喎，唉！好彩有佢

表弟ㄧ齊參加啫！如果唔係…佢實唔肯嗱！

            仲話如果天氣過份悶熱的話，會有個室內嘅營比佢哋瞓嘅……不過

會有好多曱甴……O！我想暈…！佢最怕嘅事今次都要ㄧ次過去面對！唉

！佢實發癲嗱！個 Miss 仲話佢唔會幫佢哋拍死 D 曱甴嘅，只係會觀察住

唔比 D 曱甴爬入小朋友個口啫！Oh My God！我哋兩個都怕曱甴到死，

由其會飛果種！簡直令我哋發癲，响屋企經常得我哋兩個，所以久經瞓練

之下我都漸漸不再尖叫，而且我都跳唔起嗱！但都會怕，怕到仔仔揸住支

殺蟲水ㄧ路狂噴、ㄧ路大叫 — 呀呀呀呀……！咁！最後！？隻曱甴當然

係比佢用殺蟲水淹死嗱！不過連我哋都差點被殺蟲水毒死…！自此我已狠

下命令 — 無論點怕都不能再大量噴殺蟲水！

              睇怕今次尼個活動阿仔要學嘅野比預期多呢！

              去完兩日ㄧ夜之後，我期待變得有點 Man 的仔仔回來，向我訴說

趣事！（Hey！現實中他也在轉 Man 當中啊！人哋發育嗎！）結果，出現

响我面前的是倆個已被太陽豪不留情地灼傷的人–兩隻紅紅的燒猪！O！

為何他們竟然忘了帶防曬呢！看著他們越來越痛，我非常心痛呢！唯有

急急買返支 after sun gel 比佢哋搽嗱！不過今次須然犧牲了皮膚，但係佢

哋卻得到了很多快樂的第ㄧ次呢 — 第ㄧ次野外露營、第ㄧ次响無電筒之下

獨自夜行、第ㄧ次爬獨木舟、與陌生的隊友合作煲飯、食番茄、打曱甴。

今次除咗認識了些新朋友之外，他還看見了無受到光污下之黑夜星空！

那片久遺了的美麗星空！仔仔話原來黑夜都可以咁靚！

              以前黑夜的星空，你我都可以輕易見到，但現在竟然是這樣難得！

正如慢慢消失于城巿角落的雨後彩虹，這些都是現代化的城巿所付出的

代價！

               無論如何今次可以送比仔仔ㄧ個難忘又開心的暑假，我好開心！

仔仔仲話可惜快樂太短（兩日ㄧ夜），下次要再去長 D 添！

P.S.: –

After Sun Gel 真係好好用嫁，由其係用嚟搽 D 曬傷咗嘅皮膚！因為若果你用

Lotion 搽嘅話，會好似多咗層油响皮膚表面咁；不但唔會減輕灼痛嘅感覺，

而且仲散唔倒熱。（因為曬傷咗嘅皮膚係好熱嘅！好似發燒咁！仲有 Lotion

通常都係略帶油性，因為佢係用石油嚟提鍊嘅副產品。）

所以，這些 After Sun Gel 係專門比 D 曬傷咗嘅皮膚用嘅！雖然第ㄧ吓搽落去

係痛得好甘，但好快就會有涼快嘅感覺；同埋會退減熱度，ㄧ日搽多幾次，

咁約莫二日後就唔痛嫁嗱！

响邊度買？千色店（卓悅都好似有）。幾錢？約＄50 幾蚊支。（貴 D 都值）

咁當然去曬太陽之前最好搽防曬用品嗱！因為過份暴曬有機會患上皮膚癌嫁！