黑癲鵝先生 ( Mr.Popper's Penguins ) - 電影

           尼排日日返學，過埋 D point to point 嘅生活，做學生真係唔容易呀！

所以上星期難得有精力可以出去 family day，睇番出戲，真係機會難逢！原

先想睇 3D 變型金剛又或且係哈里波特，不過星期日又點會咁易買到飛呀！

       於是為咗唔想敗興而回，所以我哋為有簡咗仔仔 D friend話好好笑嘅

「黑癲鵝先生」，老實講占基利我同老公都唔鍾意佢，佢做戲太浮誇啦！

      不過估唔到套戲真係好正，由頭笑到落尾咁制，非常值得睇！個古仔雖

然簡單，但係好笑得嚟又 warm！ 

         今次係因為介紹笑片，所以就唔講個古仔啦！自己去 yahoo 睇片頭啦！

因為講得太多就唔好笑嫁啦！

 

Yahoo 電影介紹

黑癲鵝先生–Mr.Popper's Penguins

http://hk.movies.yahoo.com/trailer.html?id=mcl_mrpopperspenguins&videoid=937

 

Li-Ning 李寧（羽毛球拍）

 其實李寧 Li-Ning 尼個體育用品對我嚟講真係好陌生，不過仔仔話

佢出嘅羽毛球拍真係好正喎！

於是上星期五忙完之後，便‘娜娜’臨同老公去幫阿仔買拍啦，因為仔仔

嘅羽毛球教練話李寧 Li-Ning D 球拍好多都比人搶購晒！的確係，

佢哋做 7 折至半價尼個 discount 真係好吸引，所以阿超級丹（林丹）

用過果款球拍（專 for 扣殺用嘅拍，前面頂尖較重），一早就比人掃晒

貨啦！梗係啦 2 千幾蚊做半價喎！不過仔仔話佢雖然好想擁有尼塊

 dream 拍，但係因為塊拍真係太貴啦，而且又仲未啱佢用，所以就

無買到。

話時話ㄚ！佢哋嘅超輕炭韱維拍，全部做緊半價，D 用料泊得住 D

外國牌子嫁，所以真係好鬼抵買嫁！要買嘅朋友就要快啦，因所佢哋

所剩無幾咋！

 ㄚ！原來佢哋嘅羽毛球係分幾個系列固喎，好似有：銳、靈、炎…等，

尼幾個系列係 for 力系、扣殺…等用途（如無記錯）！佢哋嘅 sales

仲會講解球拍種類嘅分別過你聽，咁你就唔駛擔心買錯啦！最平

$400 百幾蚊都有交易嫁！

Li - Ning

尖沙咀，金馬倫道（斜對面係滙豐銀行）

今日學整嘅– 立體黑森林蛋糕

              這就是我為仔仔生日而做的–立體車仔黑森林蛋糕。做這個作品真的

企都企到好攰兼吱 cream 吱到手軟！因為這些 cream 是要逐粒逐粒吱上去

的，期間我雖然吱得有 D 唔滿意，又嫌 D cream 太疏及大小唔平均，但係

當導師方太及兩個路經的可愛小妹妹讚美時；我嘅信心又返嚟啦！最終我都比

自己滿分，因為第一次整 D咁高難度嘅作品嘛！

         今日我更加肯定自己嘅上升星座係處女座，因為我除咗對人、對事物

、生活、食物有要求之外，連對自己都有特定要求；之不過經過咁多年嘅磨

練，我對其他生活上嘅要求已經降低了！另外，我發現自己真係好鍾意接受

挑戰，愈有難度就愈有滿足感！不過好好彩，由於我性格樂觀，就算失敗了

，我都識得自我調節，不會過份怪責自己。咁當然成功了，便會覺得好自豪！

其實適當嘅挑戰係會令自己進步。

        今次因為要用立體模做黑森林，而我又唔識得收返個立體車做型嘅外皮

，只能 cut 了最底的部份；所以做起之後有 D 部份食起上嚟較硬，唔夠軟熟！

（梗係啦！平時果 D 焗起嘅黑森林係飛晒底面家嘛！）不過，成個蛋糕味道好

香好夠朱古力味，仔仔同老公係略嫌餡料（蒟篛、cherry）唔夠多（早知聽

方太 話cut 做四層啦！）Anyway, 個蛋糕竟然立刻比我哋 4 個食清光，真係

好開心、好滿足！（尼隻“RICH'S”打出嚟嘅朱古力 cream真係好好味！）

         至於個立體黑森林做法，同我响飲飲食食裏面果篇“今日學整嘅–

黑森林蛋糕”嘅做法一樣，所以我就 post 番我上次果篇嘅部份相片同文字

以供參考。

         而用料方便，是以 7" 朱古力海棉蛋糕作準，以下是用料分量：–

7" 朱古力海棉蛋糕用料：

i)    雞蛋          4 隻
ii)   砂糖       108 g iii)  低筋麵粉   74 g
iv)  谷咕粉      20 g
 v)  菜油         40 g  (牌子 Wesson 菜油，美國)
vi)  花奶         2 茶匙                                                


制法方法：–

1) 將雞蛋與砂糖放入盆內攪拌混合，（砂糖要分三次加入攪拌）即係要將蛋

    漿打至企身白色 cream 狀為止，泡沫要幼細便停止。（以 cream 可以

    在泡沫面寫字為準則）。

2) 將已篩過的低筋麵粉及谷咕粉分多次加入白色cream 狀之蛋漿，（最少要

    篩過 3 次），要注意攪的時候切勿太大力，要輕輕兜底攪均，否則會令到

    D cream瀉晒身！（記緊一定要將粉粒攪均，如果唔係個蛋糕焗起會有一

      粒粒。）

3) 當攪均所有粉粒後，再加入菜油、花奶輕輕攪均。

4) 將谷咕粉蛋漿倒入舖滿牛油紙的蛋糕模中，以 180℃ 焗約 30 分鐘。（記

    緊焗爐必定要預熱！）

  （請將模內之谷咕粉蛋漿，垂直‘蹬一蹬’佢，等 cream 裏面嘅氣泡浮出，

     然後整穿氣泡朝掃平表面。）

5) 張低筋粉漿倒入已掃上菜油的立體模內

6) 海綿蛋糕必須要灘凍，才可切丟底部較硬嘅部份；由於今次係做形狀

    蛋糕，因此面頭較硬嘅部份難以切去，所以食時有部份口感會較硬！

  （平時的黑森林蛋糕嘅面頭及底面部份係要切丟唔要，然後再張裏面

     軟熟切成兩、三等份，視乎你要嘅夾心層樓）；

7) 切的時候最好用刀切入少少沿住形狀慢慢切，然後才慢慢切過去，

    這樣蛋糕才無咁易切爛。（今次我切成三份，即有兩層餡料夾心）！

Step 2  黑森林蛋糕材料（7"）：

 i)  朱古力味忌廉  300 g（今次要吱花所以“RICH'S”尼隻牌子嘅 WHIP
                                  TOPPING, 再加“POUR N'WHIP”嚟打
                                  cream，以作吱面頭花用。）
 ii) 黑車厘子       8 粒，切開一半就夠。（罐頭建議用“SW”好味得嚟又
                                                    無藥味。）
 iii)  黑加侖子蒟篛   3 粒，切粒備用。（蒟篛最好先雪凍，整出來口感
                                                  才好。）（如果改用啫喱，要張
                                                  啫喱整到略為硬，像啫喱糖般。
                                                  不過口感始終無蒟篛咁好！）

制法：–

1）將朱古力忌廉打至企身變 cream狀為止，備用。（攪拌方法與做蛋糕的

    蛋漿相同，打到一層層。）特別推介尼隻“RICH'S”WHIP TOPPING

    嘅cream，佢嘅味道好香、又滑，美味又好。（制作期間已吸引 到 3 個

    小朋友讚個蛋糕香味濃郁。）（有個細 D 嘅可愛小朋友仲差 D 流口水添

    ！好可愛呀！^^本來我想比個蛋糕同蒟篛佢食嫁！可惜佢媽媽唔比！見

    佢係咁吞口水，覺得佢好慘 。∩。！）

2) 將蛋糕饀料（生果∕蒟篛）切粒備用。（黑車厘子切開一半，然後用廚房
     
    抹手紙輕輕吸去生果水份。）

3）先將蛋糕放在轉盤上，然後將已雪凍的植脂忌廉平均塗上，再輕輕括平；

    然後將切好的黑車厘子及蒟篛隨意放在忌廉上；再塗上忌廉抆平，跟住再

    將第二層蛋糕蓋上，輕輕按一按；之後從覆之前步驟。

4) 舖上第三層蛋糕之後，將忌廉輕輕塗上再慢慢括平修飾。

不過要注意：–

1) 由於要逐粒逐粒吱上去，所以吱到咁上下，果袋會比你對手嘅熱力攪到溶

    溶地，因此 D cream 開始瀉身，這時便要更換個袋 cream；同時要清理

    一吓花嘴裏面嘅 cream, 咁 D 花先會立體！

2) 吱到咁上下要抹下個花嘴。

吱尼個蛋糕都幾攰，我企連坐响道，都差不多吱咗成個半鐘有多嫁（真係吱

都吱到手軟）！