與第三者碰面

今日為咗响醫院等爸爸做完手術出嚟，結果飲咗成 3 杯咖啡，攪到

家鎮眼光光，瞓唔著添！不過，或許媽媽也因為羅羅攣攣瞓唔著都未定！

不竟一直都放唔低嘅感情，突然間要咁殘酷咁去面對！硬生生咁响現場，

接受 D 咁震撼嘅事實真相！心血少 D 都支持唔住！不過尼個係佢要嘅選擇

，無論好醜佢都要受。所以話，有時候人哋幫你去避過一劫，你又何須要去

硬食呢？若是，受唔住刺激，最終傷了的只有自己！

      「好奇害死貓」，但係卻有好多人偏偏要去知、要去見“第三者”嘅

樣貌，要去看看為甚麼會輸給對方；看到了，那又怎樣？！尚若見到對方

不論樣貌、身材及條件都差過你、醜過你，那又如何呢？！你真的會高興

嗎？千祈唔好太過高估自己嘅能力，萬一你接受唔到他們的親密，你只會

傷得更深！有幾多人能夠在受完尼 D 震撼教育之後，會忽然間醒覺到自己

愛錯了，要從新振作ㄚ！既然如此，又何必執著於“事事但求真相”呢？

        放過別人，也等於放過自己！學懂放下，就會學懂珍惜！媽媽真心

希望您有天也能學懂放下，咁樣您過嘅日子就唔會再覺得咁辛苦！

        但凡事都有兩面，今日阿媽親眼見到爸爸做完手術醒返，第一個要見

的是他的情人；而當爸爸情深款款的捉住個女人隻手果一刻，在媽媽嘅眼中

閃過一絲悲傷，相信尼個原子彈嘅威力，慢慢就會浮現在我們兩姊妹的生活

當中，唉……睇怕我哋都有排受……！

        不過，今日卻比我見識到爸爸與情人之間的愛情，雖然我仍然係唔能

夠認同佢哋！But, so what！一個儍咗嘅人，連家人都唔認得，但唯獨是

無忘記尼個男人，為咗佢努力去醫病；為咗佢一天到晚在苦等，明知手術進

行中，都苦苦守候在呆等；食唔安、坐唔落，明知我討厭她，也努力和我相

處，真切地去關心個男人的一切。看見那樣的她，你會不心軟嗎？

        而當爸爸清醒的第一刻要見的也是她，這樣的事實還不夠清晰嗎？

不管世俗眼光如何，他為了她拋棄了家庭及一切的；這就是命運，不論你們

接受與否，誰也改變不了！

            今天唯一令我安慰的事，是媽媽如我所料，不理爸爸拒絕，堅持要帶

同婆婆嚟探病；以及見到個女人之後，沒有大吵大鬧，表現得很大方！（At

these moment！）這點很值得讚的，不竟這啖怨氣她屈了 10 幾年了！

        另外，擔心了一爸爸整天，見到佢做完手術之後，雖然個傷口流咗好

多血；呼吸又唔多暢順，但總算精神及清醒了，這樣便好！希望你早日康復！

Safe Sex

男人 X ，身為你個 friend，今晚聽到嘅事真係令我感到非常憤怒！作為一個男人

，你不會覺得你的行為很自私和無恥嗎？作為一個文明人，總會明白甚麼叫

“安全性行為”（Safe Sex）吧！

          作為一個負責任嘅男人，唔係會有一“套”（condom）旁身嗎？做愛

唔帶套，若果你相信你的女人唔會有 BB 的話，除非是你的精子弱吧？！為什

麼呢？為什麼男人要咁自私呢？為了一時快感，而害到自己嘅女人懷孕；事後

又要自己嘅女人去落仔，你真的愛佢嗎？或者說，你有愛過她嗎？你應該知到

，墮胎，除了會傷身之外，還損害了一條人命！人命呀！如果你根本無諗過要

生 BB，做乜要作孽呢？這麼無責任，你還算是個男人麼？！

      女人，妳真蠢！為什麼妳要作賤自己呢？一次、二次都夠了吧！妳真的

那麼愛他嗎？愛到連自己條命都唔要嗎？今次竟然攪到自己得番半條命躺在

醫院，值得嗎？身體是自己的，連妳自己唔愛惜自己，他還會尊重妳嗎？若然

不能食“避孕丸”，那麼妳便要堅守最後防線，唔帶套就唔做愛吧！學識

“Say No”，也是要他學識對妳的尊重！愛惜自己的身體吧！

       No condom = No Sex！愛你嘅伴侶，就請記緊帶“避孕套”吧！

如果妳們那麼熱愛 freedom的話，還可以選擇打“避孕針”和食“避孕丸”

！切勿相信男人所講的“安全期”和“等鎮先至帶“套”等說話，否則最終

傷害的只有妳自己！試想想，若然男人要做墮胎手術的話，他還會講得咁

輕鬆嗎？

          Safe sex 就要有一套（condom）！

 

倆個人的寂寞

好 Down 嘅日子經已過咗，終於有番 D mood 寫 blog！前排做乜都提唔起勁

，成日都好攰，瞓又瞓得唔好；連我個 body 都忍唔住通知我好 dry, 唉…

dry 到無論查幾多保濕都難以搶救……事情的序幕由“自斟自飲”的飲茶事件

開始，跟住“好事”一浪接一浪的就不停發生！總之就勁 down！每日嘅心情就

好似 Stanfour 首歌–「Everything I am」嘅歌詞一樣：What can I say,

I'm not okay！It's been days and weeks and months, And I should

be moving on....... 

       其實果日同  R tea，佢講嘅野都係有 D 啱嘅！Maybe, 我真係太自私，

只係 focus 係我自己嘅角道，所以至會張“自斟自飲”件事放到咁大！但係，

若果老夫老婦下下都要開口叫佢幫，我真係覺得好辛苦！就當係我自私、諗野

唔夠成熟，係日常生活我已經要佢哋倆父子輪流幫我洗頭同分擔大部份家務；

我 suppose 佢會非常明白我嘅狀況，不竟我患病嘅日子唔短；雖然我已經好

轉了，但要我每次都開口要人幫，有時佢仲好似要考下我嘅能耐咁！我真係

好攰！

       查實，我最討厭係 out of control，但可惜偏偏剪腳甲同洗頭都要靠人

哋，有時講極人哋都唔明、幫嚟幫去都做唔到我嘅要求時；我會好忟憎，然後

就大發疲氣，尼 D 相信都係一般手腳唔靈活嘅病人心態吧！或許，你認為我

應該降低要求吧！可是，自從我病咗之後，我要求嘅野都低咗好多嗱！

       究竟係咪我要求太高呢？定係我真係太偏執呢？因為，我認為自己都病

咗咁多年，無理由自己身邊嘅另一半會唔識得去照顧妳囉？！就算你唔清楚

我嘅喜惡，但係你連一 D basic 嘅野都會唔知！

        無錯，你已經盡咗家庭責任。不過，對一個人好，唔單止要令佢溫飽；

關心，都係非常重要！既然大家嘅生活習慣盡是不同，要唯系一段感情，咁

倆個人係必須要付出加陪嘅勞力！可惜，你比到我嘅感覺–竟然係熟識的陌生

！那種比陌路人，還要可怕的感覺！

       自小便渴望有一個溫馨嘅家，但可惜，我哋嘅家太過獨立了！你已經

習慣了這種孤單的陌生嗎？！ 性格改變命運–尼句說話好正確。若然，改善

嘅速度趕唔上變化，那薄弱的感情又受唔受得衝激呢？

        愛家庭，就要多點關心家人，體諒和忍讓也不可決少！

家中的禁煙區

或許，你∕妳們都是吸煙人，會像志明與春嬌般認識；但若果你∕妳係

半吸煙人，即是你∕妳嘅另一半係吸煙者，而你∕妳們又係同居人，咁你哋會

將屋企點樣劃分呢？

             其實並不反對另一半吸煙，因為不竟誡煙並唔係一朝一夕可以做到嘅事

；但係既然你∕妳嘅另一半係唔食煙嘅話，咁係咪應該為佢諗諗呢？！若然另

一半對煙敏感，你∕妳又可唔可以為對方著想，就一就佢；為佢劃出一個大家

都舒服嘅空間，做吸煙區呢？！除非，你∕妳跟本就唔珍惜對方，佢健唔健康

、敏唔敏感都唔關你∕妳事！

            最近又為咗老公佢間歇性嘅失憶，無端端响我同仔仔出咗街，就响廁所

道食煙！我真係好唔明白，點解佢嘅記憶係咁有選擇性嘅呢？我好憫憎，經已

唔係第一次 remind 佢嫁啦！解釋完又解釋，你唔煩我都厭啦！我都非常清楚

表達，我唔可以忍受我同仔仔 D 毛巾充滿咗煙味，上次就係試過一洗面嘅時候

，索咗煙味嘅毛巾，令到我咳到停唔倒，結果咳到喉嚨都損埋！而目阿仔嘅

鼻敏感又非常嚴重，你應該好清楚ㄚ；但係你咁樣都可以視若無倒，除咗可以

話你愈來愈唔想顧我哋嘅感受同自私自利之外，唯一合理嘅解釋就係你對我好

不滿，所以發緊我嘅皮氣囉！如果唔係嘅話，我真係唔了解你嘅心態！

            究竟你想點呢？話又唔聽勸又唔倒，便加唔駛指意你會開口溝通囉！你

變得愈來愈孤辟、又難以理喻，我都無晒你辦法，既然你唔接受家人嘅關心，

我唯有適當嘅時候咪當睇你唔倒囉！如果唔係嘅話我會嬲到爆炸，然後炸死咗

自己！我所有嘅耐性已經花光啦！有時候連話你都嫌費事，反正你都唔 buy，

我仲做嚟做乜呢？！

        果晚，我終於忍受唔住足足寫咗張紙嚟話佢，問佢想點；點知佢第二日

又咪無事一樣，咁講嚟做乜呢？

            後來，為有同阿 J 傾訴啦！唉……學阿 J 話齋，佢又唔係對屋企唔好，

只不過，係唔知點解咁奇怪啫！

            唉……其實係香港一間屋會有幾大ㄚ，攪到要避來避去幾無瘾ㄚ！所以

 

話尼無論你哋嘅婚姻關係有幾好，性格都會隨住生活環境嘅而有所改變嘅！若

果唔想一段失敗嘅婚姻，除咗要尊重、珍惜大家之外，仲須要靠良好嘅溝通先

至可以維繫；如果一方缺乏溝通嘅話，只係會拉遠大家嘅距離，到有朝一日對

方提出離婚，到時唔好先至嚟問點解呀！

             其實，劃出一個空間，都只係對你嘅尊重啫！既然雙方都 agree 咗，

咁點解要破壞呢？ 你又有幾愛自己嘅家庭同伴侶呢！

 

Screen for special

視像電話，可以話係老婆輯私嘅一大發明（許冠文話），但自己就

好少用尼個 function；因為我跟本唔須要check 住我老公，若然佢係身

有 A，無理由會逃得過我嘅女人直覺！而我所怕嘅係，係唔適當嘅時候接

到 D 唔適當嘅電話；所謂己所不欲，勿施於人，況且好朋友們亦唔喜歡用。

         至於，影低親蜜照片做電話嘅 Screen，對於好多情人嚟講可能會

覺得好 sweet；甚至係 girlfriend 用嚟宣示主權；老婆用嚟導絕狐狸嘅

途逕！不過，我唔認為咁做會有用！因為對方若要去滾，大把古蠱嘅方法

啦，仲有，比第三者見到，佢哋可能會覺得更刺激 D添！

         可惜，極之唔鐘意變成電話嘅 screen 嘅我，竟然會破例；為咗唔

係香港做野嘅老公，竟然同佢影咗張相，用來做電顯示嘅 screen！唉…

本來一直相安無事，我又唔會無啦啦 check 佢部手機嘅！

         哈…唔知係咪佢返咗嚟香港做野，最近大家日對夜對，對多咗，所

以變得唔矜貴！因此，佢一換電話，就靜雞雞張我嘅 screen ；順便轉埋

做一個三唔識七九唔搭八嘅泳衣女人相。(响手機免費download 果隻呀！)

         嬲……唔係因為唔用我哋張相做 screen，而係當個電話一響，我就

覺得篤眼篤鼻！其實，我從來無要求過你用我哋張相嚟做 screen，係你自

己無啦啦用！而家就算你 delete 咗我哋張相，又或且唔用 screen，我都

唔會理，never mind！但係你竟然用個泳衣女人相嚟取代我，咁樣，我真

係接受唔倒囉！喂！無野呀！I don't care 你個 screen saver 係定裸女

定係 o靚模，但一定唔可以用响我嘅來電顯示個 screen 道囉！Ok？！

         於是，我就將以上嘅對話轉贈比我老公；點知佢話『唔好咩！我覺

得幾好喎！個電話係我嘅，都係比我睇又唔係妳！』哈……頂你個肺ㄚ！

我本來好聲好氣同你講，你竟然辣鏧我？Ok，Fine！無得傾嘅話，我就用

番 this is an order 嘅語氣要你改咗佢囉！你要ㄚ嗎！

        唉……愛情過後便是無情，就算係夫婦都係咁話！Perhaps，係愛情

裏頭，暴光率太高就唔矜貴，所以都係見少 D保持新鮮感多 D，咁或許可以

lasting 得耐 D！

        Anyway, 又一次汲取教訓，以後無論邊一個要求，我都要堅決唔會

再做佢嘅 screen！Never Never Never！（Except 仔仔！）

        可能，你會覺得我小題大造！但，尼個係我個原則，覺得 hard

feeling 嘅就要出聲表達，無謂攪到最後大家都係唔開心！

 

 

真相–Truth

朋友離婚已經成為事實，本來覺得有點可惜，但是一通生日賀電，竟透露

了另一個真相！一直以來朋友 X 的形像踏實，是個愛家庭的小男人；除了性格

太過 stubborn 之外，他從來都不像很花的人，算是個好男人！相反朋友的太太

 Y，總是給人很 tough 嘅女強人形像；不但只事事也要管束丈夫，而且還很容

易將不滿情緒表露！    

        但原來表面與事實的落差很大，雖然我與 Y的個性有點相像，大家也很

談得來；可是有些事也看不懂，搓不透。唉……表面上，又一次証明咗–看見

的事實，並不是事實之全部！當我們通宵達旦傾了一晚之後，我便更加明白，

原來一直以委屈角色出現的 X，其實並不是怎樣慘的！反而看似凶惡的太太 Y，

卻一直默默肩負起家庭重擔、教育孩子的責任，以及  X 的債項！

        原來常常黑面的背後，卻隱藏著對一個愛充面子嘅大男人的包容。那些

忠言，被曲解成諷刺；那些默默的支持，卻永遠看不見！當傾盡所有，對方都

唔會好 appreciate 嘅時候；又或且仲嫌妳未夠好，得到嘅回報，盡是一 D

hurt 妳嘅說話，咁妳係咪應該放手呢？

         而表面踏實的人，卻經不起失敗，終日沉醉在藉口當中，再不肯務實的

工作。將賭博變為生活的一部份，真的可以開拓事業、平步青雲嗎？原來一些

豬朋狗友講嘅好聽說話，及不斷送贈的高帽，會幪蔽一個人嘅心智！唉…大男

人嘅自尊……！

         一直以來 X 在朋友眼中總是扮演垂著頭嘅小男人角色，但原來佢早已

默默起革命……靜悄悄地攪婚外情！可笑是，他以為收藏得很好；但第三者卻

已急不及待的明目張膽暴光！男人，你真的以為女人都是蠢材嗎？做第三者的

女人，又會甘心的乖乖在守候著你嗎？ 

        可是，男人仍然是若無其事般，回家扮演著好男人角色！一個人的獨腳

戲在上演，可是觀衆早已知穿劇情！不明白的是，為何男人明明知道自己有錯

，卻還是愛扮演受委屈的人？明明已經變心，為何還要扮做努力修補關係呢？

            當真相暴露之後，一切大方關心嘅說話，便更加章顯得 X 的偽善！我

與 J，原以為 X 很值得同情，但事實卻是令人感嘆……男人變心，總有各種藉

口吧！偽善的關心，只是掩釋自己的罪行，令良心好過點吧！

         或許一切，在當初知道  X 分居後，便火速找到同居蜜友，就已經清清

楚楚明白了， X是如何想輓救這段婚姻吧！

             尚若要怪女人變得太強，首先看看她身邊的男人吧！

道義、責任的價值！

前兩天，心情非常惡劣；因為突發的事打亂了所有 plan 好的事！我真係

非常討厭 plan 好了的事變得 out of control！

       本來好期待星期日的來臨，因為約了好友睇 Sex on the city 2，結果卻

由滿心的待期，變成了在等待中渡過！這一切都是拜她的男人所賜！打亂了一

砌計劃，仔仔還為了那天的節目，而改變了schedule；可是最終卻落得失望收

場！唔應該怪朋友，知道她也是不想的；但是覺得若她可一早取消約會，雖然

會令到我同仔仔好失望，但起碼我哋可以另作安排，唔洗 hold 住晒成日嘅時間

去等待；等到無晒 mood 不突止，仲白白浪費了半天假期！

        唉…原先以為，心情唔好，可以藉由睇戲、同朋友傾訴一吓，可以舒暖

一吓！可惜人算不如天算，結果，反而令到自己心情便差！唉…仲黑到，連想

睇吓碟；部機都可以 read 唔倒嘅！好鬼憫憎呀……

        另一件令我好憫憎的事老公又失業了！唉…我知做散工，不嘍都無保障嫁

嗱！但你自己可以去增埴嫁嗎！你將來嘅價埴，是由自己去爭取的！

        明知就快完工，點解唔早 D為自己鋪定後路呢？就是你一心諗住幫人哋執

埋 D 手尾至到完工，但你最終卻得到被 fired 嘅收場！See！ 

        男人有時為了道義上的責任，可以變得好 stubborn！唔係要你將對方棄

之不顧，但你可唔可以首先考慮吓自己的處境呢？！你知嗎？前幾晚，我真係好

擔心；成日過住 D 令人擔驚受怕嘅日子，真係心血少 D 都頂唔住呀！（我突然

覺得自己老咗好多！你還說『我多咗好多白頭髮。』Why？Oh！Why？）

        今次，你好好彩，可以响咁短時間搵到份 temp job，但以後呢？！唉…

老公太過正直及過份重義，是你嘅弱點！為什麼你上了一課又一課，都總是學不

會呢？！當又再次証明我的預知時，就知到你所執著的什麼責任道義，是多麼的

可笑！為什麼還要堅守那 fuck off 的責任？！我該為你戇值的性格而歡呼嗎？

I don't known what we are！

love is love, love is blind

  Love is blind–愛是盲目，相信每個層經愛過嘅人都領略過尼個導理！

妳∕你會發現自己忽然患上心臟病–個心會忽然不受控制咁跳，甚至妳∕你

懷疑自己會否因心跳過度而死亡。妳∕你又會以為自己患上思覺失調–成日

check 住個電話、e-mail及 message，睇吓自己有冇 miss call、又懷疑

自己個電話有冇壞！這些徵狀由其發生在最有趣嘅探索初期，係與唔係之間，

大家都估估吓，佢究竟有幾鐘意我呢？ 

       之後進入熱戀期，真正是愛到盲目期，因為妳∕你會發覺全世界之中；

只得妳∕你倆，一切發生嘅事只有sweet 同sweet，妳∕你會為對方做盡儍

事、蠢事也認為值得，甚至做 D平事唔感做嘅事，奉獻晒自己所有也在所不遲

！而對方所有嘅缺點，都好似“零”咁，因為妳∕你已經睇唔倒；又或這妳∕

你認為可以容忍∕包容，因為愛是偉大嘅！响尼個時候亦係最危險嘅時期，

因為如果一有人反對；不論是妳∕你嘅至親至愛，妳∕你都當做耳邊風！或

且甘心與世界為敵，也在所不適。（直至妳∕你有朝清醒，才發覺對方之真面

目，就算那時妳∕你深感後悔；也會因下不了台，而將鬱結藏於心中。）

        為免愛到最後傷了大家，傷害了自己；在戀愛前請先為自己做定防疫！

無論妳∕你有幾愛對方都好，請先愛惜自己。因為戀愛是有限期的！無錯這

種說法一點也不浪漫，但當妳層經嚐過激情燒至變灰、愛到死去活來後，妳

才會清醒愛是沒有恒久嘅！無論妳∕你戀愛成功與否，最終都會變為感情居

多！

        所以當妳∕你做好戀愛防疫之後，妳∕你便盡情享受戀愛，但同時也

請緊記不要孤立自己在戀愛世界之中，分點愛給家人和朋友吧！



忽然想起 culture club嘅一首歌 Love is Love，當年層經好紅嘅Boy

George，在今天竟然因為藏毒∕吸毒，被判做社會服務令–掃街（之前

思浩响瘋 show快活人講嘅）！真係令人不勝稀噓！更可惜嘅係佢連把聲都

變得深沉沙啞！唉…毒品害人！如果層經鐘意過尼首歌嘅朋友可以入去

Youtube重溫一下。（尼首 Live仲有加埋The War Song嫁！）

Love is Love + War Song - Culture Club

http://www.youtube.com/watch?v=d6BhZVb1nBg

Love is Love嘅歌詞：–

You don't have to touch it to know
Love is everywhere that you go
You don't have to touch it to feel
Love is every second we steal

Chorus:Love is love is nothing without you
Love is love is everything you do
Open up your eyes
And you will see
Love is love is everything to me


You don't have to touch it to be
Wrapped up in emotion like me
Everyone must feel how I do, yeah～
Love is just to be close to you


Chorus:Love is love is nothing without you
Love is love is everything you do
Open up your eyes
And you will see
Love is love is everything to me

Chorus:
And you know that love is love
It's written in black and blue
And everything you say
Must bring her closer, closer to you～
Ba-la-ba, ba-la-ba, ba-la-ba

You don't have to touch it to know
Love is everywhere that you go
You don't have to touch it to feel
Love is every second we steal

Chorus:Love is love is nothing without you
Love is love is everything you do
Open up your eyes
And you will see
Love is love is everything to me


Love is love is nothing without you
Love is love is everything you do



未夠喉？！送埋首經典成名作 Do you really want to hurt me比你 OK！

（我細佬仲為咗尼首歌買咗隻黑膠碟日播夜播嫁！）

 http://www.youtube.com/watch?v=WvaGqA95Zs8

送多首 Everthing I Own 比你 ㄚ！

http://www.youtube.com/watch?v=Xth0Ud8GTpg

 

ㄚ！漏咗首 Time(Clock of the heart) 添，喜歡嗎？

http://www.youtube.com/watch?v=PrDepZa3ews&feature=related

朋友、離婚

         由上年至今年已聽過朋友要離婚的，或且經已離婚的有兩宗；將近離婚的

有三宗（還未計我自己），其中兩宗更是由仔仔的同學親述，唉…ㄧ關於到小朋

友的，相信或多或少會對他們的心靈做成傷害！這點令到我也有點內疚，因為上

年我自己亦層經同仔仔傾過，雖然已事過境遷；但今天再聽見仔仔說同學的媽媽

決定要跟那個不務正業的爸爸離婚，更數著他的爸爸如何差……其他的同學也群

起讓著想打這個爸爸（當然解釋了給仔仔聽暴力是解決不了問題的），同學的媽

媽更揚言要他退學；並帶他回內地居住幾年後才回來……朋友們在校中訴說著離

情。

           看著仔仔嘆息著不捨得分離，縱使未成事實，但是這種不安的情緒在小孩

們心間漫延，夠竟都會影響到學業成績，由其是今年那麼重要的畢業試！令我不

禁想起當天我的仔仔是用何種心情向他的好友訴說自己的事？！想起家鎮都有點

心酸！

             或許你會覺得我好狠心，為什麼大人的事要‘牽攝’到小孩子身上；但

是我卻認為他已長得那麼大，應該有權知到父母間發生什麼事；況且若然我們

不著痕積的分開，可能他會接受不了突如期來的改變！咁當然ㄧ定從旁觀察及

作出心理附導，但是小孩子的心事真的會完全剖白給我知嗎？我真的不清楚！

             左思又想之下，便對仔仔說，如果同學仔仍然不開心的話，不如提意他

找那位關心他們的阿 sir 傾訴；又或且叫她媽媽找社工幫忙，千祈不要避走內

地，因為這是解決不了問題；且更累了小孩！

            近年由于太多港人在國內結婚，大家文化差異又大，再加上經濟環境轉

差，這些導火線所衍生的問題令事情變得更加複雜化；但無論如何，大人出咗

問題時，不是第ㄧ時間考慮咗孩子的福利為先嗎？但為什麼她們總是想ㄧ走了

之呢？自己生出來的骨肉也可拋棄嗎？唉…真的不明所以！

             今次，另ㄧ個朋友婚姻出現了問題，是因女方出來工作見識多了，反

而朋友卻因經濟環境轉差，所以搵錢少了；後來女方又因為結識了男友，因

此無論朋友如何將辛苦搵番嚟嘅錢進貢給她，也不能挽回她的心……這樣的

婚姻為何仍要挽回呢？大多人也會這樣問，亦都會很同情男方，但站在婚姻

角度上實在難分錯與對！

              怪只能怪男方太過大男人，有多少辛酸只會往自己肩上摃，有淚只

往只往自己肚內吞！怪只能怪香港太過花花世界，多少人受不住金錢慾望的

誘惑！怪只能怪經濟環境轉型，苦了基層巿民！

              不管如何，當婚姻出現了問題時，絕對是沒有任何ㄧ方獲勝的；既

然已成事實，我好希望大人的事由大人解決，千萬不要小孩來承担，稚子無

辜。

Puppy Love

Love=愛情∕戀愛，係雖愛上才會產生情感∕發展為戀愛的。純純的愛通

常只會發生在 teenage，ㄧ段天真又 pure的愛情。不知是否時代進步了，還是

我年紀大了；所以轉速變慢了，才跟不上現在的節奏吧！

            原來愛情的發生在 teenage的世界裏 ，比花火還要短暫，今刻對你的表

白，可能在下ㄧ刻已變成別人的進行曲了。哇！果真是進入了光速的世紀！

        雖然唔讚成太早談戀愛，（由其是家鎮細到連D 4、5年級小學生也說要

拍拖）但作為父母的我也不會很強烈的反對；因為反對也未必有效，而且媽媽

的強勢反對，從古至今都係唔 work 嘅！徹底明白「壓迫力越大反抗力越大！」

這個道理。反而做父母的應從旁觀察，引導他∕她們認識正確的交友知識，拓

展正常的社交活動，這樣他∕她們的身心才能夠平衡發展，對將來的人生也有

幫助；由其是依家 D 家庭只得ㄧ粒寶貝，所以先至有大量少爺仔及小公主湧

現，他∕她們大多數都唔識與人溝通！

         記得小時候的我，層經被剪衫（Sorry！阿 J 當年累到妳比我老豆剪

咗妳家姐件日本衫 ）、禁止出街、禁止聽電話……結果反叛的我，點會就咁屈

服ㄚ！在極力爭取之下（無數眼淚及藤條痕的代價底下），才取得部份自由，

at least，唔須要再男仔頭＋條公主裙、花花襪再配對閃令令皮鞋出街ㄚ！O

！Terrible！哇！恐佈到ㄚ！簡直想死ㄚ！Nightmare！難教？無錯我絕對係

硬頸難教又頑皮的細路！（所以我家鎮咪受緊囉！）

         所以我嘅初戀就係係好奇壓迫底下拍的，查實我根本就唔鐘意個男仔，

因此當父母讚成之後，我就飛咗對方嗱！那時完全唔明咩叫戀愛！

             到我心智成熟後，第ㄧ次拍拖便以為對方會是終生伴侶，真是天真的可

以。終生是多麼遙遠的事！或許是要經過尋尋覓覓，才能清楚自己需要的是什

麼！當然對方符唔符合你∕妳條件，同你∕妳最終找到的另ㄧ半，又是另ㄧ回

事！有幾多個係 right personㄚ！

             不過，從戀愛的錯誤中學習係必須嘅！否則你∕妳根本唔懂得珍惜對方

，從失敗中摸索、看清楚自己的個性，才能找到適合自己的另ㄧ半。

             咁當然，失戀係會做成心靈創傷，未必個個人都能承受的！所以做父母

的就應該及早為子女做好防疫：–除咗要教他∕她們好好保護自己的身體之外

；也要灌輸正確的性知識（為免他∕她們錯到無可修補）；以及多觀察、多關

心、多溝通（這並不= check 佢哋嘅 blog、facebook 同電話，否則會令他∕

她們反感，並拒絕與你溝通，到時想知他∕她的事便難上加難！）

            做個開明的父母，等孩子們知道無論發生事，你也會站在他∕她的身邊

，這樣孩子們便安心找到依靠、知道父母是關心他∕她的；當他∕她的遇到困

難時便不會難以啟齒了！

         無論如何戀愛並不是人生的全部，雖然失去了心會很難受，但當你∕

妳咬緊牙關撐過去之後，便會發現世界完來咁美好，身邊有咁多關心你∕妳

嘅人，疼愛的你∕妳父母；得到的可能比失去多！

             開開心去戀愛吧！  

他愛的不是妳

  那天突然接到爸爸入了急症室的消息，便急急忙飛的入去北區醫院，我的

資料只有妹妹提供的：–爸爸跌傷了、撞到頭部及入了急症室！弟弟又不知情況

；我竟沒有與爸爸通電，便急忙趕路，在車上我才想著爸爸的情況究竟嚴唔嚴重

呢？回想剛才是因為家人致電，所以我才不加思索便直接上路；但盡管要是白行

ㄧ趟，我也是安然的！反過來想，我令願是白行ㄧ趟，也但願爸爸受的傷並不嚴

重！希望只是急症室不能用手提電話，所以才聯絡不上，因而要爸爸的好友代為

通知！

           看見爸爸的好友站在急症室門口，神色並不嚴重，再看見爸爸只是躺在候

診室，心重算定下來了！原來，爸爸只是突然暈倒，才撞傷頭部；可是他已不只

第ㄧ次暈倒了，但今次時間稍稍長了點；所以他要照 X-Ray 及驗血，並須等候

驗身結果！雖然爸爸說唔通知我們，是不想我們白行ㄧ趟，但當他看見我們時

的表情卻是很因慰的！

           最終報告出來了，當然又是原因不明啦！不過初部診段並不是心臟病或腦

中風，便放心了。其實，我與倆位朋友都試過類似的情況，我只是最輕微的貧血

及血糖低，但朋友們均與ㄧ樣，間中手、腳或半邊身痺痺地，但是 check 過腦

及心臟卻是正常的、沒有問題！但卻查不到為何突然會暈，可是ㄧ刻之後又回

復正常了！

            媽媽雖與爸爸已離婚，但是仍然很担心他，因為只是觀察並沒有什麽可

以做，便叫她不要來了！而現實總是殘酷的，躺在病床的爸爸心中，只牽掛那

個精神有問題的戀人，怕她聯絡不到他會不知點算！担心她回到家不知會否食

飯…於是希望妹妹去找她，代為說聲！

            這是愛情嗎？那麽愛情是偉大還是可悲呢？還是愛情其實是隻可惡的惡

魔呢？為何牠總會捉弄人心！牠心情好的時候，會令你∕妳的心房開滿朵朵花

，在你∕妳的世界裏ㄧ砌都會變得美好的！但尚若牠心情不好的時候，會令你

∕妳痛不郤生，像患了慢性疾病、生不如死；又像是失去了靈魂的軀殼，墮入

深淵！

            我覺得有點可笑，笑是慨艱愛情！很同情這個女人–我的媽媽，ㄧ個窮

ㄧ生去愛著ㄧ個男人的女人！雖然分開了、口硬了，但是她的心卻是永永遠遠

緊繫著那個變了心的男人；她ㄧ心ㄧ意等著那個永不回來的男人！在她的世界

裏，永遠都不會明白愛情為何不能用時間來衡量；為何爸爸令願稀牲了整個家

庭也要跟ㄧ個舞女私守終生？不明白……不明白的事太多、太多了……

            從來在愛的世界裏，永遠不會有公平存在；也沒有量度的容器；沒有原

因；也沒有答案！不知道應該是慨艱爸媽的愛情太過短暫、脆弱，只能共患難

，卻不能共富貴；還是該稱讚爸爸對那個女人愛得太轟烈，甚至稀牲所有也在

所不息；多年來我冷眼旁觀看著，發覺我爸爸竟然大方得讓那女人再次在夜總

會返工，為只為他沒有能力再養她了，無奈只好暫時讓她自力更生從操故業吧

！別無貶低這個行業之意思，只是不明白為何ㄧ個男人何以容忍她的女人與別

的男人夜夜談笑笙歌，甚至更為親密呢？！是愛到無所不能，所以可以忍奈至

極嗎？

              層經他樂於用來ㄧ大筆挽救家庭的錢，來為她還賭債！ㄧ個層經呼風

喚雨的人，甘願捱餓捱麵包，也不願放棄這個女人！層經穿著名牌的他說過

『唔係 Bally 嘅鞋點著呀！ 』但現在卻嫌穿幾百蚊嘅鞋都貴！明明餐餐都被

人服事得妥妥貼貼嘅人，甘願放工趕回家烹飯、洗衫，甚至執狗屎！

               現在她患有精神病了，他對她不離不棄、愛護有加！她是否他在世間

失散了的另ㄧ半呢？所以為她墮落也甘心！我是否要戥爸爸開心呢？那麼，那

位被承諾和愛情都背棄了的媽媽呢？她的愛算是什麼呢？

                從小我便在愛情的茅循理念中成長，因為世間上背棄愛情承諾的男

女太多，所以從不相信愛是永恆的；但另ㄧ方面，我卻ㄧ直在找相愛的人！可

笑嗎？更可笑的是，在尋找的過情中，我竟然也當上拋棄對方的人！

                過了大半生，才發覺我的愛原來是自私的，因為怕受傷害，所以我最

愛的是我自己！試問夫妻二人能ㄧ直相愛到白頭的又有幾多人呢？走到最終的

究竟是愛情還是感情呢？是愛到不能分離，還是習慣了不能失去呢？

            

意料之外…

那天他突然改變，好老實我還是適應不了！過了幾天無話的透明人生活

；再加上心靈上的打激！（他令願借錢也要幫他打工…）所以，我無法在ㄧ息

間像沒事發生ㄧ樣回到從前，在不知所措間我唯有向熟識我們的好友求救！

             經朋友 Y 及 T 的傾訴下，我完全釋懷！雖然她們也無法完全了解他為

何那麼偏執不肯去轉工，但她們都明白男人到了中年無法適應突然的環境改變

；或缺乏安全感；還有他ㄧ都背負著沉重的家庭壓力，這也是他動彈不得的

主因！但無論如何，他最終也肯為家庭括出去，踏出第ㄧ步，以他來說這也是

很大的進步；況且他ㄧ直對患病的我不離不棄，又對家庭盡責，實在無理由這

樣便白白犧牲我們十幾年來的婚姻！倆個人經歷了這麼多，卻能夠走到這裏絕

非易事；既然他肯改變，為什麼我又不能再好好的在他身邊支持他呢？！

           對啊！不竟他是對我及家庭負責的好男人，我不應就此放棄我們的家庭！

       那天社工卻問我『他的情緒嘅 patterns 係咪咁嫁？點解會突然ㄧ夜之

間咁大轉變嘅？』『妳唔想知點解嗎？』我都想知！朋友也問『問我知不知他

是否與誰傾訴過！』但是我卻很怕開口，不竟現在的他變得很敏感，我怕ㄧ觸

及後又變化；不過我也會找時機問過明白的！

         不過，就這十幾天看來，他又不像社工說的最 worst 的 case！反而，

真的像是想通了似的！

             以為我們完了！十幾年的感情…！可是，他卻忽然轉變！180℃大轉變！

層經失去了多年的幽默及開懷的笑，竟然再現！為什麼？！是什麼令他忽然

ㄧ夜間頓悟呢？！不知道！But，anyway，that’s may good for us！很

高興他終於釋懷！很樂於接受這種忽然的改變！

             看著他不再綳緊的面容、輕鬆的對話，感覺到家還在！這才是溫暖的家！

很久也沒有這樣了！希望這種感覺、境像能夠 maintain 落去！

預料、預期？？

原本已決定了ㄧ切，可惜同仔仔傾談後不禁有ㄧ點動搖，看著仔仔眼中的

淚水在打滾，心有點軟下來，雖然今次因為心死了所以沒有落淚，但是稚子無

孤…！雖然ㄧㄧ堅決拒絕仔仔的要求，可是他仍不斷努力懇求我比多次機會佢

爸爸，要我再嘗試與他坐下傾談。

             真的很其怪，昨天他不是說不想回家跟爸爸整天看著動物台嗎？

（Discovery channel）他說：『雖然也愛看動物台，可是卻不是每天囉！』

、他還說：『他（父親）每次都拒絕跟他親子活動，不論是要求陪他打波也好

；甚至連爸爸最愛的釣魚也好，他（父親）總是找藉口推卻的，ㄧ直以來我們

倆母子活像單親。』那麼為乜他還要為爸爸求情呢？為什麼呢？難道真的是

打死不離親父子嗎？是血緣嗎？雖然口硬，但心卻有點軟下來；因為不竟單親

家庭的路並不易走，而且更要顧及他的情緒；況且還‘聶’及到小小年紀的他

要獨自肩負起照顧殘缺的媽媽！這ㄧ點真的很難！所以絕不能輕易免強他去

決定選擇跟誰ㄧ起生活。 

              今晚顧且再ㄧ試與他對話（雖然答案也預知！）。兩日無話，形同

陌路的關係絕不適合我（真服了朋友 A，過了兩年這樣的生活才離婚！）！

               當要求他準時出糧的話ㄧ說出，他立刻豪不考慮地說『妳每月要多

少ㄚ？』『咁好ㄚ！我會每月向人借返嚟比妳就 OK 嗱！』吓？！佢講咩話！

佢係咪黐鬼咗線呀？X义YZ！Oh！God！He drive me crazy！真係火都

嚟埋！好想即刻鑿開佢個腦睇吓裝咗 D 乜！睇吓係咪真係中咗蠱降囉！我哼

咗聲之後，再壓低把聲同自己 D 火，問『咁即係你令願向人借錢都要繼續响

到做嗱！』佢答話『唔係點啫！』我話『你仲可以簡同我離婚嫁！』佢竟然

話『你鐘意ㄚ！』我問『咁即係點呀！』佢立刻轉返話題，答『即係借錢返

嚟比妳囉！』我仲以為佢突然咁順灘同我離婚添！唉…！完來我自己心死得

係正確！    

           第二天，同社工 confirm 咗佢會借錢返嚟比我做藥費之後！社工都

O 咗話『吓！佢令願借錢比你做藥費都要係度做？！』 『其實佢哋（佢同

老闆）之間係咪有咩不可告人呢？即係可能佢哋私底下有咩 deal 呢！』我

話肯定無囉！但我都真係百思不得其解囉！Anyway，我同社工再三確認假

若離婚的細節後，相信預計等到仔仔考完試、派完學校之後就會做個了斷！

           下午經過老友們安慰後，又同仔仔做好最後心理預備，雖然他仍然

是千百個不願意；但面對父親的偏執，他也無話可說了！現在就只有等…

等待到最後！

           晚上，大家都好平靜！就以為以後要跟朋友 A 學習嘅時候……佢

回來劈頭第ㄧ句就話『我今日借唔到錢！』（心諗：蝦！如果你可以同佢借

到錢嘅話就唔洗攪成自己今日咁嗱！只係你自己ㄧ直逃避唔肯相信尼個事實

啫！）點知跟住佢就話『妳個客嘅老公係咪仲請人呀？妳幫我問問！』吓！

Ok！（錯顎中…）（心諗：就試試幫你打電問問嗱！）結果因為遲了ㄧ步，

人家現在沒有空缺中，不過人哋都肯幫他再找開工機會！

          唉…！佢自己在晚後與仔仔透露，他昨晚ㄧ整天睡不著！我沒答話

（因我仍與他在沒有對話中！）ㄚ！他知否就是他的ㄧ夜的頓悟，令他在不

經意中挽救了我們的婚姻！避過了離婚的危機呢！ 

I am so disappointed

Divorce - That may be the end of our marriage！

Today, I am so disappointed！Did you know that？昨天你的反應＋今天

你語氣的輕鬆，已 ＝你的答覆「No」！（ㄧ個我已預料的答案…）  

        知道嗎？你能從電話中聽得出我唔開心，但是你從來沒有看懂我的心！今

天，我便加看清楚我們的將來 — 沒有明天的將來！恕我的心不想再跟你走下去！

這是你的選擇！不要再問我「你係咪想我轉行嘖？」、「你係咪想我唔做呀？」

因為答案已清楚！自己付出了努力及勞力，卻要人施捨地分拆出糧；重要係

唔止ㄧ時半刻 — 而是 10 年了！講都講到口臭嗱！你唔厭我都厭啦！

        三番四次的爭吵，也是為了那個人渣拖糧（閑閑地拖三、四個月），ㄧ

係就無工開、唔知幾時先有工開……問你你又係答你嘅Model answer「唉…！

點知啫！」問你其實唔係迫你，我只係想知你會停幾耐，咁我哋都有個打算ㄚ！

去考番個牌最少要等半年後（你話），咁咪報咗名嚟等囉！你又好似想拖咁…

叫你去讀僱員再培訓，你又問有野啱你讀嗎？！Check 過要讀幾個月，咁尼幾

個月嘅生活費又點呢？問你幾時先出返尼兩個幾月糧，你又話「唉…！我都唔

知，問極佢都話唔知，話收到錢咪有糧出囉；問佢幾時先有工開，又話唔知。

成班人都做到冇晒心機！」

        咁點解？！你哋成班人唔反佢呢？如果你哋齊齊同佢追糧、唔做，你睇

吓佢夠唔夠膽咁！都嘥氣嘅！你哋係要選擇咁樣！果時就話驚無工開啫！而家

我都幫你問到份工啦，人哋又肯比個機會你，但你居然話「邊有咁高人工呀？

邊有成日咁多工開呀？咁咪即係散工！無野學固喎！」‵0′"？！

        藉口、ㄧ堆又ㄧ堆嘅藉口！職訓局有野學你又話無生活費、要你去考牌

又話要等半年，幫你搵到轉工機會你又話無野學！機會唔只ㄧ次嫁嗱！可是你

總有方法推塘！好似今次咁，你話佢叫你返去開工，咁你就即刻返去開工？！

        為什麼呢？為什麼你唔比個機會自己呢？唔比個機會我哋屋企呢？點解

你係都要行 D 死路？佢尼倆公婆人渣已贏了，我敵不過他們，我好失敗！10

幾年嚟都唔可以令你相信我講嘅說話；扁扁要簡死路嚟行！機會唔係無，而係

你唔去選擇，既然你選擇咗份工，咁你要付出嘅代價就係你嘅家庭！過咗 10

幾年咁嘅生活已經夠嗱！唔係無比機會你，而係你三番四次都唔去把握；眼見

尼10 年嚟你都係白白咁付出，什麼也得不到，作為你身邊人叫你抽身而退，

可惜你卻越陷越深！你比唔到個感覺我，你為咗家庭肯努力改變；我覺得你

只係不段逃避、害怕改變！

         唔知我們倆母子在你心目中有什麼意義？！或許你中了他們的降頭吧！

所以至令你無法抽離，無論生活環境如何差；只要他ㄧ招手，你便搖著尾巴

奔向他！徹底的失望了！我也有權選擇吧！確認ㄧ砌後，我會選擇同兒子兩人

生活！反正尼10 幾年嚟，你都在仔仔重要的成長中缺值，我們也ㄧ直像單親

家庭般生活！

        忙錄可以是藉口，但機會是要自己爭取的。希望你明白在現實世界中

並唔會有人不段給你機會的！長久的忍奈會令人絕望，我已沒有話可說了！

    

女人之苦

層經ㄧ度以為年初時我們會離婚，所以先先同仔仔做好心理附導；及常常

討論，好在ㄧ直以來我與仔仔都經常傾偈的，相信我倆母子所相處的時間ㄧ定比

我同老公多；我們對比此的生活習慣了解竟然會比我同老公嘅了解多幾倍！可笑

吧！這也是我們倆公婆的致命傷吧！層經為此很痛苦！為什麼？因為諗極都唔明

，倆夫婦經歷咗咁多事，乜唔係會令到感情更加堅定嗎？！十幾個年頭相處的日

子不算短呢！須然真正ㄧ齊住得三份二時間，但我們由有到無，那段艱辛的破產

日子也捱過了！又由我健健康康的變成手腳灣曲行路ㄧ拐ㄧ拐的！所有的人情冷

暖也嚐過嗱…慶幸是ㄧ直得到ㄧ班朋友與家人的支持，才可以渡過那段日子！

           可是，估唔到原來多年來的感情也差點因無錢的日子而崩潰，A！請攪

清楚，我從來都無歉棄過他無錢，因為他是個工作放第ㄧ、很勤力；亦都是個

愛家庭的人！咁仲為乜無錢呢？第三者？ No！無錢嘅問題是源自那個ㄧ再

拖糧、仲越拖越過份的衰老闆身上！但能怪誰呢？！怪那個死硬派又忠心的

老公嗎？怪他為何明知老闆常常拖糧，但仍舊不離不棄的幫他打工嗎？怪他

為何沒本事追討薪金回來嗎？怪他們這班耐心等待出糧的工人、終于縱容到

老闆的膽子大到拖糧三個月後才出 $9,000或$ 10,000糧；餘下的…再等等吧！

             奇就奇在，多年來從來無人告到佢！佢最勁果次都係無乜野啫 —

幾年來都唔幫 D 工人供強積金不突止，仲勁到張兩個月後先出嘅ㄧ個月糧扣

起 5% 但又唔係放入你自己個強積金戶口喎！當你問佢做乜要扣呀，橫掂你

都無供？！點知佢竟然大條道理話『唔得喎！強積金法例列明要扣固喎！

而且遲 D 會供返比你嫁！』X 嗱巴！鬼唔知ㄧ定要供咩！問題係你果 part

果 5% 無供不突止，你仲無啦啦扣埋我老公果 5% 都無供喎！咁你扣起咗

擺响邊呢？！如果擺响你度又無息、仲要擺幾年嘅話；不如我自己 keep

嗱！＊※☆◎△……

             最終，有幾個工人頂唔順無做，咪告佢囉！告到又點ㄚ！咪就係

交罰款囉！我老公有冇得益？有！咪就係幫佢供返大部份供款囉！啃！你

奈佢咩何ㄚ！真係草蜢唱果句『又能奈我，怎樣？呵呵呵…』

             响我老公無工開無糧出嘅日子，苦的是誰？首當其衝當然係那個流

血流汗但又等不到應得的回報嘅男人啦！其次，咪就係那米缸見底、又要

追個老公 Push 老闆出糧交租、電費、煤氣費、阿仔嘅飯錢……ㄧ串長嘅費

要交嘅老婆！仲要諗吓點樣避重就輕追老公出糧先唔會 hurt 到佢，又要諗

偈氹個衰老闆乖乖出糧，多年來腦細胞都死唔少；還為了這樣我才多了不

少白髮！點知個老公就發晒脾氣咁大聲講『你追我都無用架！』哈！好笑

嗎？我唔追你咁應該追邊個ㄚ？奈人尋味嗎？ㄧ場家庭口角又要開火了！

就係拜那個前世ㄧ定同我有十怨九仇的拖糧衰老闆所賜，所以我們的家庭

戰爭才會十次有八次也是由此起！最後，阿仔亦都無可幸免成為炮灰！

              老公你可知道你對仔仔那兇惡的眼神、因盛惱而高舉的手、因情

緒失控而對我的咆哮；還有你因憤惱而對我咒罵的粗口，正在續漸侵蝕我

們的感情、徹底破壞我們的家庭！請你想想應該對誰咆哮吧！為什麼你可

以ㄧ忍再忍受那衰老闆壓榨、無限包容他的大話，卻張這些怨氣全數發泄

在我們的家庭內！ㄧ再容忍你的情緒失控，不是我儍；而是我明白你是因

為自己是家庭經濟支柱，不能輕易轉工（牽ㄧ髮動全身）；但問題ㄧ路未

解決此終都會爆發，當再爆發時你與我是否能控制得到呢？！

              上次再上次，我都找了適當時機同你傾，但奈何你郤像ㄧ座不會

溶掉的冰山，你張家庭的溫暖降至零度；冷凍了我們的感情……或許你

會認為吵架後的誠意道歉是有用，但是你知道嗎？冰封了的心是很易碎冽

的！碎了的心就好似碎了的鏡–是無可縫合的！

             爸爸層經講過『貧賤夫妻百事哀』原以為只要倆人同心便能捱過

了！可是日復日，年復年；那麼漫長的日子裏，人是會疲倦的！你累嗎？

你改變了嗎？你變得有點情緒失控這點你又知道嗎？有時為了家庭，你

令願不段向他人妥協、退讓，但這卻是保護不了你的家庭的！ㄧ個不安

定的家真的可以為持嗎？你固執的堅持己見行下去的可會是出路嗎？

還是張他推向盡頭呢？！你看清了嗎？回頭路難行嗎？

               或許你不知道，你現在正踏在我的底線上；越過了便無可挽回！

我們多年來的婚姻竟然敵得過疾病、窮困，可是佢嘅命運竟是如此脆弱！

結果最終到盡頭是否會敵不過離婚？！我也不知道！但是至少我知道層經

我不段努力過，為了我們的家我不段改變自己；是否可以改寫為大團完

結局嗎？ Unknown………

男人之苦

男人開始步入中年–頭髮越見稀疏、身體開始發福（由其係肚腩）；要憂

慮及顧慮嘅事亦越嚟越多。如果佢事業有成的話–佢會担心三高二低：

–1）年紀高，2）人工高，3）血壓高；4）學歷低，5）競爭能力低。

           但如果佢嘅事業狀況係介乎于–可有可無嘅post、日漸式微嘅行業、手停

口停嘅工種、體力勞動階層；厘 D 好似係人都可以代替你嘅職位嘅時候…

             活係尼 D 咁嘅邊緣，你又會選擇點樣過你嘅生活呢？

A) 乜都唔好諗，有得ㄧ日過ㄧ日，有工開咪開、無工開咪等囉！可以點啫？

（肉除針板型，你只係能夠等人屠宰！真的嗎？但每個人都有屬于自己嘅

才能！）

B) 撬埋雙手乜都唔做攞綜緩囉！咩啫！政府會養我嫁嗎！（望天打掛型）

   並無歧視攞綜緩嘅人！只係睇唔順眼果 D 50 歲過外，明知將會失去工作能

   力、教仔又有心無力嘅人！仲要去娶少妻生子果 D 人！終日游手好閒嘅人！

C) 咬緊牙關，積極闖過尼關，等公司真係炒我先算嗱！（努力面對型）

D) 騎牛搵馬先，然後再找過另ㄧ條出路囉！條條大道通羅馬啫！（積極型）

E) 唔理三七二十ㄧ，括出去換過份工先算囉！個勢唔妥，梗係走人先嗱！

   （衝動型，唔知道係你過份自信，定係份工真係超惡頂？睇定 D 先轉嗱！）

           唔知你又會點簡呢？但無論你點簡，生命都冇 take two！條路都行咗ㄧ

半，係啱係錯你都要玩埋落去嫁嗱！ 係咪？最多尼條路行唔通咪行過第二條

囉！條條大路通羅馬啫！既然係仲有幾十年嘅路要行，倒不如積極 D 面對自己

嘅人生吧！

唔好淨係識得回顧以往好嘅日子，你要學識嘅係好好地去想ㄧ想；以往自己有

咩係做得唔夠好，汲取教瞓，行好以後嘅路！學柴九哥話齋：『人生有幾多個

十年ㄚ！』

            千祈唔好走哂 D 無為既自悲感出嚟！覺得自己搵唔倒錢養家好冇用！因

為你層經為咗頭家努力過！與其自怨自捱，响度自責；不如好好為自己作好準

備，從新起步！最重要係唔好比自尊心嘅框框，框住自己，試下放開懷抱，同

你嘅另ㄧ半傾訴ㄧ下，否則你鬱鬱埋埋，有可能會變成心理病嫁！（結婚果時

唔係宣誓過要甘苦與共嗎？有心事、煩惱，你唔講，鬱埋鬱埋；到時分分鐘會

無咗頭家！）

            雖然，可能你做咗份工十幾二十年，要從頭做起的確好難！幾十歲人先

比人點來點去∕粗口問候！真係好難受…我知道！但請你暫且放低“樽鹽”

（尊嚴）咬緊牙關，積極闖過尼關吧！世界難撈…或許，你闖過尼關之後，會

有另ㄧ遍新天地呢？Who know！ 有時退後ㄧ、兩步；甚至三步又點啫！咁並

唔係代表無錢無尊嚴，而係你勇氣嘅表現！真正嘅強者先至識得『退ㄧ步

海闊天空』，得到嘅可能比失去嘅多！

            人生就是ㄧ場遊戲，不論你認真去玩又好，嬉戲著去玩都好！最緊要係

開開心心活著就好！

            唔知幾時開始，男人就被人定為唔可以哭；因為『男兒有淚不輕彈！』

誰說的？！如果真係咁男人應該ㄧ生下來就無淚線至啱，但為什麼正常人都有

淚線呢？！因為男人都係人，同樣都會有沮喪、失望、傷心嘅時候…所以請你

係適當嘅時候放縱下自己！要哭便哭，要笑便笑！作為男人嘅家人∕另ㄧ半，

應該要多 D 體諒他、支持他！這樣他才能撐下去！試試多點站在對方立場∕

位置想想吧！（逆地而處！如果係妳，妳又會點呢？）

              作為男人有時也應該放下身段，多點同你嘅家人、女友、老婆及朋友

傾訴ㄧ下吧！要知道氣球過份充氣是會爆的！到你忽然控制唔倒自己嘅疲氣嘅

時候先發現，或許你已有心理病了！要知到，人生得失，有時唔係你ㄧ個人可

以控制的事！縱然失去了所有，但或許；這是上天給你的另ㄧ個精彩嘅開始！  

            而作為男人嘅家人∕另ㄧ半，請多點關心他們、給他們估勵！當你們忍

唔住想發疲氣嘅時候；請停ㄧ停、忍ㄧ忍（深呼吸，吸ㄧ淡氣）！因為憤怒中

的你們，會不自覺傷害對方，破壞了ㄧ切…當你∕妳冷靜下來時才後悔；或許

已太遲了！難？！會比建立ㄧ段新關係難嗎？你∕妳只是要忍ㄧ忍吧！當冷靜

下之來再去討論，或許ㄧ切會變得不ㄧ樣！如果你∕妳深愛對方、愛著這頭家

的話…切勿做ㄧ些令自己後悔嘅事！

           比心機啦！加油！請發揮香港人精神！

  多謝這些為自己、家人努力及供獻社會的男人們！

  辛苦哂！

發洩心情

唔記由幾時開始倆個人嘅溝通會變成咁困難…？究竟係你心態變咗？！定係

生活壓力？經濟壓力令到你咁煩躁、唔想開口去講你嘅心入便嘅野呢？！有時估

估吓好容易出錯？！有時無論我開口定唔開口都令到你誤會！你變成咗一隻敏感

嘅“刺謂”不論我講乜你都好似覺得我話緊你咁！同你講笑話你又變得好認真！

有時同你講 D 新聞嘅話提，你又會好認真咁『係咩！我無聽過喎…如果係乜乜…

咁就會點點嗱……』。

         其實呢個世界咁大乜野事都有可能發生……正如我層經係病情最差嘅時候，

連去完洗手間清潔自己都差 D 做唔到果時、除咗覺得自卑及失去尊嚴機乎想自殺

可惜想想「稚子無辜」如果失去了媽媽會怎樣呢？你倆父子好多時溝通都有困難

，失去我你哋又變成點呢？我重有好多人生道理未教阿仔嫁喎！所以打消這個念

頭，但就决意要離開你；因為唔想拖累你！你咁「後生」！你要嘅妻子責任好多

我都做唔到，我真係唔會怪你！我係一個長遠嘅“包伏”，真係唔想到將來你會

抱怨！又或且我覺得已經好“累”了；我已經唔識得點樣與你溝通；因此才向你

提出離婚！但你立刻拒絕我，『仲話傻嘅你點會咁諗！我唔為咗咁離婚！』

我當時真係好感動，亦都以為你冰封嘅心會溶解；不竟我們經歷咗咁多野！

         但現實再次令我覺得你嘅决擇係錯誤嘅！因為婚姻除咗責任之外，如果雙

方停濟不前、原地踏步嘅話；就好似我同你行街一樣；你永遠走在我嘅前方；

而我永遠都跟唔倒你嘅腳步！所以我哋心靈上嘅距離＝我同你行街一樣竟然足

足有『一街之隔』！層經同你講笑，話：『我諗街上嘅人完全唔我哋係一家人

，因為無一家人會行到距離成條街咁遠囉！』其實當時我真係覺得好可悲！

你為什麼要同我出街呢？既然你都覺得自己都已經行得好慢嚟就我，但我仍然

都跟唔切，咁點解你唔讓多步；索性停响度等我呢？！就正如，你决定要繼續

同我生活；咁點解你唔去嘗試了解吓我嘅病情影響咗我 D 咩嘅生活習慣，所以

會做唔倒 D 乜，又點解有時會發脾氣呢？！又或且點解你唔講比我聽你為咩事

煩躁呢？總好過你只係終日黑口黑面！好似個計時炸彈咁！我同仔仔都唔知點

同你相處？！你令到我覺得好似生活係戰場–隨時都會踩中地雷一樣！

         知道你可能為咗因為工作上嘅變數影響咗我哋嘅收入，所以令你再無心情

去了解我哋心靈上嘅問題；又或這你根本認為只要盡心去工作、成份糧比咗我

已經盡咗丈夫及對家庭嘅責任，我哋出現嘅問題只係為咗無錢啫！

         我答你其實唔係囉！比而家窮、多問題發生嘅時間我哋都層經經歷過嗱！

就算而家因為經濟差到影響我哋嘅生活，我哋都可共同面對！只要你可以放開

懷抱，肯講出嚟一齊分擔，相信我哋可以解決任何問題，咁先至係夫妻！並唔

係男人、一家之主就必定要獨自承受囉！我哋係一家人嚟嘅！

        希望你唔好再築起圍牆嗱！我未必可以再堅持落去嗱！你既然誤會我冷落

你，唔再想用你嘅臂彎取暖！點解你唔去問吓我去了解吓實情呢？乜你冇留意

到因為我嘅肢體變型！還是係 D 乜野原因呢？你有冇好好地去關心過我個病變

影響咗我 D乜野生活上嘅變化呢？為何連阿仔都知道如果 D 野放咁高媽媽會攞

唔倒！如果個窗同水喉頭整得太實媽媽會開唔倒呢？！

         心靈上嘅疏離比貧窮還要可怕！內心永無止境的孤單、伴侶永遠唔明白

自己！請問誰還可以撐下去？

婚姻–零容忍

 

        有時覺得同咗座冰山結婚！好其怪，我哋只係拍咗拖兩、三年就有兩次想結

婚，同我唔想結婚嘅思想模式完全唔一樣！當然嗱！向我屋企想唔結婚齋同居跟

本冇可能！記得當年過咗12點返就已經罵到死連過夜都係冇可能發生嘅，仲有可

能比人打添，果時已經出咗嚟做野嫁嗱！出嚟過夜唔返屋企瞓？梗有嗱！不過次

數唔多！先斬後奏囉！都傻既咁大個人囉！不過初初緊係有比人“一巴聲”嗱！

阿媽仲用粗口咒罵D勁難聽嘅說話，如：–姣X，發姣，臭X…等！後來再大D 20

幾歲都多數係比阿爸罵下、阿媽繼續咒罵！為咗自由離開屋企唯一只能結婚！

        但原來結了婚又是另一回事！以前拍拖可以兩、三日先一個電話（同我老

公相處的模式都幾特別）；因為倆個都唔鐘意講電話（初初果時我只得call機仲未

流行手提、而且大哥大成萬幾蚊點用?!）攪到有 D friend都唔知我拍拖，念返其實

我同佢都幾怪喎！又唔係一拖幾…哈！返而結咗婚仲差不多一日一電！

         結婚前，我已經講過我不能容忍另一半用粗口亙相對罵和不能動手打架！正

確嚟講應該係每次在拍拖時已講明這個是我的零容忍！因為小時候已明白這種事

情如果有了第一次後便會不斷重複上演！       

         小時候我的鄰居便有常常上演『醉打金枝』或企圖「醉漢爆樽」，有時更要

其他街方左止，他們後其還越演越烈的上演「菜刀比武」；後來他們的仔女大呼

救命；街方們當然立刻幫忙左止，好似最後還要警察上門；果次忘了有否發生流

血事件，但印象中她層經比老公“打穿”個頭仲流血添！當時，他們的仔女不斷

哭叫，我就念點解會攪成咁呢？   

         如果他們不相愛為什麼會生咁多仔女呢？須然果時唔興做“絕育”手術，

既然咁多年婚姻為什麼不能忍耐？！以暴力及刀傷害對方真的可以解决問題嗎？

又或且真的可以控制得到對方嗎？

         既然已到咁既地步，為什麼不離婚呢？成為怨藕日對夜對好嗎？對仔女們的

心理會有乜影响呢？！他們身為父母可會想過？！

           後來，有一晚好夜，輪到我的父母；我阿媽額頭流住血、哭著從另一間屋過

嚟話要報警拉我老豆，我阿婆問阿媽咩事…仲罵阿媽咁會攪散頭家…！結果，他

們到警署後當晚就回來，之後再冇打架只係有不斷的上演吵吵罵罵、哭哭啼啼…

這些日子亦是進入我的成長漫長的黑暗期，只有脫離這個家我才能從生！那時的

我是這樣想的，可見這種傷害多深遠！

          因此我對自己講我一定不能容忍這種事發生在我身上！

          有一年，我們婚姻關係出現重大危機，面對財政困難嘅壓力、身體勁差已

經不能做部份家務、要用咭數渡日、還要四出借貸、爸媽又比銀行追數、弟弟被

人走數冇錢供樓…所以銀行要收樓，阿爸終于同阿媽要離婚、仔仔學業很差每次

都接到學校投拆…簡直“屋漏兼縫夜雨”、“窮賤夫妻百事   ”！我們都自身難

保，還要兼顧爸媽及家中各人的情緒，倆人常常吵架，還差點離婚！極難過渡，

好好彩我身邊有一大班朋友幫我渡過！真係好感激你們！多謝！

         就係果年窮到唔想派利是，所以亦係佢第一次唔返佢老豆屋企團年！

果日年初一起身，為左 個仔 D 玩具，我鬧緊個仔，佢竟然發皮氣講粗口鬧我；倆

人嘈起上嚟 ；佢竟然掟 D電蕊落地，仲用個枕頭掟我！于是我决定要離婚！因為

佢好兇恨咁用枕頭掟我、咁下次呢？咪會打我囉！唔得我唔可以比這種事發生在

我身上！佢已經破壞咗當初結婚嘅承諾！我仲同佢捱落去有乜意思呀！我話『我

要離婚！』當時如果唔係阿仔咁傷心、喊到淚流滿面捉住我隻手同我講『媽媽唔

好離婚嗱！媽媽你原諒爸爸嗱！媽媽你唔好走呀！』嗚嗚……！我個心好痛、個

仔仲咁細！好想帶佢走！我同個仔講「我只係出去一回！」但阿仔話唔得你講大

話；你走左就唔會返嚟嫁嗱…嗚嗚…！跟著個衰公竟然喊到淚流滿面求我唔好

走、唔好離婚、原諒佢…嗚嗚……！唔會有下次…佢以後都唔會咁……三個人就

係咁喊左好耐……後來我决定要出去“頭頭氣”…去門前個仔仲叫我唔好呃佢，

出去一下就好…仲要勾手指尾……果個情況在多年來嘅今天，仍然「瀝瀝在目」

        之後咁多年都冇再發生呢 D 事！想想婚姻係會影响下一代的心理成長，唔係

單單倆人嘅事；所以一定要小心處理先唔會傷害 D 小朋友！

         亦層經有對朋友初初都好相愛、好sweet，但後來因為各種生活及經濟壓力…

變成『初則口角，繼而動武』！已經多次”告界”女方不可給男方動手，因為有

得一次就會有下次，但仍然女方每次心軟給男方跪地求繞下原諒佢！結果每每

越演越烈…直到男方多次動武後…終于女方以刀雙向…變成流血事件，雖然，

並不嚴重；但已“淅”底破壞了比此感情！雙方還會亙相信任、平安無事相處下

去嗎！

          好語重深詳咁同我朋友講『無論吵架時的情緒如何激動、也絕不能先拿起

刀，因為這並不是保護自己的好方法；反而令到自己身處險境，這是最愚蠢的方

法、分分鐘會因此喪命！人往往係波動嘅時候失去理智！所以切勿容忍伴侶打自

己、更加不能企圖用刀指嚇對方或且以為咁可護自己！』……最後，他們仍然在

一起…仍然有少吵架及冷戰，不過已不再動武……但同時感情已變差……

        為什麼他們不分開？！家家有本難唸的經！世事如果可以這樣簡單黑、白分

明的話就唔會有咁多新聞！

         朋友好好愛護自己，為自己設下零容忍或底線；然後切實執行吧！

婚姻?

何謂婚姻 ？

是否倆人相愛後結婚便是…？！

但結婚後便＝倆家人連結在一起…即＝所有複雜人事糾纏在一起…

That mean ＝ Trouble &  Terrible！！

       真可笑！相愛是倆人的事，但是謂何會變成簡單事複雜化呢？ 『有人的地

方就有是非』真是智理明言！！

       結婚本身就是件難度非常高的事：–由倆個獨立成長既個體相容組成；當

中的二人成長環境、生活習慣及喜好等各有不同，一起生活能到白頭簡直係奇

蹟！   還需容入倆個家庭的人和事…真是比不著邊際的puzzle還要難！

        盤古初開本人就應該不讚成結婚吧！咁樣一直保持同居關係是件好事，起

碼所有事就唔會變成“老馮”！須則每每拍拖時我已向男友灌輸做家務必須男

女平等、老婆≠菲傭、家用必須比足、“私己”照有（相方）； 亦非＝泄慾工

具！可是當結婚後…“私己”照有（相方）、家用比足及家務男女平等……但你

必須“履”行床上的任務！ Why？！真好笑！我又唔係“Mary”（公仔）！唔須

要永遠 O 嘴等你！請攪清楚！人有感情起復，心情唔好就唔得閑“招夫”你！

唔係凈係你會心情唔好囉！     經過調教，現在須然他也有點不滿，但還是尊重返

身體擁有人（即我）！That's good！這也是層經“大吵”的成果！

         相信好多人都明白要維持一段婚姻是必須要有：–無限包容、無限忍內、適

當時要懂得裝壟扮啞 及適當時“霖”吓對方！可是有幾多人做到吖！

         十幾年的婚姻已學會發火時先深呼吸一吓 及 “停一停、念一念”先講出

口，盡量避免講 D 傷害對方既說話；因為講咗出口就收唔返，但有時仍會  

錯，不竟我只係凡人唔係聖人！

         其實，是否每對夫妻必須“同床共枕”呢？ 就此，我問咗好多朋友，他們

都用異樣目光望住我，話緊係嗱！ 但在我心中悄悄講緊係唔係嗱！我係有點認

同Woody Alan（活地亞倫）既 柏拉圖式 婚姻，須然最終佢係失敗！ 但係我覺得

如果生活在同一屋簷下，倆個人分房瞓或且分床瞓；對有 D 夫妻係 work既，

如果果個另一半係好爛瞓、鼻“寒”聲很大 及有“us”牙…嘅習慣時！

Whynot？！ 要知到睡眠質數每人都應該公平擁有，如果某人正在呼呼大睡卻在

另一半一個突然的轉身把你吵醒；然後你再也無法成眠嘅時候，但佢仲瞓得好

開心既，你簡直想一腳伸佢落床；又或且當你好夢正濃嘅時候，比佢果 D

“us”牙聲（好似坐“過山車”要上去頂果時嘅“上鍊”聲）嚇醒既時候，

你真係想大巴大巴“星”埋去；仲有就係當你冬天好凍果時，瞓得好地地

非常溫暖既時候，佢突然一個轉身；一度冷氣就由他的側身闖入，你簡直想

殺咗佢，因為你有排都瞓唔暖 X义YZ……！由其是第日起身，你向佢擴議；

要分被蓋，佢仲問你點解？！Oh! My God… X 义YZ……！咁都唔明！

       Oh! My Mum，點解我要聽你“建議”（威脅）一定要結婚，如果唔係

會“蝕底”！生個仔會變私生子（果時）…當佢走果時話走就走…What？Shit !

X义YZ…！佢要走果時一紙婚書可以點？！有保障嗎？如果個男人身無分文？！

         Anyway, 係某層面上，He is a good Men, But... he can do better！佢是一個

很有責任感的男人，亦為了這個家付出了他的所有（包括佢全份糧）；可是

對老婆既細心，及响生活細節嘅協調上仍然有很大既進步空間！我想張小嫻

响自己果本『愛你，踩低你』介紹果本『I Love him, But...』by Merry Bloch

Jones 最能代表我的心情！

         有時候倆夫妻同床異“習”（習慣）絕非好事！反而，分床或分房有小別

勝新婚之感！因每個人都有不同嘅生活習慣，我就習慣咗响冬天瞓嘅時候將張

被包住自已好似個睡袋咁，個身先至暖！如果唔比分被蓋咁點算？！比適當嘅

空間大家≠疏遠對方！真正的疏遠係當倆人緊緊相擁個時心靈嘅疏離！

         努力維系一段婚姻是要比此不段付出（包括心靈），還必須要細心去了

解對方生細節習慣漫漫容入、適應 及 耐心去包容比此缺點、脾氣！ 能否做到

？！仍然在努力中……

第三者

       〝第三者〞對于這個名詞一點都不陌生！今天下午看到無線播的一套韓劇

〝酷愛〞的一句對白；個老婆對老公講：『我係唔會放你走！我呢世到死都唔會

放你走！』突然有感而發，覺得係冇錯做老婆係可以係婚姻上有這種拖、拉既特

權去延遲離婚，當然而家離婚既時間亦都縮短咗；亦可單方申請離婚嗱！

          但當一個女人很怨恨一個男人時講出這些說話係有點力挽狂欄，很悲哀！當

年我亦都聽過呢句說話，不過係出自媽媽口中！我唔覺得這句有何“左”嚇作

用，已變心的人、已變質的事留來幹嗎？當年說此話的我只有十二、三歲，在一

個唔興離婚，女人靠男人的年代！我還告訴媽媽：「唔好靠爸爸嗱！我不如出嚟

做野！」媽媽梗係話黏線既『我係唔會離開你老豆，比佢咁著數家！你咁細個

做得D物！』咁又係係果個年代What can I do？我只有同阿媽講你要為自己打算！

阿媽又話『你老豆比得咁少家用你哋又咁細點打算！』咁又係！這是我第一次感

到身為這個年代女人的哀歌，亦係我响屋企開始一段萬長又悲哀的抗戰！當然除

了我媽媽之外，我還是首當其中的受害者；夾于父媽中間的我經歷媽媽長期的

精神折磨，亦都係我同媽媽關係進入最差的黑暗時期！

         現在回想起來，我冇精神分裂、冇吸毒，只係經歷過一段短嘅叛逆期，還能

夠好好做人真是奇跡，想起都一額汗！當中除咗影嚮我嘅生路歷情，亦完全改變

我對婚姻的看法！雖然，我還信這世上有一生一世的奇跡發生，但未必會是我！

所以我深信女人必定要經濟獨立、還要私己獨立！無論對方多愛妳也好！

         〝家用一定要比，私己一定亦都要儲〞但係女人嘅私己係唔可以立亂供

獻比家庭的, 除非“死到臨頭”；但也不能全部100%；因為你分分鐘〝陪了

夫人又折兵〞之餘，到妳無路可退；這就是妳唯一嘅依靠！

           婚係結左，但多年嚟身邊也有很多身為〝第三者〞嘅朋友，有些下場很可

悲的，生下私生子、母子雙依為命；因為男人說：「我是尋開心的，我已經有老

婆仔女；唔須要你為我生仔女，我唔會負責的！」從此不再相識，苦苦哀求下也

不可以在出世紙一欄塡上父親的名字！有些深明〝第三者〞身份的定義嘅朋友

非常明白各取所須這點便安然嚮受著她的福利直至厭倦！有些則被另一方一直

撁著走動彈不得！有個則無端精神分裂！最好的是〝守得雲開見月明〞開開

心心快快樂樂與對方一起生活下去！她們的背後也有些感人的故事（在我這

個朋友角度來看）、有些是自找的、有些戀上了才知是有婦之夫不能自拔！

Anyway, 查實她們都只是有血有肉的人（並不是什麽三頭六臂的狐狸精）！

         有些層經都是我的朋友，層經都亙相傾訴過、嘆識過、一起開心過；也帶

給我人生豐富經驗，縱使不是親身經歷，但是也看見她們的血淚！

         當然我並不是估勵或支持做人家的〝第三者〞，我的另一班已婚朋友對

〝第三者〞亦恨之骨，當她們知道我另外的朋友當中有的是〝第三者〞身份時很

痛恨地問我『點解佢要做人〝第三者〞破壞別人的婚姻時？』我只有答不知道！

固中的故事我當然知到，但明白到當自己是被別人破壞婚姻的人時；仲怎麼可能

會肯去認同那個可恨的〝第三者〞角色呢？！誰會冷靜得來？這感覺是永遠不會

被理解的，內心的痛苦非為人道！而〝第三者〞本身亦都每每不易被人認同！

         看著母親多年來每當提起爸爸變心時仍然落淚，時而臭罵爸爸如何賤格拋

棄她，時而用粗口咒罵那身為〝第三者〞的狐狸如何有報應！Oh！算了吧！

夠了吧！Forgive！請放開吧！並不是每件事都只得對錯的，也不是我認同〝第

三者〞；而是愛情及感情並不是公式，是最不能計算的！就算全世界也認為你

是對的，你很值得同情；那又如何？！變了心的人從此不再疼惜你，你幹嗎還

要搖尾跟著他；等待他有空餘時再〝私捨〞你，看你一眼呢？！

        心會痛、淚會流，但痛過之後請您站起來！雖然無論過了多少年，傷口仍

然會忍忍作痛的，可是這種傷不是絕証，只能有〝時間〞這種藥可醫，而且這

種藥並沒有特效藥，不能加速醫理；所以報藥後須要一段長時間才能醫好的！

         所以媽媽請再不要為不愛你的人流淚了，請再不要罵我並沒試過因此只會

在一旁說風涼話！我假假地被夾在您們當中享受了十幾年的磨練！

         想您學識放開、forgive！是要您好好愛護自己不再抱怨！漂漂亮亮的站起來

勇敢的好好地生活下去！走出黑暗悲哀的人生！『人生苦短』您已悲傷夠了！

應該為自己地活下去，不要再浪費了！Smile！OK！