老香港重現 - 九龍灣 “好掂檔” 微縮景展

尋日行過九龍灣 徳福商場見到尼個“好掂檔” 微縮景展，嘩…好開心，

 

有好多消失了影像都重現眼前，見到 D作者好用心、好 details；所以

 

我都忍唔住，影咗部份我比較喜歡嘅作品！

想欣賞嘅朋友就要快手啦~因為尼個“好掂檔” 微縮景展，只係展覧到

 

今個星期日咋！

九龍灣 徳福商場“好掂檔” 微縮景展

1 期 中央展場

5月17日 - 6月16日

早上 10 時至晩上 10時

黄色 BIG Duck 巨鴨暢泳 Ocean Center

∮“真有趣，你望吓佢，你望望海港裏…是何家的鴨鴨…”∮（啍著自家改編

歌）.

巨型黄色 BIG Duck 可愛嗎? Yeah~ Of cousre  雖然自問唔係黄色

鴨鴨粉絲，但係都無損尋晩落住雨仲去應朋友約，出去影低佢嘅可愛方踪

！梗係啦…咁難得佢游到嚟維港喎！

不過，好彩係落雨，所以雖然星期五都仲可以影到咁多相！最値得讚嘅係

 D 人大部份都好有禮貌，見到人哋影緊，會互相禮讓！

 

 

 

 

JUSCO 12 蚊店

平野無好野？No…今次我又係 JUSCO 12 蚊店買到好野啦！

尼對小型粉紅色心心玻璃碟係咪好靚呢？雖然佢入唔到微波

爐同焗爐，不過可以放甜品又或且做小型燭枱，so sweeet

呢？$12/個

自己好喜歡飲南瓜湯，但係自己整，功夫相當多，而且亦都

好睇你嘅食材 - 南瓜本身甜唔甜，靚唔靚！有時做完一輪功

夫都未必好飲，又攪拌、又隔揸、又煮……都係算把啦！

一人份仲攪咁多野！

其實買現成嘅都好多選擇，無印良品嘅有機南瓜湯味道都唔

錯嫁，貴就貴少少。不過尼包JUSCO 12 蚊店嘅機南瓜湯味

道都幾好丫！佢哋仲係 sell 北海道十勝工場嫁！

除自己喜好，可以加少少忌廉∕ 牛奶∕ 鹽∕ 香草∕胡椒粉…等等嘅

調味，不過我尼碗只係加咗少少香草、鹽同胡椒粉啫！

而尼包 $12 蚊嘅一人份蘑菇忌廉意粉汁，味道都唔錯嫁，

味精感覺唔太重，好過金寶罐頭湯好多添！若你嫌汁多

可以當二人份，又或且加入芝士粉 ∕芝士碎都 Ok嫁！

 

香港有間 – 誠品書店 eslite

一直都想去拜會一吓香港間誠品書店，但一來怕新開多人

二來又太遠，終於上個星期日的起心肝過咗去；順便睇埋

Time Square 嘅 Halloween display。（下面有相睇，真係

好靚好有氣氛呀！）

去到希慎廣場，有扶手電梯可以去到 9 樓，嘩好高呀！

 

終於都上到啦！初初齋睇個門口都唔覺得佢大，但行行吓先

見到入面都有扶手電梯可以上下兩層（8 同 10 樓）。嘩…

真係開心，無論中、外小説、文學、設計同攝影都有，而8

樓就有各種手工興趣書籍（時裝、皮具、單車、軍士…）、

食譜、醫療、兒童圖書閣以至文具用品應有盡有！

至於 10 樓…因為太攰所以無行到，下次吧！

行誠品小貼士，雖然佢哋 8 & 9樓均有餐廳（有茶、果汁及

咖啡…等飲品供應），但價錢唔平，不過 8 樓就勝在方便

你未睇完又唔想出去囉！

想食得又平又多種類就要上去 11 樓 food court 囉！

↑非常攪笑囉！唔通有人儍到擲硬幣？↑





 誠品書店 eslite

銅鑼灣，軒尼詩道 500號，

希慎廣場 Hysan place

8,9 & 10/F

（8 & 9/F 均有餐廳）

（另外 11/F 有 food court)