搬新 Blog

由於 Yahoo 決定結束所有 Blog已成為事實，所以無奈地唯有

搬啦！至於搬去邊？暫時搵到兩個都係寫繁體中文嘅 Blog，

不過 Blog 友 Always 介紹嘅“Google Blog” 好似 “Instagram”

咁只能 Post 相或簡短寫幾句，同我個 style 有 D 出入。

但係暫時亦只能夠開左尼兩個 account，搬咁 D 舊文過去

“QOOZA”個面先！

不過我發覺“QOOZA”同“Google Blog”除咗要做會員之外，

都唔似 Yahoo Blog 咁咁易搵到對方，除非雙方已成為朋友

啦！所以喜歡我加得氏嘅朋友，就可以在以下我留低嘅網址

繼續同我做 Blog 友！

Anyway, 係暫時無乜選擇之下，唯有暫時係“QOOZA” 同

Yahoo Blog 同歩 post 新文章先，因為最終 10 月底

Yahoo Blog 就會進入 Read＝唯讀模式，咁到想寫日誌同

留説話都唔得！

以下是我在“QOOZA”同“Google Blog”嘅網址及網名：–

 1) “QOOZA” 網名 : Gladis ． 加得氏

網址：
http://blog.qooza.hk/Gladis


2)“Google Blog”我個網名：加得氏

https://accounts.google.com/ServiceLogin

唉…Yahoo blog 要結束了

唉…Yahoo blog 又要結束了！！寫咗 Blog 咁多年究竟點

算呢？

心情、生活點滴要在那裏存放呢？心底？唯一舒發心靈嘅

出口…

真係轉去 Yahoo 收購的“Tumblr”、定還是“微博”呢？繁體

中文真的那麼令人煩嗎？否則為何要簡化呢？用簡體字代

替繁體，咁創做中文字嘅意義去了那裏？？我真的好討厭

簡體字！還依稀記得小時候學習寫字時，老師的解讀！

或許應該停寫，將這幾年來所寫的封存起來……

黄色 BIG Duck 巨鴨暢泳 Ocean Center

∮“真有趣，你望吓佢，你望望海港裏…是何家的鴨鴨…”∮（啍著自家改編

歌）.

巨型黄色 BIG Duck 可愛嗎? Yeah~ Of cousre  雖然自問唔係黄色

鴨鴨粉絲，但係都無損尋晩落住雨仲去應朋友約，出去影低佢嘅可愛方踪

！梗係啦…咁難得佢游到嚟維港喎！

不過，好彩係落雨，所以雖然星期五都仲可以影到咁多相！最値得讚嘅係

 D 人大部份都好有禮貌，見到人哋影緊，會互相禮讓！

 

 

 

 

「眼見未為真、耳聽未為實」切勿歧視別人！

今日看見朋友 Sa Sa在 facebook 中分享了以下一段文章，忽然

有感而發寫了一段説話，希望同大家分享！

「眼見未為真、耳聽未為實」究竟有無人聽過或且學過呢？有時

視障、傷殘人士嘅表徴未必會明顯，唔通咁樣就要佢哋掛個牌响

條頸又或且心口大大隻字標明佢！！如果果個係你，你都會願意

咁做嗎？

記得當初我病得嚴重時膝蓋硬化了，不能屈曲、雙手又無力，但

企响道嘅時候個表徴都唔係太似傷殘人士；不過當我坐巴士嘅

時候隻腳須要伸去前面；對手又開唔倒車門！！果時我同樣受到

別人歧視，甚至比個的士私機鬧：『你跛嫁！！車門都唔識開！

！』，於是我上車後在車廂偸偸哭泣……

又試過眼見媽媽抱住仔仔在我眼前跌倒，跪在我面前；因為太痛

了媽媽起唔到身，而我無能為力扶起她，當時身邊有一對母女

經過；雖然幫我扶起了母親，但她的女兒卻話我『有無攪錯，

咁都唔扶起個阿媽！！』於是，我們倆母女又在的士上痛哭

……從此我害怕上街……因為我怕比人用奇異嘅眼光望著……

因為我害怕要向陌生人解釋……因為我更怕有一天比人惡意

‘采’一腳！！

其實毎個人都有佢自己嘅故事，希望大家能夠多 D 體諒和

包容別人；切勿胡亂帶上有色眼鏡去看待別人，因為有時你

看到的並非是事實必全部！！

以下是轉載自 facebook 的原文： Deanna Guidedog 導盲犬

 

我係男人

 

上星期老豆去搭地鐵，行到月台，有個男人行埋嚟，話係

 

站長，問老豆我係乜狗。

⋯⋯

老豆話我係導盲犬。個男人話有乘客投訴，老豆問投訴

 

乜野，站長話嗰乘客覺得老豆睇落唔似視障人士。老豆

 

問：「咁點？」

站長要求老豆以後搭地鐵個陣戴住個牌，寫明自己係

視障人士。
老豆諗左一陣，同個男人講：「你呢個要求都幾特別

，唔係做唔到。不過你睇落都唔係幾似男人，如果你

戴住個牌，寫明「我係男人」，我就可以考慮跟你既

要求做。」

喺呢個時候，啱啱有車嚟，站長講左聲：「咁冇事啦

」，就行開左。

 

 

I am a man (English version at the end)

Last week, when Daddy went to take MTR

 

with me, a man approached us, identified

 

himself as the station conductor and asked

 

'what dog am I ?'

Daddy told him that I am a Guide Dog, the

 

conductor said 'a passenger complained

 

about us', daddy asked 'what was the

 

complain about ?' The conductor said that

'the passenger felt my daddy didn't look like

 

 a visually imapired person'. Daddy then

 

asked, "So?".

The conductor requested daddy to wear a

 

signage written with "I am an visually

 

impaired person" in the future.

Daddy told that man after a thought, "Your

 

request is quite special and sound feasible.

 

But you not looked like a man too, if you

 

wear a signage written with "I am a man",

 

then I may consider your request".

Meanwhile, a train was approaching and the

conductor said "Then forget it" and walked

 

away.

勁爆笑 – 18/10/12 “Gimme 5”純情男投訴衞生巾廣告誤導

今日聽番尋日香港 2 台嘅 “Gimme 5” 天頤、Dickson 同 Eric

講一單：關於一個外國男子Richard Neill 响 facebook 投訴

衞生巾公司嘅廣告誤導事件嘅短片，佢哋真係講得勁勁勁攪笑囉

  …所以我就想係尼道同大家分享！！（不過要提提大家，

尼段約莫係頭果 7 - 25 分鐘，之後果 D 就係聽衆打去講鬼故嫁

啦！咪話我唔提你呀吓！  ）

其實一單普普通通嘅投訴點解會咁有趣呢？尼條片仲响You

tube 吸引到成 2,166,913 人流攬添？！除咗今次投訴人並

唔係用家兼且係一個男人之外，主要係因為尼間衞生巾用品公司

“Bodyform” 特登搵咗個女嘅 CEO 拍咗條短片“The Turth”

上載去 fb 回應阿 Richard 仲同佢道謙添，而阿CEO 响片中

嘅説話真係串夾抵死，由其係臨尾個屁同果句説話！（内容

大至係話衞生巾公司知所以美化咗女性嘅“月經”係唔想令到

身邊嘅男士恐荒…但係阿Richard 就令到佢哋要掲露真相..!）

另外，今次“Gimme 5 ”嘅節目其中天頤講到一個幾好笑但係

又好痛嘅事件：就係層經有少女倒轉了衞生巾尼貼！嘩…真係

諗起都覺得痛呀 …由其係揻果一吓囉！A…咪笑呀！因為

身邊嘅朋友都講果尼 D 事件嫁！或許因為有中國人比較怕羞

，所以好多尼方面嘅野都唔感問掛！

Anyway, 各位男士們：女人係 “M 嚟∕ 月經” 嚟嘅日子真係

好辛苦嫁！除咗肚痛、頭痛、怕冷之外，真係好麻煩；由其

係大熱天時，真係焗到你暈！

所以男士們記住好好痛錫你身邊嘅女友 ∕ 老婆，由其係毎個

月當佢特別情緖化嘅日子！！


1) 香港電台第 2 台嘅 18/10嘅 “Gimme 5” –
  （天頤、Dickson ＆ Eric）
http://programme.rthk.org.hk/channel/radio/player_popup.php?pid=3973&eid=&d=2012-10-18&player=media&type=archive&channel=radio2

2) 純情男投訴衞生巾廣告誤導

 

【本報訊】女性衞生巾廣告為免尷尬，以女性自然一面作招徠

 

，從來不知月經之苦的男士，直斥女性用品公司瞞騙事實。

 

一名純情男子投訴，女友碰上經期時，性情大變，跟廣告裏同

 

陽光玩遊戲的可愛女孩相反。公司製作短片幽默反擊，指世上

 

沒有所謂愉快經期。

尼爾（Richard Neill）本月初在facebook對女性用品公司

留言，直斥多年來被衞生巾廣告誤導：「我要問為何你要欺騙

我們這麼久？」「小時候看到廣告裏的女孩子可以在經期時

跳舞、踩單車、跳傘，我實在妒忌，可恨我竟無法享受那些

東西，包括那些藍色液體及有翼的衞生巾！」「後來我交了

女友，發現她在經期時，變成一個變臉、充滿怨恨的驅魔人。

」尼爾的指控吸引八萬多人讚好。

女性用品公司請來演員扮成女總裁威廉斯，製作短片回應：

「對不起，我們騙你了。」她稱世上沒有所謂愉快的經期，

事實是經血如山泥傾瀉般下來 !
原文來自“太陽報”

http://the-sun.on.cc/cnt/china_world/20121019/00423_028.html


3) You tube 衞生巾公司 “Bodyform”嘅 CEO 回應

    該名投訴男友嘅短片！留意片尾個“屁”同果句勁精境！！
Bodyform respond to unhappy boyfriend

Richard Neill in a spoof video from CEO  

http://www.youtube.com/watch?v=Bpy75q2DDow


4) “ITN” News 嘅報導片段
http://www.youtube.com/watch?v=xZg_BDAiMQ8



5) Richard Neill 响 facebook 投訴嘅原文

http://www.youtube.com/watch?v=1GRi59CfJqI

 

 

 

 

 

去旅行事件簿

果晩同朋友 T & Y 食飯，傾傾吓講番起朋友 Y 之前同囡囡去韓國旅行，

點知因囡囡病、又响醫院同 D 醫生發生言語不通等等問題，所以無奈

要提早回港；於是精明的 T 立刻諗起朋友的旅遊保險唔知有無包埋

尼點：家人至親如果因病而要提早回程返港，又或因家人發生突發

事故而無法如期去旅行或乘搭飛機，都會獲得賠償。

 T 講其實這點真的很重要，但係未必毎份旅遊保險都有包，所以

就要自己 check清楚！另外，最重要留意之事項還有行程中如須

接受當地醫療診治，必須要用國際語言 – 英文寫信件至可以

clamis 到保險（因為一般旅遊保險大部份都會包含這點，但係

購買之前就要問清楚！）（另外記緊要醫院另外準備一封信給

航空公司，以便更改航班用。）

今次朋友 Y 之囡囡因為發高燒入院，而响韓國嘅醫院竟然無一個

醫生聽得明一 D 簡單嘅英文句子，例如：冰（ Ice）咁！攪到朋友

無論出動身體語言，甚至連公仔都畫埋，都難以同對方醫生溝通；

囡囡又發緊高燒，但係個醫生又好似賴賴閒咁望住朋友（好似覺得

你駛唔駛咁緊張咁），只開藥給朋友就打發她們出院，朋友想攞

塞肛藥，佢哋又話無；只叫朋友幫囡囡用冰水抹身，想搵一點温

水送藥，結果成間醫院只得凍水（因朋友囡囡有發冷狀況）！

正當她徬惶無助，眼眶都紅了在與醫生交涉之際，有個路過嘅韓國

大叔突然响佢面前放下一支“玄米茶”。當時朋友正講到火紅火綠之

際，於是就怒啤了對方一眼……後來朋友無奈只能用尼支“玄米茶”

給囡囡食藥，還向對方禮貌地講聲多謝！原來尼位韓國大叔只是位

等候兒子睇醫生的路人甲，而且支“玄米茶”仲係韓國大叔自己付費

買給朋友囡囡食藥用，所以朋友大讚真係人間有情。

事後朋友碰到個香港太太帶同仔仔、翻譯到醫院睇醫生，才知道

當地韓國人原來對處理發燒係唔用塞肛藥，而食藥真係用“玄米茶”！

回來後朋友好感嘆，韓國作為一個堂堂大國，係語言方面真的非常

落後，估唔連醫院 D 醫生同翻譯嘅英文都……唉……！（香港真的

太好了！）

仲有係以後去旅行真係要帶定“快譯通”，而朋友 T 就話點解仲未有

人發明一 D 好似“快譯通”咁嘅 Apps 呢？如果有，去旅行果鎮就

可以方便好多，仲可以避免發生尼 D 言語不通嘅問題啦！
P.s :  温馨提示：–
買旅行保險除了要留意保障有無包括以上的：取消行程、提早回程

、國外醫療（記緊要有醫院發出之英文信件，還有如果須要趕及

更改∕ 提早航班機位，便須要準備多一封信件給航空公司）……等

等之外，仲要留意自己會唔會參加危險活動，如： – 滑水、滑雪

、浮潛及高空活動……等，因為有些旅行保險係唔包嫁！

我的英國之旅 - Day 4

Day 4：（ 蘇格蘭 Scotland）Glasgow 格拉斯哥（Greenock）Hotel→

Loch Lomond（羅夢湖）→High Land（高地）→Loch Ness（尼斯湖）→

福托威廉→Edinburgh愛丁堡（Dunfermline 區) Pitbauchlie House Hotel.

 晨早第一站就係去 Loch Lomond（羅夢湖）– 一個導遊話好靚嘅湖！
但係…唔知係關天色嘅事，定係因為仔仔唔舒服嘅關係，我哋見到嘅
羅夢湖同 poster 嘅相差甚遠！唯一令到我同仔仔覺得有趣嘅係，當日

昏暗嘅天空有幾度光從厚厚嘅雲層從天空射落湖面，仔仔話個感覺就

好似有天使降臨嘅 feel, 的確又幾似！可惜我哋嘅相機同攝影技巧都

表達得唔係咁好！（丫！最其怪係間買手信嘅地方竟然有“尼斯湖水怪”

嘅手信買喎！唔通好近？）
↓Glasgow 格拉斯哥（Greenock）嘅早上↓

↓ Loch  Lomond 羅夢湖↓

坐完一輪車終於去到另一靚靚景點 High Land （高地），可能係因為

 

今朝早酒店個孤寒早餐食唔飽；又再加上坐咗咁耐車嘅關係，仔仔又

 

有 D 發燒，於是去到都唔想落車。

可能位於高地吧！天氣有 D 凍，天色時暗時晴，由於要响道停留半

 

個鐘，咁啱又有部旅遊巴買熱狗同熱飲，於是我就好開心咁諗住買番

 

兩隻熱狗同仔仔兩份嘆！（其實預咗响道獨市都唔方平，熱狗要成

 

￡2 個幾一隻，即溶朱古力都要成￡3 個幾兩杯！的確係貴。）

最鬼激氣係我明明話要「Two Hot Dog, please!」但佢竟然話我要

 

「Two Hot Choc.(chocolate)」喎！仲話我講錯！

Hey~please~Dog 同 choc 嘅發音我無可能會錯囉~差咁遠！

好彩阿外國人私機都話我無講錯啫！By the way, 佢哋嘅熱狗又幾好

 

味嘅！

離開高地落山，沿路嘅風景都錯，仲見到有幾間類似民宿嘅地方，導遊

 

話尼個地點都幾多人去 camp。

↓ High Land 高地↓

↓離開 High Land 高地，準備去向 Loch Ness尼斯湖出發！↓

終於都嚟到我由細到大都感覺到好神秘嘅 Loch Ness 尼斯湖 啦！

但係當我親眼見到尼斯湖之後，所有神秘嘅感覺都無晒，只係覺

得尼道好寧靜舒服、風景優美，其餘甚麼感覺都無！好失望！

因為我對尼斯湖嘅好奇，於是決定遊湖，價錢為成人￡12.50/ 位，

小童￡8/位（船程約 30 min)。仲有快艇可供選擇，不過想舒舒服

服，梗係坐大船啦！
↓Loch Ness 尼斯湖 我們來了！↓

上到船除咗影相之外，仲有導遊（英語）全程為你講解佢哋用嚟 24小時

 

監察“尼斯湖水怪”嘅「河床探測機」同埋「熱能探測機」，大致係講番

 

咁多年來有關水怪嘅報告，真係交足功課嫁！旁邊仲有個小買部添！

 

喜歡嘅咪買番隻“水怪”公仔帶返去囉！（不過有 D 唔係好明？！點解

 

佢哋隻“水怪”嘅型像要係用淺綠色？仲要做到好似恐龍咁嘅？？）

唉…唔上船都對“尼斯湖水怪”仲有 fantasy, 結果…所有感覺幻滅了……

有圑友話反而之前去 Windermere 溫德米爾 遊湖仲抵喎！

尼斯湖 Loch Ness cruise 網頁資料

http://www.cruiselochness.com/

依……尼隻咪傳聞中嘅…“尼斯湖水怪”囉！嘩…影倒啦影倒啦…

真係做戲做全套，連貼紙都供應埋，百幾蚊就當睇場 show！

↓離開了尼斯湖， 在這個叫 “福托威廉”的地方作短暫停留，再向接近

 

“愛丁堡”的酒店出發！↓

↑ 收費厠所，約 20 便士。 ↑

其實由尋日開始我已經正正式式踏入蘇格蘭 Scotland境地，所唔

同嘅係開始見到好多特產買，如威士忌（Whisky）、格仔裙、風笛

…等。還要留意紙幣方面，雖然大家都係用英磅；但係係蘇格蘭找換

到嘅幣值，好多時都唔能响如英格蘭 倫敦等地方用到嫁！（尼點請

注意ㄚ！）

↓ Hotel 好正、好舒服！  ↓

 

↑ 我哋有幸撞到有蘇格蘭人攪婚禮，佢哋嘅男仕真係著住蘇格蘭裙嫁！↑

 

Pitbauchlie House Hotel

 

47 Aberdour Road,
Dunfermline,
KY11  4PB+44(0)1383 722282
http://www.pitbauchlie.com/