婦科檢查＝愛自己多D

         今日看到『乳癌卵巢癌女性BRCA基因突變』這段，就更加想寫了…

         其實友人之前突然患上乳癌，所以要做切除手術…再要做幾個化療療情；

現在康復中。她有著家人、朋友的支持情況很好！

         （祝她早日完全康復及身體健康！）

         我覺得原來乳癌可以這樣可怕，病變急得很；只有幾個月時間…已經二、

三期了！據友人說她年初做了簡單乳檢（乳房檢查）連ㄧ般 Body Check ㄧ起做

的，可是數月後就發現帶 Bra 時乳房疼痛…什至乳房有少部份下陷積像；已心

知不妙；便立刻看醫生…之後再立刻到私傢醫院做乳房造形（即夾乳房照X–

Ray）…再抽組織……証實患上乳癌…！

          短短數月內便發生ㄧ連串事件，好彩她的家人ㄧ直在她身邊支持著‥不論

身心、經濟（因為很做多 test 為了要盡快得到結果所以要去私傢，就算有保險

都等ㄧ段時候才可ㄧ拼 claim 回吧！）

          同時期我朋友的姑拉（丈夫的姐姐）也証實患上卵巢癌，ㄧ發現時已是

第二、三期了；由于很急她也要到私傢醫院做ㄧ連串 D test，因為快知道結果（

所以發現現時政府醫院好多時都會叫 D 病人自行去做 test，再攞返 D 片、result

呀！返去做評估的。）亦好好彩做完治療後在康復中！雖然保險賠咗ㄧ畢錢，

但由于身體虛弱要在家中休養！算是好彩了！

           人在中年就不段聽到朋友、朋友 D 朋友…某某患上 CANCER，而且每每

都很急的沒有什麼明顯徵兆！所以還是乖乖的每年去做體檢吧！

          女性–由其本人也很怕瞓上果將有腳义的床；也很怕那個冰冷的

“鴨嘴夾”放入嚟冰冰冷冷的感覺 I hate it！每次個醫生梗叫你放鬆 D 放鬆 D 唔

洗咁緊張嫁！但妳諗吓當妳裸露下體；將咁私密的地方躺于人前‥even 只係 for

女醫生、女護士抽取組織…而這些醫護人員ㄧ日都唔知望幾多 case 嗱！可是這

往往是女性的脆弱點！外于文物的差異吧！所以東方女性往往也會感到尬尷吧！

           有時想想為什麼那些“鴨嘴夾”種要那麼冰冰冷冷呢！令到放入去的

感覺更加抗拒（自然地）。其實層經試過有 D 醫務所的“鴨嘴夾”有紅外綫

消毒；所以個“鴨嘴夾”溫溫的！感覺冇咁差囉！點解 D 咁好嘅野唔全部轉晒

佢呢？

            還有我自己試過响某 D 地區嘅家計會（家庭計劃指導會）做柏氏末片

檢查！但兩次感覺都好差！唔知係的姑娘做得太長時間ㄚ！定係覺得尼個係

ㄧ個厭惡性行業呢？還是覺得我係個販人呢？語氣唔好、態度冰冷！喂！

阿姐姐！我唔係免費嫁！我都要比錢嫁…妳洗唔洗咁嘅嘴臉ㄚ？！政府都

成日勸 D 女性做定期檢查嗱！妳咁樣嘅態度，果 D Young D 嘅妹妹仔、薄皮

D 嘅女仕咪唔感再嚟做囉！

             所以現時都會在 D 私傢女醫生診所做檢查！感覺好 D！D 醫生溫柔 D ！

（價錢約$400 –$600咗又）OK 嗱！ㄧ年先ㄧ次！

         愛護自己多 D 必定要每年都ㄧ定要做乳房、子宮檢查！ Touch wood，

有乜都可以及早預防；唔ㄧ定要切除嫁！自己嘅身體的ㄧ部份；連妳自己

都唔愛惜佢仲有邊關心佢（她）呢？（雖然怕怕地…But 姊妹們 Ok 嗱！

勇敢 D ！十幾分鐘檢查–豪比佢∕“她”！）

 

  笑話ㄧ則：–

          少女時代嘅自己（初發育時）–剛剛出毛時由于好奇心很強…于是靜靜

取了ㄧ面鏡子想看看這個陪同我ㄧ起成長；但神秘又陌生嘅花園的面貌如何？

不竟她存在于體內這麼‥隱閉！當我懷著“戰戰驚驚”的心情ㄧ看… Oh！My

God！點解我會覺得咁：–Uglily   同  Terrible 嘅…！之後才慢慢接受‥原來器官

可以係咁…！喂！好傻的行為嗎？果時 D 性教育咁保守！資訊又唔發達！

多年後同友人看了ㄧ本好抵死的曰本翻譯漫畫–『白鳥麗子』，作者都有將這

種咁傻的行為搬入漫畫中–仲好抵死嫁！我更將尼個秘密同友人分享！佢哋果

鎮除了ㄧ起大笑之外–仲覺得我 勁同 勇敢添！Hey！Woman Talk la ！OK！

係咪覺得我個人好抵死！好有 Guts 呢！Ha Ha Ha Ha……

崖上的波兒–父母篇

 

         宮崎駿這套卡通片我想睇但還未睇，只睇過彩色漫畫版的書；但仔仔以及

ㄧ些朋友都看了；所以知道這是ㄧ部很感人及照舊帶有深奧的（對小朋友來說）

message。

         但在此要提提各位準備帶小朋友睇的家長或還未睇等出碟的家長ㄧ句；如

果你∕妳的小朋友比較純真或心靈脆弱的話；ㄧ定要準備幫她∕他們做心理付

導！因為有些 3 至 8 歲的小朋友要和爸爸永遠分開；不能再見面（因波兒由

人魚公主變成人類同宮介ㄧ起生活時）這ㄧ段時；絕對係哭到不能停止∕不斷

抽涰的！

         這是絕不誇張我朋友的 3∕4歲女兒看崖上的波兒時就是這樣；我覺她非常

感性，她們說先先ㄧ段她已經突然抽涰；于是她們帶她出去想安慰她時；那裏

的工作人員已經不以為意；好像是已經有很多小朋友這樣了；還很好人地給

她們轉去第二間播緊『零零狗』的 line 繼續看，她說這套開心 D 、啱 D 小朋友

睇！奈何她的女兒仍然想看崖上的波兒，所以她們就是這樣繼續看…可是去到

差不尾段波兒與爸爸分開這段時；她的女兒就哭到涙流滿面、不能停止了！

這場戲同場有很多小朋友也哭起上來；非常感人…！

          最終她們也只能帶她離開戲院…未能看完結局！其實原來幼稚園 D 小朋

友們已說過這是ㄧ部好慘嘅戲……估不到小小年紀已感受到親人離別的悲痛！

          雖然最後，你能忍過這段‥就算有個 happy ending，因為最終波兒都得到

她想要過的生活…可是代價是與父親分開！可是當身為父母的你∕妳會忍心看

著自己的兒子∕女兒哭得這樣傷心而無動于終嗎？我確定我就是不能，小時候

他層經哭著吵鬧說：『為什麼其他小朋友要群起欺負他時！』我竟禁不著雙眼

充滿淚水、差點哭出來！只忙著帶他離開給他安慰、了解他及教他學識如何和

別的小朋友相處！

          還有就是在他小時候，因為住的地方細小；再加上我很早已病發；所以

不夠能力獨自揍他，只能交托我媽媽照顧他，可是問題是在于我的住所與她的

相隔太遠了！而他只是幾個月大，我就是這樣每天下午過去媽媽家陪他玩耍；

晚上陪他睡了才拖著疲倦的身軀回家！（那時身體狀況還可以獨自乘車；又或

是年幼的兒子是我的原動力吧？）但當他漸漸長大後；忽然醒覺我是會在他睡

瞓後和他分開的；他竟然衝出來在門口哭著大叫：『媽媽唔好走呀…嗚嗚…

唔好扔低我呀…嗚嗚…』！面對這樣的他…我實在非常抱謙…太多問題導至不

得與他分開生活…想著種種便不覺淚流丕面…！初時會留下來給他安慰；不竟

他還小，但每晚他總是這樣哭時；媽媽便會強行抱他回去免得吵到別人；可是

這種情形更令我倍感悲痛！雖然只是與他分開十數個鐘…可是當在獨自回家的

路上便會感概良多…！所以有時忍不下…就算要睡在地板上的床墊…明知明早

起身便會全身骨頭疼痛…或是要媽媽讓出床位；她睡在疏化…也免強留下來

陪他睡！這也是值得的…因為換來他ㄧ夜甜睡…！

          這段日子足足長達兩、三年之久，我們才能再ㄧ家三口住在ㄧ起；回想

那段日子的確很難過…還要背負丈夫抱怨每晚放工回家都見唔倒個老婆…我

只是全心照顧兒子眼裏已沒他了…等等！身為母親及妻子我可怎樣選擇呢？！

請別忘了我當年仍是ㄧ個病人……！

          Anyway,  那段曰子也捱過了！強嗎？！Beco's I'm  M O T H E R 呢！

          講返在戲院竟然有這樣的爸爸…？！ㄧ家三口去看戲，自己的女兒哭起

來他非但沒有給于安慰，還不奈煩地叫老婆『帶佢出去啦！』（女兒好像只有

 7、8歲吧…友人說）吓！爸爸…？！這種男人…？！真係想“中”佢囉！

          不過阿仔話套戲都幾好睇喎！但我就 sense 唔倒佢感受到戲入面包含有

環保嘅重要性呀！烏染帶來嘅災害等…message！

2 間直得稱讚的客戶服務精神的公司

         話說我在 12 月突然想起想去工展會走走，但外于自己行動不便，怕發生

手推車轆腳事件便打消念頭！

          可是那天新聞報導工展會開幕，又見人流不太多；心絲絲底下；再加上

妹妹入嚟搵我，想想倆個人搭的士到工展會走走好似抵 D （有藉口），便放下

仔仔到表弟家，倆姊妹去 look look！

           入到去睇下個目錄，搵到想去嘅舖頭便準備分頭看看，但結果都比鴻星

即場蒸的“蟹粉小籠”包吸引住，結果倆個便傻傻地排隊等著等著；直至買

到ㄧ嚐為止，可是比想像中失望；老實講牠的而且確香味濃旭、新鮮；但入

口之後蟹粉味ㄧ般，遠遠不及聞到的味好！如果以 $10/15 粒都 OK 嘅！

          行到去功德林見到有椰汁及蔗汁年糕，便决定買回家試試，因為佢哋响

港島區，所以現在已經無去，記憶中佢哋嘅齋菜都幾好嫁，而家就唔知道！

          佢哋買 $48 盒，仲要買ㄧ送ㄧ  ；好抵！但兩盒糕，對我嚟講真的好重，

好彩有妹妹同我‘力’！咁好自然返到屋企就ㄧ直放係雪櫃！直至差不多兩星

期後，老公摷雪櫃果鎮發現兩盒糕已經過咗期！仲要過咗好耐隻喎！吓！心諗

無理由呀！Even，佢哋就算無落“防腐劑”，會很快到期，佢哋都應該會响銷

售時“單聲”＝講聲，但佢哋從來冇提到播！咁 anyway, 只有認命吧！但當

老公攞盒糕出嚟，比我 double check 個 Expiry date 果鎮…真係火都嚟埋！

有冇攪錯呀！完來盒糕早已在我買回來的兩天後已過期！仲要比我老公串，

老婆你又比人搵笨嗱！火火哋加上深深不僨，我梗係唔份氣嗱！我老公又話

算嗱兩盒糕 $48 啫！但在我立場並唔係錢∕價值問題，而係銷售手法嘅問題！

           于是，我决定要為自己討回公道！這是我個人的原則 ，不論多少錢！

最重要係你唔好扼我！洗咗錢都要“甘心命抵”，否則我ㄧ要討回公道，不管

得到嘅只係是ㄧ句“sorry”！These me！

           就係咁，我照盒上印上的客戶服務電話打去…响咗好耐，冇人聽！結果

飛咗去留言，諗住對方都未必覆！點知原來佢哋好快覆電話，客戶服務員楊

小姐仲好 nice咁，聽完我講之後，就先表示歉意；還解釋因為會場 D 銷售人員

為臨時員工，所以ㄧ時忘了 remind 個“嚐味限期”！亦都抱歉 D 員工比咗 D

咁快到期嘅糕點我，于是决定換返比我！但由于我話我是ㄧ個行動唔方便嘅

人，所以無可能為了換回糕點而千里沼沼搭 300 幾蚊“的士”（來回）囉！

我只打算要ㄧ個合理解釋及ㄧ句“sorry”啫！可是楊小姐卻話會幫我表達比

公司知道、會再跟進及再聯絡我！結果她很快再聯絡我，說會有公司同事送

回兩盒糕點給我！我都說明只是用$48 買咗ㄧ盒啫，唔須要換兩盒！但係佢哋

話會換兩盒給我，而且仲講得出做得到添！所以他們是ㄧ間有責任、有良心

嘅食品生產商！

         在此讚揚ㄧ下功德林及他們的客戶服務員楊小姐很有禮貌及很 nice，還

有送回糕點給我的有禮貌的哥哥仔！Thankyou！！

         不過功德林的椰汁及蔗汁年糕味道都好，不會太甜，就咁煎香佢幾好嫁！

下次可以再買！

          另外,  過年時朋友送了ㄧ盒在百佳買包好了的禮盒給我，仔仔拆開後嚇然

發現盒 16 裝嘅 Mon Cheri 竟然有 D 奶白色近透明嘅油脂流出！極之恐佈！于

是，亦决定照佢哋盒底的電話打去客戶服務部…了解ㄧ下！佢哋客戶服務小姐

了解了這是ㄧ盒賀年禮盒的關係！說有可能會因各方處理不當∕存放地點關係

影響到未到期的朱古力變了質。但他們會負責換回給我，亦因為我行動不便；

决定送回給我！

         所以咁有良心嘅經銷∕批發商及有禮貌但不知名的客戶服務小姐，

多謝你們！

         其實ㄧ直以來老公∕有些人都認為購物∕在銷售過情中，比人搵笨或且

少少蝕底就算嗱！咁少野！但本人認為唔係囉，合理權益ㄧ定要爭取！

         試過買咗隻鑽石介子，想獎勵自己！佢哋話明ㄧ年內可以隨時到店舖換

款，可是當我真的到店舖換時，他們竟然說是特價品冇得換！吓！咁點ㄚ！

佢哋話當時 D sales ㄧ定有同我講冇得換喎！吓！你咁講我點同你拗 ‘jack’！

我無理去買隻介子仔都要錄音呀！果時又未興電話有錄音功能，口同鼻拗無計

嗱！點之之後我遇諗起媽媽有次話想知 D 玉石係咪正野；去“二叔公”道就

知嫁嗱（押舖）！為免隻介子篤眼篤鼻，返正第二 D 金舖又唔肯收；結果咪

去咗押舖；‘蝦’！點知押舖竟然話『唔收得』！因為粒石同張單嘅成份唔

match ！粒石係細過張單嘅成份嘅！吓！咁都得打開門口做生意！個 0.05 %你

都扼！咪打電話去消費者委員會投訴佢囉！消委會了解咗件事就問想退換定

要退回錢呢？咁梗係要返 D 錢嗱！佢哋話會幫我同間手飾店聯絡咗先；睇下

間店舖點回覆再聯絡我！

         之後消委會話間舖叫我親身落去退換！結果落到去退換時 D 店員 D 態度

唔同晒，仲立刻退錢給我！又話係因為公司部電腦同隻介子條碼出錯咗少少啫

唔洗去消委會咁大件事ㄚ！吓！而家係你間公司有問題！ D sales 响銷售過中

又有問題！我咁撓就話撞啱“二叔公”＝（押舖）拆穿佢哋就話可以退錢啫！

如果正常人咪比佢哋成功扼咗都唔知！

         所以奉勸各位千祈唔好立亂去 D 唔熟嘅舖頭買鑽飾！（呢間店名就忘記

了，只記得他們個店名 Logo 背後有橙、黄色；有幾間舖添！扼我個間响

旺角新世紀，但後來搬走咗嗱！）

        仲有ㄧ次係比無X初初開嘅收費電視個 sales 扼嘅（正確嚟講果間叫銀河）

當年果晚已經成 9 點幾 10 點，响屋企同友人打緊牌；突然有人襟鐘；開門之

後有個女 sales 話佢哋係無X新開嘅收費電視，而家做緊 promotion 所以月費好

底…之後佢個男同事加入 sale 我哋；咁啱果時覺有線又貴又無咁野睇；咪即

管睇下佢有咩台睇囉！我重話 Ok ㄚ$138 個月費，包埋我哋想睇嘅 Discovery

channel、HMC、Fashion TV、又有無線D 舊劇！都幾抵！當時我都再三同個

sales double confirm $138 個 plan 係包咗以上嘅 program，咁先 Ok 喎！個 sales

仲話 Ok！我寫咗 D program 名你睇下！係咁而望下、又有喎！咁就叫老公

簽咗！當時錯在心急打牌；冇好 detail 咁睇清楚！（真疏忽）佢仲話而家交

埋cash cheque∕定錢（忘記了） 總之比咗 2 個月錢便立刻叫師傅上來裝機，

如果方便！絕對唔會咗住我哋打牌！果鎮我哋仲話吓唔洗咁趕！佢話襯個師

傅係度唔洗再約期！咁 OK 嗱…裝完機ㄧ直都相安無事！

          直至 2、3 個月之後，忽然沒咗幾個台，咪打去客戶服務度問嗱！做咩

無厘啦耕 cut 果咗幾個台呢？！ 點知個客戶服務員話『你張合約無包尼 D

program 咁咪冇囉！』我話吓！張 contract 明明有寫嫁喎！佢話『小姐你睇清

楚 D 張 contract 係張 D program寫係免費送ㄧ個月試睇個欄；我哋已經遲咗個

幾月先至 cut 嫁嗱！』吓！咁我洗唔洗多謝你呢？對方無語之後…就問我

『有冇其他幫忙？洗唔洗搵個 sales 加返 D program？』吓！唔洗錢呀！佢話

『唔係要加多 $30 幾蚊！』吓！咁我洗轉你哋咁煩啫！有線都係差不多！我

話我要投訴！佢話『張 contract 簽名嘅係位先生，所以先生先可以投訴！』

吓！但你知唔知每個月轉賬 payment 係係我個 account 呢？佢話『但手續上

係咁！』OK！OK！我無奈好鬼死火咁收咗綫！

           我立刻摷返張 contract 出嚟睇！Shit ！個 sales 的而且確有 tick 到D

program 名但係唔係『包括』係係『試睇』果行， 有D 蚊 形字寫住『試睇』

！吓！精明如我都會ㄧ時疏忽！但想搵我笨 No way！我唔會明明冇都話有！

但你扼我就唔可以就咁算數！

            等到晚上老公放工回家，我立刻張件事由頭到尾講比佢聽，叫佢打電

話投訴！點知佢話咁無計嗱！鬼叫簽咗 contract 咩！吓！男人就是這樣！Oh！

Man ！現家我哋蝕咗喎？究竟你明唔明呀！

            我重新講我都有讀過簡單嘅『合約法』！所以好清楚ㄧ個 point 『當ㄧ

個 18 歲或以上嘅成年人有足夠嘅理據正明簽合約時；係被對方所誤導而

簽署合約；這合約是有權不被承認的！』 （詳情ㄧ定要知詢律師嗱！）

            就係咁我老公唯有打電話去投訴嗱！點知佢就係咁唔緊唔要、半信半

疑嘅情況比客戶服務員耍走！我梗唔 Ok 嗱！要佢再打之後比我講！點知講

ㄧ輪，個客戶服務員話自己話唔倒事！吓！咁你唔好‘晒’我時間嗱…！

到第日果個客戶服務經理打電話嚟話 『contract 就已經簽咗！我冇睇清楚張

合約係自己都有責任！所以contract 已經成立，我們不可 cancel ；否則要

倍賞contract 餘下的 6 個月月費！』吓！你當我傻嫁！我都有讀過下『合約法』

！所以都明白咩叫誤導！叫你搵返個 sales 當面對質！你又話 sales 無做無得對！

我都話我時好清楚再三同個 sales Emphasize ，ㄧ定係要 $138/個包埋尼幾個節

我才 OK，但你話個 sales 無做；而家口同鼻拗你講咩都冇人知！』 OK！我除

咗有「証人」之外，剛剛你哋 D sales 上門推銷之後；大堂 Lift 度都貼晒通告；

話小心 D 近日上門嘅收費電視 sales！佢哋亂講 sale D 住客話唔 join 你哋就連

D 普通電視都睇唔倒！以前你哋D sales 未上來 sale 都冇事！咁不如問問消委

會係你 D sales 有問題定係客有問題ㄚ！而家我有責任！但你哋 D 銷售手法確

有問題喎！佢束意誤導我！咁張 contract 係無效！如果你唔比返果幾個

program 我！我ㄧ定會 cut 咗個「自動轉賬」睇下你哋收唔收到錢！于是佢答

『話要同高層相討下可唔可以送返比我！…』

            End up，佢哋當然有送返 balance 果 6 個月比我嗱！我亦都係6 個月滿

約後 cut 咗佢哋，除咗因為 Hard feeling 之外，佢哋當時真係冇乜野睇！

            我講尼 D 事出嚟‥唔係叫大家「禮橫折曲」，而係希望大家識得

保護、增取應有嘅消費者權益！就算更熟、更好嘅朋友叫你簽名（由其

合約）都必定、必須睇清楚；even，見工！因為你係有權攞份合約返去

搵人幫你睇嫁！但你茂茂然簽咗就未必咁易推反張合約嫁嗱！

            ☆★由其是，小心 D 用信用咭供款嘅合約！因為用信用咭過數，

無論佢哋點差你都必定要合約到期日；銀行才會肯幫你停止個自動轉賬；

又或這果間態度差嘅公司良心發現；主動幫你 cut 咗個 Autopay！

否則你係咭主都冇面比！☆★

             小心！小心！

安樂死

        提到 D 咁敏感嘅話提，當然真的有確實認真去想過嗱！並唔係ㄧ時衝動！

亦不是不負責任，而係當ㄧ個人只得頭可活動；頸以下卻不能隨心所欲地活動，

那種心情非外人所能明白！這種生不如外的感覺，相信任何人也不想要吧！

         所以我個人是認為香港應該有“安樂死”給病者自己選擇！

我本身覺得每個人生存著都有ㄧ種潛能去為社會盡ㄧ點責任！但當患病了，

到達了不能控制自己，只能依賴著別人來生存的話；對雙方無疑是ㄧ個沉重

的壓力；心靈上嘅折磨，並不是每個都能承受得起的！

          我這樣說並不是叫人背棄自己患病的家屬，而係覺得；當雙方都到達咗

極限時，係會令到人情緒崩‘繪’。

         上次覆診時，骨醫生層經講過担心我的頸椎情況之後，我除咗心內冷了

ㄧ截之外；很快便回服平靜，亦都無奈接受這會是萬ㄧ病變至最差嘅情況！

所以决定帶著ㄧ個平常心返屋企向老公同仔仔講：–『或許有ㄧ天我的頭以

下不能動時！請給我“安樂死”！我不要受無窮無盡的折磨！請放心！現在

我當然會乖乖的食藥醫病嗱！』 沒有傷感！亦非強顏！只是想他們明白我的

意願！這也絕不是遣書！只是我清楚明白我的病現今是沒有可能全癒的，

也不會立刻死亡，只能靠藥物控制！但有可能會每個關節慢慢被破壞至最終

不能活動！

       我好明白只能倘在牀上什麼都不能做的人，內心的痛苦！當我慢慢失去

活動能力時；起居生活也得靠人時；那種徬惶無助…是多麽的痛苦！現在

暫時雖然情況隱定下來…可是將來…清適可見…！我只能增取時間襯我還

免強可走動時盡量看看我的好友們、及與兒子多點走走、看看這世界！

盼你見識多點！

            兒子，這是我能為你做的！

（其實也是要靠你幫我開門及有時要你扶著我落樓梯，這也算帶你走走、

看看嗎？！沒有兒子及親人在身邊的日子，嚐試過約了朋友在快餐店，點

知比度門夾住，動彈不得；結果要靠ㄧ個伯伯茶客幫我拉開門；才免我綑

在門間！多麼徬惶無助？又有過在商場因對手唔夠力拉開度門，所以很怕

要拉門的；因為我要靠個身壓落 D 推門才能夠力開！有次因為之前有人推

過門；所以我要等度門回彈正常才能推門！就係咁比ㄧ個唔識嘅人拉住度

門講：『都唔知點解 D 人連開門都懶嘅？』我就硬食咗尼句！言者無心

！但這句說話就深深打碎了我個心！我好想大聲講『我都唔想咁嫁！』但

這句說話對ㄧ個陌生人有咩作用！心碎了可服完嗎？那次之前，我又隱沒

在家中！鬱悶了很久！）

              所以我開始ㄧ直寫 blog，為只為寫下我層經生存嘅正據！亦都想寫

下我童年時嘅回憶、ㄧ D 生活上嘅回憶不論好與不好的人生經歷；好讓開

始健忘的我；留著回憶！或許將來仔仔想起我嘅時候；便可以看看佢媽媽

是個怎樣的人！不盡是ㄧ D 唔好嘅回憶！這樣寫著寫著隨咗可以發洩情緒

之外，有時又可使我釋懷！又許有ㄧ天當老公你有幸窺探到我的 blog 時會

多點明白的我內心世界吧！

慈雲山 - 美食之最三

        其實真係要多謝我嘅爸爸、媽媽及婆婆，係佢哋帶領我進入美食境介的！

首先“為食”嘅媽媽帶我嘆盡慈雲山美食–上至34、35座下至48、49座！她什

至到戲院門前的燴魷魚、甘草檸檬呀、“謝”呀咁！（冇錯以前 D 戲院係可以

咬“謝”嫁！E！咁咪好烏糟？Yes！冇錯所以以前 D 戲院有好多小動物嫁！）

或且在新蒲崗放工，都會用“飯胡”載 D 芝蔴糊、花生糊返嚟！（以前 D 工人

係自己帶飯嫁！因為出街食貴ㄚ埋！所以好似 D “粵語長片”咁！每家每戶都

必備ㄧ個“水銀”內膽嘅“飯胡”的。）為咗咁！佢次次都比阿婆鬧佢“成口

嘴冇停”。哈哈！尼個就係我個“為食”阿媽！

         佢為咗要食街頭小食，于是符千里沼沼帶我去48、49座度買餸！其實，我

哋樓下都有個街巿嫁！乜都有得買，但係冇 48座嘅“炸油池”嗱！“炸油池”

係ㄧ種用麵粉包住 D 羅白絲及肉碎嘅饀料再放油 D 滾油度炸，個外形及 size

同而家 D cup cake 差唔多，好香口，好野味嫁！48座有很多小販檔–有ㄧ串

串嘅魚蛋嗱！（有辣、有唔辣）！有“煎薄餅∕撐”，係一種麵粉水加上

茍菜、肉碎∕火腿碎片，放在ㄧ個平底獲度煎！ㄧ塊好像 pizza 咁，不過係

中式！好香口嫁！又有“蒸粉粿”呀、“糯米飯”咁！仲有“炸魚球”嗱！

佢細細粒粒，類似魚蛋嘅做法！不過放落去成‘岡’油度炸嘅！可能佢調較

過麵粉同魚嘅比例；總之食落個味道好唔同！佢又平 D！所以都幾受歡迎！

但大大下就覺得佢‘岡’千年油，好大‘浸’‘油益’味！又唔鐘意食到

成手油。（因為果時小販檔多數都係用紙袋–啡色嘅。好少用膠袋嫁！

貴ㄚ嫲！）

            還有甜甜的–忘了名字，但現時還間唔吏現倒街邊有得買–佢係一塊

白色、薄薄地嘅圓型麵粉（有點像北京片皮鴨個塊麵粉皮）再加沙糖、芝麻，

包著ㄧ排用白糖整、黏黏地嘅通窿糖–形狀好似張ㄧ條條放大了的意粉平放

在ㄧ起咁！包著來吃，本人就不大喜歡，因為覺得佢咸咸、甜甜、黏黏嘅

配搭怪怪的唔啱我！我阿媽就鐘意。反而我當時最愛係ㄧ大盤，有個伯伯

用個‘作’、‘作作’吓嘅‘叮叮糖’又係用白糖∕定麥芽糖做嘅！米黃色！

好好味、但好黏牙，又不會太甜！（同樣都係用糖做啫，但係我就覺得佢

唔加塊皮，可能仲好。）

         仲有果時响 47 座嘅小學『聖鮑思高學校』返學，所以日日都蒲到果頭！

放學梗係‘唾’婆婆買‘野食’（小食）；如麥芽糖夾餅乾–用ㄧ枝竹纖繞

ㄧ舊麥芽糖、面頭用兩塊長型嘅‘梳打餅’前後夾住；咸咸、甜甜咁！好好

味！

還有ㄧ個伯伯攞住個紅色膠筒（尼“紅 A”有鐵手挽果種）載著 D

ㄧ個個色彩斑爛嘅膠蛋売，裏面裝住 D “大菜糕”！須然冇乜味道，但勝

在凍凍哋、平 D —可代替下啫喱！無錯！當年 D 啫喱粉好貴！所以 D 普羅

大衆∕小販ㄧ般都係用ㄧ D 平價原料、又可大量做嘅甜點；如用白糖、

糯米做嘅“白糖糕 ”呀咁！就因為“大菜”佢本身係透明、無味嘅、ㄧ條條

長長的；當用滾水烹完、凍了、盈固之後個口感爽爽地咁！所以好多時都用來

做甜糕點的底。如“馬豆糕”及“紅豆糕”或個時飲茶好受歡迎嘅“芝麻卷”

等等。

         果時 D 小販檔，林林種種；有咸有甜，總之就可以平平地、好方便咁

响街邊攪掂ㄧ餐嗱！仲可以自選加定唔加飯後甜品添！

         而大個咗之後，發覺 48 座個排檔都好精彩嫁！有生滾粥，即係佢個檔

本身滾起咗個粥底，之後你點咩粥；佢就張 D 饀料放落去滾，都好好味嫁！

不得不提係果度有檔做西茶嘅小檔，佢哋發明咗經典係“腸仔、雞扒公仔麵”

可以加錢轉‘丁’底＝出前ㄧ丁。哇！果時，尼ㄧ個係超新嘅組合！係ㄧ般

茶餐廳仲係買緊–火腿、餐肉、雞蛋配通粉∕意粉嘅時候，可以轉“麵”已

經好！仲要有雞肉腸及煎雞扒 D 比較貴嘅料，簡直係超新、超正嘅麵中經典。

真係要多謝四眼又‘思’文嘅老闆娘同佢嘅肥佬老公帶我識 D 咁正嘅美食。

後來，開始有其他檔模枋佢哋，但我始終覺得只有佢哋最正！呀！萬年有

ㄧ檔都 OK嘅！

           至于 49 座除咗個好烏糟嘅街巿（因為當年那些街巿冇冷氣又唔係係個

市政局起地方，而係方便市民ㄧ檔檔咁响 D 公屋樓下！所以非常熱鬧、精彩，

什麼舖都有：–茶餐廳、士多、醫務所、雜貨舖、理髮店、文具舖、魚檔及

雞檔咁！冇話乜野嘈音、衛生呀！烏染呀咁！）所以街市 D 魚檔及菜檔、水

滴滴咁！咪咁烏糟囉！

            49 座除咗有尼 唔好嘅感覺比到我之外（因為我通常感冒發燒要睇醫

生，都揾“孖指”＝孖手指醫生；佢 D “馬廖”＝深灰藍、十足廿四味咁；

勁苦、勁 work 的藥水）。有ㄧ檔我同阿媽最鐘意又正到不得了嘅鹵味檔：

–有豬頭肉、豬耳朶及牛舌好正嫁！（尼檔就係阿媽千里沼沼帶我去買餸嘅

原因之ㄧ）

           印象最深刻 係 43 座果 D“士多 ”＝零食店，佢哋有ㄧ種比雪糕、

紅豆∕綠豆雪條平嘅雪球，係自制嘅！做法係張 D 紅豆沙∕綠豆沙 放落個

膠啫喱杯度，再放ㄧ枝竹纖再加水；雪凍。果時成日比 D “大鬼”（比我

大ㄧ點嘅鄰居） 老點去做跑腿，就係買這種雪球嚟食。講真ㄚ！淡到死！

有鬼好食咩！你諗下 D  紅豆沙∕綠豆沙有重量加馬、咁咪聚埋响個底道囉！

咁你食果時咪會得返個頂頂的有料、下面果 D 淨係得冰囉！只不過當時對冇

零用錢嘅細路嚟講止得下“為食”嫁！

花 & 朱古力

 

        唔知係咪『情人節』快到呢？忽然想起有得收花同朱古力嘅日子！除住

結婚越耐，佢因工作壓力越大！我已經要求佢減少興祝！ㄧ切從簡！返而呢

兩年係個仔提佢買花同送花比我！浪漫沒了！多了點溫馨，因為“三人行”

在家“剧扒”！

        又唔知由幾時開始 D 人愛張『情人節』＝朱古力＋花，我年輕時層經也

因為收唔到男朋友响『情人節』果日送嘅花；而黑面、發脾氣！因為當年 D

office興起咗响『情人節』果日男仔要送花比女仔、女人及老婆來表示愛意！

又如果個女仔平時都有收開花嘅話，咁响果日就必定要收到花，可以大扎 D

、又或且要特別 D嘅！總知有拖拍而冇花收嘅女人會好無 face,  當年嘅自己

層經就係 D 咁膚淺嘅女仔！唔知係比 D 男朋友縱壞咗定係點？！總知就係

有過尼 D 年少輕狂嘅日子！

         或且被人竉過所以返唔倒轉頭！奉勸各位女∕男仕ㄧ句–如果未能確定

對方是可以長久，就切勿習慣了被人竉；如妳∕你的胃、或是過份倚賴對方

在妳∕你的生活習慣上作出的改變！否則被竉壞的人將會無法自拔、忘記了

如何獨立生活！最後變成了“籠中鳥”＝ 當被主人拋棄後無辦法適應大自然；

因為牠早已忘記了原有的求生技能！（有點可笑、有點矛盾！在現今的

E 世代乜都講快！一拖 N 個、自拍倆人造愛親密照 post 上網、幾 P party！

乜仲有“長久”這種事嗎？哈！我是否有點〝攞〞？ 定是我太 out 呢，

auntie？！）自嘆……唉！

          我覺得某情度上，太過竉瀝一個人無疑是一種慢性毒藥！對方每天為

妳∕你ㄧ天ㄧ點地下藥；到妳∕你發覺嘅時候已經中毒太深！近魂無術！

          不過無論好定唔好，這些都是少女時代嘅自己！當年亦都試過沉輪在

物慾生活當中，變成了 “ materiel  girl”（or“咭數”嘅奴隸），不過這

個“物慾女”是靠自己同爸爸嘅縱容的啊！靠自己敗家，總好過挖人口袋

的血汗錢敗家！這點是可以自豪的！也是我的理論！（雖然現在有點後悔

當年敗晒每個月的薪金，當冇錢果時 D 名牌衫同手袋係負資產；唔可以好

似而家咁變買！）因此在拍拖時我往往也會有付錢的時候，亦會送名貴禮

物給對方！所以亦是少女時代的我不太美但都幾多人追的原因之ㄧ吧！

         而家想起都很回味當年層經收過嘅花，有Regen Hotel 嘅花，D 玫瑰

花真係好大朶同好 fresh, 佢哋襯花嘅combination 同個packing 都好好、好靚！

 仲有 99 支嘅玫瑰花，係求婚用嘅（不過，果個唔係我老公）！30∕40支

嘅玫瑰花，係向我示愛用嘅！ㄧ大盒香檳玫瑰＋士多啤梨嘅心型盒，

（不過，係我ㄧ個 lesbian 嘅 friend 送嘅）！黑玫瑰係我收過嘅花當中覺得

最唔靚嘅！紫玫瑰係最靚嘅花但係最快謝！响尼道我要多謝層經送過花

比我嘅人個份心意，給我美好的、驚ㄚ的回憶，Thankyou!!

         講到令我極度愛上朱古力及對朱古力開始有要求嘅人‥係，我爸爸。

歸根究底係自從佢由歐洲瑞士帶個 D 朱古力回來的後，ㄧ切就變得不ㄧ樣

了！由從前的幸福牌朱古力、金鷹朱古力、花街拖肥朱古力到吉伯利朱古

力，這些以往對我們來說都是極品！（前三種要過新年才能收到的禮盒）

可是當我與爸爸品嚐過這些由瑞士帶回的朱古力後，才知道什麼是幼滑、

什麼叫朱古力真正嘅味道，而並不只是甜味。真正嘅朱古力是入口後有

回甘嘅味道，即所謂嘅“after taste”！果種由口腔漫漫滑落喉嚨，再由

喉嚨散發出來的可可豆香味久久不散；令人回味無窮！

         自此之後，便對朱古力有著更高嘅追求！覺得ㄧ般嘅朱古力已經滿足

唔倒我嘅要求。開始出嚟做野有咗少少錢之後，更加講究嘅可可豆成份佔

有幾percent？在那裏生產呢？當年開始識得去品嚐美食，結果响尖東個間

“龍島”買咗盒黃色盒、扁扁哋，好似係法國出產嘅朱古力試食，因為

果時覺得段 g （克）計嘅朱古力好貴，但這種盒裝只須 $78元比較化算。

佢每一片都有黃色同銀色紙獨立包裝、長方型好普通嘅包裝，但食落去

當佢慢慢溶係個口度果種感覺ㄧ D 都唔普通…Yes！就係佢，闊別多年、

令人回味無窮嘅感覺返嚟啦！我、爸爸同弟弟立刻愛不惜手，ㄧ盒還有

milk chocolate 同 dark chocolate兩種。Milk chocolate的軟滑，不會味道太甜

、剛剛好；唔單只牛奶味冇蓋過可可豆嘅香、而且便令佢更香滑。Dark

chocolate 的可可豆成份的比例又剛剛好，不會太苦，絕不會太硬；亦不會

冇咗軟滑嘅口感；佢嘅 after taste係甘香。後來當“賭神”套戲上影之後，

因為多咗人去咗買尼隻朱古力佢哋加咗兩、三次價去到 $108 ㄧ盒添！

之後我亦都少咗食，佢又响尖東咁隔灄！有時去到佢又斷貨！最後期

佢哋搬埋添！我又揾唔返尼隻朱古力！結果我哋失散咗！多年後再與牠

重遇，是無意間發現“龍島”開係 “Ocean center”度果間分店仲有得買，

于是忍痛拋下 $130∕140 帶佢回家諗住重溫、回味！O！Shit！What

 happen？望下個盒再對咗個包裝、底底面面咁睇！吓！明明係果個牌子！

我無攪錯！但係無能係生產商攪錯！完全唔係果個味道？！點解做得好哋

哋要改啫！真係覺得亦舒成日講果句囉：『人不如舊』！

（各位生產商嘅大哥大姐，唔該你哋唔好做得好哋哋立亂轉咗 D 產品

好嗎？你想轉咪生產過第 2 條 line 囉！你攪佢做乜啫！攪到不論不類

咁！唉……簡直氣炸！）

         當然期間代替失散嘅佢有Regent酒店嘅朱古力、Royal Garden酒店嘅

朱古力同 Peninsula酒店嘅“Poison”朱古力 。

         點解會跳到去食酒店嘅？原因又係因為跟爸爸去酒店度食 buffet 呀！

high Tea 呀咁！咪品嚐到尼 D 人間美食！爸爸都唔知多謝你好定點？！攪

到屋企個個都咁嘴刁 ！後來我好難先“tone”返個味覺，接受返ㄧ D 唔

係咁好食嘅野！

         食倒Regent酒店嘅朱古力，係因為公司做“Grand Opening”果時，

Regent係負責提供美食嘅，所以有幸嚐到！于是符便愛上了，在我開心時

會買來“獎勵”下自己；失落又買來安慰下自己！因為我認為女人係心靈

上嘅點點失落是可以暫時用朱古力 、甜品及美食等；來‘媛冲’ㄧ下偷

ㄧ刻慰藉的。須然佰幾二佰元只換來 8、9粒的慰藉係比較短暫及 奢侈

（當年 2佰幾蚊可以食ㄧ個勁正嘅牛扒餐或且一個 buffet）；可是當 D 質

數好嘅朱古力溶入口入面，我便得到了ㄧ刻的快慰！整個人好似立即快樂

起來咁！

         至于Peninsula酒店嘅“Poison”朱古力，係我一個男朋友帶我去

“半島”食『情人節』晚餐所送嘅 gift ！哇！古唔到成 2 千蚊嘅 set dinner

竟然冇這隻“Poison”朱古力咁好味！佢雖然細細粒咁！但佢嘅朱古力味

濃旭，入口之後可可嘅香味久久不散、係 lasting 得最耐嘅；酒店朱古力中

的極品！真係同個朱古力名ㄧ樣…食上隱…不自覺地ㄧ粒又ㄧ粒咁停不了！

“半島”而家仲有得買，不過味道是否ㄧ樣就唔知嗱？！（好似佰幾蚊）

          因為而家嘅我口味已經改變，亦都唔會好似細路女果時咁為了ㄧ嚐

美食而千里沼沼“飛的”出去，咁傻、衝動！

          不過有兩種…呀！唔係…係ㄧ種平價及ㄧ種中價嘅朱古力我可以介紹

ㄧ下！這兩種朱古力嘅共通點都係嚟自日本，佢哋亦令到我對日本生產嘅

朱古力改觀！因為佢哋唔再只係識生產 D 好睇唔好食、兼食落去好似食緊

“防付劑”咁嘅朱古力！ㄧ隻係“MORINAGA”嘅 FRENCH Milk，

20幾蚊盒有 21 片獨立包裝，四四方方嘅片裝都算滑嘅！好好味嫁！咁當然

唔好同 D 貴價朱古力比嗱！Even，有人覺得“Godiva”好好味！但我就覺

得佢滑就滑嗱、不過還是略甜！

          另外ㄧ隻是“ Royce”嘅朱古力，係 “City Super”同又ㄧ城間

“Log On”有得買！唔知係咪北海道生產，但係好滑、幾好味！我就偏

愛果盒純朱古力，亦分別有 milk chocolate 同 dark chocolate；不過如果偏

重苦味朱古力朋友就會厭佢唔夠苦，但佢係夠朱古力味嘅！我個仔就勁

愛佢隻“Nama”朱古力，貪佢凍凍哋、夠朱古力味又夠滑；入口即溶，

食完成口朱古力味！仲盒內仲有埋义比你，好細心嫁！不過又係果句囉！

初初貪佢平平哋 $68 盒，好抵食！點知而家成$100 盒咁‘掣’，厭佢貴

咗 D；冇咁抵食囉！

          ㄚ！仲有ㄧ隻有錢都未必咁容易買到！佢係“Lindt” - Les Pyreneens响

法國季節限量版嘅朱古力！由朋友在法國帶回的！我有幸享用過幾次！真係

超正嫁！佢長方型、每粒都用銀色紙薄薄的包著，佢嘅軟蕊散發著特別的味道！

第ㄧ次放入口就會覺怪怪的、味道很特別，好像有點杏仁味、又有點像輕

微嘅酒香；當佢入口後慢慢溶化、味道慢慢散開，果種韻味良久不散！

但當你嚐過牠的味道後，你便會禁不住誘惑再次去品嚐牠！總之好難形容！

 I  Love that！有幸去法國而又咁繞撞到佢嘅朋友ㄧ定要試下ㄚ！

          雖然品嚐過咁多令人難忘嘅朱古力，可是最深刻的仍是有ㄧ晚爸爸

帶著ㄧ大排有提子的“吉伯利”朱古力回來，當年很少有得食咁大排嘅

“吉伯利”；因為都唔平，果晚原來係妹妹出世，所以當時爸爸在醫院

探完媽媽好開心咁；禁不住喜悅而買回來給我和弟弟慶祝的！因妹妹細

我們十年。這種層經為新生命的誕生而興奮嘅感覺，唔知爸爸有沒有隨

住佢變心而忘記呢？