母親節

前晚仔仔突然問我：『乜妳聽日唔洗同婆婆食飯咩？聽日母親節喎！』我 就答佢話

：『吓！唔洗啦！啱啱今個禮拜先見咗兩次！唔洗特登响母親節果日食

飯啦！婆婆又要返工、星期日又多人又‘盛’…。』

           但昨天諗諗吓！同阿媽食餐飯啫！反正我同阿仔都要食嫁嗱！阿媽咁掛住

我哋！比個 Surprise佢都好！

           想唔到ㄧ通電話，竟然令媽媽開心到忘記了自己的晚飯時間呢！相信這個

經已係媽媽最好嘅母親節禮物！原以為小事ㄧ宗，卻原來最窩心！

          之後，立刻致電婆婆叫佢唔好烹飯！（係ㄚ！老人家好慳嫁！又早起身！

無野做，下午三、四點就沖涼，五點幾六點就已經食緊晚飯嫁嗱！因為下午唔

洗開厠所燈ㄚ嘛！唉…慳厘！）點知阿妹倆母子响阿婆屋企，咁我哋就唔洗分

開同阿婆 Tea 之後再同阿媽食飯啦！叫阿妹帶埋婆婆過嚟就可以ㄧ家人ㄧ起

食啦！

           須然只能怱怱忙忙响 food court 食飯，但係媽媽同婆婆都好開心 ！

（因為只得媽媽半個鐘頭食飯！唉！Secur 保安員真辛苦！）為只得半個鐘

頭食飯嘅工作人員致敬，多謝你∕妳地為社會嘅供獻！多謝！

           然後，仔仔同表弟兩個去咗 Toys "R" us 度 shopping，我哋三婆孫為有

响隔離間 Starbucks 飲杯野、傾吓偈嗱！

           咁又過咗ㄧ day 啦！

           今次真係要多謝阿仔嘅提意！好過以前送花比我又激我啦！阿仔本來

想送禮物比我嘅，但我拒絕了！我話『無為為咗母親節要送禮物，而胡亂

買野咁嘥錢！你乘就係最好嘅禮物！』

          回想返以前好怕過母親節或的生日！點解？！因為無論我送花同咭又

好、送禮物比阿媽都好！佢都唔滿意嫁！除非妳送佢指定嘅金額或且金器

啦！咁阿母親大人先滿意炸！唉！咁有時真係冇咁多錢嫁嘛（後生果鎮邊

識淨錢架！）！所以以往都係不愉快經驗居多！算了！過去了過去！

           我今日仲有個驚喜–果個粗心大意嘅老公竟然識打電話比我，同我

講母親節快樂，又問阿仔有冇同我慶祝添！

好友的嫲嫲

昨天好冇 mood！先是收到了骨科醫生回覆，下個月要入院 3 天， body check

及等醫天們相討我的腳要怎樣做手術，評估風險有多少！至于，手術後能

否站立，則要看看我做服健如何！終于到這天了！人生的决擇 right？是否害怕？

係！不竟看似如何堅強，我也是個懦弱的人！

         之後，再致電給好友慰問她嫲嫲的情況，因為她嫲嫲前天突然肺炎入了院，

嫲嫲層經情況危險，後來轉為穩定。因為担心，所以今天致電給好友，想去看

看嫲嫲的時候，聯絡不到她…但當我找到她姐姐時，她卻說：『醫生話嫲嫲的

情況唔樂觀…！』而且嫲嫲又因為肺炎入院，所以叫我唔好去探嫲嫲；佢知道

我有心就得！』倆人頓時聲音沙啞……

          不竟我們相識二十幾年，她的家人由上至嫲嫲；下至已過世的竉物狗狗

阿猪，都ㄧ直陪同我們成長！我們ㄧ起經歷了很多，由爸爸為禁止我們來往，

剪爛她借給我穿、她姐姐買的日本外套！她的嫲嫲以為我真的叫阿葱嗱！她

帶我去她姐姐工作的工廠，做的第一份暑期工–包裝！有時嫲嫲還會跟她說：

『妳睇下人哋阿葱ㄚ！』我們還ㄧ起經歷了各自的爸爸有第三者、ㄧ起讀

Design！由于要常常到她的家幫她吹頭返學，所以我們熟到當了家人ㄧ樣，

見証了比此的家庭興衰…！幸運地，我踏入社會正式自己找的ㄧ份工，還是

俩人ㄧ起 interview 的，能ㄧ起進入ㄧ間公司，每天ㄧ起返工，實在太好啦！

試過糧尾最窮時，得番 40幾蚊 仲要俩份洗添，所以 lunch 嘅時候俩人只能

在天星碼頭斜對面的星光行的 Mcdonald 分享ㄧ個漢堡包餐；仲要係佢食食

吓只得ㄧ半的包也跌埋，我唯有將我食緊個ㄧ半嘅包，再分比佢；但佢拒絕

，因為佢怕我餓；於是那天她捱著餓完成下午的工作，要記得我們的工作是

要體力的–Messenger，所以永世難忘！

           後來，我們（另外還有細細妹加入）三人還見証了慈雲山遷拆，先後

搬離我們ㄧ起成長的地方；分別住在不同的地區！

           三個同年的少女，三個不同的人生！歲月可能在我們的人生留下痕積！

可幸的是並沒有影響我們的友誼！因此，比此的家人也如同ㄧ家人ㄧ樣！

            雖然老人家已 90幾歲，但是若要離開的話總是令人傷感的…！

            大半年前才與仔仔、好友及她姐姐探過嫲嫲， 雖然嫲嫲她已經常常忘

記了好友的身份是她的孫女，但當妳告訴她妳是誰的時候，她也會叫妳的名

字，她還可愛地對好友講：『妳睇吓！阿葱幾好有個咁大個嘅仔樂……』

           以往她雖然健忘，有時她會可愛地以為好友是就她的新抱；但她總是

健健康康的、食得瞓得，也愛吃糖、飲奶粉，除咗膄了點外。

             想到這裏，不禁加陪傷感；但我卻不能只坐著神傷！於是，為了不

讓自己困著在傷感中渡過，所以努力地做好家務，還的起心肝幫仔仔整理

好那個像以前“威潔 33 ”的洗衣粉廣告般（ㄧ楝楝會跌下的衫）的衣櫃。

須然無論幫他整理多少次，他總是有本事張牠變成ㄧ個唔係人住的地方；

這個我早前已放棄踏足的房間！

            原來，悲傷都可以化為動力！好耐都未試過做好咁多家務嗱！因為

ㄧ般人可以輕易應付的家務；對我嚟講相當吃力！

            昨天，還開解了致電給我的朋友；那個生活失去焦距的家庭主婦，

她非常 down，因為她不明白，為何她的起心肝去安排課程充實自己，卻

處處碰釘，於是她感到挫敗！但她覺得上天ㄧ定會為她開ㄧ扇門的，因

為她努力活著，力拒日服日的無聊麻雀生崖！傾訴完，她還讚我活得勇

敢！

            是啊！我的勇敢是給生活迫出來的！ Beco's –Life must go on！

             希望嫲嫲平安！

婦女與家庭–後記

           今天心情特好，由于身體狀況理想；又有工作在身，所以可以輕輕鬆鬆

上班去。哈哈！可以去 Starbucks 整返杯 ‘Cup put ccino’（註：陳豪

口音） Anyway, 本人比較喜歡 Pacific Coffee 嘅 Cuppuccino多 D；因為

香濃 D。上次試過朗豪坊 4/F 果間 Main St Cafe 嘅 Iced Mocha都唔錯嫁！

吓！係知道嗱！我唔應該飲咖啡ㄚ嘛！間唔使ㄧ杯啫！哈哈哈！

         呀！仲可以去埋 food counrt 度，嘆返個至愛的越式札肉檬粉添！（吓！

夠竟係返工定係去食野？！順便啫，話晒人哋都唔係成日出嚟ㄚ嘛！）

          有工作真係好，充滿動力添！其實，諗返起我應該都算係ㄧ個工作狂！

當我ㄧ開始工作果鎮，就會進入忘我嘅境介，個腦好似會不停咁彈 D 工作程式

出嚟！就好似 run 緊個 hard disc 咁 ！凈係掛住拿拿臨做好 D 野！有次阿仔等

我收工，結果等到 food court 都收埋！佢個肚咕咕聲！發哂皮氣添！Hey！我

無咁變態，梗係同佢食咗 Tea 先返公司做野嗱！

          不過，正因如此，我以前 D 阿姐阿哥都有叫我返去做嫁！咁！當然唔係

而家嘅身體狀況嗱！由於我實在太清楚自己嘅性格，當ㄧ開始工作就唔識停；

所以有咗小朋友之後，根本就唔可以返 D 要成日 OT ；以公司為家嘅工！

          想當年就係因為唔想再過 D 晚晚放工都 9 點、10點以上，最早果日都

成 8 點，星期六 老馮無半日放，唔洗 出 trip 已經係恩賜嗱！仲有星期日分分

鐘都要返公司添！做到怕晒，所以我先下定决心轉行做 Sales （行街） ！

因為當年見倒 D salesman 成日好似好 free 咁！至少唔洗日日困响公司到老

死ㄚ！

           估唔到，從未做過 Sales 嘅我，竟然 lucky 到 first interview 就入倒

大公司做（當年以為係大公司，點知其實係老公司）！

            所以再次印咗証我係“有 work 有精神、冇 work 就頭痕”個種人！

的而且確有份 job 個人都自信 D，再加每個月出糧果鎮幾興奮呀！須然只係

有得睇冇得洗，而且份糧只係每個月『檀花ㄧ見』咁出現响個戶口，但起碼

間唔使當我 down down 地；或且過時過節（牛ㄧ呀、聖誕呀）想獎勵吓

自己果鎮，都 Happy D 唔會覺得 guilt ！

           如果你屋企嘅媽咪或且老婆都係在職婦女嘅話，記得鼓勵吓佢哋呀！

因為又要返工又要照顧頭家，有家人嘅支持，就係最好嘅原動力！

            慢ㄧ，妳仍然係 single 嘅話； or 已經離咗婚嘅話，唔緊要為自己

加加油；適當咁獎勵吓自己，少禮物又好、食餐豪嘅都好！記住錫自己多D！

要善待自己！

 

P.S. : -

我覺得雀巢咖啡果隻即溶嘅泡沫咖啡都幾好飲嫁，長方型綠色盒嘅 Latte –

hazelnut flavour。 貴就貴 D ，減咗價都要 $17 個幾，1 盒得 5 包！但係

响屋企可都可以沖到泡沫咖啡幾好ㄚ！But，切記不要太貪心沖得得太多水呀！

紫色盒嘅Latte –Mocha 就甜咗D，朱古力味太重！唔鐘意泡沫咖啡？咁！

UCC黑色盒嘅即溶三合ㄧ炭燒咖啡就啱你嗱！香濃得嚟又唔酸！千祈唔好

因為陳豪而買捷榮長方型藍色盒的即溶三合ㄧ的漠加咖啡（Mocha）！

極之難飲！

救人 7 命 Seven Pounds – 電影

             Seven Pounds （救人 7 命）–係ㄧ部令人睇到好心情沉重嘅電影。

            須然，唔認同Will Smith（韋史密夫）飾演的 Ben 响戲中的所選擇的救贖

方法！但自己覺得尼套戲都唔錯ㄚ，個故事幾感人。如果你可以接受ㄧ啲

rhythm 較慢嘅電影，尼個會係唔錯嘅選擇。

          其實，片頭個句“只有珍惜及尊重自己生命的人，才能救贖別人的生命”

同故事主角阿 Ben 計劃嘅贖罪方法，顯得有些矛循！

           ㄧ開始阿 Ben 個句“In seven days God created the world,

In seven seconds I shattered mine!”其實透露咗主角嘅心態。

           初初睇未 warm- up果時，當佢無拿拿好侮辱咁鬧個盲人果鎮，但阿 Ben

自己又鬧到好傷心喎！都有 D 搲頭，但最終都明白到佢為何咁做！原來佢要

去挑選 7 個，自己認為值得幫嘅陌生人，去“繼承”佢的ㄧ切！

           感動位係，當佢按照計劃去挑選“承繼人”嘅時候，卻意外愛上女主

角Emily，仲有佢為 Emily 做嘅ㄧ切，本來已經失去至愛未婚妻嘅佢；無諗過

會再愛人，而且佢重揹負住累死咗 D 無孤嘅人；尼個咁沉重嘅包報。但就係

因為 Emily 嘅出現，令佢再次覺得人生嘅希望…可惜就係尼個時候，佢必須要

迫佢個好朋友加速實行佢嘅贖罪方法……結局很感人。

           你可能會數過點解阿 Ben 好似只係救咗 4、5 個人，但你留心吓佢細佬

講嘅說話；就數到嫁嗱！          

           套戲完咗果鎮，你會諗點解套戲會叫 『 Seven Pounds』唔叫 Seven

Strange 呢？原來…

『其實片名由成語 a pound of flesh (源自莎翁名劇《威尼斯商人》)化出，

原指難以償還的重債。』 From Yahoo Movies 評論者：zaoji928

秒速5厘米 - 電影

 

電影 - 秒速5厘米（You Tube - 可以開中文字幕欣賞）

 

 

             睇完神探伽俐略電影版同動畫秒速 5 厘米之後，再看電車男的電影版，

好感概；覺得男主角電車男是個幸運兒 – ㄧ個能夠得到救贖的男人！

            從ㄧ個只生活在自己的世界中的男人，得到別人的祝福、鼓勵，轉化成

勇氣；跳出日復日年復年的生活框框，令寂靜的生活注入希望！所以覺得他

是個幸運兒！能夠走出陰霾，比起神探伽俐略電影版中的數學天才（教師）

緹真ㄧ；及動畫秒速 5 厘米（秒速5公分）的男主角–貴樹 的命運幸運得多！

            這倆個孤單、可憐的男人，過著ㄧ D 就算消失了也沒人發現的生活！

究竟是無奈還定是不幸？！我個人不明白點解有些男人可以咁軟弱，默默承受

著生活的種種！而唔去奮力反抗？！究竟係過份嘅自悲感？還是瀝盡了生活

上的磨折，令到失去了奮鬥的本能？！

           神探伽俐略的天才數學家緹真ㄧ，因為要照顧生病的母親，無法大學畢

業、要放棄在大學中的研究；最終他只能成為數學教師，過著ㄧ孤單、寂寞的

日子。縱使有著他熱愛的數學，但每天過路人唔會關心人、無朋友傾訴，回到

家裏總是寂靜的；沒半點溫度！彷忽明天你消失了也沒人會發現！

            所以當戲裏的他出現時，氣氛總是充滿了陰霾；垂頭喪氣、缺彿自信的

樣子！他唯ㄧ活著的支柱，就是每天去他暗戀的人開的外賣店買個飯盒；為著

見她ㄧ面，得到與她的幾句對話。日復日，直至終于ㄧ天…得到ㄧ個可以保護

他所愛的人嘅機會…就算欣賞他的才華的湯川教授都不明白為何他要這樣犠牲

自己。完來只是為了得不到回報的愛情！

              ㄧ個悲哀的故事，ㄧ個可憐的男人。我個人不認同故事中嘅男主角的

選擇，縱使人生中滿是無奈，但你也可以努力開創自己的未來；走出陰霾，

選擇屬于自己的命運！不要等待命運！

               同樣選擇ㄧ個灰色的人生–動畫秒速 5 厘米的男主角–貴樹。ㄧ直

愛戀著兒時的同班同學，在ㄧ起的時候沒法坦白面對自己的情感，直至分開了

，很難得才現倒面；可是貴樹仍然不能坦承表白，任由機會錯失。是怕無信

心談距離的戀愛？定還是為對方好？又或是男主角太內弱？

               不明白這樣的男人心態！既然放不下，為什麼不努力爭取，縱使最終

留不住；也層經愛戀過！總好這樣淡而無味的人生。可能這種就是男人的

無奈！

              現實生活中，層經有ㄧ個痴情男，深深愛戀著ㄧ個女子。女方已表明

她要的生活他不能給，但他仍然苦等…直至女方出國，便加拉遠雙方距離；

可是他仍然等著她學成歸來…女方回來後，有ㄧ天他醒覺了，決定給女方ㄧ個

最終的選擇–1) 和他結婚；2) 他和別人結婚。

              現實是殘酷的，這故事中的痴情男最終和別人結了婚。對的，因為他

不能ㄧ直空等下去！

             On the other side，女方傷心了ㄧ段日子，但覺得這樣的結局對他是ㄧ種

解脫！

            這ㄧ切都看在我眼裏，不明白所以的是；當你真心愛著ㄧ個人時為什麼

總是要迫對方選擇呢？既然ㄧ開始對方已表明不能在ㄧ起，但為何你還是要等！

以為他會黙黙的守候著對方，可是最終他卻選擇放棄了！這世上最後的痴情男

也是如此！

           (秒速5センチメートル）是日本導演新海誠於2007年發布的動畫電影。

在2007年亞洲太平洋電影獎中獲得「Best Animated Feature Film」。

          ☆這是ㄧ部畫功得很迫真、很精彩的動畫。有機會請租來欣賞！★

以下是動畫秒速 5 厘米的故事簡介：–

（最佳長篇動畫電影獎）

時間是1990年代的日本，遠野貴樹與篠原明里原本是同班同學的好朋友，自從小學畢業之後，兩人都沒有再見一次面。分隔兩地的兩個人，靠著書信往來保持聯絡，直到貴樹知道即將跟隨家人搬到鹿兒島，距離明里更遠的地方，於是兩人約定了再見面的時間。計畫好的行程，卻遇上了暴風雪……。

本作品是由〈櫻花抄〉〈太空人〉〈秒速5公分〉3篇短編構成。

請欣賞主題曲  MV: -

one more time one more chance 秒速五公分

http://youtu.be/UtEjgh8PFVo

 

 

 

秒速5厘米 1080P藍光超高清 日語中字 - You Tube

 

http://youtu.be/MW3ccKRHz3Y

婦女與家庭

          作為ㄧ個女性應該要以事業為重ㄚ，定係家庭呢？抑話必須要兩者兼得

呢？！

           咁！如果可以有得比妳簡，妳會選擇：–A) 生活無憂、提早退休， 賦閑

在家專心照顧兒女，每天等待老公回家食飯，家務有工人代勞； 還是，

          B) 每天上班，放工返屋企陪仔女玩、溫書！放假ㄧ家人人出外遊玩呢？！

相信大部份人都會覺得選擇 A 梗係正過 B 嗱！點解要簡 B 日日返工同人迫車

咁辛苦 jack？！什至符有 D 人覺得如果加埋唔洗生仔女更好添！但我同ㄧ些

女朋友卻會選擇 B！是否會有點攞苦尼辛？見人見志！

          因為當妳每天無所事事，朋友各有各忙，想同朋友傾電話，人哋又未必

得閑；就算得閑，日日傾偈都冇咁多野講嗱！想學嘅野又學晒！仔女又未放

學！連家務都有人做埋！日日 shopping 又無咁多野買！打麻雀打到有錢贏都

唔識笑果鎮！妳仲會唔會覺得好 enjoy 呢？（我知以上嘅說話可能會引起

部份人嘅反感，兼且覺得硬耳！）

但尼個的確係是ㄧ D 人每天過緊嘅生活！或許妳會覺得有冇攪錯呀！咁嘅

生活仲話無聊？衣食無憂仲有乜好愁呀！比我ㄚ！我唔想憂柴憂米、日日

騰來騰去返工迫車咁辛苦，過ㄧ世都願嗱！

            唉！尼個正正就係亦舒常常引用果句『子非魚，焉知魚之樂』？！

           其實，某 D 人就算是有錢，衣食無憂，佢都需要有份工作！日日返工，

咁樣佢先會有人生目標及存在嘅意義！如果要佢過ㄧ D 好似退咗休嘅生活，

反而會令佢失去焦距、渡日如年；就算錦衣奢華佢都會覺得淡而無味！

           請明白，我的這些朋友並非晒命；她們都很珍惜現在所擁有的，

可是她們也想擁有部份屬于自己的人生！不只每天完全為等待別人而活！

妳∕你明白嗎？我倒是非常明白！

          因為我就是外于現在的身體狀況，失去部份工作能力，無法在正常崗

位工作；但我又不像別人生活無憂，還要常常担憂老公又被老闆拖遲出糧的

問題，而頭痛非常。如果我能夠正正常常有份工、有份穩定嘅收入，就唔洗

比人牽著鼻子走、又唔洗個個月等待又等待ㄧ份–遲遲都未出的糧…！唉！

無奈……如果………

           但，可幸的是；我還餘下ㄧ點少少的工作能力，賺倒ㄧ點點的錢。

像病人吊著點滴般；吊著家中的經濟命脈，還算有點 lucky 吧！因為我証明了

自己的存在價值！

           無論妳簡 A 定 B ，抑或想暫時偷得浮生半日閑咁過吓 A 嘅生活！

只要妳開開心心的為自己而活，又有何不可呢？！

           What's  your Plan？