成長於慈雲山的加得氏

2010年4月10日星期六

Mcdonald 的膠袋碎片奶茶

今朝比 Mcdonald個外賣攪到好火，首先佢哋遲到咗15分鐘先至到，連

sorry一句都無！咁都算嗱！當我飲飲吓杯奶茶果鎮，竟然有塊膠袋碎片响口中

！！？？吓咁都得？！有無攪錯呀！

我非常氣頂！於是立刻打去佢哋嘅外

賣熱線，諗住投訴！結果佢哋竟然話會通知分店嘅經理了解件事，响15分鐘之

有個唔知頭唔知路嘅女仔（Mcdonald職員）打嚟問咩事，跟住仍然係對於遲到

事件無道歉，佢『 O 咗鎮話係！』；直至我話杯奶茶有塊膠袋碎片，佢先話『

唔好意思！我哋換番杯奶茶比妳！』吓！仲換？換嚟做乜？如果你投訴完仲感

∕想飲杯唔知咩嘅奶茶的話！‵∩′°°°°

唔好諗住投訴有門！無論個機構有幾大、有無網頁，原來佢哋跟本唔會

為顧客設立一個投訴基制，所以無論你條氣幾唔順都好，都係投訴無門嫁！！

乜你認為間間分店嘅經理都會向顧客檢討∕承認自己嘅錯誤嗎？！你

認為自己監察自己有用嗎？！

上次佢哋送漏咗兩塊薯餅，我通知佢哋話請盡快補送，因為我們要趕

住出門口，若果遲咗無人收貨！ㄚ…點知佢哋成 20分鐘都未到！我追咗3 次

！後來？後來…我梗係走咗嗱！收到風佢哋完來成半個鐘之後先出現！

自己認為做食物嘅機構除咗要有良心之外，還要設立完善嘅投訴基制

，這樣才能不段改進；成為一間有成功嘅食物制造商！唉……可惜…一間這

樣的機構……………

投訴的題外話 — 話說朋友們很怕投訴一 D做食物嘅機構，通常D食

物或飲品出咗問題，都只會係退款；又或且由得佢，由其係外賣！因為友人

層經發生件恐佈經歷：–有次佢叫外賣時，由於叫得‘了能’，所以對方又

送錯了，於是友人致電去投訴兼要求退換！結果飲品是送回了……可是卻是

「加了料」！Yes！登登登登……是毛一條（不知是來自加拿大還是重要部

分呢？）我個 friend有無飲？梗係……無啦！好彩我個 friend好鐘意成日

在食∕飲之前，先撩吓 D野、左摷右摷先至入口！如果唔係咪中招！之後？

之後…咪 bad list咗間野囉！仲可以點ㄚ！恐佈喱！問你驚唔驚？！

2010年4月9日星期五

芝士釀雞翼 vs 金粟芝士釀雞翼

                        自從食過 Pizza Hut下午茶餐嘅金粟芝士釀雞翼之後便愛上了，不過

$37∕4隻，也真的很貴吧！（一個外賣飯餐嘅價錢！）

          一啖咬落去除咗有粒粒嘅粟米之外，還有點 juicy、裏面D肉都算嫩滑，
仲
有蜜糖燒雞翼嘅味道。哇！超正到無輪。也難怪成為我同仔仔嘅外賣排行榜

前三甲，唉…我們那裏的 KFC簡直比下去，連 Mcdonald嘅雞翼都好過佢…唉！

講番尼隻雞翼，雖然你食唔出佢有芝士味，食晒4隻的確有點漏，但相

信你都會因為佢好味而原諒佢！味道完全唔同辣味雞翼！ㄚ！切記落 Order

時叫佢哋千祈千祈唔好切開隻雞翼，唉！否則完全變成兩回事！到時唔好

食唔好怪我！想試？！打去Pizza Hut嗱！佢哋只得 Tea time 有嫁咋！仲有

+$3就有兩粒雞肉丸啦！都好好味嫁！木糠布甸都好 creamy，細就細杯 D；

但免強可以止倒妳對甜品嘅慾望嫁(at home)！而佢哋嘅熱嘅焦糖咖啡，雖然

係就係甜咗 D、又無得少甜(set 咗喎)，不過真係好香，唯有唔好飲到咁底嗱！

好耐都無去行街市的我，果日無啦啦行過，竟然發現到一包雪藏嘅芝

士釀雞翼，由於佢個樣子四四正正又已經釀好了，好易 handle啫，又唔貴約

$28 蚊。返到去再醃醃佢，放落焗爐；焗好，再放蜜糖加熱咪得囉！

於是，那天試過完成品，樣子都 OK！但味道就怪怪地，我諗可能我

用嘅醃料太過中式，所只同 D芝士味一D都都唔夾掛！（查實應該加少少鹽就

OK嫁啦！）佢裏面的而且確有一粒粒嘅芝士，可惜 D芝士味始終唔夠香，裏

面焗起一D都唔 juciy；或且我應該先用牙籤封口，鎖住 D肉汁至啱。唉…整

食物真係唔懶得嫁！不過最終，仔仔都食咗成 6 隻雞翼。ㄚ！下次有機會等

我再研究吓點整先得！（睇吓個完成品！個買相都呃得吓人掛？！）

Pizza Hut 外買送遞 Menu Tel.: 31800000

http://www.pizzahut.com.hk/files/menu_images/mar/PHleaflet_Mar2010.pdf

http://www.pizzahut.com.hk

2010年4月8日星期四

旺角朗豪坊的 Main St cafe

好味朱古力酥

              每次出親嚟旺角朗豪坊尼除咗會去 H & M shop吓之外，食野都會响
朗豪坊，因為佢哋多選擇，有池記、Euro go go、Mos Burger 同食甜品嘅
滿記，而飲野我梗會去 Main St Cafe，嘆番杯 Mocha又或且 Cappuccino
，因為覺得佢哋嘅咖啡無論係凍同熱都好香，唔會太甜；比$20 幾蚊都係想
嘆番杯咖啡啫，唔係飲糖水囉！所以都要比得值架係咪？！
         今次見到佢哋嘅朱古力酥，我當然要買番個試試啦！雖然食飽咗，但
返到屋企我又OK嫁啦！
         果然，返到屋企食，D酥皮都仍然係咁脆，朱古力味道夠香、唔太甜，
好好味ㄚ！早知買多個啦！（唯有下次嗱！）

旺角朗豪坊 L4 13

2010年4月7日星期三

就想賴著妳

哎哟！這套劇真的不錯哦！

輕鬆、好笑之餘，又夾雜親情，仲有兩個靚仔睇添（言承旭 & 張勛傑）！

妳可以在劇中找回那種似 firm還未 firm、大家估估吓、關心又緊張對方，很

sweet 的感覺；還有愛到差點不分性別的矛循；甚至當你的所愛變成別人的

時候，除了心痛之餘，還得忍痛祝福對方，為她默默守候著！最後妳還會感受

失去愛情的一方的痛！在愛情的面前人人平等，不論你∕妳是天之嬌子∕女、

外貌如何出衆、條件如何優厚；但當愛情遠去的時候，你∕妳用盡任何方法也

不能把愛留住！

言承旭飾演項羽平一個冷酷、毒舌的律師老闆，他為了要一直不斷找

更換的保姆；來照顧兩個大哥身亡後留下的姪兒而頭痛！最後，在精明、算死

草的秘書楊朵（小嫻飾）推薦下，以高薪請了女同性戀的妹妹楊果（Ella 飾）

。雖然楊果是個笨笨的怪女孩，但是卻因為她那獨特的個性，漸漸改變了羽平

的生活及週遭的一切事物，為他深沉的內心帶來了陽光。

            只可惜當羽平攪清楚自己的心時，發現原來已深深的愛上楊果；於是他

立刻找楊果告白，不過…與此同時，他卻眼爭爭看著楊果已成為了自己的好友

齊可中（張勛傑）的女友……那邊廂分了手的女友丁卉凡（陳紫函飾）又苦苦

痴纏要復合……一段錯綜覆雜的四角戀展開。

你想要卉凡的沉重的愛情嗎？還是要一個深深愛著妳、願意為妳做盡任

何事，甚至犧牲自己的愛情來成就妳；但妳卻不愛的他的可中呢？抑或是，一

個層經愛著妳，但與妳分手後；卻愛上一個樣貌比妳醜、條件比妳差的楊果，

不能自拔，因而狠狠的拒絕與妳復合的羽平呢？

當愛沖著妳∕你而來的時候，妳∕你會覺得自己是世界上最幸福和甜蜜

的人（羽平與楊果）；但當愛情要逝去的時候（羽平與卉凡），不管妳∕你

怎樣想挽留，也留不留住！


有點同情卉凡，因為她儍得以為愛情是可以用時間的長短量度；她還

天真、自信的以為愛會一直待在身邊，垂手可得！單憑她擁有 7年的愛情、

天之嬌女的身份、出衆的外貌？！可是她卻忘記了愛情要相方一起苦心經營

的，一段沉重的愛情最終只會令人累！

        討壓她！因為她忘記了，是自己先選擇事業而放棄愛情的！姑物論

成功與否，再也不能走回頭路了！她不知道愛情是很記仇的嗎？！無論妳

認為自已輸得如何不甘心！當妳選擇背棄牠的時候，就注定妳再也無發尋回

！不論妳付出任何代價，再不能挽回逝去的愛！她還可悲的利用可中對她的

愛，妄想挽回羽平已遠去的心，明知他已愛上了楊果；卻不擇手段，用盡一

切方法去迫羽平，勉強挽回一段變了質的愛情，這又何苦呢？只會令到自己

變得更加令人討厭，最後連自己也會厭惡自己！

當愛已到了盡頭，就要學識放手，這對相方都是一種恩賜！勉強糾

纏下去，只會將自己的痛苦不段延續；傷了別人、傷了自己！放手＝放生自

己。層經自己也蠢得以為只要放底自尊，就可以留住對方；可幸的是，我比

卉凡還要清醒得早！當看清楚無論我再為對方做任何事，他也不會感動、也

不會真惜；再問問自己，為了這種變了質的愛情值得嗎？！留住一個沒有愛

的軀壳，這是你∕妳想要的嗎？！心很痛，像被挖空了般，但是卻釋懷了…

日子總要過的吧！時間真是一個好的避風港！心…在那？！被狗食了……


    嘩！真的瘋狂啊！竟然用了兩日一夜煲劇！好彩知道自己瘋狂，所

以無論如何，我都留到假期才煲，真英明！哈哈哈……

劇中的另一個俊男張勛傑。

很 cutie的兩位小朋友！

「就想賴著妳」官方網站

http://www.gtv.com.tw/Program/S051420100108U/

言承旭-我會很愛妳MV

http://www.youtube.com/watch?v=hDCQNKQ_4f8

MV Down with love [就想賴著你 ]

http://www.youtube.com/watch?v=qRg-5TbU0N0&feature=related

S.H.E - 只為愛上你

http://www.youtube.com/watch?v=qjLB5RRrTA0&feature=related

2010年4月3日星期六

西貢熱辣辣的菠蘿飽

星期日仍然係病病地，但難得 U君咁好入嚟車我倆母子去西貢 High tea

，我當然係捨命陪君子嗱！一於整番轉 cake set之旅先，先去 Freeze陪 U君

食野兼放狗，由於果日係 sunday兼係西貢日，有慶祝活動，所以勁多人，唔

怪得知個 car park…等到癲咗…！

源路行來發覺這兩間在碼頭邊的餐廳已走晒樣，由原先的中檔路線西餐

廳變成平民化的茶餐廳？！是因為要適者生存？！所以最前面那間竟然有小食

檔在買咖喱魚蛋、格仔餅…？！

在 Freeze 坐低後我點了 chestnut cake＋ coffe，U君點了炸雞烏冬

，仔仔他們則點了吉列猪扒拉麵！

這裏的確有很多狗主在進餐，由於這裏比較通爽，又可以與狗狗們一起

用餐，所以方便了不少狗主，香港可容立竉物的餐廳真的比較少；但若然妳

∕你是怕狗一族，便要考慮清楚了，皆因分分鐘有隻龐型巨物在妳∕你身邊

打轉，還‘觀免’著妳∕你枱中的食物！

話咁快我件 chestnut cake就到咗，個 out look 就 OK，試試個味道

先…唔…OK幾好，有栗子香味，但略嫌 D栗子蓉稍甜。蛋糕須不夠嫩滑，但

入口的感覺不差，整體都算好。朋友的炸雞須然味道淡咗 D，但裏面的雞肉

都幾嫩滑；湯底是普通雞湯，但都好好味。仔仔們的吉列猪扒小就小 D，得

4件，拉麵嘅份量亦較少，但味道都唔錯。

不過，佢哋嘅飲品方面就爭咗 D，杯熱咖啡嘅味道十足苦茶咁，美式咖

啡就未試過，因為無得跟餐又要成 $20幾蚊杯。埋單HKD203/4位，價錢略

貴，但食物質數 +竉物海邊餐廳＋雀鳥 live 伴唱都算OK嘅！（喂！果幾隻

彩鳳仲唱得幾好聽嫁！）

＊＊注意：–佢哋嘅份量較少，若果好似我哋咁大食就可能未必夠！＊＊

         後來大家因為未夠喉，於是便決定去這間排滿人龍；等買新鮮熱辣

菠蘿飽及葡撻的 Sai Kung Bakery 再 tea。這間shop 原先只係買麵包同

cake，佢哋早年成名作係箭豬蛋糕，但後來出面就出現咗好多 copy 。佢哋

嘅舖係位於和記餐廳隔鄰最 corner 的位置，即小巴及的士站向公園果面行

埋去，佢哋有枱及坐位提供，不過係以自助型式的。（須要自己購買食物及

飲品的。）

         或許在西貢齋開 cake shop 比較難以為皮，所以他們現在才推出

買新鮮熱辣出爐菠蘿飽及葡撻，而且還不段有一盆盆的菠蘿飽出爐，坐下

來便發覺無論佢出幾多轉，人流仍然不絕；難怪這兩樣食品似乎成為他們

的主打，機乎坐親枱枱客都有點咁制。

        既然今日名為食 cake之旅，咁當然係要蛋糕 againt啦！點簡好呢？

件件蛋糕都好似好好味咁，OK 我最終簡了 New York Chesse Cake，

仔仔他們都簡了 Chocolate cake，咁當然梗係要 order 番兩個菠蘿飽同

葡撻試試啦！加埋兩個熱奶茶同凍檸茶，都只係一共 $149蚊啫，抵到極！

先嘆番啖奶茶…唔…這才像樣…比起剛才，咁樣先至叫 high tea！

自己覺得不論是任何西式餐廳，如果你杯茶唔 Ok嘅話，就算你 D食物如何

出眾，都總係好似爭感 D野咁！你無理食食吓野，再諗住留番個肚鎮間再

去第二間飲過家嗎係咪？！

        個 cake 不論係 out look還是口感，都比剛才的 Freeze 出色，

無容至易，不竟佢哋係做 cake出身。芝士都仍然軟滑，但個味道淡咗 D，

不過略帶點酸的芝士味令人開胃，最適合做飯後甜品，唔會甜到漏又或且

rich 到頂胃；但朋友就覺得一般，佢都係鐘情于 Lemon chesse cake多

D，或許佢貪戀果種淡淡嘅檸檬香！餅底方面無以前咁香（唔通分咗心？）

；至於朱古力蛋糕都好香滑，又夠朱古力味。

終於到主角登場，真的新鮮滾熱辣。聞到已經想咬一口了！初初

仔仔仲話飽，但當佢見到個菠蘿飽果鎮，咪又係忍唔住口。個菠蘿飽的

而且確好香好鬆軟，難怪佢會成為這兒的新竉！反而覺得葡撻只屬一般，

或許牠的皮不夠酥翠；或許佢沒有以往安德魯的香味，沒有果種誘惑到

你想即刻擺落口嘅焦糖香味！總知我唔會為咗佢排隊等出爐囉！菠蘿飽就

可以等吓！

         下次入開西貢，咪去西貢（Sai Kung Bakery）試試囉！如果唔

係旺角金魚街果間康年，嘅酥皮蛋撻同菠蘿油都好得嫁！仲有灣仔嘅檀島

杯奶茶、蛋撻同三文治都唔錯嫁！

P.S.:-

朋友的小狗，Cute？

唱得好聽的彩鳳！

2010年4月1日星期四

悼念張國榮

他已離開了我們七年了！
他是永恆的巨星–張國榮。他擁有一張非常俊俏的臉孔！我當年非常慶幸親眼

目到他與毛舜筠拖手行金鐘西武，還可以非常 close up咁望住佢，他的皮膚

很細緻，亦都是個很 nice的人；盡管那麼多人向他與毛舜筠索取簽名（包括

我），他都有求必應；唯獨是有人開此要求與他合照，他才有點皺眉，但都

勉強影了幾張才離開！那時真的很羡慕相機擁有者，還想衝動地請求她也能

給我一張合照（最終我還是欠缺膽量，亦都不想再打擾他了！因為他的表情

好為難，而且毛舜筠好像唔開心咁！）但估不到這竟然成為了我一個的遺憾！

另外一個的遺憾，也就是買唔到果場佢要退出時的最後演唱會的飛！

更估唔到他會選擇在 4月 1日愚人節自殺身亡–這亦是他留給我們的

一個非常悲傷、難忘的黑色作弄！或許他也認為生命中充滿了愚弄吧！所以

他才會選擇這一天結束自己的生命，以示作出控訴。或許……

盡管如何他也選擇離開了，我們不論怎麼不捨也應尊重他的選擇！

        回想起那天，當我看見 call 機顯示出他的死訊時，我還罵著這些無聊

人也未免玩得太大吧！為什麼心地那樣差呢？直至當電視公報他的死訊時，

我還震驚得不能相信；當冷靜下來我才通知了我果兩位極愛他的朋友，她們

也哭了！

         今天突然好想聽聽他的歌，再看看他那英俊的臉孔，所以如果妳也

愛他的話，就讓我們作一個小小的悼念吧！

        送上幾首我好鐘意嘅歌：– 追，明星，迷惑我，滴汗，想妳，

                                         當愛已成往事，風繼續吹。還有他的三個

                                         訪問！

P.S. :-

唔知仲有無人有張國榮當年配音的廣播劇雲上雲上呢？！我勁鐘意呀！佢把聲

好 sexy，佢係釋演空軍…可惜…我搵來搵去都搵唔倒……好想聽番呀……！