成長於慈雲山的加得氏

2011年6月9日星期四

IL Meglio - 生日飯

我今次的生日飯係係尖沙咀諾士佛臺的 IL Meglio，菜式係地中海式

嘅法國菜。我哋一坐低就見到隔離枱叫咗一個用架上嘅精美菜式，朋友話果個

係一個海鮮盆（頂頭有一隻蟹、中間有蝦、螺、魷魚、魚…等），不過由於

朋友 G同 W 對海鮮敏感，所以我哋決定放棄。

        佢哋嘅 menu 係一大張 card 咁樣，有中英對照，而食物種類大至分

為湯、頭盆及主菜，但因為我哋唔食牛，而且我又唔可以食意大利飯 Risotto

（因為我食過 3 次都勁胃痛），所以我哋嘅選擇唔算太多。另外，可能係餐廳

响 11 點後會變身酒吧，所以個 drink list 較豐富，由 soft drink、啤酒至

wine 都有；soft drink 價錢由 $46 起、fruit square $55，不過尼道係無

水供應嘅，如果要飲水就要比錢買一支礦泉水（有氣∕冇氣），約$50 幾蚊支

，約有 4 杯（加埋一，就剩為$60 蚊嫁啦）。（想飲暖水，sorry 係無嘅！）

       我哋先 order 咗一個磨菇白酒忌廉長通粉、黑胡椒薄切吞拿魚配意大利

黑醋雜菜沙律及蒜蓉飽。個白酒忌廉通粉 D 醬汁煮得好好味，吞拿魚沙律味道

ok 啦，但係吞拿魚嘅肉質唔知點解無魚生嘅口感咁有彈性，蒜蓉飽都夠脆嘅！

後來朋友 G & Y 一家到齊後，我哋就再 order 香草蝦天使麵、巴馬火腿哈蜜

瓜、鮮三文魚＋煙三文魚闊條麵及鮮露荀煎雞胸等。

       我哋尼班朋友好怕腥，但大部份都覺得個鮮三文魚＋煙三文魚闊條麵好

好味，佢哋嘅醬汁真係煮得好好。巴馬火腿嘅脂肪比列 ok，味道唔會太羶；

朋友嘅囡囡覺得香草蝦天使麵嘅味道都幾好，不過佢就唔係好欣賞裏面嘅香草

嗱！

       尼餐大至上都幾滿意，services 都唔錯，不過餐飯就貴咗 D食咗成

$1,300 蚊，每碟嘅份量又唔多；淨係兩支水都成 $120 幾蚊，朋友 Y 覺得

最唔滿意係無水供應之餘，想要杯暖水都話無。

IL Meglio

尖沙咀，諾士佛臺 8 號地下，

Tel.： 23162223

2011年6月6日星期一

芒果 Tiramisu – 今日學整嘅生日蛋糕

芒果 Tiramisu–今日學整嘅生日蛋糕，雖然佢個 out look 係似

tiramisu，但實質上佢嘅味道係同 tiramisu 無關嘅，因為佢既無用手指餅

浸咖啡酒，亦無浸咖啡；而且仲因為放咗芒果汁落 D cream chesse 道，

所以攪到佢變成咗芒果芝士蛋糕嘅味道！而大部份嘅朋友都覺得味道怪怪的，

D cream chesse 比芒果味搶晒，不過算啦！如果我當佢係 mango

chesse cake 嚟食都幾 ok 呀，成個 cake 最衰就係 D 手指餅索唔到 D 芒

果汁，所以變得好韌囉！有時傳統嘅蛋糕口味都係唔好改變佢好 D！

        Anyway, 如果你唔 mind 又想試試嘅話，可以跟下面嘅食譜試試。

只要你唔放芒果汁，改番用咖啡酒∕咖啡嚟浸手指餅就 ok 嫁啦！

芒果意大利芝士餅（Mango Tiramisu）

7" 材料   ：   i) Mascarpone 忌廉芝士   250g
                 ii) 蛋黃       2 隻
                iii) 淡忌廉                       200g
                iv) 芒果汁    250g
                 v) 意大利手指餅               5 條（tiramisu 專用）
                vi) 糖                            50g
               vii) 水                             30g（用作調較芒果汁）
              viii) 谷咕粉∕防潮糖霜少量（灑面用）
               ix) 芒果                          適量（餅面∕餡用）

做法：

1）忌廉芝士坐熱水慢慢攪拌至糊狀。（切忌攪得太耐）

2) 用冰凍水將魚膠片浸軟，然後倒去水份，再用熱水將魚膠片坐溶。
（要將魚膠片一片片撕開，令佢唔會叠埋）。

3) 將芒果加水用攪拌器攪拌成芒果汁。（2/3 加到忌廉芝士中，1/3 用作
浸手指餅）。

4) 淡忌廉打至企身（不要太實），待用。

5) 蛋黃＋糖用打蛋器打至 cream 狀，再用熱水坐熱。

6) 蛋黃漿加至忌廉芝士內攪拌，加入芒果汁拌勻，再加入溶了的魚膠。

7) 最後加入淡忌廉拌勻，準備倒模。

8) 將手指餅輕輕浸入芒果汁中，排在餅模底部。

9) 餅模底放一層手指餅，將一半忌廉芝士倒入，再舖上一層芒果粒；最後
    將餘下的忌廉芝士倒入，放入雪櫃冷藏 3 - 4 小時。（記緊倒完模後要
    輕輕‘登’吓佢，等 D 氣泡浮面後，再用牙籤輕輕篤穿，這樣 mousse
    cake 至會平滑。）

10) 芝士餅凝固後，灑上谷咕粉及放上裝飾材料。

8" size

後記：

–雖然尼個蛋糕好易整，但係要整得好並唔容易。如果都係覺得原本嘅

tiramisu 好味 D, 咁你就千祈唔好放芒果汁，因為太搶味！

–做正宗嘅 tiramisu 最重要係，手指餅要浸咖啡酒定係咖啡，你自己就

要先試試味先至浸！

（切忌將手指餅浸得太耐，因為手指餅吸收水份快；如果索過龍會淋晒

同太濕，個蛋糕就好難凝固同唔好味！）

2011年6月5日星期日

Smile - Yogurt & Dessert Bar，好好味！

           上次經過無緣到訪，今次同仔仔終於都可以一嚐 Smile 嘅 Yogurt 啦！

       老實講佢哋嘅價錢一 D 都唔平，最貴嘅 Mango Fever 都要成 $68 蚊

杯，不過尼個係仔仔至愛，再加上尋日係 Special price $55，都 ok 啦！

        我哋買咗一杯 Mango Fever 同 The Garden，坐低堂食慢慢嘆！

佢哋地下約有 4 個吧枱位，另外有間玻璃房食甜品嘅約有 5 個位，而樓上就

要多人時先至開放！

        Mango Fever 有：芒果雪葩、原味 yogurt、棉花糖、芒果粒、中

間有餅乾碎，而最底層有白色嘅脆脆（好鬆化）！而 The Garden 有：

士多啤梨百力滋、原味 yogurt、荔枝果肉、桂花蒟蒻、兩塊好鬆化嘅麥芽糖

餅乾、中間有餅乾碎，最底層就有白色嘅脆脆夾雜。

        成個 yogurt 好有層次感，原味嘅 yogurt 味道好好，唔會太酸，我食

果個 The Garden 有 D 荔枝果肉夾雜好好味；士多啤梨百力滋味道酸酸哋

幾好味（如果想買返屋企回味，剩為 $35∕盒，口味有幾種選擇）；而果兩

塊薄薄地嘅麥芽糖餅乾，另人驚喜，除咗外形美觀又鬆化之外，佢嘅味道令

到我回憶起小時候食過嘅麥芽糖餅乾，真係店如其名，食到令人好開心！

        今次我哋雖然無食到佢哋嘅 dessert，但眼見D cake 個樣好得，

不過相信 Tony Wong 嘅作品應該都會唔錯（因為佢間 cake shop D 餅

好好味）！果日我哋仲見到佢嘅本尊添，攪到仔仔都話好想跟佢學整甜品

（佢話咁樣，第二時就可以整到好多好好味嘅甜品又可以攢錢喎）！

             另外佢哋嘅 Vanillie Sky 同 Banana Split 都好多人買，價錢

around $55–$58 蚊。店舖唯一要改善係 Yogurt 名全部用英文，亦無註

名裏面嘅用料，我聽到鄰坐嘅太太話『佢哋用晒英文都唔知係乜，叫又嗡唔

出個名！』

Mango Fever $68蚊， The Garden $55蚊，士多啤梨百力滋 $35

蚊，朱古力心太軟（細 size 版）$28蚊

Mango Fever

The Garden

Smile Yogurt & Dessert Bar

九龍城, 獅子石道 65 號地下

Tel.: 23826669

Roll - 好味蛋卷

            尋晚同仔仔行加連威老道，便拜訪一下連好友 J 都讚嘅蛋卷店–Roll。

仔仔見到 D Macaron 已經好開心，但礙於剛剛食完飯，今日又食咗咁多甜品

，所以我只能批準佢食一件蛋卷及一件 Macaron；於是我哋倆母子便買了兩

件細蛋卷及一件 Macaron 坐低堂食。

         店舖裝修簡單，但係都有 4、5 個坐位提供堂食，而蛋卷方面有兩種

size 可供選擇，大件 $25 起，細件 $10（其實細 size 都幾抵食）；另外

佢哋仲有 Macaron、包裝 cookie 同 Yogurt 買，我見到都有唔少人入嚟買

Yogurt，我諗味道都應該唔錯。阿 J 話上次去買蛋卷，店主小姐請佢試食咗

D 曲奇，味道都 ok 嫁！

        件榛子蛋卷嘅味道幾好，唔太甜、又夠榛子味，而仔仔亦大讚芒果味

嘅 Macaron 同蛋卷好味，梗係啦有兩粒新鮮芒果响入面噃！不過，阿 J 講

得啱，佢哋嘅蛋卷真係偏濕，所以都係堂食好味 D；否則擺得耐就會淋晒，

若果買走都係唔好咁耐車程同埋要盡快食晒至得。

        食完之後仔仔又出絕招，用水汪汪嘅可憐眼神話「真係好好味呀！我

想食多件呀…