上次數漏咗一間酒樓！呢間唔係個個都去到嫁！吓點解？因為你要好
“神心”、好努力咁先去到！ Yes！就係觀音廟後面果間酒樓！由于佢哋位
志屬“高人一等”亦只開早上（比 D 晨運客“hit”腳嘅地方）。咁你係咪要
好“神心”、好努力咁先行到上去呢？！我都係比阿媽摷醒，同鄰居一起去
行山，行去果度飲過一、兩次茶。不過果度 D 茶唔知係咪用“山水”冲嘅
呢？所以覺得特別甜、特別好味。（果時好多晨運客、行山人仕特登帶 D
膠樽呀、膠筒呀咁！上次裝 D 水返屋企！我哋都試過嫁！真係特別清甜。
當然果時冇咁多烏染呀！乜野空氣質數差！衛生準則亦都唔同嗱！）
果 D 點心種類須然唔多，但味道都唔錯嫁！由其是：–鮮竹卷同
臘腸卷呀咁！
如無記錯果錯下午只有一家自家開的小小茶室及有檔真正嘅
“山水豆腐花”，真係好正嫁！
上次數完酒樓同茶餐廳等，今次會講講慈雲山 D鐵皮屋檔仔同車仔
檔。記得慈雲山 34座前面早上有檔買腸粉嘅，個個都叫果個私奶做豬腸粉
婆。（點解齋腸粉會叫豬腸粉？因為一條條嘅形狀成條豬腸咁掛！）佢早
上有一、兩個木搭嘅四方枱、幾張用三塊木搭嘅櫈仔、兩個蒸腸粉嘅四方
鐵箱就開檔。呢兩個四方嘅鐵箱同條“担挑”就係咁跟住佢走天涯嫁嗱！
有時下午佢會用這條“担挑”一前一後咁咩住（背住）兩個四方鐵箱行上
我們呢 D 有八層樓高嘅樓，續層、續層咁叫買。（以前 D 女人幾捱得！
為咗頭家完全付出，真偉大。）我總覺得佢 D 腸粉特別滑、 D 甜醬、麻
醬同埋 D 油特別好味！（冇錯係D 油特別香！後來才知原因佢用咗豬油，
唔怪得知咁香嗱！當時豬油係平價油，所以好多小販都會選用嫁！）以前
唔明點解無第二檔可同佢比美，完來“橋妙”就出响D 油度！當然佢 D麻
醬係正嘅！唔明而家有 D 買腸粉咁簡單嘅檔，都可以攪到勁難食！D腸粉
同醬料都係訂貨嫁嗱！咪以為簡單就可以求其先得ο架 ！ D醬料係“精帥”
用唔靚嘅野，咁點會出到好嘅食物呢？
早上排排坐咁，坐响度食腸粉同魚蛋；真係別有一番風味嫁！當然，
唔包括果 D 刮大風、沙塵滾滾嘅日子！
响下午至黄昏
37座下面、34座嘅前面就精彩囉！有一檔車仔麵、兩
檔魚肉、魚趐及狗仔粥（狗仔粥並無狗仔肉亦唔係粥，係一碗一條條、短
短哋嘅粉、湯底白色糊狀的，食時加埋辣菜甫就成為美食。）一檔夾餅雞
疍仔及一檔煎壤三寶。有時間中有個阿伯做一 D 自己拉嘅糖膠，色彩斑瀾
；有紅、綠、黃色。佢好勁嫁！可以做出各種形狀嘅糖，如：–孫悟空、
辣椒、可吹得賬嘅波嗱…！又可以食！好受小朋友歡迎嫁！慈雲山嘅全盛
期仲常常有軟雪糕車同棉花糖車仔檔添！簡直美食當前、眼花撩亂！皆因
檔檔都咁正，得咁少錢食乜好呢？！
先講車仔麵，佢 D 麵質彈牙、猪皮羅白勁入味、猪大腸又乾淨又好味
、仲有 D 好正冇雪味嘅螺肉、猪紅同魚蛋，哇！加埋腩汁，簡直係超級無敵
勁勁勁正！好耐無發現過正得佢嘅麵嗱！
至于兩檔魚肉、魚趐中，其中一檔個白白凈嘅老闆娘果檔係做得好 D，
魚肉夠滑加 D 胡椒粉、生菜清湯已經好正嗱！魚趐嘅濃淡適中、肉絲夠滑
味精不會太多加埋魚肉就係非常強勁嘅組合！正！另一檔比較黑黑矮矮嘅
老闆娘 D 魚肉、魚趐就唔及佢，但狗仔粥加埋辣菜甫就好 OK！佢哋倆檔常
常又要拍埋一齊，但就常常嘈交；有一次仲幾乎大打出手添！
呢檔煎壤三寶又係極品，魚肉面夠薄壤係 D 矮瓜呀、豆腐呀、青椒就
好好味！佢 D 炸魚蛋好彈牙，D 魚肉同粉嘅比例好好！佢嘅香噴噴秘技亦係
用咗豬油嫁！（以前都冇話要用咩油先健康、而一般家庭都係用花生油添，
如果用嚟炸野仲會過瀘返 D 油翻用添。）
至于 33 同 34 座街巿入面仲有個鐵皮屋排檔，裏面有檔買菜乾猪骨粥
炒米粉、炒麵好正ο架！都家庭式經盈，阿媽呀、加兩個女做晒！個仔…
唉！真係行行企企…！不過佢哋 D菜乾猪骨粥真係頂瓜瓜，煲得夠伙喉又棉
…唔…除咗個正字，冇野講！我返工果時次次都買包炒米粉或炒麵“行街”
（外賣）！因為佢哋連 D 芽菜同茍菜都炒埋，所以炒得好香！
另外有 D 48、49 同 43 座嘅小食下次再講！
