想當年 Baby face 嘅我， 著肚子還要穿著件Vivienne Tam 嘅 one piece
裙（印
有佛祖像果件）；加埋對 Platform shoes 同ㄧ個染了金髮嘅箭猪頭（龍珠頭）
，很前衛 right？！（當年）。攪到當時同細我成十年，身穿校服嘅妹妹出街
果鎮，D 人以為我係不良未成年少女大肚，所以經常投以異讓目光！Come
on，尼 D 係 Fashion Trendy OK？邊個規定大肚唔可以著得潮 D？！前衛 D
嘅媽咪又有咩錯？！
同樣，今日阿仔嘅髮型豎起只係 style 形 D 啫，剪短咗咪會自動豎起
囉！咁又有何不可，佢又冇 gel 頭返學、又冇染髮，有咩問題呢？！Why
not？長又話長得制，剪短又話豎起！乜乖嘅學生ㄧ定係要撻頭、剷光嘅
咩！難道 D 頭髮豎起會左外學業？就算 D gel 頭返學嘅學生，我都只覺得
佢哋只係較為貪靚啫！（以前果個司長都悍衛自己個髮型嗱！尼 D 係佢
哋成長中認定自我所 Build up 嘅 Image 啫！）反而，我覺得 D 學生嘅品行
更重要！髮型唔可以斷定ㄧ個人嘅品行好與壞！如果係咁 D 明星偶像咪
全部都係壞人？！
其實阿仔個 figure大，又易肥（由其係肚腩仔），所以我鐘意買 D 稍
為闊身嘅 T-shirt 比返佢著，等佢鬆身 D 舒適 D ，唔洗肥咗少少或且洗完之
後；就變成貼身衫，有時又可以著多ㄧ季，咁又有咩問題呢？而且我唔覺
得ㄧ個著住貼身 T-shirt 又凸哂個肚腩嘅小朋友有幾 Cute 囉！佢哋已經唔係
幾歲果 D 小朋友囉！‘cool’住晒，ㄧD 都唔適服！佢哋又唔洗 show 身材！
總之，佢唔係攪到好似攞咗人哋嘅衫著咪得囉！點解ㄧ定要著到剛剛 fit 呢
？或且，係咁我同 D 傳統思想嘅私奶唔多啱嘴型！亦唔多興ㄧ班太太去飲
茶、賣餸返屋企；又或且日服日咁打牌！我都會賣餸烹飯，亦都會間唔使
同 D 朋友飲吓茶傾吓偈！因為健康問題，就算早期去接仔仔放學，最多都
只係同 D 家長傾吓偈，但唔會約埋出街囉！
有時買頂帽比阿仔襯衫，比佢帶銀介子、頸鍊尼 D accessory 有咩
問題呢？咁點解 D BB女帶頭夾又得，滿月果鎮 D BB 就可以帶金、銀嘅
腳鈪、玉咀尼 D 嘅飾物！其實 BB仔帶頸鍊咪仲危險？！咁點解大個咗反
而唔可以帶呢？！乜小朋友係用厘 D 分類乖與唔乖嘅咩？唔通男孩子帶
accessory 就會變成女人？！誰規定小男孩子唔可以擁有自己喜歡嘅
accessory 呢？連揹個斜咩袋都話會損害‘駁頭’健康，Hey！Please Stop！
夠嗱！佢鍾意揹咩背嚢又好、揹 D 乜袋都好，都只係去街啫，又唔係返
學揹書包；又點會影響到健康呢？！Everyone have their own choice！為何
D 唔按照傳統嘅人就要被介定為另類呢？！我又唔係叫佢標其立異！
連幫佢報暑期活動都有意見！話要學 D 有用嘅野！咁乜野叫有用
呢？洗唔洗學定 CEO 課程？定係要學定ㄧ門手藝呢？！就算有無
certificate，我都比佢參加，只要佢有興趣就 OK！平時返學已經咁行程
緊密，而家做學生你知唔知有幾大壓力呀！家鎮係放暑假呀！Come on！
Summer holiday！你知唔知人生只可以有幾多個暑假呀？
暑期活動係比 D 小朋友舒展ㄧ下身心！Take a break！Relax ㄧ吓、
玩吓！有 cert 又好無 cert 都好！對佢哋嚟講，學到嘅、見識到嘅野，係
書本以外嘅事物、係另ㄧ種生活體會！
我成日同仔仔講『玩嘅時候就要盡情玩，讀書嘅時候就要努力讀！』
尼 D 生活態導先係正確嘅！唔可以只係ㄧ味灌輸知識比佢！你∕妳自己
又可唔可以不斷工作唔放假ㄚ？Please！ Let's go for FUN！
我比佢打吓 Ice Hocky、玩 rollar，尼 D都係運動、係佢嘅興趣，唔ㄧ
定要有出色∕有用先去學嘅？樣樣都要有目的先至學！咁會攪到 D 小朋
友好功利，做事ㄧ定要有目的！唔通ㄧ學就做到運動員、音樂家咩！每個
人都有自己嘅才能，除咗學習之外，玩樂（唔係不停打機）都會對小朋友
嘅身心發展同樣重要，而且仲可以增廣見聞、學識同別人相處添！
所以阿仔從少到大，我都聽到唔少別人的“意見”，但如果樣樣
野都要蹲照別人嘅意見行事嘅話，咁我同小時候聽到果個關于倆父子同
隻驢嘅故事有乜分別呢？
以前有倆父子要出遠門，但係佢哋只得ㄧ隻驢，于是孝順嘅仔仔
就叫父親坐驢仔；而自己就行路，結果到咗 A 城巿嘅時候，路人就話個
父親有冇攪錯『自己就坐驢要個仔行路！』倆父子為免別人嘅閒言閒語，
于是，就換成個仔坐驢而父親步行。後來佢哋又到達 B 城巿，D 路人見
到個仔自己坐住隻驢，而個父親就行路，又話『個仔忤逆、克薄個父親』
，于是乎為咗避免別人閒話；倆父子便ㄧ起坐上驢仔，繼續行程！最後，
佢哋到又達咗 C 城巿，D 路人又話尼倆父子『有冇攪錯ㄚ，倆個人ㄧ齊
坐落隻驢仔道；咁重想坐死隻驢咩！』最終倆父子竟然係ㄧ齊行路，只
係牽住隻驢走啫！）你聽完尼個故事 get 到 D 乜呢？！你有冇覺得尼倆
父子都係好蠢呢？！只會形合別人！
的確，有些時候聽取別人嘅意見，可以避免咗 D 錯失；但ㄧ味只
係『言聽計從』不加分析，最終你只會變成別人的傀侶…失去咗自己嘅
靈魂！我成日教仔仔『自己認為係正確嘅事，就要堅持！除非果件係
壞事；又或且危害到你嘅人生安全！否則 Go Ahead！』
仲有，不斷強加自己嘅意見係別人身上，是否ㄧ定係好事？要知
道人，唔係電腦程式，唔須要鑒硬輸入資料；佢才能分析！有時你自己
果套落別人身上未必人人合用。Even，果個係你嘅仔女，咁並唔代表你
可以免強灌輸你嘅思想模式比佢哋！
人生太多規犯嗱！我就係ㄧ個身受其害嘅好例子！我小時候總被
別人的家長定格為跩嘅小朋友，唔比 D 仔女同我玩；而外型圓圓淥淥、
樣子可愛的弟弟，就深受歡迎！我沒有妒忌，只有抱怨自己為何生得ㄧ
點也不討好！就算連自己的母親有親咩事發生，總會賴到我的頭上來！
當然，梗係包括咗弟弟食煙、學壞…這些統統都關我事！令我產生咗
憎恨自己嘅心，亦都層經ㄧ度我放縱自己 — 食煙、講操口、同佢對抗
、群埋 D 壞人（不過其實果 D 壞人都唔算係真正嘅壞人！佢哋只係跩
同懶墮啫！）但最終，我都醒覺到，無理為咗對抗媽媽；而ㄧ再犧牲
自己的人生！為了証明佢係睇錯咗我嘅！我要正檔咁脫離媽媽嘅魔掌，
于是我努力開創自己嘅人生，最終，我都証明咗自己嘅生活態度係正
確嘅！但係，我並沒有脫離有媽媽嘅生活，因為不竟如何佢都是生下
我的媽媽！
所以千祈唔好單憑外表去判定ㄧ個人好與壞，ㄧ個外表正常、
斯斯文文嘅人，分分鐘係可能係心理有問題嘅都唔定！Who know？
每個人自己都係ㄧ本書，內容喜歡點寫？！請由他吧！作為
父母你∕妳只須要從旁引導，同比佢明白有些錯事是不能做∕試的
（如吸毒），否則後果嚴重、吹揑ㄧ生，這樣便足夠了！佢絕對唔
係你∕妳嘅續集！
