Lamb Rack resturant–九龍城

               星期四走訪完福佬村道 Patisserie 買餅，便因妹妹話肚餓要醫肚，而
走咗入去 Lamb Rack tea；入到去有禮貌嘅 waitress，見到我同妹妹因為怕
盒西餅溶化而煩惱，於是便主動幫我們囉盒餅入雪櫃，真係太好了！佢嘅貼心，
真係令到客人食得安心！Thanks！
         睇見個餐牌，tea 平均都係 $24 -25 包個 drink（凍飲+$2），選擇有
焗豬扒飯∕湯羅絲粉∕三文治∕cake...等等；就算係 set lunch 都係 $35 蚊
倒，都有幾個選擇，有湯有麭仲有 drink 添，相當抵食噃！
         我 order 咗個焗豬扒飯、凍檬茶，話明係 tea set 當然係迷你版嗱！不
過，除咗個凍檬茶太甜之外，個飯味道都算幾好，份量約有兩碗仔；豬扒幾入味
，味道 Ok、又唔韌，大約都有4、5 嚿。妹妹 order 咗個牛柳意粉 set lunch，
個湯係忌廉湯；味道都幾好，但係個牛柳佢就話麻麻地，嫌太韌、老咗 D。
         坐落，都發覺幾多人叫焗豬扒飯，可能貪佢夠的骰！我仲見到佢哋貼咗
好多雜誌介紹，大致都係介紹 rib 同扒類；或許佢哋嘅晚市都 ok掛，因為上次
經過都見到幾多人。
        至于好唔好坐呢？！真係要睇你隔離坐咗 D 咩人，因為佢地方唔大，但
係都有成 8、9 張枱，坐滿咗相信都幾嘈！But tea 一 tea Ok 喎！
        埋單都係 $64 蚊啫，真係相當抵！去街尾 XX 食兩碗粉飲杯野都分分鐘 貴過尼道啦！仲要唔好坐添！（不過有時可以撞到三哥三嫂喎！）
        ㄚ！唔知佢哋 D cake O 唔 OK呢？下次試下先！

 

 

沙頭角–“中國農業銀行”一行

             星期三，由於要陪老爺到中國農業銀行check 番 D野，所以需要到南澳

∕鹽田一行；但又因為老爺只識得用海路去，我又唔適合用快艇去，所以最後

唯有改為用陸路深圳去嗱！

         本來諗住可以响網上面 serach 到佢哋嘅分行地址，咁我哋就唔駛毫無

頭緒咁响深圳四周圍搵，話晒我哋兩個老弱傷殘，有事起上嚟，佢阿哥都唔知顧

得邊個好。哈！點知發覺原來中國農業銀行個網頁係 check 唔到佢哋嘅分行地

址嘅；佢哋只係提供咗分行嘅 e-mail 供客人網上查詢嘅啫！吓……？！

          而我所serach 嘅地址都係 D 網友响 07 - 08 年提供嘅，無最 update

嘅資料！吓……咁點呢？咪唯有打電話去香港金鐘果間中國農業銀行分行問問囉

！點知佢哋話係香港嘅分行係無提供個人銀行服務嘅，又唔肯提供深圳嘅分行地

址，淨係比個電話我 check，個電話又唔通喎！

         最終我哋覺得去返沙頭角最可行，只係撘一程車，但可惜大家都唔知個

車站响邊，唯有搵好朋友幫手問問，結果得知–原來响九龍塘站 E 出口嘅巴士

站隔鄰；係有架旅遊巴直接去沙頭角或南澳的。所以話呢『出外靠朋友』，尼

句說話好啱嫁！多得各方好友幫助，我哋先可以咁順利乍！Thanks

everybody！

         由九龍塘開車途經粉嶺帝庭軒廣場站（近聯和墟），再到唔知邊個尾站；

全車程約 1個鐘，$35。如果去沙頭角∕南澳會貴 DD，朋友說去沙頭角還要轉

車嫁！ （佢話會有尊人帶你去撘車嘅！）

         到了沙頭角過關，先發覺原來出到路口再過對方馬路已經有間中國農業

銀行嫁啦！Lucky！但當我們一踏入去，見到燈光暗淡、靜靜嘅銀行先知到，原

來家鎮大陸嘅銀行仍然係設有 lunch hour，同埋會勁環保咁熄晒大部份嘅燈同

拉簾嫁！正當唔知點算嘅時候，一個有禮貌嘅保安走埋嚟幫手；最攪笑係，由

影印至填 form 都係佢做埋嫁，我仲以為 D 銀行職員出晒街添！點知後來我哋

入咗去另外一面先見到，哦！原有入面都有一個 counter 辦工嘅！仲有呀，臨

走前，先至發現頭先响大堂；果兩個看似無關重要、 check 緊股票機嘅人，竟

然係銀行職員嚟嘅！吓……咁頭先無人理我哋嘅……哦……小休緊ㄚ嗎！

         簡直好似係重溫番當年我一個人出 trip 嘅感覺呀！話說當年，我帶住

一大袋重到死嘅辦去番禺果鎮，先知到原來大陸嘅海關係會响 lunch hour 果

鎮熄燈同拉閘嫁；由於嚟接我果個私機竟然去錯咗舊關口，於是無手提電話嘅

我，要企响荒蕪又曬嘅關閘門口，都唔知點好！好在後來好人嘅海關哥哥，肯

幫我打個電話比 番禺office 乍！如果唔係我最少要企响道等兩個鐘先可以求

救呀！（lunch hour + 小睡）

             今次我領悟到，自己太個依賴電腦嗱！當我响街無得用電腦 check資料

果鎮就覺非常唔方便，當時真係好旁惶，但後來先明白原來靠朋友都唔錯ㄚ！

由其係多謝你呀 Tiger！又幫我 check 車站個 location，又擔心我搵唔到間

銀行，所以周圍幫我問朋友。總之，Thanks a lot！

 

 

 

彩虹鍬形蟲

             上個星期六，同仔仔攞隻公的獨角仙的屍體出去甲蟲店做標本，仔仔便

看見這對特價出售的彩虹鍬形蟲（$120/對）。由於，獨角仙的母蟲相信也活不

了多久；而仔仔一直也恨擁有一對成蟲的彩虹鍬形蟲，（因很怕又變成蛹化不完

全，又孵咗隻傷殘甲蟲出嚟），而店員說，牠們只蛹化了個多星期；仍然係屬於

BB，應該可以養到 4-6 個月，於是便買了回家。

             可是一返到屋全，set 好個缸之後，當放咗公蟲同母蟲落去之後，隻公就

好似成世都未見過乸咁；立刻就擒咗上去嗱，速度之快，我們為之咋舌！

             唉 …都知佢哋唔會係 BB，但係無諗過佢哋會成熟成咁囉–即刻趕住交配

！早知，就分開嚟養啦！

             後來，我終於記得，尼隻彩虹鍬，係攬女王嚟嫁！因為佢哋就算交配咗，

隻公蟲都可以攬住母蟲半日以上郁都郁唔！唉…野都可以唔食…真係前世囉！

睇怕，我哋又要準備定飼育室了！唔知，生完卵之後，佢哋仲可以生存幾耐呢

？！           

           

Paris Cafe – 旺角

        星期五走咗去信和行街，發覺而家真係無乜野啱我，但應承咗仔仔無偈！

或許以前迷 F4、迷漫畫及喜歡去樓上舖摷二手 CD；仔仔就迷膠 figure及動畫，

所以倆母子都喜歡去信和中心逛，但隨住我愛好的轉變，近年我們已經好少出

去逛了！

       雖然那裏的銀飾仍然好吸引，但是價錢一 D都唔平，so, 又係齋 looking

！仔仔最後嘅收獲，就係一把劍同真皮皮帶！倆母子行到又攰又餓，已經無力

去等熱狗了，諗嚟諗去好食又有得坐嘅，就係過對面馬路嘅巴黎咖啡店（Paris
 
Cafe）了！  

        去到先知，原來間地舖無咗，得番樓上舖！Ok，經過一個充滿魚腥味嘅

小巷；再入商廈搭 lift 上一層就係。入到去得三枱客，可能係 week day又係

tea time 掛！不過，對我哋嚟講真係 very good，因為唔洗等位！

         嘩！依家 D coffee shop 真係惡做，收你 $30 幾蚊杯咖啡，比你坐足

半日！有時真係好憫憎囉，點解 D 人咁唔自律嘅！其實，平時無人，你响

道霸住晒 D 位做功課，（成張枱喎！）無人話你嘅；但係，一見到咁多人等位

；或且假日，好心你哋就識做 D，讓返個位出嚟啦！喂！尼道又唔係圖書館，

你攤開晒 D 書同功課想點呢？！人哋行到攰都係想坐吓飲杯野啫，就算間

cafe 係你開嘅都係咁話囉！所以請為他人著想，讓出坐位吧！Please…！

（尼 D說話，我想講咗好耐！）

        由於同仔仔非常肚餓，於是我哋 order 咗 4 個 tea set，豬扒飽、朱

古力 chesse cake、雞翼及碎蛋沙律牛角飽。落單嘅後生仔 waiter，似乎唔

多熟，樣樣都要個 waitress代答，又或且，佢比我哋倆母子嘅大食嚇呆咗掛！

其實，我覺得鬧巿中 $25 個 tea 又好食嘅，真係差唔多。（若要飲特飲半價）

至於，飲品方面，我哋 order 咗個芒菓綠茶及美式泡沫可可咖啡！

         美味可口嘅香脆豬扒飽，率先出場，仔仔一咬落去，嘩！脆卜卜嘅麵

飽聲，立刻吸引倒我；我叫仔仔比我咬一啖，果然麵飽非常鬆脆、豬扒夠入味

，真係好好味呀！佢成為咗我哋嘅必食推介！

        之後，朱古力 chesse cake嘅味道 Ok，唔會太甜、夠朱古力味。雞翼

–雖然外面炸得有點過火，不過仍然都係醃得非常入味，佢嘅味道有 D似蒜蓉

牛油雞翼咁，但係佢只有蒜香味，無牛油味！好正！下次去，一定要再食！不

過，食嘅時候，要注意，佢裏面熟透未；因為我哋碟雞翼裏面唔夠熟，所以要

佢哋再整過！

         因為佢哋話無晒碎蛋沙律牛角飽，（依！點解我落咗 order 咁耐先知

呢？？）於是，我改咗煙肉磨菇意粉，細碟 $35，因為我哋仲未夠飽！（大碟

$55蚊！）（我記得以前佢哋嘅意粉好好味嘅！）

         後來，見到碟意粉，我就直覺覺得佢無以前咁好味啦！因為佢睇落去

好 dry！食落去，味道一般，義粉太淋唔夠彈牙，但未至於難食囉！ 最後，仔

仔清咗大半碟，咁我唯有再 order 多個豬扒飽啦！但係，果pair  男女，就竟

然每人食淨半碟！吓！？仔仔話佢哋好浪費囉！

         查實，要乾身嘅意粉好味，可以用蒜片、橄欖油炒咁就會正好多（如果

，好辣，加埋辣椒炒仲正呀！）；又或且，可以比客人自選加芝士煮，濕濕地

咁都會好味好多！

         第二個豬扒飽，雖然無頭一個咁脆，但係都好味過佐敦翠華餐廳好多！

至於，杯芒菓綠茶味道 Ok，而杯美式泡沫可可咖啡，係唔甜嘅，even你攪均

D cream；底部有濃濃嘅朱古力粉，啱晒我！

         埋單 $184。（4 個$25蚊嘅 tea、2個特飲及 1個意粉，Okㄚ！）

         其實，以前佢仲有地舖果鎮，我哋就好鐘意食佢哋嘅 New york
 
chesse cake（果時係個女仔 home made咗之後，再送落舖嫁）、意粉同

雞翼公仔麵嫁啦，所以今次再回味個感覺都唔錯！但一樓個厠所就唔得啦，因

為仔仔話要閂門嘅話；係要搬木板嘅，所以我會閂唔倒門喎！吓？！咁都得！

（無得去添！）另外，阿 waiter 哥哥要加強對 menu 嘅認識囉！仲有企响

counter個哥哥坐正响門口嘅吧枱上網，頂住咗個 lift 口，好似無諗過有人會

搭 lift 咁！叫佢借借，佢仲話比你聽，後面有樓梯！吓……>∩<

Paris Cafe

1 - 2/f ., 36 登打士街

旺角（金太郎壽司轉入去）

Tel : 23688618

http://www.pariscafe.com/aboutusC.asp

Congratulation 仔仔！

  Congratulation 仔仔！你終於不負所望，得到你所想要的！我好開心，

尋晚我緊張到瞓唔著，直到今朝，我終於鬆了一口氣！

        雖然相信你嘅能力，但係我還是準備了安慰的說話；以及做好與你一同

面對失敗的心理！一直以來，你嘅成績都係中規中矩；唔想給你壓力，但奈何

香港的教育制道……無可奈何……唯有接受！我已經係我能力氾圍，給你最好

的support 了，很安慰的是，看見你不斷的努力急起直追；終於，得到了今天

的認定，以及各老師和校長的讚賞，你的努力並沒有白費，我真係非常高興！

       或許，在別人眼中，你不是特別超卓；但係，你在我心目中已是 No.1了

！I'm pround of you！

       一個人的成就並不是單單以成績來做判斷，無論你幾有成就，品格唔好；

所有成就也是往然！記住人在做，天在看！你付出了多少努力，別人是看得見

的！

        希望你繼續為你嘅人生奮鬥，努力去克服種種的挑戰！
 

Love，

媽媽        

送首 容祖兒 嘅歌–『我的驕傲』給你

http://www.youtube.com/watch?v=4ti_2yFPpYc

獨角仙相繼死去了！

              由 4月養到而家，我們家的獨角仙只得 3.5 個月壽命，相信可能是蛹化

得唔好有關，因為牠們是殘缺的獨角仙。又可能牠們交配了，所以生命便更短

暫！

         其實，母蟲還算好點，只是中間隻腳斷咗個勾，身體尚算強壯有力，但

是牠卻飛不起，只能在樹頭上試飛！公蟲卻在退蛹時，前腳很久才能退出，所

以前腳機乎是無力；而最後還分兩次斷埋添！翼也是很勉強才打得開，不過還

是飛不起！

         或許，在昆蟲的世界也有強、弱者之分，前者是有領導權；佔的領域也

較廣，就算純如甲蟲獨角仙公乸也會發生打鬥！母蟲是否覺得公蟲很弱呢？所以

經常將有啫喱的樹木佔據，就算食完都好，總是用強而有力的腳推撞公蟲。於是

，我們便多放一粒分啫喱在矮的樹上，可是母蟲卻由高樹走落矮樹，把公蟲推開

；後來公蟲也怕了她，唯有避開，等到母蟲爬落木糠，牠才去進食！

         但，唔知係咪有次母蟲跌個 4 腳朝天，無論如何都反唔到身，於是公蟲

好似感應到咁，由樹上爬落嚟幫佢，之後母蟲就無咁惡了！

         不過，母蟲的皮氣很壞，有時食食吓啫喱；公蟲一埋嚟食（隔離個粒至

喎！）佢就立刻推跌兩粒啫喱落地，大力呢？都唔知佢攪乜？！咪換過粒比佢囉

！點知，第二日又比佢推跌晒！明明 D 啫喱無變架！後來我們用膠紙固定佢啦，

結果兩日後，佢連膠紙都整埋落嚟，可是當再換上新啫喱，佢又正常番 lu 喎！

不過之後，佢間唔中也會這樣駛駛小性子的！

         唔知係咪到咗交配季節呢？公蟲好像突然變得聰明、強壯咗，佢開始佔

據有啫喱的樹木，每當母蟲爬上去準備進食時，佢便立刻捉住佢擒上去；於是

公乸便展開一段角力了，而且每天都在上演！好可惜，我此終都影唔倒佢哋交

配嘅相！最 close up 就得尼 D 咋！

              後來，仔仔話覺得隻乸個肚好似好脹咁！一邊翼又好似甩甩地、合唔埋

，隻公又好似成日都無乜力咁；於是我哋開始懷疑佢呲係咪已經交配咗呢？

             因為若果他們真的交配了，我們便要為母蟲佈置育室，等母蟲可以產卵

。由於，以為獨角仙須要有產卵木，所以我們便買了！之後，母蟲便經常潛入

土中，攪到雙翼也失去！不過，後來另一個店員又說，原來獨角仙是不須要有

產卵木，牠們會直接張卵產於土中！而因為她的樣子很虛弱，所以店員又說，

不如早點將母蟲與卵分開，否則怕母蟲會食返 D 卵！這樣，我們唯有將母、卵

分開啦！

             這是她的遺照！影完張相，第二日，佢就死了！公蟲亦响上星期四死

了！現在，已經送咗去做標本了！

            最後，要感謝虛弱的母蟲，她盡了最大努力產下了 11 粒卵；雖然比正

常產量少了 4/5；又據說甲蟲是會有記憶唯傳基因的，所以母蟲和公蟲身體差

牠們的下一代可能會更差。但，不論如何，都希望牠們能成功孵化吧！（蛋蛋

一年後，希望能見到你們啦！）