Starbucks – 伯爵紅茶蛋糕

              那天去探弟弟的大細孖時，經過黃大仙 嘅 Starbucks，由於要趕夜場，

所以便先去嘆番杯 Hazulnet latte！E！見到有新 cake 喎！Earl Grey Tea

（伯爵紅茶）口味喎！個 look 好似好得咁噃，唔知味道 O 唔 ok呢？ 

         由於一直都覺得 Starbucks嘅味道一向偏甜，但奈何佢嘅分店比

Pacific 多，所以當你好需要一杯泡沫咖啡時，的確係好方便。正當我向店員

要求少甜之後，我便心思思諗起自己在家中沖炮嘅蜜糖榛子咖啡了！哈，心諗

如果佢哋能貼心的提供蜜糖給客人自己調便好了！點知我一轉頭便看見那樽

蜜糖了！（呀！心想事成真好了！）嘩！他們真是細心了！可惜我個杯已完成

了，下次再試試吧！

         今次件 Earl Grey Tea cake，外貌簡潔，食落去覺得 D cream 好

幼滑、又唔太甜，海棉蛋糕都好 ok，面頭有粒茶葉點綴；不過食落去個感覺令

人好矛循，因為有茶葉可以令到件蛋糕增添咗茶嘅香味，但又略嫌茶葉烘培得

唔夠脆，咬落嘅時候太煙韌了。如果可以做到好似 cookie 咬落脆脆地咁就更

加 perfect 了！不過，我覺得件 cake 嘅口味好清新，非常值得一試！讚！

（價錢約 $20 蚊！）

Justin Bieber

              Justin Bieber–一個 16 歲嘅 teen age 卻成為了很受 teen age

歡迎嘅偶像！自從仔仔嘅好友係 face book 道 post 咗佢嘅 MV 之後，仔仔就

喜歡聽佢嘅歌！原來 teen age 都可以成為一個當紅嘅偶像！年紀輕輕嘅佢仲

準備係 10月推出自傳回憶錄添！「Justin Bieber：First Step 2 Forever：

My Story」勁尼！無他嘅，佢可以响短短的幾個月內為公司賺咗成 7 億美金，

果然係成績驕人！

         由於要幫仔仔 down 歌，咁自不然要睇埋佢嘅 MV 啦！（順便了解吓佢

哋嘅喜好ㄚ嗎！）我發覺，擁有 baby face嘅Justin Beiber，當紅嘅原因除

咗佢本身擁有一副好嗓子、唱得一首好歌之外，佢仲係好有才華（創作、樂器

…等都難唔倒佢），當然再加上佢個殺食嘅 out look 啦！難怪這個 12 歲便踏

足樂邅嘅小天王會在歐美火速躥紅！雖然我覺得佢唱情歌嘅時候，感情仍然係

好稚嫩，但經已能夠引起後生仔嘅共鳴！或許，而家嘅 teen age 太早熟了，

所以更加需要有個同聲同氣嘅偶像去幫佢哋舒發一吓感情！難怪 High school

musical 會爆紅，皆因連小至 7、8 歲的小朋友也會唱得一、兩嘴！當中梗係

包括朋友們的囡囡和我仔仔！作為父母嘅我們當然非常高興，皆因這些全是英

文歌，正所謂「潛言默化」！多聽有益！（自己當年都係深受爸爸嘅影響而愛

聽 John Denver 同 Carpenter 嘅歌。）

          想成為潮媽∕潮爸，就要多 D 了解一吓子女嘅喜好，咁你哋先至唔會

out 家嗎！我自己都幾鐘意聽首Never Let You Go同Someboby to Love

，另外佢純真嘅演奏版 Where Are You Now 唔知會唔會感動到你呢？！如

果你都鐘意聽 Usher ，咁或且你都會喜歡上佢嘅愛途 Justin Beiber！

        以下是我在網上面 serach 到嘅一 D關於小天王Justin Beiber嘅資料！

        Justin Beiber原名Justin Drew Bieber，1994年 3月1日出生於

加拿大 (Canada,stratford)，現居於美國喬治亞洲亞特蘭大，是位少年歌手，

他的音樂路線以 Pop同 R&B 為主。當佢係12 歲嘅時候，就自學鋼琴、鼓、

結他和小號…等樂器；佢仲參加咗加拿大斯坦福的一場歌唱比賽，並奪得第二

名。於是佢就張自己唱歌嘅video post 咗上 Youtube，方便比 D 親戚朋友

欣賞！因此在 08年時經理人 Scooter Braun便發掘了他，並且引薦他給

Usher，之後 14歲的他便迅速簽下由 Braun與 Usher合資嘅 Raymond

Braun Media Group (RBMG)，為他舖踏上樂壇的第一步。

             09年他的第一次全球性發行嘅單曲「The One」，立刻打入了top 30

，並橫跨了 10 個國家。同年 11月17日，佢嘅「My World」更係美國創下

白金銷量，令佢成為咗最高銷售量嘅新人，同時佢亦係以新人歌手嘅身份在

第一隻發行大碟；便有 7隻歌打入美國Billborad 100首流行歌曲。佢係2010

年 3月23日發行嘅完整版錄音「My World 2.0」亦係非常成功，歌曲首次登

陸便高據幾個國家嘅榜首及 top ten 位置；在美國便被公認為最佳白金銷量

唱碟，持續銷量不少於 2個月。2010年 1月發表嘅“Baby”更是國際熱門

歌曲。

        今次佢準備係 10月推出嘅「回憶錄」，係希望歌迷可以分享佢响 4年

中成為巨星嘅過程，回憶錄中仲放咗好多 Justin鮮為人知的習慣；同從未曝

光嘅生活相，比佢一眾嘅 Fans可以見證尼位小巨星嘅成長路。此外 Justin

還說：「我的歌迷在書中佔據了很大部分，因為他們幫助我實現每日的夢想，

我希望歌迷可以分享我生活的點滴，從而了解我更多。」如此識做，身為佢

嘅歌迷，相信必定覺得 $170 蚊抵比嗱！

佢嘅歌唔知你鐘唔鐘意聽呢？請欣賞：–

Justin Bieber - Never Let You Go

http://www.youtube.com/watch?v=3ExWsVFJlFo&feature=fvsr

Justin Bieber - Never Say Never ft. Jaden Smith（韋史密夫個仔）

http://www.youtube.com/watch?v=_Z5-P9v3F8w&feature=channel

Justin Bieber - Somebody To Love Remix ft. Usher

http://www.youtube.com/watch?v=SOI4OF7iIr4&feature=channel
 



Justin Bieber "Where are you now"

http://www.youtube.com/watch?v=i1zuN17t51A&feature=related

Justin Bieber - Baby ft. Ludacris

http://www.youtube.com/watch?v=kffacxfA7G4


Justin Bieber 响英國同節目主持人 Andrew 嘅訪問：–

http://www.youtube.com/watch?v=cwe6fm4Bgtw&feature=related

Chelsea Lately 訪問 Justin Bieber ：–

http://www.youtube.com/watch?v=ko44vu7Zkbc&feature=fvst


Justin Bieber 嘅 Blog：–

http://www.justinbiebermusic.com/

Justin Bieber 嘅資料：–

http://en.wikipedia.org/wiki/Justin_Bieber

與小學同學重聚

哈哈…今次要多謝 Blog 友 Always，因為佢 post 咗慈雲山討論嘅

facebook address比我，至令我的起心肝嚐試搵番間小學嘅網頁；咁我先至

可以同失散多年嘅老同學聚會！Thanks a lot！

        今晚嘅 gathering真係好開心，老同學雖然多年無見，不過大家都仍然

可以暢所欲言；一 D都無生疏，尼種感覺真係好 warm，由其係生鬼嘅 K.L，

佢真係一個開心果！

         人，通常會因成長的環境因數而有所改變，思想會變得復習、開始懂

得計算別人；對事會變得老練、麻木，純真的心也會隨著年長而失去，所以

能夠交到真心的朋友嘅機會也漸漸減少！

        可是今晚嘅聚會，係完完全全令我好 relax、好溫暖，就像我哋從來未

分開過一樣，這種感覺真係好！我哋一齊懷勉小時候慈雲山的美食、分享成長

的歲月，就好似時光倒流一樣！若然，能夠陸陸續續的同其他失散的老同學重

聚便更好了！很期待下次的 gathering！

        估唔到 facebook 嘅用處又增多一項了！Nice！

菲律賓人開棺比記者影相！

              我真係唔想再見到或且聽到 D朋友講再菲律賓嘅人又點點點……

但奈何今日再响 facebook 見到嘅尼個片段時，真係令我不感相信…… D愚蠢

嘅殯儀館職員竟然可以打開副棺材；任由 D 記者去影死者嘅屍體？！有無攪錯

ㄚ？！唉……見到佢哋咁對代 D 死者，我真係好憤怒！Why…？ 

          唉……但願這些愚蠢嘅人最終可以親身感受失去親人後，又不被尊重

嘅滋味！我冇野講嗱！

旅遊境點呀？笑？！

           

            唉……一個唔識得道歉嘅總統！遲來的下半旗……再加埋 D 無知嘅學生

、唔知做乜嘅警察……成為咗 facebook 眾矢之的！

       其實事已至此，我覺得除咗可以適當舒發一吓自己嘅感受、為受害傷者及

其家人送上祝福之外，相信香港人要等嘅都係菲律賓政府一個誠意嘅道歉！至於

交待方面，相信大家都唔會 expect 聽得到 D 乜野順耳嘅答案！      

        我雖然都唔開心，但係我都覺得唔應該仇視菲律賓人；因為一單還一單，

係唔應該扯埋一齊講！

         但可是，當你見到以上嘅相片，你真係可以講 D 乜呢？！相信有腦嘅人

都唔會响剛剛發生完慘劇嘅地方笑住咁影相囉！唉…本來這幾天，我都唔想再多

講了！可惜，當今日响 facebook 見到尼兩張相，我就覺得佢哋真係好唔識得尊

重他人、好無恥！竟然可以大無施様响人哋嘅傷口上面灑鹽！仲有尼道並唔係旅

遊境點囉！

         我唔知當地係奉行乜野教育制道，返學教 D 乜！但是當有流血事件發生

，就算果個唔係你家人，相信任何人都唔會笑得出囉！有乜好笑呢？？唔通死咗

人好好笑？！定係連警隊都覺得自己國家嘅特警好無能呢？所以想影番張相記低

呢個恥辱呢？！

        原來被一個無知嘅總統領導，就會教出一 D無知嘅人民！

        笑容並唔係任何時候都適用嫁！究竟你哋明唔明呢？！

菓匠茶屋–綠茶忌廉軟雪糕

 

             星期三請完朋友 SW 食飯後，她便問我飽唔飽？由於，我掛住傾偈，

所以真係未飽嫁！於是，朋友 SW 非常客氣地要請我去食雪糕，仲以為佢想

去 Haagen-dazs 食添！點知原來佢想帶我去試食，佢近期嘅 favourite–

綠茶雪糕！吓？綠茶雪糕唔係隻隻都好味固喎！

         終於行到去 City' super 果間菓匠茶屋，見到一杯杯嘅 demo，望落

真係好似好好味咁喎！朋友 SW 還細心的問我：「可以揸住支雪糕筒嚟食嗎？」

ㄚ！而家好番好多了，所以可以揸到支雪糕嚟食 lu~ (Lucky!)朋友 SW說

雪糕筒好食過杯裝，而除咗綠茶雪糕好味之外；忌廉味都唔錯嫁，於是我就要

咗個綠茶溝忌廉！

        唔……第一啖咬落去就感覺到好幼滑ㄚ！好香！真係 so……good！還


差點忘了要影相添！嘩！$24 杯，好大杯ㄚ！朋友還說，若果要單一綠茶味雪

糕，會貴多$2 蚊嫁！我就認為綠茶味雪糕雖然唔會太苦澀、又夠茶味，但係

加埋忌廉味雪糕就剛剛好 balance 番比此的味道，食落去仲唔會太甜添！

        佢哋嘅 selling point 係用日本嘅北海道牛奶同宇治綠茶粉嚟造原材

料！我覺得佢幼滑得嚟個質感又夠 rich，唔會太淡或且太傑，總之洽度好處！

佢仲唔似一般軟雪糕咁易溶化！

         佢真係好大杯呀！唔怪得知朋友淨係買比我啦，因為真係會食到好飽，

不過又唔漏喎！果然係超正！