這是仔仔第一次自制的朱古力，味道都唔錯嫁！佢整咗成晚嫁啦！
起初我哋仲為咗個制作方法口角添！妹妹話其實煮朱古力好易，因為你只要
比 D 熱力佢，甚至用容器坐住响 D 熱水上面， D 朱古力就好易嫁啦！原先
仔仔買咗包得 35% 可可嘅牛奶朱古力，嘩…真係超甜，結果佢就叫我比 D
55% 可可嘅黑朱古力佢溝，E…混埋出嚟就 ok 啦，有朱古力香味又無咁甜
！我哋仲發覺加埋 D 朱古力脆脆落朱古力嘅裏面，食起上嚟仲正 D 添，不過
就咁單食朱古力脆脆都好好味！
佢一路整一路試味，後尾仲將果 D剩低响個碟嘅朱古力醬都食埋，個
儍豬仲話點解整朱古力都可以咁飽喎？！（哈…你偷食啫…哈哈，講真 D 朱
古力嘅香味又確實係幾吸引 嘅！）睇見佢咁尊心倒模，我就忍唔住幫佢影咗
幾張相！點知佢愈整愈開心，尋日仲話要整多少少同佢 D 同學仔分享喎！
原來朱古力真係好易整嫁咋，只要你用兩個鐵碟、一個茶匙、少少煲
滾咗嘅水就已經可以溶到 D 朱古力嫁啦！咁當然你要選料要正確（去 D 買
蛋糕用料嘅地方就有得買，呀！葵涌廣場 1/f 都有一間。）仲有買料嘅時候
要注要可可嘅份量，我建議最好買兩包唔同成份，咁就可以溝出你喜歡嘅濃
度比例。
其實仔仔一早就想整個生日蛋糕同朱古力比佢嘅女朋友仔嫁啦！本來
佢想去妹妹屋企，諗住阿姨姨帶佢去旺角 信和中心買料兼教佢整嘅，但奈何
佢哋倆個個 schedule 都咁忙，於是我唯有帶佢去屋企附近個商場間 baking
shop道；睇睇有冇整朱古力嘅材料同模買啦，ㄚ！好好彩有得買，而且種類
都有好多添！有 35%、53%、55%、60%、70%…等等嘅可可成份嘅朱古
力，咁當然成份愈低就愈甜；相對成份愈高嘅係偏向甘味的 dark chocolate
，而價錢方面就要睇睇店舖嘅貨品來源地，一般嚟講可可成份愈高（即黑朱古
力）價錢就會愈貴。
For you reference：我哋買嘅 35% 牛奶朱古力 from 比利時
Belgium $25/200g；55% Valrhona 牌子黑朱古力 from 法國 France
$35/200g；美國 榛子$15/50g；朱古力脆脆 $12/50g from Belgium；
膠模一般買$10 幾蚊 1 個。
e.g.: 如果要整以下嘅相片果 11 個心，200g 嘅朱古力應該剛剛好，但如果
你係第一次整就要預多 D 啦！不過，若果係要加料响朱古力裏面，咁就
一定夠。
想寫字就要買支少少嘅糖醬（粉紅色果支，都係$10 幾蚊支。）不過，
記住要等 D 朱古力凝固。
P.S.:–
以下尼 D 全是黑朱古力，我第一次嘅作品，有 D 加咗榛子嫁，真係
好好味呀！
By the way, D 榛子買咗返嚟時候口感有 D 淋，於是我就放落焗爐
道烘一烘佢，等佢灘凍咗之後再加落朱古力內層；然後放入雪櫃，到
第二日 D 朱古力凝固咗之後就會變得好脆嫁啦！嘩，D 朱古力真係好
香好好味呀！妹妹都大讚，老公都話好，哈哈……好開心呀！
祝大家 3.14 白色情人節快樂！
（爆多個秘密比大家聽ㄚ！仔仔送咗朱古力比女友之後，佢除咗收到女友嘅
回禮之外，佢仲額外收到 6 份朱古力添呀！聽聞有 D 人手整嘅足足有成
三層口味添呀！勁呀仔仔！）
