今年我們忽然愛上了食 yogurt，那種酸酸的味道令人愈食愈愛！上次我同同學
仔 H 去自助 yogurt 店嘅時候，佢話最討厭香港這種一窩風嘅做法，因為當
果種小食一興嘅時候；無論你鍾唔鍾意，佢哋都做到成行成巿，但係到一唔興
嘅時候，你想食都搵唔到！的而且確，尼 D 就係香港討厭嘅地方，希望
yogurt 店唔好襯我同仔仔愛上了嘅時候就無端端無晒啦！
雖然我哋鍾意食 yogurt，但無理由時時刻刻都去街搵嚟食假，所以我就諗
，不如去超巿搵搵有咩原味 Yogurt 好味嘅；加 D 新鮮生果咪仲好，反正上
次老友 U 倆母子嚟我屋企都試過尼個食法！點知行到去凍櫃，正當傷腦根買
邊隻牌子嘅原味 Yogurt 好…果鎮！依…見到尼盒四四方方扁扁地嘅盒 -
Muller Corner，佢有朱古力粒附送固喎！佢個樣都好似幾 o 咁、又特價
買 $13/盒，於是我哋就買咗番去試！
點知一返到屋企，仔仔就嗱嗱聲食咗兩小杯有味 yogurt，之後件候住
我唯一尼盒朱古豆嘅 yogurt；為免我想食嘅時候無咗，於是乎我都唔執輸，
食咗先（費事夜長夢多啦！）嘩！原來一打開的確係好正嘅，佢個盒嘅
desgin 就係配合番為食嘅你唔駛‘畢’嚟‘畢’去咁麻煩，的確係細心吓！講番
佢嘅味道先，佢哋嘅乳酪質地係好似溶咗雪糕咁，但係較為傑身，酸味適中
，朱古力豆又唔會太甜、又唔會太硬，有朱古力香味之餘又唔會搶去
yogurt 本身嘅味道，嘩！正呀！
結果我尼盒 yogurt 都係逃離唔到比仔仔瓜分嘅命運，我哋仲話點解買
得一盒咁呢？！
終於，今晚我醒啦！買咗 4 盒（$13/盒），三種口味！當然必定有我
哋嘅至愛：Muller CornerMilk Chocolate Digestive 啦（Muller
Corner係牌子）！我仲試埋尼係拖肥味添！嘩！讚呀！拖肥味夠香又唔會
太甜！（記得買嚟試試呀阿 Fi)！尼隻叫：Muller Corner Toffee
Choco-late！至於另外果盒條裝朱古力餅，D yogurt 搭埋隻淋淋地嘅
朱古力餅，口感就唔多好啦！No good…
呀！原來Muller Corner 係嚟自 UK 嫁！www.mullerdairy.co.uk
以後响屋企都可以嘆番盒乳酪啦！
↓拖肥味，嘩！正呀！↓
↓
口感就唔好！No good…↓
又是令人極之失望的
利華焗薯！由記得我與
Oliver Super Sand-
wiches 的第一次接觸，是當年我做 messager 嘅時候，响海港城撞到
鄰居星哥；於是佢就請我飲咗杯柯華田，之後佢話果道 D 三文治及飛碟
好好味不過好貴，下次再撞我就請我食………
之後我正式出嚟做野，就去咗 Oliver Super Sandwiches 食我
第一自費嘅三文治：黑椒火腿＋ 燒火雞火腿，飛邊。當年成 $10 幾、$20
份三文治的確係好貴，不過我卻愛上了，還有他們的焗薯！（我自己還去過
超市買 cold cut 整三文治添）！
自己好鍾意食佢哋嘅咸牛肉＋碎蛋沙律焗薯但後來戒了食牛肉，就改為
食茄汁豆＋碎蛋沙律焗薯（多牛油、煙肉碎及走葱）！我亦都試過自己焗薯，
不過轉過多隻薯仔；但焗出嚟都無咁香，因此我間中都愛去去利華食佢哋嘅
焗薯！
但果日去完觀塘 apm 之後，我對 Oliver Super Sandwiches 就切
底減底了對佢哋焗薯嘅慾望了！一個 $56 嘅焗薯餐（2 種焗薯餡料、1個有）
餡料嘅牛角飽、凱撒沙律及 1 杯飲品），凱撒沙律及牛角飽味道 ok，蔬菜都
新鮮；係略嫌吞拿魚沙律較腥，illy 嘅熱咖啡都 ok！不過可惜呀主角焗薯就
一 D 都唔 ok ！！皆因佢又‘鞋’、又無薯味、茄汁豆又乾，個茄汁豆完全
都唔係以前果隻囉；無晒 D 茄汁、又乾爭爭！比成 $33 蚊食 D 咁嘅焗薯
！好失望呀！！（同場仲加影美國小強出遊亂跑記！！）唉……差！
還記得當年爸爸成日帶我哋去
黄埔間
UCC high tea，果時係我第一次
嘆到一杯有 cream 又香又好飲嘅 cuppacinno 及 好 juicy 嘅照燒雞肉∕扒三
文治，但多年再到 SoGo 間 UCC 所食嘅照燒雞肉∕扒三文治，已經唔係果味
道啦！比 $40 幾蚊（未計加一、未計飲品）去換一份失望我覺得唔值得囉！於
是我又無再去 UCC 啦！
上星期因為約咗朋友响沙田食飯，一心諗住朋友 on diet UCC 又有自助
沙律吧，所以即管再去試多次啦！但可惜佢再次令我失望！除咗個自助沙律吧可
取之外，個意粉同咖啡都勁唔得囉！如果佢收我 $30 幾蚊碟意粉嘅話，我還可
以接受尼個質數，皆因佢哋嘅意粉煮得太熟、份量又少；果個 $78 蚊嘅野箘帶
子意粉又勁腥，嘩！尖沙咀 isquare 間 Key D 意粉仲好味過佢多多聲！仲有
佢哋嘅花奶雖然無怪味，但係我飲完杯熱咖啡之後就即刻肚痛！
唉！尼
$180 幾蚊嘅飯我真係覺得唔值囉！我真係好唔明佢晚飯時間點解會有咁多人
排隊等位嘅，又貴又唔好味！！
$180 幾蚊食 D 乜？！$58 蚊嘅煙肉磨菇意粉（味道 ok 嘅！不過上碟
唔夠熱，洋葱又勁多！）＋ $30 蚊有自助沙律吧 1次、餐湯及飲品；$78 蚊
難食又勁腥嘅野箘帶子意粉＋ 10%＝ $182.60。
↓
超難食又勁腥嘅野箘帶子意粉↓
↓個雜菜湯 ok 啦！↓
UCC
沙田新城巿廣場
老實講返學嘅時候，好彩撞啱尼個 food court D 野唔難食咋，而且有
幾間我仲成日食嘅添！例如尼間越廚–Viet Kitchen，佢哋嘅香芧豬扒、
咖喱、豬頸肉、湯檬同檸檬疏打都好好味！所以我同同學仔 H 都多數食尼間
，而且佢哋又快又好味，價錢平均約 HKD30 蚊倒。
唔知係咪成個樓面都係越南人嘅關係，所以佢哋 D 香芧豬扒、雞扒都
醃得好入味；D 湯檬嘅風味都好似，係唯獨是個飯無汁乾咗 D 啫；不過同學
仔 H 話佢哋嘅咖喱夠辣，我都覺得 D 咖喱撈飯好正！
之不過，佢哋 set lunch 嘅小食，春卷同粉絲蝦片，真係好唔得囉！
春卷又疏咗氣、粉絲蝦片淋！如果佢哋連小食都改善埋，咁就 very good
啦！
（地址？睇下面啦！）
越廚–Viet Kitchen
8/f., food court
（國際都會商場）置富商場
紅磡（紅磡火車站對面的商場，行扶手電梯上）
炎炎夏日，我又同阿 J 約咗响佐敦食飯，結果佢食唔飽之餘，仲突然間
想去太平館–食咸牛脷同疏乎里。個肚仲有貨嘅我，一於捨命陪君子，但我錯
在有成 20 年無食過佢哋出名嘅疏乎里；所以忘記了 size 有多大，因此我們
都食得幾吃力，話晒我都係剛剛食完個 lunch set 呀！只係食少少，都經已係
盡晒力，好彩無叫杯咖啡咋！ㄚ！仲有我幫阿 J 頂咗大半條勁蘇嘅咸牛脷呢！
（Oh！點解當年我唔覺佢咁蘇嘅呢！）佢蘇到連阿 J 都無辦法食埋 last 1 條
！Sorry, 奈何我們只能浪費食物！
至於個要我們苦等 20 幾 30 分鐘嘅疏乎里，唔知係因為咪脹得太高嘅
關係，所以响廚房出嚟之後要灘凍一吓呢？！因為當仕應叔叔上枱果鎮仲好熱
嫁，但之不過幾秒之後（我影咗張相啫），當我哋好興奮咁‘筆’落去果鎮就
feel 到 D 皮有 D 韌；不過裏面仍然係霧住煙、熱辣辣、充滿蛋香又軟滑嘅
疏乎里，坦白講我同阿 J 都唔係好嗜疏乎里，但係我真係鍾意尼道嘅疏乎里
嘅口感；我喜歡佢食落唔太甜之餘，仲有佢好似 creamy 嘅海棉蛋糕！
坐落我開始想當年，仲記得當年第一次嚟太平館餐廳 係一個好好人；
對我又好嘅經理 TL 帶 O 完 T 嘅我哋去慰勞一吓，因為果時 OT係無錢嘅，
於是經理 TL 就週不時帶我哋去食好野！果時太平館嘅瑞士雞翼同疏乎里係
好出名嘅，當然佢好味之餘仲要係唔平添嫁！而經理 TL 佢係自己比錢請我哋
嘅添！講真當年我真係覺得瑞士雞翼同咸牛舌好好味嫁！可是多年後我再去食
，已經覺得無當年咁好味啦！（是氣氛問題嗎？），所以我先無再去咋！
太平館餐廳
佐敦，油麻地，荗林街 19-21號
Tel.: 23843385
今次返學，意外嘅收獲就係係學校個商場嘅
food court 食到好好味嘅
海南雞飯！
原本得一個鐘頭食飯，又要排隊又要搵位，仲要等食物添！所以無乜得
選擇行遠 D，因為實在超趕啦！第一日同同學仔食飯，就費事等，去咗果間出名
又貴又唔好食嘅泰國海南（唔記得個名啦）；買咗個成 $45 蚊（有學生証仲平
$3 添）嘅海南雞飯，點知真係把鬼，D 雞又‘鞋’、又唔好食！相反同學仔買
咗個 $30 幾蚊嘅海南雞飯就不知幾好味！又有菜、D 雞又滑！
於是乎，我第日就去咗尼間新加坡南香風味館（KOPITIAM）–買佢
哋 display 仲滴緊油嘅海南雞飯（同學仔仲問佢哋 display 嘅雞會唔會係假嘅
尼？無理由日日都咁多隻雞、日日都滴油喎！哈哈哈……以我目測隻雞，覺得
個質感應該係真掛！
Anyway, 佢哋嘅餐 $30 幾蚊，有菜、有湯又有野飲；碗油飯軟熟得嚟
又夠熱，D 雞唔駛問梗係滑啦！唔……一個字，正！（如果想慳 D $28 蚊都
有一碟有菜、有湯嘅海南雞飯嫁！有學生証要埋杯凍飲都係 $30 蚊啫！）
除咗海南雞飯好味之外，佢哋嘅小炒都好好味（炒飯除外，因太乾啦）
，例如：乾炒牛河、福建炒飯同豉椒排骨飯；不過叫佢哋嘅小炒，你要預咗
等 20 分鐘，因為佢哋真係炒得好慢，趕時間就要諗清楚啦！
仲有佢夜晚嘅海南雞飯竟然無午市 D 飯咁熱，等我上次仲特登約仔仔
响道食飯添，真係有 D 失望，好彩 D 雞仍然都係咁滑咋！（唔通佢哋晚巿
淨係專做小炒？！）
下次想食海南雞飯可以考慮吓紅磡尼個國際都會商場嘅 food court 嫁！
By the way, 尼個商場以前係叫國際都會商場，而家改咗叫置富商場啦！
新加坡南香風味館
8/f., food court
（國際都會商場）置富商場
紅磡（紅磡火車站對面的商場，行扶手電梯上）
