Caffé Vergnano 1882 – Tea time

Caffé Vergnano 1882 响香港開咗咁耐，我同阿 J 都係第一次嚟 tea。

 

果日我哋去咗 “The One” UG 尼間 Caffé Vergnano 1882 tea，

 

由於天陰陰，中間位又好似迫迫地咁，阿 J 就簡咗窗邊位坐，我仲望到

 

清真寺添！你哋睇 D 雀仔都好似識朝聖咁！一排排企定定响個頂道，

 

幾得意！

睇吓 Tea time 個 menu 有D乜食先！哦…原來係有 4 款嘅，分別有：

 

 1) Platter ：（有分 1人份 $95∕ 或 2 人份 $138，跟餐包 1 杯∕ 或

 

2 杯 Coffee or Tea，轉飲其他熱飲 +$10，凍飲 +$15），食物

包括：巴馬火腿蜜瓜沙律、蕃茄香草多士 2件及甜品 2 客；2)  9"

pizza（4 種口味供選擇，配沙律及甜品 $88）；3) Mini

Sandwich迷你三文治（3 款口味供選擇，配沙律及甜品 $68）；

及4) Mini Pasta 拿破倫香草天使麵（可選：蕃茄汁∕ 磨菇 ∕ 雞肉）

，配沙律及甜品 $85。

我哋 order 咗 1個 Platter 同 1個 Mini Pasta，D 巴馬火腿蜜瓜同

D 沙律菜都 Ok 嘅（除咗果幾條生勾勾嘅豆角之外！）而最好味

係蕃茄香草多士；但係個拿破倫香草天使麵，D 麵質太淋，口感

有 D 似米粉而茄汁太鹹，如果唔係個味道都 Ok 嫁！

甜品方面唔太甜，最香、最好味都係個少少杯 Tiramisu，面頭有

香濃嘅朱古力味，入面有朱古力蛋糕，唔…正！

唔知係咪佢哋嘅蒸漏咖啡至係主打，所以我覺得佢哋嘅 Cappuccino唔夠

 

香濃，又或且自從飲過圓方 Elements果間咖啡香味香絕整個區域嘅

 

“LGB”嘅咖啡之後，太令人念念不忘了！

所以至令我覺得暫時只有排第二位响 K11 果間 illy 可以比較一吓之外，

 

其他嘅一唔係唔夠就係唔夠咖啡味！唉…慘了！嘴變尖了！

By the way, 連阿 J 都話坐咁近都聞都到咖啡香味！自從阿 J 無得飲

 

咖啡 之後，聞到都 Ok ㄚ！（真係慘！無得飲！）

由於我哋叫咗嘅餐之中，有一個係 for two 嘅，所以我哋總共有 3杯

 

飲品，而阿 J 之前果杯凍檸茶又唔夠檸檬味，於是我哋決定叫過第二

 

種飲品試試，而 waiter 哥哥介紹咗杯熱嘅特濃朱古力 Coccolino

 

比我哋；又因為阿 J 怕甜，所以 waiter 哥哥便細心地幫我哋張個

 

牛奶分開，任我哋自己調較啦！（真讚！）

嘩…當杯嚟咗之後，我哋真係嚇咗一跳！因為佢睇落真係好特濃…濃到有

 

 D 似朱古力火煱嘅醬果種 feel，初初真係有 D 怕；但係又因為佢嘅

 

朱古力味實在太香、太誘惑了…而且當阿 J 加咗少少牛奶之後（個牛奶

 

係暖嫁！真讚！），成杯嘅感覺又唔同晒喎…唔……真係真係好好飲呀

 

……！！佢哋嘅朱古力果然係好出色呀……
↓超好飲的熱飲“特濃朱古力 Coccolino”讚！↓

另外，最值得真讚嘅係佢哋嘅 waiter 同 waitress 嘅 services 好好，

 

又細心，見我哋個窗邊位曬，一 call 佢哋就幫我哋落窗簾了，真讚！

Caffé Vergnano 1882

Shop UG221, The One,

100 Nathan Road,

T.S.T,

Tel.: 29073817  

聚興樓手撕雞專門店

之前因為我姑拉買了一盒手撕雞比我哋食，食到我哋嘴淋淋，於是我就

立刻留意到尼間叫 “聚興樓手撕雞專門店” 嘅手撕雞專門店，不過可惜ㄚ

！佢哋唔係道道都有得買，而家亦只係得三間分店啫，所以要買嚟試都

比較麻煩。

尼間叫 “聚興樓” 嘅手撕雞嘅味道唔錯，而佢哋嘅做法其實就係張一隻

醃鹹咗雞，灘凍放入雪櫃，有客人買嘅時候（半隻約 $35, 全隻約

$65~70蚊），職員就即場撕開雞肉再放入麻醬及芝蔴；由於係凍食

嘅關係，所以外買之後就必須立刻放入雪櫃，雪一鎮先至好食。（口

感會好 D！）

嘩？大熱天時有盒涼伴手撕雞食真係好鬼爽嫁！就咁食又得，餸住辣

麵嚟食就便正啦！

記得以前我都試過尼味手撕雞，但因為當時肉質太‘鞋’所以印象麻麻，

亦忘了是甚麼菜色（係上海定台灣菜）！

不過如果你想食又想有興趣一展身手都可以上網 search 一吓食譜，

我本人就較為懶，食現成嘅就 Ok 嫁啦！再唔係你哋可以試試另外

一間叫“厚 XX”，因為我未試過尼間，所以暫時未能介紹！下次ㄚ！

唔……Yummy（享受中）   ！


聚興樓手撕雞專門店  

Tel.: 39969901

分店：太和，太和村街市，10 號舖

分店：粉嶺，華明村街市地下，19 號舖

分店：馬鞍山，利安村，利安商場地庫，
   
    1樓街市，39 號舖

Espressamente illy - K11 店

星期五晚同朋友們係 i square 食完晚飯，諗住落樓搭港鐵，點知落到

去先知原來係通唔到去西鐵線嘅！我為有傻吓傻吓响河內道出口上返

K11，咁既然係 K11 又見到 Agnes b 咁我咪想買番兩件 cake 返屋企嘆

，但可惜…實在係簡唔落！E…諗諗吓 K11 仲有其他固喎…結果行到尼

間我一直都無緣試嘅 –espressamente illy，我就比佢嘅 tiramisu 吸引

住，再加埋入到去嘅咖啡香味，終於我就點咗件 tiramisu $44同一杯

凍嘅希臘咖啡 $40坐响道嘆埋先走。

印象中，佢尼間店响角落唔太大，但經常就好多人，而當晚又剛剛係

星期五晚所以就差不多客滿；店面嘅服務員見我得一個人又堂食兼

take away 一件朱古力石板街 $36，於是就叫我先坐低（服務態度

真好！）

等咗一鎮，佢哋就為我奉上我要嘅野，試一口凍嘅希臘咖啡覺得咖啡

味香濃又唔會加到成杯冰，的確唔錯！（當然咖啡味道若要比較暫時

我心目中佢係第二位！第一位係邊間？咪就係上次我介紹果間响

圓方嘅 LGB 囉！）

而且佢哋對待我件 take away 嘅朱古力石板街都好細心，竟然識得

利用膠嘅杯反轉‘吸’住佢，咁我就唔會咁易整難啦！（讚！）

至於 tiramisu D cream 好滑，唔太甜，裏面果 D 濕濕哋嘅蛋糕有

D 咖啡香味，的實值得比 $44 蚊位响道試試！

本來想買件 tiramisu 返屋企比仔仔分享嘅，但係佢哋件tiramisu

只係堂食，因為佢哋只有用玻璃器皿裝住，咁又係尼 D cream 咁

新鮮嘅 tiramisu又唔係平日餅店果 D！就算有外賣返到去都溶晒

啦！又點好味呢？！算啦！都係買多件特濃朱古力拎走先！

返到屋企，試吓件朱古力石板街，嘩！原來佢有好香濃朱古力味

，cream又滑、仲要唔太甜添正呀…！（我覺得佢好味過 Agnes b

同caffè HABITŪ添！）

至於尼件特濃朱古力，都有好香濃朱古力味，不過 D cream

就無咁滑同有 D 漏！

 

 

espressamente illy - K11

河內道18號, K11 購物藝術館 G34-G35舖

Tel.no.: 31224450

黑紙 - 黑紙百科 - “洗腦”教育篇

近排仔仔攞咗兩份叫“黑紙”嘅物體返嚟！一份係黃貫中做封面嘅

，老公睇完話『哦！原來尼個就係林日曦、陳強同阿 Bu佢哋三個

出果張！』吓！無理由喎！連我老公都知！究竟尼張係乜東東呢？

竟然令到 D 後生仔（連宅男）都肯每個星期去 7-11 擺低 $1 帶佢

返屋企…勁呀！

於是我就由仔仔响書展帶返嚟嘅戰利品“ 黑紙百科”睇起，睇吓

乜野令到 D 後生仔（連宅男）都會買！既然佢哋要每人一本咁買

咁巴蔽，試問求知欲咁強嘅我，又點會比老公都 update過我丫！

（睇吓你哋有幾好睇先！）

哈！睇完作者嘅資料（雖然我好似只聽過森美叫過陳強

同阿 Bu尼兩個名貢熟嘅？哦…原友來佢哋做過電台。）

 睇完尼本無序嘅書，先覺得個書名點解有 D 熟咁嘅？

哦…原來上次老公同仔仔口中所講果份“黑紙”個作者就

係佢哋三個！（請原諒我嘅白目，因為我只對我有興趣

嘅事物留意嫁咋！）

就係咁！佢成功吸引咗我睇晒成本書，嘩！真係好正呀

！佢有 D 句子精簡、又到肉，抵死到ㄚ！攪到我一路

睇一路笑（anyway, 奇怪嘅我係由尾個 chapter 睇起嫁

！ ）

當然好書就要自己買嚟睇啦！（唔好齋打書釘又唔買

啦！）要我响100 個 chapter 入面，簡選 D 我覺得正

嘅句子，你或許未必會有同感，不過希望你會喜歡。

以下係引述“ 黑紙百科”部份書嘅內容：–

1) 十個要 keep 住chok嘅出醜事件簿：–
  
 i)   港鐵衝門失敗！若無其事。
     ii)   PK 後。
     iii)  踩屎後，繼續前進。

2) 十個睇完都唔明嘅表情符號：–
  
    i)    >//////////< （聲稱是害羞）。
    ii)   ＼（▔）▔）／   （聲稱是擁抱）。
    iii) （＃ ‵′）凸    （聲稱是囂張地伸中指）。

3) 十個阿媽常說的說話：–

    i)   飲多碗湯。
    ii)  好心你飲多啲水啦！
   iii)  生嚿叉燒好過生你。

4)  十個買咗返屋企唔會用超過多一次嘅機：–

   i)   豆漿機。
   ii)  窩夫機。
   iii)  蒸面機。

5) 十個見エ唔可以用嘅 e-mail ：–

   i)   ilovemankinluen @yahoo.com. hk
   ii)   iamtheboss @xgmail. com
   iii)   real love @sex141.com

6) 十句比粗ロ更傷害別人的說話：–

   i)    你好臭。
   ii)   咁短？
   iii)  其實你先係第三者

ok~書本部份内容就介紹住咁多先，喜歡嘅朋友就自己去買啦！

另外，因為我係先睇“黑紙百科”之後再睇“黑紙”嘅，所以

我依家再介紹今期佢哋响“洗腦”教育入面嘅幾句金句『子非

狼，安知狼之樂。』、『織織復織織，月娥當紮職。』，

『七一時節最繽紛，愛國人民沒遊人，借問普選何處有，牧童

遥指烏坎村。』、『老吾老以及人之老，講吾講以及黨人治港

。』

下面係佢哋嘅網址。

黑紙
www.blackpaper.com.hk

紳士的品格–韓劇

最近超愛兩套韓劇，就係「屋塔房皇世子」同「紳士的品格」。

因為兩套都超攪笑又好睇，前者我還迷上了男主角朴有天，而

後者嘅男、女主角張東健、金荷娜、金秀路、金民鐘、李鐘赫

…等演員。雖然係一班年上嘅熟男熟女，但係佢哋嘅配搭就演

得非常出色、對白及表情相當抵死、攪笑，簡直令人睇到欲罷

不能，一直追呀追……

今次尼套劇主要係講四個大男人：金道鎮（張東健飾）、林泰山

（金秀路飾）、崔潤（金民鐘飾）及李正路（李鐘赫飾），佢哋

嘅友情、愛情同中年男人嘅寫照，絕對唔會悶場。
雖然初初睇到張東健覺得佢做乜野個樣會殘咗咁多，不

禁令人嘆息歲月催人，但係當見到佢响劇中吋吋供嘅樣

，對朋友嘅情義；同埋對暗戀嘅女主角徐伊秀（金荷娜
飾）得得戚戚咁，你可能又會覺得佢好可愛，而從新愛

上佢都唔定？！

仲有我好鍾意劇裏面尼四個男人嘅友情，同中年男仕點

都唔肯認老、唔肯認自己結咗婚；以及體力嘅轉變，都

描寫得非常好、又攪笑。

睇完唔知你會鍾意金道鎮定係林泰山呢？還是你覺得

青春、美麗又專一嘅林回音（尹真怡飾）吸引呢？

「紳士的品格」尼套劇係講述當老師嘅徐伊秀單戀建

築師兼棒球隊隊長嘅林泰山，但泰山卻戀上伊秀嘅好

友高爾夫選手洪世娜（尹世雅飾），而同為建築師

partner 兼好友金道鎮卻偶遇了伊秀……

經常耍帥嘅咖啡店老闆李正路又常常在美女面前隐

門自己已婚的事實……但每每都比有錢嘅太太飾破

……身為律師嘅年上男崔潤，又點面對好友青春無

敵又尊情嘅妺妺林回音對自己單戀多年嘅情感呢？

希望你都欣賞尼套劇啦！（回味中…）

 

 

 

Koera star daily 韓星網

http://www.koreastardaily.com/tc/photo/17475


韓國偶像劇場

http://kr.dorama.info/drama-5845.html

韓劇 – 紳士的品格
http://v.sogou.com/v?query=%C9%F0%CA%BF%B5%C4%C6%B7%B8%F1&w=06009900&p=&_asf=v.sogou.com&_ast=1343132344&sc=index&sut=910&sst0=1343132347373

 

石澗日本料理–小學同學聚會

 

今次小學同學聚會真係好開心，因為我哋又搵多兩個同學仔，雖然之前

托兩位 L小姐同 M先生嘅福搵到 9個，但係有一個同學仔出咗一次之後

，就再無出嚟！尼次又有兩位新血加入重行列，希望佢哋兩位能夠 keep

 住間唔中出來曝吓光就好啦！而另外果 4位同學响往後嘅日子能夠比

我哋嘅真誠打動，終於肯出來聚會就實在太完美啦！

既然今次咁值得慶祝，有成 12 個人，咁一於食好 D, 記得上次有個

同學仔層經提議過尼間日本放题，但可惜果次打極都打唔通佢哋嘅電話

（咁確實佢哋嘅電話真係好難打得通又有人聽嫁）！所以今次能夠打得

通兼 book 到位，真係難得！（A, 佢哋要 13個人先可以比房，若

到時 book 咗房，唔足 13個人都要當13個人收費！）
今次到尖沙咀尼間石澗日本料理食放題真係覺得讚同物超所值，雖然

佢响 open rice 嘅 comments 麻麻地，但係自己同同學們都覺得

佢幾好食同幾抵食；除開每人都係$230/位（已包加一同一罐汽水）

，任食兩個鐘（7~9p.m.）（平日會平 D, 唔同嘅時段價錢又唔同）。

點解覺得佢正呢？！皆因佢哋上魚生一 D都唔手軟，而且魚生都好

新鮮，其他食物種類又多（有成98種）（另外，汽水又有 7種，

其中還包括 C+檸檬）；甜品仲有雀巢細杯裝雪糕任食(紅豆、芝麻

、朱古力、芒果同 vanilla），最重要係食物嘅味道又唔錯。

（總之佢哋嘅食物同價錢正過“小林尊”好多！）難怪佢哋嘅電話

咁難打得通啦！我哋果日係閒日都爆場！有機會一定要試呀！


個人推介：

魚生：–三文魚、北寄貝、帆立貝、赤貝同海螺片

炸物：–芝士年糕（必食！超正！）、一口芝士及南瓜天婦羅

前菜：–芝麻八爪魚同蚧子沙律

燒物：–燒羊鞍、鹽燒雞軟骨、燒魷魚、燒雞翼及牛油燒粟米

一品料理：–豚肉生姜燒、牛舌及牛肉鍋（朋友們）

麵飯：–地獄拉麵（夠辣，正！）及胡麻冷烏冬

鐵板燒：–金菇牛肉卷（朋友）

甜品：–雀巢細杯裝雪糕任食（紅豆、芝麻、朱古力、芒果同          vanilla).
唉吔……我竟然食漏咗鐵板燒嘅鐵板帆立貝添！因為

實在太多野食啦！Yummy！
↓芝士年糕及一口芝士（必食！超正！）↓

胡麻冷烏冬

 

地獄拉麵（夠辣，正！）

 

豚肉生姜燒

 

燒羊鞍

 

牛油燒粟米

 

牛肉鍋

 

蝦天婦羅

 

蕃薯天婦羅

 

忌廉薯餅

 

金菇牛肉卷

 

炸蠔

↓蟹粥（太鹹）↓ ↓燒魷魚 ↓

石澗日本料理

 

尖沙咀，寶勒巷 21- 23A（Newway 隔鄰），

寶利商業大廈，地庫

（見到有“石澗”兩個字果條樓梯，門口係 防煙門）

Tel.no.: 2989 2345