三番四次在政府醫院覆診後得出的結論！
第ㄧ次發覺到，完來ㄧ個人為咗家庭而出來返工搵錢係好 stupid 嘅
錯事！Why？！因為就算你屋企有個需要人照顧嘅傷殘家庭成員，但就係因為
你冇攞綜援，所以無論你幾咁須要生活上嘅資援；你都得唔倒ㄧ毫子嘅資助！
不論你幾須要ㄧ部電動輪椅，但無錢；抑或係幾須要試食ㄧ啲貴到嘔電嘅新藥！
Sorry！You have no change！因為政府醫院絕對唔會提供幾千ㄧ月嘅藥比你
嘅！Even，你而家食緊嘅藥已經控制唔倒病程；而啲新藥可能有機會改善倒
個病！但 no money no talk ！
『你可以試試做審批，睇吓可唔可以得到資助！但冇攞綜援可能就微啲！』
這些說話我聽得多嗱！第ㄧ次認知到，原來冇攞綜援出來返工搵錢，係錯
嘅！點解呢？！
至于錯係邊呢？！答案就係錯在『冇攞綜援』囉！因為你有工作ㄚ嗎！
咁即係你有付擔能力嗱！咁！Sorry！啲資助係留返比 D 弱勢社群嘅！
咁！想問問政府ㄧ個萬元家庭點樣可以交幾千蚊個月租金呢？（申請輪
候公屋嘅三人家庭入息限額為ㄧ萬ㄧ千幾！咁！你又知唔知租個無 lift 嘅
舊區套房都要二千幾蚊呢！）
咁！想問問ㄧ個萬元家庭點樣先可以比幾千蚊個月藥費呢？
又想問問ㄧ個萬元家庭點樣先可以買ㄧ部萬幾蚊嘅電動輪椅呢？
咁嘅 Living standard 算唔算弱勢社群呢？
層經係身體狀況最差時，醫生想寫個 daily care 比我，但因為我並不是
『綜援戶』，所以社福就只係可以講「sorry！幫唔倒你！你只能自己請工
人照顧。（如果可以 afford 得到幾千蚊養多過工人就做咗嗱！）或且，
可以考慮請個家務助理幫手照顧你嘅。（吓！成$60、70個鐘喎！咁！請
佢每日二個鐘定三鐘個ㄚ？ 幫我做個人身體清潔定係烹飯？By the way，
佢哋好似冇做個人身體清潔服務嫁喎！）又或且，可以試下送飯服務？
平 D $10 幾蚊ㄧ餐；不過好似都幾難食，難食到連 D 老人家都唔想食喎！
而且，只能夠送比你ㄧ個人份量！有小朋友就問問佢哋肯唔肯送嗱！（咁！
阿仔望住我自己食？定係要阿仔放學之後自己買餸烹飯呢？）
又試過需要啲附助設備、功具幫我應付日常生活！但又係因為『冇攞
綜援』！所以全部都要自費！( no money no talk ！)
醫生問我點解唔攞綜援呢？ 我就答醫生「我先生有工作能力，冇理由
要 quit 咗份工唔做野等政府養嫁？而且要申請綜援係必須要ㄧ家人ㄧ齊攞，
絕對唔可以個別家庭成員獨立申請！」
『無綜援＝無資助』
哩個就係政府現有嘅社會保障！亦係我層經工作過、交過稅，所得到
社會比我嘅回報！
咁！想問問政府我們自食其力地工作，唔攞綜援，係咪＝攞苦嚟辛？
沒有留言:
發佈留言