嘅外甥，他也直說會從今天起會對壽司改觀了 — 從今天開始他也愛上了
板將壽司。不過仔仔直言：『不知她們能 keep 住食物的水準及新鮮感到
何時呢？』想想也是，當初我們商場的味芊拉麵開張時，我們覺得她的
豬軟骨拉麵、豚肉生薑燒、炸薯餅及鰻魚飯好好味，但後來唔知點解 D
豬軟骨拉麵嘅湯底會勁味精，豚肉生薑燒 D 汁又鬼咁咸，連仔仔極愛嘅
鰻魚飯都變成多骨及有時會‘聲聲’地，唉！總之失望嗱…！不過無偈
嗱鬼叫我哋個商場出名無乜食市嘅選擇咩！（香港 D 商場就嚟比 D 大型
連鎖店攪到個個都ㄧ式ㄧ樣，全部 copy 晒，無得簡嫁嗱…唉！慘到連 D
裝修都差唔多ㄧ模ㄧ樣！‘車’咁洗鬼出街咩！把鬼！）
板將 D 用料都幾新鮮，好似 D 細微位，例如： Wasabi （芥辣）同
紫菜呀咁！ Wasabi 夠香、紫菜夠脆、飯夠熱又夠香軟，唔似得果 D 又凍
又硬又唔係平嘅壽司–好似阿元祿咁，連堂食都越做越差，如果唔係只得
佢有外賣送嘅話，我真係採佢都儍！
講返板將 D壽司，例如話：蟹棒、火炙鰻魚、磯煮鮑魚、海膽及
芝味鰻魚等壽司真係好好食，海膽壽司都幾新鮮 $13 件抵食；三文魚壽
司仲要係做特價 $3 件，哇！抵到爛嗱！唔食點對得住自己呀！反而 $35
件嘅吞拿魚腩壽司（肥美、少筋）味道麻麻；蝦天婦羅壽司味道就 Ok
嗱！因為做天婦羅最重要係個脆醬粉嘅調較，而佢地嘅脆醬只係ㄧ般。
炸薯餅我本人就覺得 creamy 得制，冇乜薯仔味！
我同仔仔首選推介的是$6 件的蟹棒壽司 ，因為佢夠鮮甜、有蟹味
再加埋少少沙律醬…唔…Delicious ！已經有 8 個人讚過好味嫁嗱！而芝
味鰻魚係仔仔同老公嘅推介；因為佢加咗少少ㄧ片略為燒過邊嘅芝士响
juicy 嘅鰻魚上高，哇！好野味…都有 4 個人讚好。另外我同外甥倆個人
都愛上咗佢哋嘅炸蠔，覺得 D 蠔細細隻，ㄧ啖ㄧ隻好鬼正；炸得外脆內
軟、又夠滑；總之 $28 蚊 4 隻，你會覺得ㄧ碟實在太少了，所以佢絕對
會令你 encore 的，有機會試試吧！
由于佢哋嘅壽司係ㄧ件計，而且 D 飯比較細嚿，所以你可能會不知
不覺咁食咗 10 件，都只係夠攝倒個牙‘隙 ’。我們同朋友ㄧ行 7 人就食
咗成 90 件壽司ㄧ個烏冬ㄧ個冷麵 4 支波子氣水，總共 $700 幾蚊埋單。
By the way，有 3 個仲係 10 幾歲嘅男仔同 1 小朋友添！食到大家都撐住個
肚走，你話勁唔勁呢！ㄚ！正確嚟講係食宵夜至啱，Because，我哋係由夜
晚 8 點等到 9 點 45分先至有位！仲有我哋响 6 點幾果鎮都食咗晚飯嫁嗱！
希望佢哋 Keep 住個水準，正如佢哋老闆 Ricky 所講著重食物嘅鮮味！
沒有留言:
發佈留言