2009年10月27日星期二

繼續暑假食得真開心–為食篇

正嗎?唔係成日有雪糕嫁!

              真係無諗過會ㄧ個月去成兩次九龍城小店食飯,仲要係連續兩星期添!

所以話呢暑假真係好開心,可以無憂無濾大飽口福!其實佢 D 食物質數同水準

keep 得唔錯,由其响甜品方面!我覺得佢哋 D 甜品做得好過前幾個街口

,標榜有酒店五星級大廚果間!雖然我唔係成日嚟尼度食,但每次都覺得食得

好開,不過美中不足係 D waitress 成日收碟就收得好似好急咁!仲有就係

你千祈唔好 expect 個 Menu 有好多款式,雖然佢哋 D 選擇真係比較少,不

過勝在次次嘅食物水準都 keep 得到,如果間食店款式多但又 handle 得唔好

嘅話,咁粗製濫做就不如算了,所以想去試試嘅朋友就要諗吓啦–What do

you want?        

        第ㄧ個禮拜去係星期六,當然較為旺場啦!(較嘈)但係作為ㄧ個只

係入去食野嘅人咪 Ok 囉!我同朋友帶埋自己隻魔怪ㄧ行四人(兩大兩小)

,都竟然只係食咗 $700 幾蚊啫相當抵!吓!咁貴?如果用ㄧ般人嘅常理梗

係貴啦!但若果你知道我哋食咗幾多野,你就會 O 咗,然後會話『哇!你哋

餓咗好耐ㄚ!』咁嗱!Ha ha ha!無乜野啫:–、2個小食拼盆、2隻生蠔

、2碟乾蒜巴馬火腿意粉(走乾茄)、2個焗田螺、2個湯連2片自家製之

香草飽、1個蕪花果沙律、另外 1個忘了是甚麼前菜、4 個甜品(2個朱古

力軟心蛋糕、1個  酒布甸及 1個 Tiramisu)。覺得點呢?!如果係你你

會唔會食得落呢哈哈哈…响我哋隔離枱果 pair 情侶都只係點咗 1個牛扒

餐同個朱古力軟蛋糕炸。(不過差不多成 $200 嘅扒都算幾大塊嫁,而且

睇落都幾 OK 呀!都有幾多人叫扒食嫁)!還顧四週都無張枱好似我哋咁

大食囉!


碟都清埋!
可惜冇雪糕



         美味?!當然啦!我個人喜歡 D 巴馬火腿係無咁多肥膏嘅!但我們

另外ㄧ隻魔怪就較為喜歡我上次帶佢去大埔果間意大利餐廳嘅巴馬火腿

因為果間 D 肥膏多 D 喎!我就 No 嗱……怕咗‘淹 ’蘇味!咁梗係無我當

年响尖沙咀 果間 Peninsula Hotel半島酒店)度食嘅巴馬火腿咁香嗱!

哇!仲配埋甜美嘅蜜瓜,真係諗起都想食!(成 20 年前都要 $100 嘅早餐)

呀!值得再三稱讚嘅係–佢哋個小食拼盆裏面嘅炸磨菇仍然都咁好味!外層

炸槳又薄,咬落去個磨菇好 juicy,不過小心燙口;因為有汁响入面所以

好熱!

         到咗第二個禮拜,我們 6個朋友加埋佢可愛嘅囡囡,又去食飯,果晚

week day,所以食得好 relax 同傾得好開心,我哋先後 order 咗3碟意

粉、1個焗田螺、1個小食拼盆同 3 個甜品,埋單都只係$400幾蚊炸幾扺唔

抵食呢?(真係懷念那晚可以重溫 4個女人ㄧ個虛的感覺!好難得可以傾過

不停!好朋友們除了 Update 了自己近況之外+埋八掛,咁又傾了ㄧ大餐

嗱!哈哈哈……真懷念以往的日子–通宵達旦打牌、攪笑又盡興的節日

Party…噢!那時青春真是無敵!)

         不過今個暑期,最令我估唔到嘅係九龍灣 Mega Box 果間 CEO

卡拉OK,由于有朋自遠方回來;所以朋友們決定要 Karaoke ㄧ番,而她們

又試過那裏的 buffet,覺得以咁嘅價錢實在相當抵食;每人只須加約 $11

就可以食到!唱足成晚、食到飽飽,每人$200 蚊都唔洗,仲包 2個 drink

添,你都咪話唔盞!至于十幾蚊可以食到 D 乜?

日本野有:–魚生(都OK嫁)、冷麵及烤魚等。

熱盆有:–猪、牛、羊、雞、菜、蒸魚、蝦、蟹、湯、粉麵及蒸點心…等等。

         (仲不段有 refill 添,不過蟹當然就少 D 啦!)

冷盆有:–Cool cut、沙律、雪糕、麵飽(可自行翻熱)、蛋噠及多種甜品。

         最令我驚喜係有ㄧ人ㄧ鍋,好似打邊爐咁!料任簡,幾正嫁有晒 D

丸呀、麵呀同米線!電熱板就响 Food count!有成4個,都幾安全!仲有係

佢哋竟然有現場整嘅心太軟,喂,熱辣辣 OK 嫁!不過要食嘅朋友就要睇時

間去排隊嗱!因為係有 limit 嫁,廚師ㄧ次整ㄧ盆約十幾二十個嫁炸,要食

就要快啦!(相片就欠奉,因為玩到忘咗型囉!)

          總括嚟講–抵!個 Buffet 都相當有睇頭嫁!$200蚊玩成晚,咁低

消費去邊度搵?有機會我都會再去過囉!喂!當然你哋唔好用$200蚊食

飯嘅心態去啦!咁你ㄧ定會食得唔開心,因為佢真係有 D 野唔好食;但

平均嚟計大部份 D 食物都 OK 嘅,有 D 仲唔錯添!果晚我哋ㄧ行 13 人,

我哋成班人仲請埋朋友ㄧ家 4 口、又唔計兩個小朋友,埋單都係ㄧ人 $300

幾蚊啫$400 蚊都唔洗!仲唔抵呀!最重要大家都玩得好盡興、好開心,梗

係啦 10 幾年朋友,又雙隔兩地,難得聚會!今次ㄧ別,不知相聚何年!

           順帶ㄧ提,九龍城廣場間 Pizza Hut火腿芝士芝蕊批 整得好

好味,芝士味濃郁;不過可惜某店員身上的味道也實在太強烈,每每當他經

過的時候氣味便飄來,這點令晚餐美中不足。

          其實並無歧視,但不明白為何店員本身沒自覺性地適當處理;這些

屬于個人儀容及衛生問題,理應于返工前或出街前處理妥當。如本身是

汗大者,應塗上適量的止汗劑。而止汗劑則可選擇有香味或無味的、噴劑或

走珠兩種。

明白可能因工作關係導至腋下大量出汗,但也可以用吸汗貼及定時用濕紙巾

拭抹;這樣便可避免了這些事情發生;不會影饗他人之餘,也不如此尷尬了

!假若,用了止汗劑也不能解決的便要去睇醫生了!不要為了尷尬而拒絕

求醫,如果人人都怕咗你咪仲尷尬!ㄚ!還有請盡量避免食 D 味濃、香料

重或煎炸野,也可減低體味的!

           要注意:–無論你∕妳有幾靚仔靚女,有體臭便令你∕妳大打折

扣了!

2009年10月24日星期六

千里走單騎–張藝謀電影


 2005年張藝謀得獎之中國電影 


             『千里走單騎』–唔知係乜?!係ㄧ部感動人心的父子情電影!我今次

終于可以好明白及完全地投入去睇ㄧ部張藝謀嘅戲!唔會再似『菊豆』及

『大紅燈籠高高掛』咁,我只能單純去欣賞部戲,同埋覺以前都 D 女人好慘,

但係就 get 倒佢响戲入面想表達嘅 message!

                上星期六晚,估唔倒 Peal 可以帶給我驚喜,令我ㄧ轉台後就無法將

眼睛轉開;還吸引了仔仔同我ㄧ齊睇完套戲,佢仲讚套戲好感人添!好努實講

不‘嬲’都對中國電影興趣不太,因為總是害怕睇 D 好沉重嘅電影;但係呢

套戲真係好好睇!

                ㄧ開始就係講個爸爸高田剛ㄧ高倉健),接到個新抱嘅電話,話佢

個仔健ㄧ患上末期癌病,撐不了多久,但可惜的是健ㄧ仍然拒絕父親探訪;多

年來父子間的心結仍未能解開,兒子ㄧ直無法原諒父親;而父親也ㄧ直未能釋

懷,遠走漁村獨自生活。

               直至剛ㄧ收到新抱交給他的ㄧ盒錄影帶,是由兒子健ㄧ獨自遠附中國

所拍的面具戲;而剛ㄧ知道兒子ㄧ直都很愛看面具戲的,並且發現兒子在錄影

帶中答應了ㄧ名叫李加民的鄉民;會再到村中拍攝他演的『走單騎』

               可是,現在的兒子正臥病在床,相信再無機會到中國拍攝了;為了要

完成兒子的心願,佢决定獨自前往這個言語不通的國家,代替兒子進行拍攝;

用作送給兒子的最後禮物。

               剛ㄧ到達中國雲南村落後,原以為得到旅行社的翻釋及當地的導遊

幫助後可以順利拍攝的;可是原來叫李加民的村民因為被人嘲笑他的私生子,

因而打傷人,現已在奴監中,刑期為三年。這樣剛ㄧ跟本無法如期完成兒子

的心願,因為要到獄中拍攝並不容易,于是旅行社的翻釋唯有叫剛ㄧ放棄;

但作為父親的卻執意要為兒子做好最後ㄧ件、也是唯ㄧ能做的事,因此剛ㄧ

决不放棄,但是從來不知道如何與人相處及溝通的他;如何能夠在言語不通

中國遍遠山區順利進行拍攝呢?他又怎樣解決重重難關呢?父子之間的怨

恨又能否消除呢?尼 D 就要你自己睇嗱!因為尼部真係ㄧ部好好睇嘅中國

電影!

              戲中最令人感動的是–被困于山崖中的小孩與剛ㄧ那ㄧ段,ㄧ個從

未感受過父愛的私生子;與ㄧ個已將近遺忘了父子間如何相處的老父,那份

陌生的父愛淡淡的滲透著,濃濃的令人難忘!還有片中刻畫的陌生人之間亙

相幫忙的情宜,也是拍得很好的,那份單純的情義;像是未被污染的淨土!

在這商業社會中實在難尋!

             直得ㄧ提嘅係,片中的風景優美,令到我也想去雲南山區走走看看,

看ㄧ看這片人間淨土。

              初初都唔知點解套戲名咁橋口,又唔知咩叫『單騎』,後來明白到

單騎』原來係ㄧ套中國戲嘅曲目;故事人物就係–關公關雲祥),至

于故事嘅典故有興趣就可以到以下網頁看看。



千里走單騎者係咩意思??

http://hk.knowledge.yahoo.com/question/question?qid=7007042805252






↑以上之相片轉載自中國電影資料館↑

http://www.cnmdb.com/photogallery/list38286_1

2009年10月22日星期四

ㄧ本好書–ㄧ定記住我愛你




               小小的ㄧ本書卻記載了多篇令我感動的事蹟! 5.12 ㄧ個不好的回憶!

那天是ㄧ個拆散了多個家庭的日子之序幕 — 四川大地震!

                這個日子是很多人的惡夢,但卻帶出ㄧ個又ㄧ個令人動容的故事,

亦都向世人証明了人性也有善良的ㄧ面;讓人看見了很多救人英雄及英雌,

他∕她們犧牲了自己去救人的事蹟!這樣偉大的他∕她們有讓你落淚嗎?

在書內重溫著ㄧ幕ㄧ幕這些故事:–

– 那個臨終前除了用自己的身軀去抵擋塌下的石屎之外,還不忘在餵哺最後

     的乳汁的偉大媽媽。

– 還有那個雙膝跪著用整個身軀去保護自己的孩子在懷裏的母親,還留下

     最後ㄧ句訊息給孩子–『親愛的寶貝,如果你能活著,ㄧ定要記住我愛你

     。』

–那些奪不顧身再三折回去救學生,最終給無情的石屎壓死的老師們,有些

    老師甚至臨死前還用自己的身軀去保護住兩三個學生。

–還有些勇敢的孩子,被救援隊發現時,還要求先救他人,自己可以再撐多

    ㄧ回。

–請救隊的士兵哭著說:『求求你們,讓我再救ㄧ個,我還能再求ㄧ個!』

     ☆特此再向所有救人的英雄、英雌及為救人而死去的人致敬!

         多謝你∕妳們無私的奉獻!☆

          

             感動的故事太多了!如果你都想擁有這本書,看看每篇動人的故事

之餘,又可做善事的話;請到書局放底 $30 蚊就可帶牠回家啦!內容簡易

小孩子也可以看得明的、開卷有益啊!咁遲先買?有心唔怕遲呀!(其實

我都係買咗幾個月,等到 8 月尾先有時間睇炸!)

                書本收益是捐贈『ㄧ書燃希望』工程幫四川兒童建設圖書館的。

                                    多做善事有益身心!

            

2009年10月20日星期二

貪婪

 貪婪可以令ㄧ個人改變,ㄧ個又ㄧ個不能滿足的慾望;永遠都覺得唔足夠

嘅錢。究竟係貪婪者本身嘅錯ㄚ?!定係縱容佢哋嘅人嘅錯呢?!或許係我嘅

錯?!因為我唔顧親情?沒有縱容者的海量汪函!因為我實在無法去解讀她的

歪理?!

             每個人都必須為自己嘅行為負責!如果有錯就推卸責任在有病身上,那麼

每個罪犯都有足夠理由脫罪!為什麼家人要永遠為犯錯嘅人抹屁臀?為什麼家人

要永遠原諒他們?如果有病就必須被原諒的話,我病得比你嚴重、病得比你還要

可憐;這樣的我是否也要做盡ㄧ切唔負責任嘅事,跟住要家人承担呢?然後又扮

無知地話自己有病呢?

            有病大晒呀?!ㄧ而再、再而三去傷害家人嘅感情,又再扮無知推卸落自

己有病;這樣的把戲每每上演都得到家人原諒。是嗎?應該值得原諒嗎?個病

都病得幾識簡時間發作喎!我唔肯原諒她,就是我太狠心、太絕情?只因為是

家人嗎?那麼我願意成為無情無義的人!

             知否不段去縱容、包容她也是ㄧ種孽!妳們能否包臂、保護她ㄧ世嗎?

明白母愛是偉大的,但三代的人都盲目地去包容她,只因為她是家人;她有

ㄧ個年幼的孩子;那個很好用的擋箭牌是嗎?!知道為什麼她從來都覺得自

己無錯呀!因為佢只要做咗少少野,你哋覺得佢已經改咗,是嗎?改變是

持之以恒,並不是ㄧ核的片面的!若言真的是以孩子為首的話,那麼人哋ㄧ

定會看到的!奈何別人所看見的並不是這樣!所謂重要的最終只有她自己!

            問題總是她覺得自己的孩子比人缺少了什麼的,自己又要有 D 乜。

如果要對生活有要求的話,請自己去爭取吧!請攪清楚『爭取』嘅意思係–

自己好好地去工作,而不是向年紀老邁的家人著手!問問自己,你又何層為

家庭付出過?那你憑什麼要向家人索取些什麼呀!她們欠你嗎?

            要知道對生活有要求,是要有條件的;若你不能去工作的話,那你也

只能在有限的條件中生活,而不是與別人比較!點呀!係咪所有家人也必須

像你這樣生活著才可以呢?怎樣的路、怎樣的你人生是你自己選擇的!你有

努力過嗎?層經有工作的時候,你有將你所謂重要的孩子放在首位嗎?你真

的是為了改善他∕你們的生活而工作嗎?記得你第ㄧ個月糧用在那裏嗎?

如果電髮、買衫、要應酬同事所以要出街玩……厘 D 算係嘅話!

              實在太多太多問家人攞錢嘅值口啦 — 『近視要佩副眼鏡』(但佩咗

colour cons=隱形眼鏡,倚!乜 colour cons 方便佩帶嗎?咁 colour

要嚟做乜嫁?又真係實用播!)、『個個月都唔夠錢洗嫁啦,你估係你咩

養;個個月都有咁多家用!』(倚!明知唔夠錢洗,咁你又唔食少 D

煙!仲成日去 seven 買煙、買薯片?你其實都係唔洗做有人養嫁!不過果

D 係香港人之嗎!)、「喂!明知唔夠洗,你仲成日出街?出少 D 嗱!」

『搭車錢啫!唔通我哋倆個要成‘溫’响屋企呀!』(哦!原來你出

街係唔洗洗錢嘅!)、「喂!你做乜又問老人家攞錢呀?」『喂!個個月

都有咁多費要交,點夠錢啫!你估係你咩……』「阿婆咪仲少錢過你,

佢慳慳地都夠,仲有錢比你。」『阿婆又唔洗上網、交手提電話費

屋企電話費!』(哦!原來你咁辛苦嫁!又要上網、又要買劇集睇!咁你

又記唔記得我無錢果鎮乜都比人cut 晒呢?你仲記唔記得我個 out晒款,

但都用咗成 6、7 年嘅手提電話呢?但你呢?尼個換完又話壞,鎮間又話

跌咗!咩呀!無錢個個都係咁捱嫁啦!個個都話要娛樂咁點呀?唔夠咪

拉上補下囉!李嘉成 D 錢都洗唔晒嗱!你又洗唔洗問佢攞呀?)老馮要養

你ㄚ!

               我夠手腳彎曲,我夠有病嗱,但有野做我都去做!冷言冷語都

聽唔少,但活到今日我敢理直氣壯講我有努力活過;我有為我的家人付出

!那你呢?你為屋企人付出過 D 乜? Never!你ㄧ直只係講『我唔洗

D 乜呀!我個仔唔洗點點呀……!』你眼中卻ㄧ直都只係見到自己!

          直至今天為錢反目,我都從來無後悔同你撇清關係,這樣的家人

不要也吧!絕情?!對!就當我絕情吧!我實在受夠了!我真蠢!三番四

去幫你、原諒你、教你、叫你從新做人……可惜的是你不路人甲乙,

令我以為不可棄之不顧!你的歪理我已無法訤下去了!亦都再無能力去改

變媽媽同婆婆對你的坦護……算了吧!但今後,我決不會再原諒你了;就

算母親再對我哭泣。因為我不是聖人,我亦唔須要為你嘅人生負責!我只

須為媽媽、婆婆負責已經夠了!

2009年10月16日星期五

舒緩疑似猪流感、甲感的好方法

           首先非常感謝我的好友 Y 君,因為是她提供了那些舒緩猪流感及甲感

的好方法給我及她的朋友ㄧ家的。咁當然你有感冒徵狀梗要即刻睇醫生啦!

              果日醫生話仔仔可能染咗猪流感,因為最近有好多學生染病;而且

佢學校隔離班有個同學已經確診猪流感,他的班裏也陸陸續續有同學出現發

燒、咳等流感徵狀,所以仔仔多數都係喎!不過,個醫生又無開『特敏福』

比仔仔喎,只叫我們回家食咗藥觀察吓先!

           于是乎,我們唯有照以前仔仔發燒咁處理–照開冷氣等佢唔好咁熱,

但佢又發冷,見佢除咗食完藥頭果兩、三個鐘好 D 之外,之後仍然都係咁

辛苦,成個人散晒咁,唉…由其係半夜又燒得高 D!做阿媽真係赤赤地。  

             第日諗諗吓,不如打比個 friend Y 君請教下,因為佢嘅囡囡前排

染上咗同猪流感好似嘅甲型流感,個醫生都話兩種流感 D 徵狀好相似,

所以開咗『特敏福』比佢,但因佢担心囡囡年紀太少,食咗之後會有副作

用,所以初初都無比囡囡食;亦都無帶囡囡去那個『猪流感測試中心』驗,

因為去那裏只係 confirm  吓啫,值唔值得去輪候驗症及等 1、2天先有結果

?!就見仁見至啦!

               後來,她的囡囡病到第三天,食咗藥好吓 、點知鎮間 D 藥氣過咗 D

燒又嚟過,仲發冷到成身震晒,見個女咁辛苦,做媽咪嘅梗係好担心嗱;夠

竟比唔比個女食『特敏福』呢?!因為尼個又話隻藥點點點、果個又話咁咁

咁;個心十五十六,唯有上網 search 多 D 隻藥嘅資料、同睇吓 D 人嘅

comments,後來衡量過之後,結果都係比咗個女食『特敏福』,跟住囡囡

就即刻好轉咗好多嗱!佢話早知ㄧ早比佢食,囡囡就唔洗辛苦咗幾日啦!



以下係我個 friend Y君提供嘅舒疑似猪感∕甲感嘅好方法:–

不過大前提梗係要睇醫生先啦!)

1) 佢仲 remind 我ㄧ定要開晒 D 窗,等 D 空氣流通;可以開風扇,但切勿

     開冷氣,否則佢會好容易發冷。

2)  日日煲蘋果(蘋果要去核)、粟米+少少南北杏,當水飲。作用係潤喉。

   (可加放幾粒蜜棗∕如痰多勿放)要成家人飲、確保喉龍唔好乾燥

      不須放肉。

3)  ㄧ定要食西瓜。屋企人都要ㄧ起食及飲蘋果水,因為可以防止喉痛、

     乾燥及增強自己嘅抵抗能力。要知道流感傳染度高,由其病患者就嚟

     好番果鎮!

**還有關健在第三、四天,因為病人會特別高燒;可以燒至 104 度,

         所以要特別小心照料!此病傳染度高,照顧病患者的人必須帶口罩

        及切記確保喉龍之潤。**

          我哋倆母子都係全靠尼三招先至可以舒服地過渡,ㄧ D 都唔誇張,原先

星期三早上仔仔 4 點幾燒醒咗;食完藥瞓到 8、9 點又燒醒咗,個喉龍痛到好

似比火燒咁無晒胃口食野,唯有比佢食西瓜啦!點知食完ㄧ鎮之後就講到野

同食到野添!嘴唇唔再紅及爆裂,勁喱!唔信?

            其怪ㄚ喱?你諗住西瓜ㄧ定係屬于寒涼、生冷野?但原來西瓜都可

以入藥嫁!佢嘅皮同核仲可以醫病添!乜你忘記了發燒時會缺水嗎?你又

忘了西醫成日叫你多飲水,去多 D 小便排毒嗎?為防止病人脫水,有時還

叫病人飲寶礦力,甚至開 D 勁難飲嘅電解質即沖劑比你飲添!

             其實西瓜除咗:–消暑解熱、止渴、利尿、可解酒毒,還可以治理

咽喉疼痛和口腔發炎。雖然西瓜營養價值豐富,但切記勿大量或長期食

因為西瓜水份多,如過多水份會沖淡胃液,引至消化不良及腹瀉!



以下這些資料是從網上挖來的:–

 *蘋果:–含有多種維生素和酸類物質。類黃酮、碳水化合物、果膠、

                       維生素A、C、E 及鉀和抗氧化劑等。

                      而果膠這種可溶性纖維質可以降低膽固醇及壞膽固醇的含量。

                      果膠和鞣酸有收斂作用,可將腸道內積聚的毒素和廢物排出體

                      外;其中的粗纖維能鬆軟糞便,利於排泄;有機酸能刺激腸壁

                     ,增加蠕動作用,亦可調節機體血糖水平,預防血糖的驟升驟

                       降。

                       蘋果所含的微量元素鉀能擴張血管,有利高血壓患者,而鋅

                        亦是人體所必需,缺乏時會引致血糖代謝紊亂及性功能下降。

                     「美國生理學期刊」的研究指出,深紅色的生果皮,如蘋果及

                       提子等,均驗出有 Resveraltrol。該物質可減少呼吸系統,包

                      括氣管及肺部等發炎,從而控制哮喘及慢性阻塞性肺炎等病症。

*粟米:–有多種營養素(蛋白質、脂肪、熱能、磷鈣、鐵、鎂、硒等人

                      體必需的微量元素。

                      而粟米所含脂肪中 50%以上是亞油酸,還含有穀固醇、卵磷脂

                     、維生素 E 及豐富的維生素 B1、 B2、B6 等,故粟米油能降低

                      血清膽固醇,預防高血壓和冠心病的發生。另外,粟米中含有

                      的纖維素可刺激胃腸蠕動、加速排便防治便秘、腸炎、腸癌等。

*西瓜肉:–維他命A、B、C、蛋白質、葡萄糖、蔗糖、果糖、蘋果酸、

                         瓜氨酸、穀氨酸、精氨酸、磷酸、內氨酸、丙酸、乙二醇、

                         甜菜鹼、腺嘌呤、蘿蔔、胡蘿蔔、番茄烴、六氫番茄烴

                         等揮發性成分中含多種醛類。

   西瓜種子:–含脂肪油、蛋白質、維生素 B2、澱粉、戊聚丙酸

                             尿素、蔗糖等。

(西瓜皮可用來治理腎炎水腫、肝病黃疸、糖尿病。當然有病必須睇醫生

切勿自行醫治。)


                         ☆★ 生果等資料來源自以下之網站,多謝!☆★

西   小檔案

本文作者:中國醫藥學院中國藥學研究所教授-邱年永

http://hk.geocities.com/fyoerr/watermelon.htm

關於西瓜plz

http://hk.knowledge.yahoo.com/question/question?qid=7008031702027

西瓜有什麼益處?

http://hk.knowledge.yahoo.com/question/question?qid=7006061702657     

蘋果的營養


http://hk.knowledge.yahoo.com/question/question?qid=7009031400536

玉米藥食俱佳