反斗奇兵 3 (Toy Story 3) – 電影

              今日仔仔話想睇戲，嘩！我梗 OK 啦，有佢陪我喎！本來想睇潛行凶間

，但佢最終改變主意睇反斗奇兵 3，因為佢想睇 D 開心 D嘅唔想諗咁多野喎！

        嘩！成嚿水一張飛，好鬼貴呀！好耐都無睇過 D咁貴嘅戲啦！倆張紅衫

魚就我個袋飛走咗啦！But, anyway 暑假 you know！再加上我哋倆母子都好

耐無一齊睇過戲 lu~算吧！Woody 嘢~仲要係 3D 添！

        今次嘅故事係講小主人安仔（Andy）已經進入大學階段，胡迪、巴斯光

年、牛女及薯蛋頭先生……等，一班玩具已慘被冷落了很長時間，面對將會被

主人放置到閣樓；還是當垃圾般被棄丟呢？又或是，被捐贈到日間托謢中心？

大家都很擔心去向問題！究竟小主人安仔會有咩選擇呢？

             就係尼個時候安仔已經決定好了，結果係咪如大家所願呢？今次大家

又有咩野經歷呢？！

             本來已經出到第三集，照計又應該係逃難……又再重縫嘅故事，都無乜

野好講囉！但如果妳諗住一嚐阿仔阿女嘅心願，先至陪佢哋去戲院睇嘅話，咁今

次妳哋會有驚喜囉！

        因為我同仔仔都覺得今集係最好睇，除咗內容豐富之外，配音生鬼、又

有笑位；仲有兩個感人位添，睇到我都好感動，仲差 D 眼濕濕！

        令我不禁諗返以前細個，係幾咁珍惜 D 玩具！可能得來不易掛，所以就

算爛了，都唔捨得丟；若果唔係惡魔媽媽要強迫我哋丟咗佢，可能我仲會保留

至今添！（佢仲試過偷偷地丟咗我 D 心愛嘅玩具添！真係可惡ㄚ！ 記仇中

…）

溫馨提示：– 若果想睇 3 D，又唔想買咁貴飛嘅朋友，可以睇早場ㄚ！（9點

                 幾至 11 點 ）有戲線可以平成 $40 幾蚊嫁！

                 尼個網址可以 check 到戲票同院線大約嘅資料：–

                 http://m.wmoov.com/


反斗奇兵 3 (Toy Story 3)  –預告片

http://hk.movies.yahoo.com/trailer.html?id=mcl_toystory3&videoid=590

 

☆★以上圖片轉載自 Yahoo 電影介紹網站☆★

黑瘤地圖龜

龜一

            尼隻係仔仔第一隻擁有嘅黑瘤地圖龜，又稱恐龍角龜∕Black Knobbed

Map turtle，學名是Graptemys nigrinoda，特徵是脊稜成相當明顯尖錐狀，

成長後雌性甲殼最大有19 公分、雄性甲殼最大有10 公分。因為牠們的龜殼紋

像地圖，故得此名。

            地圖龜主要產地美國阿拉巴馬洲（南、北部）；牠是淡水龜，屬於澤龜科

∕河龜的一種；牠們的棲息地分別在河、溪或沼澤，屬於卵生的。而澤龜∕河

龜的品種有很多，包括：–巴西龜∕紅耳龜、油彩龜、珍珠龜、地圖龜、黃肚

龜、側頸龜、鑽石龜、鷹嘴龜、枯葉龜及平背鱷龜……等等。牠們的壽命可長

達 15 - 20歲。

          南、北部黑瘤地圖龜的分辨是在於，北部黑瘤地圖龜體色偏白黃色，

而南部黑瘤地圖的體色偏黑，花紋對比北部黑瘤地圖更為鮮明。

         由於仔仔之前養的龜龜很快便死去了，所以今次仔仔要我幫佢上網

serach 吓飼養龜龜的方法，我們才知道為何龜龜總是死去！原來，幼龜是很

難飼養的，因為牠們很易患病的；除咗水質要注意之外，牠們還要有適應期的！

             後來，在第二日，在龜龜的手腳關節就位起了白色泡泡，於是我們又在

網落搜尋醫治的方面，及用鹽水幫牠消毒；第三、四天天滴了龜藥水後，龜龜

的白色泡泡雖然縮了少許，但仍未退去；最終，仔仔在第五天捉著龜龜的手抹

去白色泡泡，牠才完全好轉。仔仔還說『龜龜還差點咬他呢！』，好在他捉緊

龜龜的手；現在龜龜好番，佢好開心！

             以下是在網落搜尋到的資料，有關於龜龜的飼養及疾病嘅醫治方法，希

望可以幫到同樣是飼養新手的你！


飼養要點：–地圖龜生性較為害羞敏感、又無膽，所以剛買回來的幼龜會很怕

                          人，雙方要有 7 ~10天的適應期；因為龜生性較為慢熱，雖要時

                          間熟習環境及主人，等牠慢慢判斷你、熟悉你後，才會信任你，

                          開口食你餵飼的食物。主人要多點與牠陪養感情，切勿粗之過急。

              – 另外，幼龜對於水質要求較高，因此在飼養幼龜時建議以淺水飼

                          養。最好用剛買回來時的水；再加入冷開水（煲過嘅食水），放

                          入飼養箱或盤，水深到腳，不要過殼面；再加入少少粗鹽作清潔

                          、消毒之步驟。

                          發現水變髒或臭就要換水，換水的水量也不宜過多，以保持水質

                          的穩定。

                     – 水質方面，最好用開水（煲過嘅食水）、蒸餾水、礦泉水或用放

                          置了數天的舊水，因為香港的水喉水含有氟、氯、氨…等物質，

                          這足以殺死幼龜的。

                    –  龜喜歡曬日光浴，如家中沒有充足的陽光，或可加設紫外線燈管

                          。因為日曬對龜是非常重要的，地圖龜的甲殼很容易受到礦物質

                          沉澱而角質化，將龜適度的離水乾燥有助於保持甲殼的完整和漂

                          亮。

                                 剛進口的幼龜只要撐過一個月後的飼養就比較穩定，不會再

                        出狀況，到了腹甲 6cm以後的亞成體直到成體的階段就非常強健

                        好養；並且可以提供較深的水場，供其游泳活動，地圖龜是游泳

                        能力非常好的水龜。

飼養箱佈置： – 可以在飼養箱內放入大石春、攀爬物、遮蔽物，等龜龜唔會長

                             期淹在水中！最重要係在冬天，為幼龜添置假山、石洞、電顫

                             …等，既可以攀爬、磨爪、又可藏身。

繁殖：–           公母的分辨除了看體型之外，亦可以看排洩孔的腹甲的距離來判斷           
                        ；公的排洩孔離腹甲較遠，型狀屬於長型，尾巴較粗。母的排洩孔

                         在腹甲後方，型狀屬於圓型。通常要長大至一定體形，才易於分辨

                         出公母的性別。剛出生的幼龜需要飼養 2~3年才有繁殖能力。

                         在美國阿拉巴馬州和密西西比州冬天的氣溫約只有5~10度，因

                         此能否提供適當溫度的冬眠，是成為能否成功繁殖的關鍵所在，

                         在歐美及日本都有成功繁殖的紀錄。

                         母龜一次約可以生產 3~5 顆蛋，在春夏共可生產2~3 次左右，

                 孵化期約為70~90天，剛出生的幼龜約為硬幣般大小。

                
 要注意盡量別在冬天前、後購買幼龜；因為龜龜會在冬天冬眠的，所以龜龜

較容易會在冬眠後因營養不足而死亡。

 
關於地圖龜嘅資料介紹網址：–

http://www.turtle-family.com/Discuz50/viewthread.php?tid=146


網址有教你飼養及關於醫治 地圖龜疾病嘅方法：–

http://www.catcatforum.com/viewthread.php?tid=604751&extra=page=1&page=1

☆☆☆哈哈…為什麼牠們總愛迫在一起，還用兩隻腳站著呢？☆☆☆

2010書展–進攻 Hall 1

          上次獨自逛完書展後，仔仔與妹妹又話要去所以他們買了些戰利品；但可

惜人太多，仔仔又唔識分配資源，只能買了少量書品（李力持笑話 1 本$28及

石頭紙黏土），並未能盡興而回。

       而朋友亦想去逛逛睇睇有沒有九把刀新書買，所以我便相約她今天一起再

去出擊！當我去到華潤大廈時，真係嚇了一跳！吓！乜要排隊排到响鷹君扔咗

個灣嫁？好多人喎！不過，D人流係一路路行，唔駛等嘅！So，無偈嗱！我諗住

橫掂都要等，不如去 seven 買番支茶慢慢行嗱！依！點知佢哋仲有入場券買添，

咪順便買埋囉！ㄚ！原來龍尾要排返去會展先再屈返去！唉…橫掂都係啦，不如

‘襟’多少少 cash先！依！點解 D security 會响道放 D 持票嘅老弱傷殘入去

嘅？！Lucky！就係咁我先可以唔駛又上又落乍！不過，朋友 S就無咁好彩啦，

由地鐵站一直排到去買飛！But, anyway佢都係遲我 10 至 15分鐘啫！

       入到去，人雖然多，但係又行得好舒服；唔係好迫，除咗某 D熱本書檔！

       今次行 Hall 1，係大家一齊進攻的，為免搵來搵去！不過，我首先就 $46

買咗本簡體嘅世界品牌故事–珠寶篇，嘩！好靚ㄚ！正！之後我哋就向九把刀

進發！但，行咗半個場都未見，S有少少失望；最後佢陪我睇到過埋次文化堂，

研究埋鎮間買 D乜書先走！嘻嘻…我仲欣賞過本話題之作裸體添！啊…小case

嗱！Art，you know？若果再發生用布冚住藝術雕像嘅事件嘅的話，香港真

係會‘囉’爆囉！O！please…反醒吓啦！ㄚ！我哋仲見到賜官（劉天賜）坐

鎮、簽名添！

        我好欣賞次文化堂對香港的情懷，那份土生土長的味道！所以，我決定

要買尋找香江舊故事–涛淘編 $48；及次文化言語 –彭志銘$64 尼兩本講解

香港的舊日文化嘅故事同獨特嘅語言！（如：–up 耷、吹水、正斗、wave、

炒大鑊…等等。）

         其實，仲有吳昊嘅老香港．爐峰述異 $40（講新娘潭、辨子姑娘等事）

，老香港．歲月留情及次文化俗語我都想買，但因為大部份 S都有，所以今次

佢只係買咗一本，因為有 8 折好抵，而其他嘅就等佢借比我睇！

http://www.subculture.com.hk/sell.aspx

         我哋終於响榆林書店發現倒九把刀，不過就少得可憐，所以我哋唯有

再搵過啦！最終，我哋係田園書局搵到最多最齊嘅書，仲有7折 添！仲有比我

發現倒英文版嘅 tuesday with Moris–Mitch Albom買 $46 添！

         幫我仔仔買完本官恩娜嘅書 $60，正準備邁向 Hall 3 嘅時候，竟然意

外地發現咗本毛孟靜教英文嘅書 Miss Mo教英語，只係買 $5 蚊雞啫！ S 話

都幾好幾得意！內容有 ：–buck、damn、hell、stuff 尼 D咁特別嘅字！究

竟 damn係咪粗口呢？下次話過你知！想買？小書局出版，1b-E32！

         既然買齊要買嘅野，我就要去 Hall 3 幫仔仔同妹妹買野！首先要幫

仔仔去The Paint Box買石頭、木、水松等質料嘅紙黏土（$29.9∕包，

兩包以上8 折。）；因仔仔上次整過，話個質感好特別真係好似石頭嫁，所以

今次咪幫佢買多 D！之後，又幫妹妹買吸血鬼學園 1（台灣耕林出版 $56），

佢哋係專門出版各類型小說！今次仲有 $10本 迷你小說添（買 10 送 1）！

        不過，要買襯手啦！聽日 last day啦！ ㄚ！…最終都漏咗本李力持嘅

笑話添！

        今晚，我哋走果鎮先至勁多人，成 7 點鐘仲响灣仔地鐵站橋面排緊隊！

        

Cafe O

 

       星期五，約咗朋友到上環 Cafe O 見面，所以才會去到久違了的皇后大道中

，其實這裏正正是在好友 K 的家隔鄰，很懷念、懷念過往的情宜，一個由少女

時代認識至到結婚生子的朋友！或許是成長背景的差別，又或許是工作性

質的分差，所以漸漸失去了交雜點，然後再也沒聯絡了；但是在殘存的記憶中，

仍然記得層探訪多次的家，以及舊有的情宜！ K，妳過得好嗎？

         Cafe O是一間兩層的 cafe，上層很闊樂，坐位也很舒適；這裏亦有

Wi - Fi 及電源提供的，不過，那天他們的Wi - Fi 剛巧壞了，所以朋友只能借

用電源！

         唔知係咪習慣了！所以當每次與朋友相約，都會上 open rice search

一吓關於那間食店嘅評分，或參考一吓食物資料。大概係知道尼道嘅 service

出名差，所以都唔會 expect 佢哋會比到 D 咩 service 你！大抵係，香港人

都習慣了 cafe∕茶餐廳係會有人 service 嘅，所以才會覺得為何明明食店有

waiter 及 waitress 進註，點解都仲要自己落手落腳行去樓下落 order 及

結賬呢？其實，照我觀察所得，尼間係一間半自坐型式嘅西化 cafe style，

而主要嘅客人都係外國人為主，比例若係 8 : 2，雖然上餐及收碟都會有

waitress 為服務你；但其餘時間都係任你好 free 咁坐响道上網、睇雜誌，所

以無論你要坐幾耐；又或且係齋飲杯野，响道都唔會有人干擾你嘅！不過，若

然你係要有個 waiter 响道穿梭服務你嘅話，Sorry！咁尼道唔係好啱你嘅

channel 啦！

         我哋 order 咗一個 O melette（三蛋奄列＋多士＋沙律）、smoked

salmon salad、pizza、pasta pesto 及 3個 drink（7th Heaven、latte

及 lced mocha）。由於，尼道係西式嘅 cafe，所以通常係會有 all day 

breakfast 提供，價錢由 $48 - $98；又或且你嫌太 heavy 嘅話，可以選擇

牛角飽、muffins、salads、餡餅、三文治、湯及蛋糕，佢哋仲有有機小食、

低脂蛋糕、自制法飽（Baguettes）及比高包（Bagel sandwiches）…等等

提供！

         假若，你係素食者（vegetarian），都唔需要擔心，因為尼道嘅選擇

都有唔少！如果，驚唔夠飽，仲有飯類提供！而飲品方面，種類都幾多吓，由

果汁、沙冰、咖啡、茶、soft drink、啤酒至雞尾酒及 wine 都有得比你簡，你

甚至可以同個 friend 嚟 happy hour 添！仲有，吸煙嘅人仕，唔駛擔心响尼道

要食食吓野走落街煲煙，因為你大可以輕輕鬆鬆咁，同埋個 friend 走出去露枱

道食煙！

        order 陸陸續續响 15-20 分鐘內到達，朋友話個煙三文魚沙律都幾 ok，

菜很新鮮，而沙律有香草汁配上；另外，那個有餡的奄列 breakfast 配料是

蕃茄、磨菇及紫蘇葉，不過，我就覺得個蛋煎得較為老咗 D，或許，外國人並

不喜歡滑蛋掛！因為，我次次見親老外嘅奄列都係咁老，連朋友 H 都覺得買相

麻麻地！就我個人喜好，都係覺得我哋嘅港式茶餐廳正 D……果 D 滑 lu lu 嘅

蛋汁……嘩！真係諗起都好想食呀！（忽然，諗起佐敦果間澳洲牛奶公司添！）

反而值得讚嘅係，佢哋個全麥多士–好香脆！

        至於，我個 pasta pesto 係用杯上，配料有烤雞肉、煙肉、羊奶芝士、

車厘茄及香草蒜蓉醬（$48）， D 雞肉真係非常非常‘鞋’，而上面嘅長通粉

亦因為用咗香草蒜蓉醬嘅關係，所以會較為乾身；通粉夠彈，但略淡，仲有當

你食到差不多見底嘅時候，就會停手；因為，你會見到差唔多有成半吋厚嘅

檻欖油响底！So，你還會食得落嗎？煙肉雖然好脆，不過太鹹。羊奶芝士，味

道亦較為淡咗 D！整體嚟講，我覺得個 pasta 唔合格！

         最好味嘅係自選 pizza，配料有芝士、茄子、莎樂美腸片及蘑菇，size

係 square，有成 6 件，餅底係全麥薄餅，非常香脆；如果你想再食得健康 D，

佢哋仲有 9 種穀物薄餅底比你簡添！不過，莎樂美腸片雖然好味，但係都幾鹹！

所以若你怕鹹，就要考慮吓 D 配料啦！（4 種配料＋全麥薄餅＋升級材料嘅價

錢係 $90 + $5 = $95）

         Latte 味道 ok，hot∕regular $26，而朋友杯 7th Heaven 係杯

mix up 咗嘅 juices，有菠蘿+青蘋果+薑+芫荽（coriander），好唔好飲我

唔知，因為芫荽嘅味道係好個人嘅！ reg. $32。

        食飯地點 Ok，相信嚟尼道飲野唔錯，食物 Ok！口味及種類屬於極西化

。另外要注意嘅係，Menu 雖然有中文，不過由於 waiter 及 waitress 都係外

國人，所以係要講英文嫁！

         另外，睇到個 menu 介紹，佢哋除咗响半山有分店外，應該有外賣速

遞及到會服務嘅！

 

 

 Cafe O

上環，皇后大道中 284 號

Tel. : 28510890

www.cafeo.hk

2010 逛書展 (Hall 3 only)

            
             今日無啦啦過咗海，要做嘅事就做唔成，橫掂都係，咁不如去逛書展啦！

下午 2 點幾 3 點，一個人乜都無準備就入咗去啦！唉…又無‘噤’機又無帶袋，

仲以為無機‘噤’，都會收 EPS 啦！點知全世界都係收 cash 同 Visa，OK！

為有四周圍騰吓，睇吓有乜想買，先預好個咗 budget 再去出擊啦！

        哈！買飛嘅時候，由於無傷殘人士証明；得傷殘八達通唔算，咁，Ok 收

正價啦都係 $25 啫！行行吓發覺點解個 hall 得咁少書檔嘅，仲要係夾住响 D宗

教書籍後面；又多文具、手工精藝品買喎！ㄚ！明明買完飛，就跟住個扶手電梯

上咗 hall 3嫁啦！But, anyway D野又幾啱我睇仲平添、又唔多人喎，點解呢？

        等我介紹一吓，我覺得正∕抵嘅 item 啦！日藉刺繡布藝書約 $120 就有

一本，有中文字嘅！ㄚ！佢哋仲有靚靚嘅碎花布片買，啱晒做拼布手工嘅妳啦！

另外，如果妳好似我咁鐘意買 D 圖畫、相片為主嘅話，就不房考慮吓尚書房！

佢哋尊買簡體書嘅， D 書嘅種類繁多，價錢約莫係繁體書嘅一半至 2/3 倒，我

就買咗本 $23蚊嘅勾針狗狗，好抵呀！就算日後唔啱用，或且無心機做果鎮，

都無咁肉赤ㄚ！不過，你唔係睇開簡體書嘅話，就千祈唔好貪平買小說嚟睇，

如果唔係盞好似我咁擺咗响道，嘥晒！

        如果，妳係貓迷，就千祈唔好錯過 3G, F 果行嘅一間貓貓精品店啦，佢

哋有幾本貓貓書「天下文章大貓」、同「捉住隻貓貓講 joke joke」好得意嫁

（$72本），仲有 post card ($60)、袋、書纖及 貓型、貓 print cushion…

等等，（價錢由 $180–幾百蚊 ）；店員又非常 nice，平咗$14比我添！（好

彩佢哋幫我咋！Thankyou so much!）不過，要買就要襯手，因為佢哋只係

擺書展嫁咋！

         當妳行得攰攰地，又或且想親子，妳就可以即場坐底做吓手工藝品，馬

賽克、麵粉花、黏閃石珠仔、拼貼膠片……等等。再唔係買番屋企慢慢做都得，

相架呀、音樂盒呀、珠仔閃飾呀，應有盡有；價錢約由 $20 - $50 倒，仲有得

齋買馬賽克、木盒同音樂盒添！打電話報料比妹妹聽，佢都話個絨布蛋糕音樂

盒買$35 set 好抵喎！不過，我現到有檔買進口絨毛布公仔，就買成 $70蚊！

         仲有勁扺買嘅有 Toy store 同反斗車王細書包（背囊），$40 蚊就有

交易！相信應該係無護脊掛，因為後面有護脊果 D 要 $300 幾喎！而文具呀、

筆、note book 同 file 都勁平，最平 $5、6 蚊就有啦！

         E！原有家鎮行書展，除咗有 printer 同精品買之外；仲有動漫精品固

喎！嘩…好似好吸引 噃，入去睇吓，竟然有仔仔同我都鐘意嘅黑執事喎！其他

漫畫有吸血鬼騎士、家教師、我們這一家…等等。精品有：杯、袋、poster

、T-shirt、file、puzzle、抱枕、吊飾……等等。嘩！我都忍唔住幫仔仔買咗

個 $50 蚊嘅磨紗杯同 puzzle，我自己就買咗個抱枕，正！買滿$150 就送

海盜王紙袋，如此類推。（木棉花 3G- C28）

         行完尼邊，就去咗對面 hall 3B - E 兒童天地，笈吓有冇仔仔至愛嘅科

學書，點知啱佢嘅種類唔多，discount 就有成 8折！行咗個 round，見到好

多兒童漫畫買 $100/10本，$100/5本；或且 $100/ 4本，立體書 $74 就有

一本；仲有各種畫冊式嘅故事；英文故事；甲蟲飼養；昆蟲種類；哈利波特、

名人故事同啱父母嘅烹飪書……等等都有特價！

         由於各式練習半價（50% off），媽媽們不停狂掃、仔女們就齊齊坐

底睇喜羊羊；而唔關事嘅我就非常開心咁買咗 2 本數獨比老公、1 本關於上海

世博展館介紹書（無得去都睇吓ㄚ嗎！），1 本地球之迷、1 本哈利波特同 2

本烹飪書，總數都係 HKD 212.9，好開心哦！

        後來返到 hall 3 F-G，先知全部唔收 EPS，個詢問處話喎；如果要‘噤’

機要返返出去 1 樓出面先有，不過，但係妳出咗去就要買過張飛先入得返嚟，

唔好意思！吓……what？？點解個會場會咁低能嘅？！乜唔係要方便客人嘅咩

！喂！唔比人買完再買嘅咩？又話 EPS 好方便使用、救救樹木嘅！竟然無…！

         唉…清完袋 $460，仲爭本貓貓書要買，點算呢？唯有硬住頭皮再去貓

貓店求救啦！點知，非常 nice 嘅店員願意用工作証帶我去 1 樓‘噤’機，我

為免大家走來走去，便提議佢不如帶埋兩本貓貓書落去；咁我比完錢，咪可以

即刻走人囉！反正我已經 shop 完，仲揹住咁多野添！最後，我哋用咗職員通

道極快落到 1樓大堂完成交收，佢仲諗住帶我返入去再 shop 過添！不過，我

實在行唔倒嗱！（3 個鐘真係極限！）今次真係多謝妳哋親切嘅服務態度，若

然其他服務行業嘅人都好似妳哋咁，香港就發達囉！^o^ Thanks a lot！

         行完攰到死，想撘的士，但係私機哥哥們唔肯接過海 order，因為會蝕

錢喎！唉…為有轉車，唔係點行呢？上到車，諗吓諗吓，總係覺得行少咗出名

嘅書檔，如天地、大衆等！哈哈哈……返到屋企睇吓張地圖，先發覺自己原來

無行到 hall 1，就儍吓儍吓直接上咗 hall 3 啦！哈…唔怪得知啦！But,

anyway 都好嫁，起碼我買到想買嘅野ㄚ！



P.S. : –

1) 要彈嘅係：–唔收 EPS！又無提示！（要買大量嘅書，就要帶定多 D現金，

                    唔方便！一唔係就吓吓都要買夠 $200 碌卡！）

2) 完全唔方便傷殘人士，無特別通道、無過海的士、買飛又要出示傷殘人士証

    明文件！

3) 至於值得讚嘅係廁所及食堂多，好方便！    

香港國際爬蟲展

             前日仔仔興高彩烈的從香港國際爬蟲展回來，雖然我唔比佢買蜘蛛同蛇；

但最後佢都買了隻超值嘅地圖龜回來（$40）！牠真的非常可愛，並且立刻成為

家中新寵！

             由於仔仔係星期日去，所以多人到排了一個鐘頭隊，好在是在室內排隊

啫！入到去個個檔都迫滿人，勉勉強強才影到幾張相。仔仔還說有個甲蟲館是收

費給人入去挾甲蟲的，無錯！你無聽錯！係個放滿甲蟲的箱，給小朋友們用筷子

去挾甲蟲！Oh my god…！這是爬蟲展 right！乜原意唔係教人多點認識爬蟲

類，令小朋友們知道爬蟲的生態與習性嗎？為乜會將生勾勾嘅生物，給人當成

係 game咁玩呢？姑物論那些甲蟲的壽命快盡與否，大人們都應該教導小朋友

們去學識愛護這些生物！更何況小朋友只是一張白紙，大人們怎麼做，他們很

自然也會照著 copy的；那些小動物也是有生命的，可是卻輪為人們的玩物！

真是可憐！

        你知道嗎？小朋友玩遊戲是非常肉緊的，為了要贏取那些超值的甲蟲，

他們可能會用盡力去挾果隻甲蟲，所以甲蟲們可能會因此受傷，甚至死去！這

就是展覽會舉辦嘅目的嗎？真係非常唔明白？！

        本來唔打算去，因為仔仔已經睇過，但由於佢表弟話有超平嘅星龜出售，

所以便心思思想去逛逛，結果，仔仔便再次陪同我再去一趟！

            因為係 last day，仲以為會好多人，點知去到九展（九龍國際展覽中心）

原來係唔駛排隊，可能係 week day掛！不過睇睇吓就越嚟越多人，好彩！我

都影咗唔少相啫！

        今次，都幾值得睇嘅！因為有些平時只可以在 Discovery channel 先至

見到嘅爬蟲，今次都可以好近距離見到。例如：一些罕有的樹蛙、蟒蛇、剛剛

出生了 5 天的小蛇和顏色鮮艷的變色龍……等等！

         當然，我梗係買唔倒特平星龜啦！因為佢哋最平都要成 $800 一隻，算

了！我決定買多隻地圖龜給仔仔養，因為那些罕有的樹蛙，平均都要買 $200 -

$800 隻，哇！勁貴啊！青蛙咁難養，就算買得起，都未必識照顧啦！好大家

睇相吧！

        ㄚ！其實尋日比我見到 D 奇怪現像，哈…都幾好笑固喎！可能因為是暑

假開始了，所以有唔少父母都帶同小朋友嚟展覽；但係就可以比我現識到各種

父母百態，哈…比 $30 就可以入場費現識了！

         有個媽媽帶同倆個囡囡去睇蜘蛛，初初囡囡很開心地去影那些放在大型

玻璃箱入面，再用小型膠盒載著的蜘蛛！由於，有些動彈不得的大型蜘蛛，也

實在體型太大，屬於罕見的；媽媽可能覺得就這樣觀看實在太過平淡了，所以

想凝造氣氛吧！她用較為鬼異嘅語氣對倆個囡囡講『妳睇吓…幾大隻蜘蛛…E呀

……』，攪到女兒們即時尖叫起來！哈……這樣的媽媽都有，其實佢係咪覺得

咁樣好好玩呢？！

         又有個媽媽為了要令愛兒影到最好嘅相片，倆人站在箱前，佔著最佳位

置；影了又影，較到個相機啱了又影，之後，又再進攻另一個箱！其實，每個

去睇展覽會的人，個個都想影番 D 相留念嫁啦！但係若果，每個人都霸著個箱

嚟慢慢影嘅話，對其他係極之唔公平嘅！明白妳愛子心切，但係都希望妳也看

看展館的人數，為吓他人著想吧！

         有些父母為了想兒女多點認識爬蟲的樣貌，便帶著她∕他們逐個認識，

真是值得一讚！

          不過，看見那些大型的蟒蛇、蜥蜴…等爬蟲，被放在那小型的膠盒內，

個心真係有 D 唔舒服！其實，可唔可將個盒嘅 size 改番大 D呢？！你睇吓那

些屈曲著身體的爬蟲！你看著牠們的樣子有何感覺呢？

         還有那些放在大型水池，等待被小童們撈玩的小蠑螈和小青蛙！唔知愛

護動物協會見到，會有咩感受呢？！希望下年若有機會再舉辦尼 D 爬蟲展覽嘅

時候，大會會改善一下，多 D 考慮吓動物嘅活動空間和尊重生命吧！

5 日大的 BB蛇