其實做完腳底按摩真係好好瞓；又食又順暢；真係好舒服（難怪以前 D 人咁
enjoy!）不過要 keep 住做囉！查實我都試過做完按摩之後行得直咗，手腳
都無咁痛，若然能夠配合番 D 勁嘅中醫師，可能我會好得更加多都唔定！
Anyway……
之後，阿師博就介紹我哋去 Marco's tea，但原來阿 J 最怕去 D 成
日做 promotion 嘅餐廳，所以一直都無去試；不過佐敦又好似無乜邊道好坐
兼可以 high tea 嘅好地方，於是我哋抱住顧且一試嘅心態去試試！
入到去，發現都幾多人 tea 緊，個環境、坐位同 service 都 OK ㄚ！
而價錢都算平喎！一個英式嘅 tea 都係 $48 蚊啫，不過只得一杯飲品；而其
餘 D cake set 呀、心太軟呀、公仔麵餐呀都有，價錢由 $26 - $ 48 不等！
相信响佐敦都算係大衆化價錢！
由於我哋唔係好肚餓，所以無試到師博 highly recommend 嘅朱古力
心太軟！我哋叫咗個英式 tea set 同一個焗薯皮，至於食物方面，焗薯皮配埋
個酸忌廉醬都幾好食；而個英式 tea set 雖然係無三層高，亦無鬆餅及三文治
；不過如果係用 $48 蚊嚟比，佢都算係幾 Ok！三件多士之中， J 話估唔到 D
鵝肝醬都幾好味！雖然我哋都唔敢食鵝肝醬，而尼間餐廳嘅 selling point 係
法國鵝肝同牛扒，但我哋估計佢哋嘅水準應該係 Ok 夾抵食！
而 cake 方面，我覺得 fruit 撻、栗子撻、tiramisu 及芝士蛋糕都幾
好味，但 J 就略兼tiramisu 及芝士蛋糕太重奶味！我覺得最其怪係蛋沙律
多士，無啦啦加咗洋葱，令到我對最愛嘅蛋沙律大打折扣！除咗朱古力
brownie 太硬、個 puff 太硬又唔鬆化，味道差之外；尼餐茶大至上都係滿意
嘅！兩個人埋單都只係 $74 ，抵！果日仲要係接近 Halloween，所以餐廳佈
置得好有氣氛；而家雖然係過咗 halloween，不過如果你想同另一半食晚飯，
相信尼道都可以比到你嘅！
Marco's
佐敦吳松街169號，
聖地牙哥酒店地下
Tel.: 2375 2352
沒有留言:
發佈留言