自從好朋友星送了一駛 FUJI 單車比我個仔之後，佢就愈來愈迷（迷
上）！除了愛上 Mountain bike 之外，佢嘅興趣仲慢慢轉變為玩花式單車；
佢嘅dream car（bike）係一架 street bike；而佢嘅偶像就係响 you tube
玩花式單車達神級（據佢講）嘅 Danny MacAskill（一個好 pro 嘅 Street
rider）。
佢除咗買咗架同學仔放嘅二手細 B（BMX）番嚟改裝之外，（自己拆咗
個剎制，同鋸短個 seat 位！因為花式單車個 seat 位幾乎係緊貼車軚，有 D
甚至乎係無咗個 seat 位添！）初初佢講話有 D 花式單車係無 seat 位果鎮，
我同老公都唔係幾信，點知响網道見到 D 花式單車原來真係咁嘅！
初初佢話自己鍾意咗花式單車果鎮，我哋都以為佢 3 分鐘熱度，見到
佢上網自學（睇 Danny MacAskill嘅 you tube），攪到自己成身傷晒（又
chok 親、又撞到疤痕）；仲差 D 想放棄佢至愛嘅羽毛球，真係激死我啦
（見到佢道個肚撞到一個深深嘅大圈嘅時候，我真係心都痛埋）！而家道
傷痕仍然係好清晰咁刻係佢個肚上面！為咗咁我仲同佢鬧交，又要佢禁足，
但係見佢傷成咁一 D都唔怕，仲話想去學花式單車添！唉…與其他自己偷偷
地去亂學，倒不如比佢正式去學啦！查實想想，佢放緊暑假，我自己又要
返學；佢嘅成績確實又唔係差，話佢曳又唔算係太曳，綑佢响屋企又綑得
幾耐呢？！佢都真係去做運動啫，o鞋……算啦！比佢去學啦！
就係咁！尼個暑假佢就曬到成個人‘黑猛猛’！成長中的少年，一係
就尼埋响屋企做宅男，一係就好似佢咁無時停，單車、打波樣樣啱；
點解唔可以平均 D 呢？我有時真係比佢激到反晒白眼！
暑假後，我得到嘅係一張證書，佢（我個仔）得到嘅係一道似火把嘅
傷痕！我知道有一個叫 Danny MacAskill嘅人，更認識到佢 MV 入面
一首好好聽嘅歌“Barriers–樂隊 Aereogramme ”CD 係 album
“My Heart Has a Wish That You Would Not Go”；而仔仔嘅偶像就
切切底底變為 Danny MacAskill ，興趣就係做 Street rider，最
enjoy 係踩夜車（尼個亦係我最反對嘅）！仲有就係擁有一部 street
bike！Can I say NO？！
「Danny MacAskill 能成功飛躍到咁高、又在半空旋轉，一定係經過
無數訓練；或許佢在成功前，唔知跌傷咗幾多次！所以我希望果個唔會係你
（我個仔）！」媽媽說，「我點會好似 Danny MacAskill 做到 D 咁高嘅飛
躍ㄚ！咁高、咁危險！我都唔會試啦！黐線咩！」仔仔答。但願如此吧！
↓尼個圖案係仔仔自己繪畫嘅，靚嗎？我好喜歡呀↓
↓尼尼尼！！佢自己拆咗個剎制，同鋸短個 seat 位！唉…↓
↓响咁高做飛躍，仲要旋轉，我都不得不服佢–Danny MacAskill，勁！！↓
想認識多 D Danny 嗎？尼個係佢嘅個人網頁
http://www.dannymacaskill.co.uk/about/
1) Danny MacAskill - City Freestyle
http://www.youtube.com/watch?v=bMC2Q5pV10g
＊首歌係咪好好聽呢？佢係Danny 個 MV 裏面嘅一首歌，叫：“Barriers”
！樂隊係 Aereogramme，CD album“My Heart Has a Wish That
You Would Not Go”＊
Aeregramme 嘅 MV：
http://www.youtube.com/watch?v=xLpD9k3093g
2) Danny MacAskill - "Way Back Home"
http://www.youtube.com/watch?v=Cj6ho1-G6tw&feature=fvsr
3) Pro Biker Danny MacAskill In "Streets of London"
http://www.youtube.com/watch?v=kAXeOeX5Uiw
4) Danny Macaskill 2011 Freestyle MTB HD Electro Progressive
House 2
http://www.youtube.com/watch?v=Tc5COiAATwE
5) Danny MacAskills 10 foot drop and backflip
http://www.youtube.com/watch?v=6SHMjdcNzds
Danny 除咗花式玩得好之外，佢仲教人點樣做 G-Turn 同 360 添嫁！
Danny MacAskill how to 360 tyre tap - presented by digdeep
no 3 of 4
http://www.youtube.com/watch?v=BCNQTPSS9Rw
Danny MacAskill how to: G-Turn - presented by digdeep
no 4 of 4
http://www.youtube.com/watch?v=uKeuXzGFfHY
