由倫敦返香港已經係第三日啦！真係有 D 唔慣！其實我只係去咗13日
啫！兩日仲係係飛機上面添！人真係奇怪，臨尾果兩日又有 D掛住香港，但係
尋日落到街見到 D 高樓大廈就有 D 壓迫感，因為响果 10 日裏面幾乎日日都
係見到平房、草地、牛羊、仲有一幢幢古舊有特色嘅屋，每天呼吸新鮮空氣、
對住綠草如茵、藍天白雲、滿天煩星，簡直靚到好似一幅幅美麗嘅圖畫！本身
我同仔仔已經喜歡佢哋嘅房屋建築特色，由其係 D 古舊嘅樓房同古堡（但係
要入住就除外）！只不過，當你每天都對住尼 D 樓房嘅時候，睇到真係有 D
麻木；所以最初我同仔仔拿住個相機一直係咁影，但後來影影吓發覺幢幢都好
似差唔多嘅時候，我哋就放棄啦！所以話尼風景優美還風景優美，我確實還是
愛香港的生活節奏及環境，因為地方細；所以好近、又方便；因為急趕，所以
大家嘅節奏都好快！（唔駛排隊等對方傾偈傾到憫！真係睇到你眼火爆！明明
得果兩個人排隊，一個仲係比完錢添！唉…佢哋都好似睇唔到其他排隊咁…繼
續响道風花雪月……真係比佢激死！）
今次，好多謝好友 E 請我哋倆母子去佢個 Birthday Party，佢出錢又
出力，仲樣樣都安排得好好、又貼心！好似佢請我哋去 Black Pool 旅行，連
wheel chair 都借埋，為嘅就係怕我企得耐、行得遠，真係充心多謝佢；令到
我哋有一個難忘嘅假期，真係要再次多謝佢一家人嘅照顧，Thankyou so
much！
坦白講今次係仔仔第一次搭飛機，兼且係我哋倆母子第一次坐長途機，
足足要坐成 10幾個鐘，的確真係好辛苦、好唔慣！由於 British Airway係
無預留機位比傷殘人仕坐，所以朋友 U 已經幫我响經濟倉道搵咗個最闊、
最舒服嘅位比我哋，就係最前排專比湊 BB 嘅家庭坐嘅位！（Thankyou U!）
講真，個坐位的確真係好闊！不過，如果當你遇著個 BB 唔舒服、成日
喊果鎮，你都幾慘！高空三萬呎，又再適應溫差，口、喉嚨同鼻腔；又乾又
涸、又唔可以帶液體噴霧，噴吓塊臉；你都咪話唔辛苦！早知就核突 D 都攞
塊 mask 出嚟‘孚’啦！
到咗倫敦嘅Heathrow 嘅時候，落機已經零晨 4 點幾啦！朋友 E 亦
已經安排咗佢嘅妹夫 A 嚟接機！
A！佢哋個機場都相當大喎！落咗機都仲要搭 1 個站機鐵至到入境大堂！
順利入境，Thanks God！皆因朋友極之擔心我入唔到境，佢話最近
有好多南亞人，入境之後引用人權法同政府打官師；所以入境署捉得好緊，
因此佢千叮萬噣要我帶足旅費，以防佢 check！而且佢仲要我 print 埋封信
，正明我响英國有乜問題，佢都會負責，but anyway, 好在一切順利！
lucky！（皆因，佢媽媽有一次 hard feeling, 就係比佢哋扣留咗 7 個
鐘！）
Good Morning U.K.！ I'm here！
嘩…第一天嘅行程經已係相當緊凑，搭咗 10幾個鐘頭飛機又兼且無
乜點瞓嘅我，一早就要整理手信，準備中午去 倫敦嘅唐人街（China Town）
，見見我有成 10 幾 20 年無見嘅姑媽同表姊。然後，又要開始我哋嘅倫敦
巴士 1 天遊！（講到尼到又要多謝我個 buddy E，幫我安排一切，還有送我
一個 倫敦 巴士 1 天遊、英國環島 5 天遊；以及帶我們去 Black Pool 渡假！
Thanks a lot！）
由於從朋友妹妹 S 的家去 倫敦嘅唐人街要揸一個多鐘頭車，所以他們
大多會選擇坐 tube（即地鐵）, 而坐 tube 大約要 35~40分鐘車程, 唔駛轉
車。
其實，去 英國嘅倫敦 旅行，一般人都買 Oyster card 或 Day travel
card, 視乎你去幾多日！而 Oyster card 其實同我哋嘅八達通差唔多，入幾
多用幾多，不過佢就比單次買票平 同方便 D！但我因為只 stay係 倫敦 1日，
所以 S 就幫我哋買咗 Zone 6~Zone 1(London) 嘅 Day travel card￡8
（日票）！
佢哋嘅 tube 好窄，如果大家嘅腳長 D 都可能掂到，車卡與車卡之間
又唔能夠相通（有 D 似我哋嘅輕鐵）；仲有佢哋嘅 tube 好似無冷氣咁，好
焗，S 話熱天真係好難頂！而且樓梯仲多過扶手電梯，想搵 lift 更難！
因為我要去 倫敦嘅唐人街，所以我哋由 Zone 6 嘅 (Hatton cross
站)搭去 Zone 1 嘅(Leicester Square 站, London)。
A！想睇 opera 嘅話，尼個站有得買，而且仲有半價票買添！
响 tube 行上 唐人街只係幾分鐘啫！
↓黑色車、黃色牌嘅 London taxi！不過朋友 E 話想坐平 D 嘅“的士”
可以搵其他黃色牌嘅車，因為果 D 係私人經營，所以可以講價！不過，
亦由於係私人經營，所以佢哋隨時鍾意換個車牌就得！安唔安全？吓？！
We don't know！ ↓
飲完茶，就要坐 1 個站去 Green Park Station, 繼續我哋嘅 倫敦
巴士 1 天遊！
↓ 尼 D 廁所要比 30p 先有得去嫁！↓
↓其實除咗朋友幫我報嘅 Big Bus 觀光巴士之外，仲有另外一間 Original
Sightseeing Tour, 佢哋大家嘅價錢都係￡26~￡27咁上下！↓
24 小時（可隨時在景點站上、落車影相），包泰晤士河船票。
1) Original Sightseeing Tour ：￡26∕大人（上網訂￡23）,￡13∕
小童（上網訂￡11）,￡91∕1 家人
(上網訂￡74)
http://www.theoriginaltour.com
2) Big Bus：￡27∕大人（上網訂￡24）,￡13∕小童, ￡74∕1 家人
(上網訂￡66)
http://www.bigbus.com
↓嚿雲似鷹嗎？↓
＊＊其實去觀光，仲有種叫 London pass, 就係可免費參觀倫敦 55個景點
，如：古蹟、博物館、美術館及泰晤士河…等。另外佢哋仲提供部份餐
廳、觀光巴士節扣。
票價係分日數、成人及小童買嘅，去幾多日就買幾多日，價錢由 1日
￡44∕成人, ￡29∕小童起。＊＊
http://www.londonpass.com
沒有留言:
發佈留言