Smile Yogurt & dessert bar

毎次同仔仔嚟到九龍城嘅 “Smile Yogurt & dessert bar”都只係匆匆

同佢哋嘅 yogurt 一聚，今次終於可以同阿 J 一齊坐低嘆番個甜啦！

嘩…實在係令人眼花療亂呀（齋睇 menu D 相至喎，就流口水 ing~

）！哦…査實我較早之前已經食過 Tony wong 間"Patesserie" D

cake, 亦同大家介紹過，所以對佢哋嘅甜品已經有一定嘅信心；

再加上即整即食，應該會唔錯嘅！

由於阿 J 食心太軟經已食到厭，再加上尼排佢又唔食得朱古力同奶類

嘅野，於是我哋 order 咗“暖草苺拿破侖草苺羅勒雪芭 Warm Straw-

berry Napoloon with Strawberry Sorbet”$58 同 “法式蘋果

 

撻伴自家製雲尼拿雪糕 French Apple Tart with homemake

 

vanilla ice cream ”$68，另叫再加兩杯飲品：cappuccino $28

 

，果汁$18。

先嚟嘅士多啤梨拿破侖果然係又暖又脆，酸酸哋嘅士多啤梨再配上

有少少甜嘅吉士，簡直係令到你口腔嘅味蕾驚醒！拿破侖即刻食果

然係超正呀！嘩…個士多啤梨雪芭…好酸呀！
食完拿破侖之後，個熱辣辣又香噴噴嘅法式蘋果撻嚟啦！影完相之

後，我竟然急不及待連手都唔抹就捻咗雪糕上面塊簿片嚟試吓；連
阿 J 都忍唔住要話我（嗚…平時我係絶對唔會咁做嫁）！！O…

各位千祈唔好學我丫？！或許係塊簿片太新奇啦？！成塊紙片咁！

所以先吸引到我忍唔住要試吓、睇吓塊充滿蘋果香味嘅紙片食唔食

得，因為連阿 J 都好好奇！嘻嘻嘻…答案係食得嘅 – 蘋果片嚟嘅！

個口感類似有 D 煙韌嘅乾果片！

而蘋果撻暖笠笠，咬落又香、又脆再加上面頭嘅杏仁片，口感一流

！！蘋果片甜得嚟又略帶點微酸，這種充滿矛循嘅味道真係非常好

！攪到一向唔多鍾意蘋果撻嘅我竟然立刻愛上了這道甜品！
cappuccino 嘅咖啡味道 Ok！愛蘋果撻嘅朋友下次經過試

吓啦~（呀！記得埋單加要 10%嫁！）

 

 

係咪好吸引呢？

P.S.：－  臨走前，我同阿 J 聞到一鎮濃濃嘅朱古力味，都忍唔住

            要企起身望吓……一問之下，店員小姐話尼 D 料原來係

            用整佢哋嘅自家制“百力枝”嫁！有得買嫁！（$30蚊 ∕ 枝）

            再唔係食佢哋嘅某種 yogurt 都用得食嫁！　

Smile Yogurt & dessert bar

九龍城, 獅子石道 65 號地下

Tel.: 23826669

朋友學整嘅 - 叮噹 macaron

最近小學同學聚會的時候 JL 竟然帶給我們意外嘅驚喜～

獻出佢嘅第一次作品 – “叮噹” macaron！嘩…估唔到尼個稍

微有點份量、藍藍的、可愛的“叮噹” macaron係咁好味，

又唔太甜（朋友上堂時拼命在減少糖嘅份量），裏面嘅

朱古力夾心好味又香濃，用嚟代替傳統嘅糖膠 ∕ 果 jam 剛剛好，

還有佢藍、白色嘅糖面杏仁餅一 D 怪味、藥味都無，總之

就係正啦！

想去學整？盛實 $360 一堂，時間約 3.5 鐘，制成品約有 10

粒。仲有咩卡通人物？有：龍貓、Melody、小生及黄色小鴨…。

不過要 book 堂就要快，因為佢哋都好 full 吓；朋友 book 完

都要等咗好耐，有興趣嘅朋友睇睇下面嘅資料。




FLAVORS

佐敦, 山林道 7 號, 漢國佐敦中心 901 室

Tel. : 23762566
www.flavors.com.hk

 

 

 

 

 

 

 

渡船角 串燒店 Ferry Point/ Oyster – 佐敦文苑街

仲記得 2011 2 月時 A,F,G,J & T 聚會，阿 T 第一次介紹過佐敦尼間

 

 “渡船角 Ferry Point ” 串燒店，但係當其時我哋選擇咗前面間

 

“濱松町”，我哋仲笑言下次再嚟試；點知一別就隔咗成年，那時隔鄰間

 

 Ferry Point “Oyster” bar 都仲未有！今次有幸搵到朋友 K 陪我儍，

 

掃完 “棠記 ”再過來…繼續…正呀  ！

由於果晩係 week end 好多人出嚟覓食，所以原先的小店更覺爆滿，

 

等咗一鎮店員就話今次特別安排我哋坐蠔吧果邊…Ok無問題，最緊要有

 

得食啫！既然嚟到蠔吧，咁梗要 order 番幾隻蠔先似樣啦…Hey Hey…

 

査實我同個 friend 笈咗 D 蠔好耐至真！

一睇 menu 真係好多款蠔喎（日本、澳洲、法國、愛爾蘭同英國蘇格蘭）

 

！於是我哋 order 咗 3 款：Astoria 美國野生蠔 $48隻, Fine De

 

Claire法國蠔 $38隻, 及 Irish Gigias 愛爾蘭蠔 $39隻。

嘩…好新鮮呀！個士應妹妹仲先為我哋講述蠔嘅種類，還題示食蠔嘅

 

先後次序。原先還以為我點嘅法國蠔海水味重，應該要後食；但原來

 

 3 款蠔入面海水味最重嘅竟然係Irish Gigias 愛爾蘭嘅蠔喎！

雖然 Astoria 美國野生蠔 比我想像中瘦少了點，但朋友 K 就大讚

 

好正、又鮮美，而我嘅Fine De Claire法國蠔 都好好味、又鮮甜，

 

由其係佢啖海水味！（哈…究竟當時我食過嘅法國蠔係叫咩名呢？

 

我記得果隻蠔嘅 size 比尼隻還細，個殻比佢多好多層、色澤較黃

 

、海水味又較咸…？！）至於 Irish Gigias 愛爾蘭蠔係最無蠔嘅

 

一種！

好頭盤食完，咁梗係要點主角串燒啦！我哋點咗：蜜糖燒豬頸肉

 

1 串、麻辣燒豬頸肉 1 串、炸芝士 1 客、燒羊架 1 客（2 隻）

 

、燒菠蘿 1串、燒芝士年糕1 客（2 件）、及燒黑醋鵝肝多士

 

（約$130 - $140）。

我哋唔係叫咗好多野，因為剛剛掃完“棠記 ”所以朋友 K 個胃

已經無乜位啦！不過我就大把貨！唔…前果排無啦啦好想食

日式芝士年糕，仲諗起文苑街間 “濱松町”同尖沙咀間“石澗”添！

 

今次終於可以滿足一吓我為食嘅慾望啦！好開心呀！雖然，佢哋

 

嘅炸芝士 炸得有點過火，但係芝士味香濃，正呀！

反而碟燒芝士年糕有點失望，因為有點乾、芝士又唔夠味，唔…

 

。

個蜜糖燒豬頸肉、燒羊架、燒黑醋鵝肝多士好香口，味道一流！

 

朋友 K 就略嫌鵝肝有點酥味，我就覺得好肥美又新鮮；不過就

 

略嫌有少少貴，但係咁厚身又大塊，其實都差不多。燒菠蘿，

 

正！

去食串燒蔬菜，自己只喜歡幾樣野，因為覺得要燒完都咁好味

 

嘅不外乎就是：燒菠蘿、茄子、菇箘、粟米和車厘茄；而且

 

只用簡單調味便可以帶出食物味道，唔明白點解有些人卻

 

可以張菜芯燒成乾（菜葉燒走晒 D水份）、菠蘿又無啦啦加

 

咗 D 調味粉，嘩！完完全全張串燒蔬菜變成非常恐佈化嘅一

 

件事，相信係我最難接受嘅串燒菜式！

好回歸主題，今餐我真係食得非常滿意，後來我還加了一客

 

甜品“法式焦糖燉蛋”，味道麻麻，因為佢哋加咗咖啡味，

 

蛋又唔夠滑，兩個人埋單約$480 蚊。
呀响尼便 "Oyster" bar 唔一定只係食串燒，佢哋仲有西餐題

供嫁！

燒黑醋鵝肝多士

蜜糖燒豬頸肉

燒羊架

炸芝士

燒芝士年糕

燒菠蘿

法式焦糖燉蛋

渡船角 串燒店 Ferry Point / Ferry Point Oyster Bar

佐敦, 文苑街 18 號, 地下 A & B

Tel.: 23843376 / 23884800 

President 總統咖啡 - 雀巢即溶咖啡 - Nescafe

原先好喜歡雀巢 Nescafe 尼一隻 “Goldblend” 嘅即溶咖啡粉，

 

不論係三合一又好，因為覺得佢相較其他即溶咖啡粉香濃，而且

 

豆味亦唔會太酸；但自從果晩我在 惠康遇上了雀巣的另一隻牠

 

之後(Promote package $82.9)，我個心意已徹底被牠改變了！

雀巢尼隻由日本 Kobe 廠線加工生産嘅 “President 總統咖啡”

已經完完全全吸引了我，咪睇佢細細樽 (24g)，由打開錫紙果

一刻，佢香濃嘅烘焙味道已久久不散；相比起

“Goldblend” 就給牠比下去了，而且我而家先至聞到

“Goldblend” 嘅咖啡香味原來都係略帶豆酸味嫁 ！

比并完香味，就切切實實咁沖杯咖啡出嚟比比佢哋嘅味道啦！

不過當我一沖完杯“President”  之後就覺得根本唔需再比啦！

因為已經即刻高下立見，佢香濃嘅烘焙味已經完全蓋掩住

“Goldblend”不特止，仲要飲完“President” 之後有濃濃嘅咖

啡餘韻留係個口腔入面，又略帶少少炭燒咖啡嘅味道！嘩…

即刻攪到杯 “Goldblend”輪為二等，唔想再飲啦！雖然佢哋

都係同為尼間日本 Kobe 廠加工生産；但係味道都唔駛差咁遠

呀！ “Goldblend”話自己廠已經選用咗高海拔嘅阿拉比卡

（ Arabica）咖啡豆萃取…，但一比較之下佢嘅味立刻變淡了

、果酸味變重了…我的心意、口味也變了！

你都想係屋企嘆番杯 Nescafe  嘅“President” 話？就快 D 去

惠康 買番樽試試啦！ 100g 好試買緊 $80 -$90 蚊，百佳好似

買緊 $90 幾蚊！

冷凍零食 – 白朱古力餅乾Couque D'asses

其實之前暑假已經好想為大家介紹尼款零食，因為覺得佢好得意，就咁

食又得雪凍食又更好味添！ 佢就係叫做SANRTSU “Conque

 D'asses”！

可能係“北海道白の戀人朱古力”餅太貴啦！又唔係道道都有得買，所以

一直都好懷念個味道，亦都想搵一隻白朱古力餅可以代替佢！

暫時我覺得尼隻“Conque D'asses”都 Ok 嘅！雖然佢白朱古力夾心

嘅香滑度同“北海道白の戀人朱古力”無得比，亦無咗香濃嘅牛奶味，

但白朱古嘅滑同鬆脆度都係好 Ok 嘅！甜味都算甜嘅，不過食兩三塊

都 Ok 嘅！總之我就覺得放佢落雪櫃雪凍嚟好鬼正！阿仔仲爭住食添！

反而佢嘅朱古力就無咁正啦！1盒價錢若 $26 - $28 蚊，14 塊！