唉…Yahoo blog 要結束了

唉…Yahoo blog 又要結束了！！寫咗 Blog 咁多年究竟點

算呢？

心情、生活點滴要在那裏存放呢？心底？唯一舒發心靈嘅

出口…

真係轉去 Yahoo 收購的“Tumblr”、定還是“微博”呢？繁體

中文真的那麼令人煩嗎？否則為何要簡化呢？用簡體字代

替繁體，咁創做中文字嘅意義去了那裏？？我真的好討厭

簡體字！還依稀記得小時候學習寫字時，老師的解讀！

或許應該停寫，將這幾年來所寫的封存起來……

與好友相聚在 - 笑笑居

今次與 E、Ｙ、Ｔ好友們的生日飯食得比較特別 D，因為阿 N 同

田田倆公婆加囡囡 E 從美國回來，所以今次相聚有雙重意義。

而今次選擇到旺角的 – 笑笑居尼個好介紹，就要多謝好友  T，丫

又估唔到係旺角 瓊華中心樓上鋪都有好食處。

因為好友  T book 了枱，所以我們坐入“房”，所謂“房”其實果種正

宗日式陷入式的木坐位間格，而裏面間開 4 個 open 嘅廂坐，各可

以容立 10 幾個坐位；不過由於要先除鞋放入鞋櫃以及要坐進陷入

式木坐位内，所以對我嚟講入坐就比較困難及需要人幫助，但入面

嘅環境真係適合一班朋友傾偈！（若只得三、五知己，或喜歡坐櫈

的，大堂都係唔錯嘅選擇。）

至於食物方面，大部份都好好味，由其係好香脆嘅鷄肉pizza（我個

人必食推介）。我哋 order 咗三文魚生（合共 4 份，其中 1 份唔夠

新鮮，其餘都幾好）、三文魚壽司（2 份）、牛油炒帶子（2 份）

、露筍炒螺片（2 份）、天婦羅（2 份）、2 個 pizza 鷄肉及露筍

帶子、海鮮炒烏冬、炒飯、滑蛋豬扒飯、冷烏冬、豆腐、章魚丸

燒（超難食）及三杯飲品，10 幾人食，埋單約 Hkd2,160。

反而 waitress 係服務態度同反應方面真係有待改善；好似我哋因為

張枱太長所以有 D 較少或受歡迎嘅食物，如：三文魚生呀、牛油帶

子呀咁，特登 order 兩份，咁咪唔駛由枱頭傳到枱尾咁麻煩囉！嘿

……點知佢哋個廚房竟然將三份 group 埋做一盤（下面張相），D

waitress 又唔醒目、又唔講明就擺低，等到我哋問先講；叫佢分返

開兩碟啦，佢仲要當你係異獸咁望住你又唔明你講乜，Ok 終於攞

入去分啦，又分咗成 10 幾分鐘都未攞返出嚟…唉……真係比佢

激死！！

↑A...唔好誤會，其實尼盤份量已經包含了兩份三文魚魚生再加
 一份三文魚壽司了！（新鮮）↑


↑滑蛋豬扒飯好味！↑

↑天婦羅，正！↑

↑雖然 D 螺片同筍都好少，但好味！↑

 

  ←牛油炒帶子，連 D 菇都好味！

↑ 尼個係我第二次讚，响出面食嘅冷烏冬！↑

↑日式 pizza 鷄肉超好味，尼個露筍帶子 Ok！↑

 

↑ 豆腐 滑、Ok！↑

 

↑章魚丸燒，超難食！↑



笑笑居

旺角，彌敦道 6 號，瓊華中心 11樓

Tel.: 28781288

自制芝麻醬撈冷烏冬

之前食冷烏冬或冷麵都食到寡寡地，後來凍肉店嘅老闆娘介紹

我試整尼個芝麻醬撈冷烏冬，方法簡單又易整，酸酸甜甜都幾

開胃嫁！

材料有：– 1 ）“真打”牌，稻庭風芝麻醬；

2）“mizkan”芝麻醬（味道帶鹹、偏酸）；

3）“大吉”牌，（蒲鉾）蟹柳；

4）即食蟹子；

5）日式急凍即食“玉子”（甜蛋）。

做法：– 先張烏冬、蟹柳淥一淥（不須放鹽），隔水後烏冬

  放入雪櫃雪凍；（約莫雪 8 分鐘就可以），然後張

  “玉子”切條，蟹柳只要手撕就可以了。

食嘅時候先放芝麻醬在烏冬上，再放蟹柳絲、玉子條及蟹子

撈均就可以了，不須放其他調味料調味；因為芝麻醬本身味

道帶鹹、偏酸，所以撈均後味道便足夠了。

另外，因為“玉子”本身帶甜，若不喜歡食起上嚟甜甜酸酸尼

種感覺，建議千祈唔好放。

我最近愛看的小説 - 作家 Nicholas Sparks

“Safe Haven - 緣來藏不了 ”、“The Lucky one - 幸運緣是妳” 同

“The Last song - 最後一曲”都係我近期喜歡嘅電影，喜歡嘅原因係

比作家 Nicholas Sparks 細膩嘅筆觸所吸引。因為睇完一部叫

“Dear John - 分手的情書” 嘅電影，令我更加想去搵返尼個完整故事

，之後我就同尼本小説係書店邂逅……

當我拎起本尼本英文小説睇咗一兩段之後，就決定要帶佢返屋企，

老實講我英文真係麻麻地，所以能夠吸引到我、又睇得明嘅英文

小説真係唔多；並唔係我想扮野，唔睇中文譯本，而係有太多由

中文譯英文嘅版本，譯咗出嚟嘅文字及用詞實在太恐佈啦…所以

若撞o岩原註版嘅書，英文用詞太深的話，我寧願選擇唔睇！

而近年我覺得可以選擇嘅簡易英文入門版有作家 Mitch Albom - “for

one more day”同 “tuesaday with morrie”，都係 D 易明又好睇嘅書。

到依家我仲珍藏咗 N 年前買嘅深奧版“The Silence of Lams - 沉默

的羔羊”同 “Dead poeta society - 暴雨驕陽”，點解？因為我當時認

為睇戲可以學英文，但最終對我嚟講真係太深了，到依家我都未必

睇得明！

不過，Nicholas Sparks 嘅小説真係好易明，又好睇！今個書展終於

比我搵到檔專買英文小説，又平、仲要有 40% discount off 添！哈

…我簡直係執到寶，仲忍唔買多了幾本我想買咗好耐嘅書“Safe

Haven”、“The Lucky One”同，“The Last song”，仲有意外收獲嘅

“Cloud Atlas”同“Sex and the city” 添！真係超開心！

 

愈睇就愈愛Nicholas Sparks 嘅小説，點解一個男人可以寫出D 咁美麗

又感人嘅故事嫁，於是上網一 check 先知，原來佢係好多年前已經有

感人嘅作品出現，仲改拍成為電影 - “Message in a bottle”添！

當然，我介紹得佢嘅作品，又點止一部丫！改編自佢 D 小説嘅電影

合共有8部 - “A walk to remenber流星初戀∕ 初戀的回憶”、“The Note

book - 忘了、忘不了”、“Night in Rodanthe”、“Dear John - 分手的

情書”、“The Last song - 最後一曲”、“Lucky one - 幸運緣是妳” 同

“Safe Haven - 緣來藏不了 ”。

終於我忍唔住就係未睇晒 D 小説之前，租晒尼三套戲返嚟睇，嘩…

簡直慾罷不能，好正呀！！ D 男女主角又係靚仔靚女，其中

“The Last song - 最後一曲” 唔單止係講愛情、仲有描寫親情嘅部，

不論係小説定電影都係咁感動人心！
而搵返部舊作 “A walk to remenber流星初戀∕ 初戀的回憶”更加係

正到飛起，D 歌又好聽，部戲又感人！

↑"The Lucky one - 幸運緣是妳”↑



↑“Dear John - 分手的情書” ↑



↑“The Last song - 最後一曲∕ 最後一歌 ” ↑

↑ “A Walk to remember -流星初戀 ∕ 初戀的回憶 ”↑


↑“”Nights in Rodanthe↑





↑"Message in the bottle" ↑

↑The Note Book 忘了，不忘了↑


以下有幾首我自己好鍾意嘅電影主題曲，唔知你哋又鍾唔鍾意

呢？

“The Last song - 最後一曲∕ 最後一歌 ”
When I look at you - Miley Cyrus


“Safe Haven - 緣來藏不了 ”

Go you only way - Lissie



“A Walk to Remember - 流星初戀∕ 初戀的回憶”

Cry - Mandy Moore

“A Walk to Remember - 流星初戀∕ 初戀的回憶”

Only Hope - Mandy Moore

以下網址是一些關於作者 Nicholas Sparks 嘅資料介紹


http://zh.wikipedia.org/zh-hk/%E5%B0%BC%E5%8F%AF%E6%8B%89%E6%96%AF%C2%B7%E5%8F%B2%E6%B4%BE%E5%85%8B


“A Walk to Remember - 流星初戀∕ 初戀的回憶 ”

CD1http://video.sina.com.cn/v/b/68640018-2164175723.html

CD2
http://www.tudou.com/programs/view/vWx-JSYK-Nk/