原來已經有成 3 年多無寫尼個 Blog 啦！真係好耐……
星期日同朋友倆個人悶悶地，於是想整 D 既簡單又易整嘅甜品。於是去 759同
超市買咗 D： 椰絲、煉奶、乾果、及果仁，就可以。
只要打碎果仁，切碎乾果，放入盆中，加入椰絲；帶返對手套，撈均，再慢慢
分幾次加入煉奶，撈均（千祈唔好放太多煉奶，否則太甜；放得太少煉奶，又黏
唔成球，所以要用手感覺夠唔夠黏）。
如果夠黏手套要濕小小水，輕輕搓圓球，可以實小小，因為佢只靠椰絲同煉奶黏
住所以就算雪凍都唔會太硬。
由於我同朋友都喜歡 mouth bite size ，所以搓出嚟比肥媽的還少，的而且確
雪凍之後無咁甜，配返杯咖啡或者冰凍又唔甜嘅白酒真係一流！！
放係雪櫃得閒食返粒正！
