仲要係大家都係去 “ㄚ烏”＝
Yahoo！有趣嗎？所唔同的是，我有ㄧ半是
放野（放賣物品），她現在卻只是落 Bid 的買家；因為她層經試過放名牌袋，
而買方卻臨時甩底，損失了拍賣費、車錢之餘；也白白浪費了時間，所以以
後這些有價無市之事，她也放棄了！雖然間中也有些不快之小事，如買到貨
不對辦的物件或流野（假貨），但我們仍然都選用 Yahoo 個拍賣網，因為
我們覺得牠比較有信譽 D，撞到騙途的機會率也較低 D；但總括嚟講 Yahoo
都算保障到大部客戶的，起碼我們也有收到大部的貨物ㄚ！
只係我們以後在買東西時就會變得更加精明，考慮的因數也多了，因
為知道了那些賣家的貨品質數及物料如何；也會留意那些貨品的價錢是否
較市價特平（如自稱是韓國衫，但係又特平嘅流野。）；及賣家的評分優劣
，而决定落 Bid 與否。
不明白為什麼我們會感上網買野？！其實答案好簡單，因為刺激、新
鮮、好玩同好有滿足感；當你同人爭出價又贏咗個鎮，由其係 D 限量版呀、
特別版呀果 D 貨，你真係興奮到暈呀！睇住個倒數器係度續分續秒 count
down，個心跳就跟住佢係咁跳，直至到完結果刻；彈出你係勝出者＝You
are the winner）果鎮，你直情興奮到想大叫 Yes（無論是否半夜三更）
！果個心情就好似中咗六合彩頭獎咁！（但其實你係要比錢果個喎！）
雖然有時好想得到件貨，但我亦唔會儍到係咁瘋狂出價，如果係咁
唔理志地出價，你最終只會損害到自己嘅利益！因為你分分鐘 Bid 到件貴
到死又唔抵嘅貨！通常，我每次都會係心目中 set 定ㄧ個可以出到最高嘅
價位，然後再計計個郵費；睇吓抵唔抵買，若 Ok 我就出價，當比人爭到
個價貴晒果鎮咪放棄唔買囉！無理由諗住執平野，但結果貴過响街買架！
係咪先？
咁有無買過貴野？有！梗有啦！當我係新手果鎮想買到 D 香港無得買
嘅貨；或且係絕版野，所以咪比人‘浪’高晒個價囉！個價係唔合理，但係
真係又好想買到喎，咁咪變到好唔理志咁去落 Bid 囉！結果貨品係買到，但
係就覺得自己好儍！好後悔點解自己咁好勝呢？！吸取到教瞓之後就唔會咁，
因為有時當你得到件貨之後，就發覺件貨其實都唔係咁靚啫！
不過，當每次你收到郵件之後，再續ㄧ拆開果鎮，你會覺得好開心；
好似拆緊ㄧ件又ㄧ件聖誕禮物咁，心情特別愉快！甚至，你會對個信箱好期
待，你會覺得香港嘅郵政服務真係好，咁快就收到。然後，你又會心心思地
想再去 Bid（買野）！
記得當我第ㄧ次落 Bid 嘅時候（下標拍賣），真的好緊張嫁，果次
係幫仔仔買個罕有的 figure，由于第ㄧ次响網上購物，咪成日 check 住個
價有冇比人搶高到，仲日日等佢（賣家） 結束拍賣！其實人哋有 show個
結束日期嫁嗎！仲有就算比人搶高咗個價，你都會收到 e-mail 通知嗱！
真係儍！結果係咁望住佢倒數結束，哇！簡直好似大除夕倒數咁興奮ㄚ！
後來 Bid 到嗱！要去見面交收啦，我同仔仔又要懷住戰戰兢兢嘅心情出去，
喂！話晒都係同陌生人見面交收ㄚ！梗係緊張又担心嗱！你點知對方係咩
人呀！咪約係多人嘅地方等囉！點知人哋仲忙過你，同ㄧ地點約咗多個唔
同嘅買家响唔同嘅時間交收，真係合乎經濟較益。哈哈…諗返起都好笑！
仲記得當時我同仔仔都好心急咁拆開個 figure嚟睇，仲開心咗好
耐添！最深刻ㄧ次係，幫仔仔 Bid 咗個特別版嘅高達 BB 戰士，已經絕咗
版嫁嗱！到交收果鎮，對方買家好依依不捨揸住件貨話盒高達好罕有嫁、
好值得收藏，點知我哋答佢話個高達 係用嚟砌嫁，佢話「吓！砌呀……
但係絕咗版固喎！（望住我個仔話）你媽咪真係好、咁捨得！」 我望到
佢個樣好肉赤、又羡慕。這ㄧ幕真係好深印像！
後來我自己買野買得多，見到 D 人原來會張 D 買多咗嘅野、唔用
嘅野放上去賣；甚至 D second hand 嘅傢俬、電器添！喂！用唔著嘅野
？我有好多喎！有 D 甚至係新嘅、未剪牌、未拆袋嘅野！唉…女人…購物
真係…！（不過尼 D 都係以前嘅事囉！）
就係咁…我唔經唔覺咁清咗好多野，甚至係D 無用嘅贈品添（我
覺得），這樣既環保又可以賺番 D錢！幾好ㄚ！好過張 D 野擺响‘勾’
塵；又或且送去堆田區ㄚ！所以各位朋友購物前請諗清楚，咪見平呀、抵
呀又買，買埋買埋都唔知愛嚟做乜！（尼句阿婆以前成日話我，再加多
句好勁嘅：『千年萬代咁多！』哈哈…）
以為得我尼個唔想成日出街嘅人，先至咁喜歡這個 24 小時都有
得 shopping 嘅拍賣網，但原來我個好姊妹都咁鐘意固喎！又係嘅確實
幾方便嫁，仲間唔史執到 D 又平又靚嘅野，有時賣買雙方仲唔洗見面添！
幾好ㄚ！所以我仍然都會响度選購聖誕禮物同賣野嫁！
沒有留言:
發佈留言