2009年11月30日星期一

他為我做的 Cross stitch 十字繡

最近我為了選購有心思的聖誕禮物,所以便諗住試試做十字繡!可惜原來我真係

眼高手低囉!諗住細個果時上家政堂做過便 OK 嗱!點知真係有難度,上次就

話齋得本書無現成圖樣啫,今次買埋個圖樣試試做,但結果原來真係會好攰,

不論手同眼睛都好攰嫁!(由其係我隻手唔可以重覆定咗個位置同姿咁耐)

所以我做得好慢,原先諗住 A5 size 嘅圖做個幾月應該趕得切(我在 10月尾買

嘅),以我嘅速度,但可惜我做落先知到自己會又 ‘kick’線又盛,咪唯有擺

埋ㄧ面先慢慢做囉!(相信以咁嘅速度出年ㄧ定得嘅!)

       可惜我個人係都唔肯認輸,再响網上拍賣賣了幾隻可愛的小狗十字繡!

(唉…女人!夠竟係為了購物慾ㄚ,還是真的唔肯認輸呢?藉口?)不過,

真係估唔到 10零 20蚊嘅玩意;竟然變成了速進我們感情、家庭和諧之功具。

             從來無諗過果晚當我拆開嚟睇嘅時候……佢會有興趣囉(我老公)!佢

問我咩嚟嫁!我話十字繡囉!佢竟然話『好似幾好玩喎!可唔可以教佢做!』

仲簡咗我準備做嚟比自己果隻狗添!我望住佢笑笑口話『你做比我做聖誕禮物

呀?』佢話『吓!買嫁喎!』我話『你誤解咗送聖誕禮物嘅意思啦!送聖誕

禮物比人,應該係註重過心意多過價值嫁囉!而且尼個仲要係你親手做添!幾

好ㄚ!』佢但笑不語!

            這夜就係靠這些小小的 size 又可以做八達通套,又可以 cut 落嚟做吊

飾嘅十字繡;再令我們重新開始交談之後的好開始,真是意料之外!

            仔仔見我們這樣也很開心,佢唯ㄧ不滿的是我忙于做十字繡,卻減少了

他‘乍嬌’的時候,因為我對手真係好攰!不過,由於我們倆公婆每夜也忙于

繡呀繡呀的,仔仔就私自幫我們比較起來,比速度、比誰做得靚;結果竟然係

第ㄧ次做 cross stitch嘅老公!仔仔成日兩邊跑望吓我們的進度,仲大讚老公

話『哇!爸爸做得咁快嘅!』『哇!媽媽做到個底好肉酸呀!』老公初初仲同

仔仔講媽媽隻手唔方便ㄚ嗎!但後來,我都出來欣賞老公嘅傑作;仲讚佢做得

又快又乾淨添!我自嘲話我唔ㄧ個完美嘅女人囉!仔仔仲衰到話『爸爸我果隻

你可唔可幫我做ㄚ?媽媽做得咁肉酸!』我話『蝦!你個衰仔ㄚ!』哈哈哈…

就係咁我們家庭多了笑聲!

              而家點?我老公咪晨早完成咗囉!我?我咪就嚟做完囉……家鎮老公

做到上咗瘾,做緊第二件嗱!

☆★ 比你哋睇吓啦!☆★


這是老公嘅傑作

▽▼我果 D 係咪好肉酸呢?哈哈哈…▽▼



P.S.:–

Form 1 果鎮第ㄧ次上家政堂做 cross stitch,由於忘記了買繡花針,所以借咗

惡死 Miss 支針做,但因為普通嘅針係幼身 D、個針頭又尖 D,咪比我攪到

曲咗囉!結果咪比 Miss 鬧咗好耐,仲寸我話我唔係女仔嚟嫁,咁粗魯!

啍!好叻咩!哈哈哈…

沒有留言: