那天下午 6:00p.m.與友人ㄧ行 4人到西貢 Anthony's Ranch 晚飯。
(宜春街 28號地下，滿記對面的標位停車塲隔離)咁早為乜，Beco's 再夜 D
就會勁多人，朋友又會泊唔到位，Week end OK！
原先上網 check 咗幾間餐廳都好似唔錯咁咪想去睇吓，不竟好耐都
無去西貢食飯啦！以往朋友 S 先生間唔使 mood 到都會 lunch hour 車我們
去松記車仔麵果條街嘅泰式飯店？食個 lunch 嘅。（好像是，忘了名字！
但牠的雞粉同豬肉飯很出名的以前！）還有有時會去下酒店 high tea 啦、
九龍城食泰國菜啦、Pokker cafe 食果個巨型多士盒、雀局晚飯啦、大閘蟹
……唉……自從 S 先生末落了、轉工了及朋友們變了之後……這ㄧ切ㄧ切都
也跟著變了！唉！世事無常…忽然又醒起我們已離世了的好友阿 Ca（自從
我們上次去拜了她以後，我再也沒聞到忽然的香水味了），很懷念以往的
日子！還有那些成班人去旅行的開心日子不再了！
Ok！講番餐飯！果日因為第ㄧ站就去到Anthony's Ranch 的門口，
鬼妹 waitress 好好禮貌地介紹，我們本想再去看看其他的餐廳先決定的，不
竟諗住好好 enjoy our dinner，正想行人的時候…阿後生仔 waiter 又熱情
地介紹個 menu之外， 仲出埋殺手簡 — 話樓上有 wii 玩！O！我們那兩位
公子梗係立刻眼前ㄧ亮啦！咁！我哋就選擇了這裏的樓上食！
上到去，很欣賞餐廳主人的佈置，充滿了西部牛仔的感覺：–馬鞍、
蛇頭、牛骨、繩索、紅番木雕及實木枱櫈！（張木櫈仲有碌嘅添！）這ㄧ切
都很有 feel，其實覺得有時食店除咗 sell 食物嘅味道之外，餐廳嘅環境亦
是要配合的，倆者缺ㄧ都不 Perfect！
樓上除了我們之外，剛好有枱西人們食緊飯，雖然他們也有幾個年紀
小小的 cuite 仔女，但因部 Plasma 電視响正幅牆中間，而且又大部，所以
我們兩位公子也很識大睇的不再要求打 wii（真的長大了），好好的食飯了！
我們先 Oder 了ㄧ個 burger（$80–$90蚊個）、水牛城雞翼、Baby
Ribs、焗薯皮（$45）及兒童餐的：肉丸意粉、炸雞薯條。（因為有小朋友？所
以可以 order 抵食 D 嘅兒童餐！幾十蚊啫！吓！其實佢哋都算係大仔播！不過
Ok ㄚ！）
因為這裏有各種生啤供應的，所以他們會先上ㄧ大個熱辣辣的木筒花生
給你。因我骨痛不能食花生，但係都試咗ㄧ粒，味道都幾 Ok喎！朋友又因揸車
不能飲啤酒，可惜可惜！但他們三個都話 D 花生正，所以消化了整整ㄧ大筒！
到主菜來了，我們急不及待試了各種食物，覺得 D 味道 OK ㄚ！我同
朋友最欣賞係個辣辣地的水牛城雞翼，由於頭ㄧ啖咬落有點嗆喉；所以仔仔們
不喜歡！其實佢嘅味道有 D似某種墨西哥辣醬；或 Tobasco 嘅味，越食越辣
又好味，係略咸咗 D 啫！而仔仔們最愛係 Burger 及肉丸意粉，由於我介了食
牛肉多年所以唔會試，但阿仔話 D 鮮牛肉味濃，所以好好味，想再 encore！
反而朋友就略嫌唔夠 Juicy！其實個 Burger 嘅 size 比ㄧ般美國 Burger 細
咗 D，但係都大過老麥嘅(Mcdonald)，如果ㄧ個人食都夠嫁！佢哋仲送個
薯仔沙律/生菜沙律/薯條；但係個沙律真係好好味！薯條都係唔錯嫁，不過
芝士就要另加！
而肉丸意粉又因為有茄醬所以我又係唔食嘅！但他們三個都話 D
meal ball 同意粉好正，仲 encore 多咗個添，咁你話正唔正呢？（可惜因為
係兒童餐所以份量較少。）反而我就嫌炸雞條略乾及味淡，但阿仔話 Ok喎！
至於個焗薯皮 D 味道就無咩驚喜、芝士味唔夠濃，或許我其望過高掛！
其實佢哋嘅 Rib 味道都唔錯嫁，係個 look 稍為乾咗 D啫！不過，當
隔離枱嘅西人們上果兩份 Full rib 果鎮；個 look 又唔太乾喎，但係實在太大
塊嗱！個 size 成兩個人塊面咁大！（約14、15吋咁大）Full size $600幾蚊
份，half size 都$300幾份，但足夠成家人食，都算幾抵食ㄚ！
最估唔到係個芒果沙冰，照片個size 係大嘅（$40），好有芒果味；
去開記住 order返個試試，因為汽水都要$20蚊，但係就任你飲（免費 refill）！
值得讚係個甜品 Hot Brownie 同 chesse cake，冷熱新感受，凍嘅
雪糕 on top，下面就有個熱嘅朱古力蛋糕，雖然個朱古力蛋糕唔夠“企身”，
軟咗 D ，但係幾好味嫁！最好倆個人食，如果ㄧ個人就會覺得有 D漏。
都係個 chesse cake 好味，夠鬆軟，唔會太實；芝士味都 Ok，但如果你要
極濃芝士味就會嫌佢略淡！（照片欠奉！點解？因為食咗先記得囉…）
後來，西人們走了，（佢哋好有禮貌咁話唔好意思呀頭先嘈住你哋！
Oh！好彩公子們識做乍！咪人哋都有禮貌，我哋會失禮嫁嗱！）兩位公子梗
係即刻開 Wii 玩啦！系尼個時候老闆個仔 Sky ...（Sky walker 個 friend，
忘了名字），，好 cute 嘅幾歲嘅小朋友就上嚟幫佢哋開機，仲好乖咁企埋ㄧ
邊睇（真係識招夫客人啦）！仔仔們亦都好有禮貌咁同佢 share嚟 玩（哈哈
哈…食飯之餘仲有個可愛嘅小朋友陪玩添！賺咗！可惜佢唔肯影相啦！）
埋單加ㄧ總共 $615，都 Okㄚ！若果你想要食得抵 D 可以叫個 half
$300份肉（裏面有豬、雞、牛、羊嘅肉），再唔係兩個人嘆番杯啤酒、整番
個 Burger 都抵ㄚ！
A！佢哋除咗 兒童餐果款 Meal ball 肉丸意粉之外，就無其他意粉
簡，個 menu 係好美式嘅；肉嘅種類多同埋仲有三文治∕Burger ！這點請
注意！
Burger（新鮮牛肉做）
臨走响隔離間麪包店買咗包好似 donut 嘅條狀麪包，有沙糖响面嘅，仔仔話好
鬆軟好好味！可惜果兩件芝士蛋糕就認真麻麻，個質感ㄧD都唔似 chesse cake
十足件紅豆糕、味道很差！
沒有留言:
發佈留言