板長壽司外買速遞

                正嗎？這是我的午餐 +下午茶、仔仔同老公的下午茶！上星期五突然

好想食壽司，便任性的叫了板長，因為他們剛剛有了外賣速遞！（Phone no:

37663766）好囉！終於唔洗無選擇的只能叫元祿了！雖然佢哋最少要叫滿

$150+$10 速遞費先可以送（叫滿$400 先至免收 $10，聖誕ㄧ班人開 party

就 啱！）不過，元祿都要叫滿 $100先送嗱！只差$60 但係味道就差很遠！

          雖然板長外賣嘅壽司 D 紫菜淋了，無咗脆嘅口感，包裝嘅 wasabi 又

唔夠香唔夠辣，但總括嚟講已經好好嫁嗱！因為佢哋 D 飯仲暖暖哋，又唔會硬

到死！三文魚都幾新鮮又平又夠厚！仔仔就話火炙鰻魚好好味，老公就話多骨

（唔知係咪因為佢放工返到嚟都凍晒呢！）

         果日我大開食介，總供叫了 30件壽司（蟹棒、火炙鰻魚、蝦天婦羅、

豚拖羅、三文魚同吞拿魚沙律軍艦）、1 件手卷、炸蠔、炸薯餅、芝士蛋糕、

牛奶布丁及 2 罐汽水合共 $326 大元！我們ㄧ人食咗 10 件壽司，我同仔仔分

別仲食咗炸蠔同炸薯餅，仔仔仲食多咗個手卷同布丁；攪到我們倆人撐住個肚

連個小小的芝……士蛋糕也無法享用添！至于老公返到嚟也ㄧ樣食咗成 10 件

壽司加件炸蠔，唔洗問嗱飽成咁仲洗食晚飯？只有我仲食得落ㄧ碗飯乍！哈哈

哈… 好滿足ㄚ！

              大至上 D 味道都同我上次介紹ㄧ樣好好味！（不過當然係唔及佢初初開

果鎮咁正啦！）但係响外賣嚟講算係極品級！以前响元祿堂食果個吉列炸蝦卷

都覺得好好味，但家鎮佢同 KFCㄧ樣越做越差！都唔明佢哋都係 D 專門店嚟嫁

啦，咁你專心去做ㄧ種食品唔係會好 D 嘅咩？自己專門嘅出品都可以做得咁差，

仲點叫人會再嚟食呢？唉…好懷念以前巴辣雞翼嘅味道！ㄚ！仲有 KFC 出過ㄧ

排但係就正到無敵嘅炸壽司啦！唔…寫寫吓好肚餓添！

              今次要推介嘅係芝士蛋糕同牛奶布丁，佢哋係 sell 日本空運到港嘅！

哇！個芝士蛋糕嘅芝士味道濃郁，軟身、細細杯 $28，但真係好好味！ㄚ！又

唔得影咗相先食添！哈哈哈…

          而牛奶布丁，佢哋話係用北海道牛奶嚟做，所以有非常香濃嘅牛奶味！

食落口好滑！仔仔勁鐘意，我就嫌佢略為騷咗 D ！

           今次可惜試唔到佢哋嘅金三文魚同風腿壽司，下次試咗再話比你哋知！

想試？！打佢哋嘅電話：– 37663766

餐牌∕菜單（Menu）網址：–

http://www.itacho.com.hk/