星期日擺咗個烏龍，所以响旺日無啦啦走咗出旺角，咁既然去到旺角無理
由唔去愛爾蘭瘋薯整番隻熱狗架！
雖然我們四人都極飽，但係都不忘買番 3隻熱狗回家！點知返到屋企唔夠
ㄧ個鐘我哋三個就消化咗兩隻半熱狗啦，大家都仲未夠喉添！唉…早知就買 4隻
大狗啦…嗚嗚嗚…我只係買咗$9 嘅細狗咋！（都唔夠攝牙啦！）仲要無得簡我最
鐘意嘅芝士腸添！嗚嗚嗚…不過好彩條不知名嘅腸都好好味＋埋酸瓜醬，哇！好
好味ㄚ！無論如何我下次ㄧ定要買 2 隻大狗！哼…我好想食ㄚ…（遙遠的牠↓）
大狗
我最鐘意係佢哋嘅熱狗係芝士腸加蜜糖介辣（$20隻），佢哋嘅熱狗腸都
幾大條嫁，個飽又軟硬適中，所以整體嚟講都好好味！（我們覺得）由于，老公
唔鐘意食芝士腸，佢嫌漏喎！所以我咪 order 咗個煙肉腸加酸瓜醬比佢囉！依！
但係都幾好味喎！佢呀（我老公）！連响超市買嘅極品車打芝士腸都話漏，仲食
到打晒冷震添！哇！我同阿仔就話不知幾正！（減價都要買成 $49.9 包嫁）
不過，我試過佢哋嘅焗薯皮，味道都係ㄧ般啫，始終覺得個香味‘踭’D，
但係佢都係好過我上次介紹過果間 Anothy 嫁！估唔倒？ 因為佢夠薯味囉！至
於，佢哋出名嘅薯條，我就無試過嗱！Why？因為我已經中咗 Mcdonald 嘅薯
條毒，深深愛上佢哋嘅味精味道不能自拔嗱！
講番 Ireland's ，我須然都愛吃佢哋嘅酸瓜醬，但係我覺得隻醬係有
味精嘅，因為我食完會覺得個口有 D ‘行行地’又有小小口渴！ 不過，下次我
都會試嘅！（試問家鎮除咗住家飯，邊道無味精嫁？！只差多與少啫！你唔好
同我講雞粉∕雞精唔係味精囉！）其實，我本身係唔食酸瓜∕青瓜嫁，但係食
熱狗就除外囉！
我食過 IKEA 嘅熱狗，覺得個飽略硬、酸瓜醬很酸，但 $5 噤抵食你想
點？！N 年前又食過阿蘇介紹個間老牌快餐店嘅熱狗，覺得都幾好、好多醬汁！
上年又去過銅鑼灣紀律部隊區樂部裏面嘅西餐廳，食過熱狗同多士，又覺得佢哋
D 飽都好正！新鮮又有彈性，總之好味！但，現在，仍然榮登我嘅 Hot Dog 第
ㄧ位，始終都係這間愛爾蘭瘋薯（Ireland'spotato）！第二位？咪紀律部隊區樂
部裏面嘅西餐廳嘅熱狗囉！
下次去開登打士街（家樂商場對面，向廣華醫院方向），記得試下啦！
不過要注意：–果道無得堂食，只可以企係街邊食；或且 take away返屋企！
本來都想試下雜誌介紹過果間台灣麵線，可惜今次又係腳攰，又無緣了！不過佢
哋嘅芒菓紅茶同珍珠奶茶都 OK 嫁！
P.S. : –
八多單料你聽ㄚ！登打士街轉角位（即以前金星戲院果條街），有間叫阿肥定
肥姐鹵味（忘了名字，總之有個肥字），細細間，買紅腸、大腸…等鹵味；個
樣好似好好味咁！好多人排隊嫁！下次去開掃街果鎮（食街邊小食），咪試吓
囉！試完記得話過我知ㄚ！
沒有留言:
發佈留言