開心食蛋糕，唔開心又食蛋糕！ㄧ日訂兩個蛋糕，我都算係瘋
狂囉！雖然係每個得果 5 吋啫！不過無計啦！我自己好想試吓個
Chocolate Truffle朱古力松露蛋糕，但仔仔卻只鐘情于芒果芝士蛋糕
（若果佢對其他野都咁尊ㄧ就好嗱！）
好奇怪！甜品同蛋糕實在是可以給我心靈上的慰藉！開心果鎮，
我須要佢；唔開心果鎮，我亦都須要佢！所唔同嘅係，我現在因身體
關係減少了食 Haagen dazs 雪糕同埋食少了我至愛嘅朱古力！但係，
每當我面對住ㄧ件又ㄧ件可口美味嘅蛋糕（由其係食 buffet 果鎮、
經過麵包店同 cafe 果鎮），佢哋都誘惑著我；隔住玻璃櫥窗呼喚我
『食我啦！食我啦！』咁講！咁！我點可以唔食佢呢！吓！我為食？
哈哈哈！食得是福嗎！
洗唔洗咁瘋狂？（食咁多個蛋糕）可能我缺乏腦內啡
（endorphin）掛！記唔記果個啤酒廣告呢？女人們去 House warming
果鎮見到個衣帽間興奮到尖叫果幕ㄚ？！仲有果個廣告–女人開心買
鞋唔開心買又鞋！唔明我講乜？！好多人都覺得女人成日都做埋 D 好
唔理智嘅野！例如係唔開心嘅時候會瘋狂 shopping 同狂食野（由其係
甜品）！
所以唔知由幾時開始 D 人將女人嘅構造分解為：朱古力∕甜品
、shopping、買鞋同眼淚！
或許女人須要得到大量嘅腦內啡嚟平衡情緒掛！而shopping同甜
品能溂激腦部分秘大量嘅腦內啡，令人產生愉快、興奮嘅感覺同減輕
痛楚嫁！A！我無亂講嫁，D專家都認為糖份、做運動∕做 D 令人開心
嘅事（shopping）都能溂激腦部嘅腦內啡分秘嫁！
喂！不過，自從我可以係網上面訂蛋糕食之後，我就好開心、
又方便嗱！想食就電話 order！因為 Fiona 她實在很好人，又就我隻腳
唔方便幫我送上門，而且她整嘅蛋糕都幾好食嫁！今次尼個朱古力松
露蛋糕，朱古力味濃、仲有滲咗少少好似酒香嘅味道，而裏面嘅蛋糕
略淡，但卻剛剛好 balance 番出面濃濃嘅朱古力味；同厚厚的朱古力
質感！又唔太甜！
真係好正呀！那天我ㄧ個人ㄧ口氣食了 3/8 件（5吋），勁呢？！唔…
諗返起都覺得好幸福呀！仔仔都鐘意，但相較佢至愛嘅芒菓芝士蛋糕
；簡直無得輝呀！Why？因為佢那天竟獨自將ㄧ個6吋嘅芝士蛋糕食
淨朵花！（淨番中間個舊）即係食咗ㄧ個 3吋嘅圓圈囉！Crazy？
係呀！會肥死嫁！But not me 囉！Jealousy？哈哈哈…（好得戚
？）無偈啦！不過，換轉以前後生果鎮，我真會好得戚！但現在？
講真我而家真係想增肥點！喂！唔係晒命嫁！而係我個病ㄧ直令我
消瘦，我跟本達唔到標準體重！所以囉，都係唔好羡慕我囉！
講件關于蛋糕的事你聽ㄚ！想當年我層經為了ㄧ個生日蛋糕而
發我老公爛渣！因為當年仍然是老闆身份時就成日都無糧出，所以我
生日時只要求他送ㄧ個蛋糕給我，便當是禮物和慶祝，可是他還是沒
有做到，並不是無錢買！而是返工的途中沒有餅店！當晚還要在那對
人渣 partner 夫婦面前；所以我便很氣炸的跑去朋友們的家！他ㄧ直
都不明白ㄧ個蛋糕啫為何咁嬲呢？唉…其實你明唔明ㄚ？！我為乜
推咗朋友們為我開的 party 唔去，而同你班九唔搭八嘅所謂食飯ㄚ？
除咗要為你問過明白為何公司成日話無錢又收唔倒數；但係又星期日
都仲要加班呢？！仲有其實唔係關有冇個蛋糕事，而係你果份尊重囉！
唉…這男人…
喂！如果想試試食芒菓芝士蛋糕（芒菓新鮮、裏面仲有芒菓粒
粒，唔夠？你可以加少少錢加菓粒嫁！）我好多朋友試過都話好味嫁；
或且試吓我推介嘅 Opera朱古力、咖啡蛋糕（真係勁正！咖啡味香
蛋糕好！又唔太甜、唔漏！）放心尼個 Size ㄧ個人或兩個人都可以兩、
三日內解決得到的（你們）！我？問我？我儍嫁嗎ㄧ日都可以食ㄧ個
卓卓有餘啦！
想試下 order蛋糕？請去尼個網頁：–
沒有留言:
發佈留言