愛就宅ㄧ起 – 台灣電視劇

                                                                      
 愛就宅一起這是我近期愛上煲的劇，估唔到尼套咁好睇。今次楊丞琳

係演譯一個宅女默默，與緋聞纏身而人氣下滑又自大的過氣偶像 Mars（汪東城）

戀上了；夠竟一個缺乏自信又內向的宅女，如何會與偶像明星Mars有交集呢？

                  這ㄧ切都是托自小相依唯命的姊姊楚楚所賜，因為要幫姊姊償還被男

友騙去的債務，默默只好應承姊姊將父母遣下的房屋分租出；而Mars因為緋聞

纏身，人氣正急劇下滑，公司只好暫時下放他回校園進修，偏偏他所入讀的就

是默默的學校。命運除了安排她們同班之外，還因為經理人公司決定力捧新人

Ben，而決定要迫Mars讓出豪宅；在忠心的經理人ㄧ隻巧合地安排下，租了默

默她們的房間，由於姊姊是Mars的 Fans，所以怎會捨得Mars被默默退租呢？

為了姊妹情默默唯有被迫與Mars住在同ㄧ屋簷下。

            在默默的世界裏除了唯ㄧ的傾訴對像，是來自外星的卡沙巴王子

（自小陪著她長大的ㄧ套漫畫內的主角）；而她在校園唯ㄧ的朋友就是青梅竹

馬的游泳隊隊長加森，雖然加森的家庭富裕，但可惜他的智商卻只得 8歲。而

在加森的世界裏默默亦是唯ㄧ存在；由於Mars突然在默默身邊出現，所以他

怕Mars會搶走默默，因而非常討厭他。究竟，Mars會對默默的生活起了咩野

變化呢？

               老實講楊丞琳今次演宅女，總算是討回我的歡心。因為她上次部不良

笑花…簡直係…唉……攪到好似智商同根骨有問題咁款，ㄧD都唔好笑！不看

也吧！我自己好討厭 D咁嘅劇，好彩我無買碟炸！另外果套我的憶萬麵包又

係唔好睇嘅劇！            汪東城ㄧ直比我嘅感覺係演技麻麻地，而且佢又好似乸乸地咁款，

唔夠吳尊咁 man。但今次汪東城 的 Mars，我就很愛！除咗深情嘅律王子

（金正勳–宮）、令人又愛又恨嘅紀存希（阮天經–命中注定我愛你）、

愛上了又不肯認的玄真賢（玄彬–金三順）、型到爆嘅零（周渝民–戰神）

之外；這個自信心爆燈的過氣偶像Mars，便成為了我最愛的男主角之ㄧ。

           好老實，我ㄧ向簡劇煲，除咗個劇情要夠吸引之外，仲會考慮吓男

女主角係咪靚仔靚女。喂！娛樂播，係人都想睇靚野架啦！唔enjoy 又點得

呢？（所以當初金三順同茶煲阿四我就走漏眼嗱！完全估唔到咁好睇！）

           想追劇？ 2月3日晚，J2 ；又或且買番套劇自家煲！

 

愛就宅ㄧ起 

http://www.gtv.com.tw/Program/S051420080911U/index.htm     

戰爭 Wars

尋晚瞓唔著，睇到 National geographic channel 講緊阿富汗戰地醫院，

見到個美軍送一個炸傷咗嘅同袍入院，咁當然炸傷咗嘅士兵最終係死亡，佢講返

當時鮮血四散；沾染到嘅血腥味歷久不散，這樣的場面永至難忘，又不感向遠在

美國嘅家人透露詳情，雖然害怕但卻仍是要回到戰區；以上是注阿富汗嘅美軍的

心情。看著他們落淚與惶恐的表情，已經感受到戰爭嘅威力！

           後來看見又有美軍送去搶救，為了要保命；這兩個美軍將會失去雙腳，其

中一人還可能再失去一隻手臂……看著在手術中被切下的腳放進大型的垃圾袋

內，就像棄置普通的垃圾般…發覺原來生命係咁脆弱！在戰區內無論是醫生、

士兵與戰犯都只是棋子，任由戰爭擺佈著命運。他們每天面對死亡的威搚，陪

迴在生死邊緣，那壓力絕對令人喘不過氣、心態也異常疲憊！相信能夠安全回

家定必是他們唯一的心願！

            結尾時醫生要放假回家，好好調息ㄧ下四個月來崩緊的心情；但是那些

被派注戰區的士兵呢？ㄧ批士兵為數萬人的美軍再被派注戰場，取待那些陣亡

的士兵。戰爭何時才能停止呢？

            所以一直以來我都非常討厭戰爭！為何人類的慾望總是無窮無盡？不論

是掠奪者還是捍衛信仰者，但凡是挑起戰爭的人；都只是為滿足自私的慾望，

美其名打正光明的旗號，但實際上卻行為可恥！

            常常看見那些內戰連連的國家，那貧窮又無奈的人民，生活艱苦、三餐

不飽，一張又一張的臉瀝瀝在目，他們的ㄧ生的心願只是求生活安穩！心願何

其渺少！奈何當權者盲目不仁，永遠看不見、聽不到！

             雖然希望世界和平是很遙遠的事，但這個仍然是我的新年願望！

           

一個人的午飯–lonely

  已經好耐都無一個人响街食飯，真係好唔習慣！那天心很煩，要煩昂貴的

藥費，因為試藥的初期個 Time schedule好 tight所以打亂晒 D plan，唉…又

要過年…點樣先可以用有限嘅資源做無限嘅事呢？當ㄧ切都重要時，D資源又點

分配呢？餅就只得ㄧ個……

        就係咁，不經不覺ㄧ個人走到沙田，仲要係 lunch hour添，真係好唔

慣，自從脫離咗上班ㄧ族之後，出親嚟食 lunch都多數係有人陪∕盡量避免响

lunch hour，總之甚少ㄧ個人响咁繁忙嘅時間出嚟；再加上諗住D咁麻嘅野，

仲要咁多人、又熱！唉…本來 Ok 的焗意粉變的淡而無味，相信食髓不知味就

代表了我的心情！ㄧ邊食ㄧ諗，算吧！既然解决不了，就不想也吧！船到橋頭

自然直，或許放棄也吧！明知不可為而為之，只怕到頭來，兩頭唔到岸！想呀

想，便安然地食著淡淡的意粉…A！本來想點些美食–焗田螺呀、焗薯皮呀！

想值以舒解ㄧ吓鬰悶的心情，可是當我看著 Menu時，突然覺得 $38ㄧ個焗田

螺，實在太貴、太奢侈了！就算要開解自己，也實在捨不得！$38可以食個

set 了，用來食 6 粒田螺實在太不切實際了，清醒 D！不要浪費吧！

         可惜最終還是浪費了ㄧ半的意粉，實在有點那過！雖然知道很不應該，

但不知為何，卻無論如何也難以下咽；明白絕不是食物太差，而是心中的問題

填滿了我的胃；雖然自我開解了，可是我還是食到差點流汗！所以唯有放棄、

離開。

          以往的我總是響往ㄧ個人的日子，但自從得病後就很怕ㄧ個人走在街

上，究竟係缺乏自信ㄚ還是怎樣呢？我也不知！不過，今次我絕非發街瘟！

          後來，致電 J 約她飲野，好彩她剛剛排出了時間，我們便約去飲茶了

。J 說可能我像她姊姊那樣，慣了有仔仔陪伴，所以才會在ㄧ個人時倍覺孤單！

或許吧！可是這方面我是想得很通的，孩子大了，總要習慣ㄧ個人生活，並不

能霸佔他所有時間。像現在，我也有試著給他與朋友外出（當然是我信任的人

）。不竟正常社交，也是成長過程之ㄧ，總不能跟我朵在家做宅男吧！

         人生於世上是個獨立個體，出生時是ㄧ個人、走時也是ㄧ個人的。所有

人的分別是在於，你∕妳能留底甚麼∕供獻在世上吧！你∕妳有沒有為自己的

人生盡責呢？

份子係份母嘅咩呀？

仔仔食飯嘅時候，話今日比老師罰企，皆因佢講了一個激死老師嘅答案，

唉…哈哈哈哈…真係差 D 比佢笑死！老師問：「份子係份母嘅咩呀？」阿仔竟然

係班上大大聲聲答：「份子係份母嘅仔！」立刻引來滿堂爆笑，Oh God！

哈哈哈…阿仔簡直係攪 gag！好彩食完飯啫！老公笑完話：「唉！真係比你激

死！」但我就笑笑口話：「依！咁又啱喎！係 straightforwad 嚟諗個答案係無

錯嘅，但係 logically 梗係唔啱啦！」

        其實老師條問題好似係想引導佢哋想清楚份子同份母嘅關係，所以先問：

「藍球員係藍球隊嘅咩呀？份子係份母嘅咩呀？」

        查實，如果响以前阿仔個非常教師（ㄧ個思想前衛，教法另類的阿 sir），

ㄧ定可以引導得佢哋好 D ，而且阿仔ㄧ定唔洗罰企。Ha…現在很少有D真正關心

學生又治得掂班細路嘅阿 sir∕Miss，ㄧ個真正令班學生–心悅神服的人、ㄧ個

上堂會播返 64 嘅事件比學生睇嘅人。

           Anyway，家鎮 D細路嘅見解又真係非常獨特。有次朋友同囡囡溫書，囡

囡問爸爸：「咁『耶和華』係咪用他們呀？」爸爸立即 O 咗！╯Ο╰" ‥咁又係

喎，佢都無宗教背影，又點會清楚天父係叫『耶和華』呢！既然用得個和字，

咁即係 ＝and 啦！咁咪即係有兩個人囉！係 straightforwad 嚟諗！因為响小

朋友嘅世界諗野係好simple mind嘅，尼個亦係佢哋獨享嘅天真、純真的世界。

        又有次 gathering 嘅時候，唔知點解拉到去結婚嘅話題，有個 Uncle∕

auntie 問班天真嘅小公主「咁你結婚嘅時候請唔請我飲呢？」佢哋第ㄧ時候答

「唔請！」Uncle 又問「點解呢？」小公主們又答「到時你都死咗啦！」噢…

原來响佢哋眼中我們是這樣的–「後生」嘅！

         Hahaha…pure 嘅 teenage！

 

Hard feeling 的九龍城廣場–甜之迷 Sweetacy

Ok 的朱古力批！

 難食的 NY chesse cake      

坐不穩的枱（小心會跌啊！）     


               那天難得的到九城廣場走走，便看見了ㄧ間甜品咖啡店–甜之迷

Sweetacy！順理成章吸引了好甜的我們，但由于是星期六都幾多人，所以只得

Bar 枱可坐，我唯有試試這張貇似穩鎮的櫈吧！可是當我想坐上去的時候，至發

現張櫈真係得個樣嫁咋，哇！輕飄飄咁，ㄧ D都靠唔住呀！唉…Designer chair

？算啦有得坐！哇……諗住整返杯回魂咖啡啦！點知忙住帶位又要負責落埋

order 同收銀嘅 waiter哥哥先至話，水吧暫時 close 咗，所以無飲品供應！

吓？！咁都得！°～° 〣（三條線出現）唔怪得知佢有ㄧ半坐位拉咗簾嗱！我想走

嫁嗱，但仔仔話是但啦！佢哋都有水飲–係呀！好難得等他們忙了幾轉，cake

都幾乎食完才得到的ㄧ杯水！

         最終，我們order了兩件 cake，朱古力批和 New york cheese cake，

以為是隱鎮的配搭，點知仔仔件 NY cheese嚟到，我當堂 O 咗！吓！整乜無

啦啦有粒車厘茄响‘樹 ’嫁？？吓…無士多啤梨，你咪求其嗱支 cream ‘唧’

兩野；又或且齋上 cake 咪算囉！好過家鎮咁九唔搭八、其其怪怪的好！仔仔

話件cake 嘅味道好差，我又覺得無咩味囉！而我個件朱古力批，跟本就係朱

古力雪糕＋個勁難食嘅餅底，所以仔仔話好好味，梗係啦食雪糕喎；如果連 D

雪糕都唔得話，就不如接埋把 la！

         Finally，雖然忙到死嘅 waitress終於比咗杯水我哋，但今次嘅 hard

feeling ，令仔仔都話唔會再嚟幫襯，back list 咗佢！

             據聞，尼間 management咁差嘅甜品店係名人之後開嘅，仲話係請咗

五星級酒店廚師主理添！吓？唔通果五星係黐上去嘅？？‵﹍′"

求婚大作戰 - 日劇

             求婚大作戰尼套日劇都幾好睇ㄚ！雖然有點誇張，又精靈又 Back to
 
the future，而男主角健（山下智久）對女主角禮（長澤雅美）的情感會唔會

醒覺得太遲呢？！竟然要在女方的結婚典禮上致詞時，看著ㄧ張又ㄧ張的相；才

覺後悔地吐出心底話『假如能回到過去，重新開始的話…』，就係尼個時候精靈

（三上博史）出現；話可以幫健回到相中的日子，但健是否能夠扭轉與禮的局面

呢？！冇！因為健又再次錯失表白的機會，所以健很懊悔自己為何仍然未能把握

機會改變禮與多田（藤木直人）老師結婚的事實；今次精靈再次出現，答應給健

再回到下ㄧ張相的時光……ㄧ幕又ㄧ幕的經歷、ㄧ點又ㄧ點的感情積聚，健的真

正心意是否有傳給禮呢？   

         雖然覺得劇中的男主角健優柔寡斷得令人有點可恨，但看著內儉的他與

青梅竹馬的禮在感情的世界中錯摸，兩人明明愛著對方，可是總是因為ㄧ些小

事而錯失了向對方清清楚表達自己的心意時；真令人咬牙切齒，有時又覺得男

主角很抵死，錯失機會都是自己攞嚟嘅，既然知道對方對自己好，便應該好好

把握吧！唉…在現實生活中，那有咁多機會ㄚ！他真的好好彩有個精靈，令我

不禁想起童年常常想擁有叮噹，很羡慕大雄同時亦很妒忌他，為何他那麼懶墮

卻又常常得到叮噹幫忙；他很內弱常常比肥虎蝦，卻又不感反抗，唯有靠叮噹

的法寶才能得到救助。那我的叮噹呢？何時才能碰上？小時候的我雖然愛幻想

，梗唔會儍到相信世上會有叮噹！可是每當我生活被壓迫、極之無助的時候，

就不禁會幻想用叮噹的隨意門逃往別處；當我做錯事時，可以用叮噹的時光機

回到過去；彌補錯誤的決擇，妄想改變ㄧ切！ha… 
 
         其實，假若真的有回到過去的事發生，相信都只係‘屠’然！Why？

因為人往往係唔識得吸取教訓，要經歷三番四次的挫敗，才會學乖ㄧ點。或且

，我又相信性格改變命運，無論你有否多次機會，你也會因自己的性格而陰差

錯地再次從滔覆切；就像男主角健ㄧ樣，明知不可為，卻神推鬼撞般從覆著錯

誤，而真正能夠改變的，只有小部份。所以，為免錯過了，才揼心口，倒不如

行好你的每ㄧ步吧！
         

想睇？而家做緊啦！  無線電視 星期日上午 11:00

求婚大作戰      故事及人物介紹

http://japan.videoland.com.tw/channel/propose/default_002.asp

 

King Ludwig Beerhall– 德國咸豬手

芝士蝴蝶粉

脆皮燒豬肘

德國腸并盆

走地雞

白汁蝦帶子配薯餅、芝士蝴蝶粉

鴨肉

             哈哈哈！今次嘅生日飯，係食德國菜呀！上星期六响尖東站隔離、中間道

嘅 King Ludwig Beerhall。阿 Sa Happy Birthday！

        亦由於是星期六，所以只能 book到 6:00–8:00p.m.果轉 ！入到去覺得

裏面好靚，由其係個 corner，D 燈同鏡都好 antiquate，個 feel 就好似去咗

外國嘅農莊食飯咁！可能佢哋用咗大量木材嘅關係；木枱、木櫈、木地板同木櫃

，連吊燈都有對鹿角，個感覺係咪好 raw呢？！雖然枱櫈都比較多，但唔算太迫

硤，可能 D木櫃同中間嘅間格都有很多玻璃，所以唔會太焗束；唯ㄧ可惜係當晚

餐晚飯開始時有 D 焗，不知是否人氣過剩，還是冷氣不夠呢？

        那裏是有啤酒同 Wine供應的，但 Soft drink 種類唔多，如果想齋同朋

友飲吓野傾偈都 Ok，因為佢哋有 happy hour嫁！原來佢哋夜 D 仲有隊 band

添！假日又有 lunch/Tea buffet添，好似係百幾蚊位，係open rice 講。或且

，下次有機會試試。  

        我們 Order 了： 牛肝、芝士醬農夫包 2 份、脆皮燒豬肘、德國腸并盆、

走地雞、芝士蝴蝶粉 2 個、白汁蝦帶子配薯餅、鴨肉配薯餅（好似係紅梅汁）、

啤酒及其他飲品等…埋單HKD1,345，平均每人 HKD200幾。底唔底？！响尖

沙咀區嚟講！Ok嗱！由于那天是朋友 T 的生日，Y 買了蛋糕去切，D waiter

都幾識攪氣氛，又唱生日歌、又送即影即有相！不過放心，佢哋唔收切餅費嫁！

如果夜 D 有 band果鎮，佢哋都會唱生日歌固喎！朋友都去過食生日飯！

        至于食物方面，朋友 Y 就覺得好鹹，我就大至上都覺得幾 OK！最令我

喜出望外嘅竟然係個走地雞！因為通常 D外國雞唔知點解肉地特別‘鞋’，由

其係火雞，剩係得個大字，又‘鞋’又冇雞味！今次隻雞雖然未至於嫩滑，但

唔會好‘鞋’囉；而且仲好入味添，可以encore！佢哋德國最出名嘅鹹豬手同

腸都算有 D 水準，老實講豬手嚿骨真係幾大，但 D 皮好脆、豬手都幾好味！

蝦！不過點解外國人 D燒豬雖然皮好脆，但係唔會好似我哋 D 乳豬同燒肉咁；

D 皮脆得嚟唔會咁乾嘅呢？！至于D 雜腸都幾好味！由其係白色嘅雞肉腸同好

大條嘅豬肉腸；但真係唔值$ 200幾蚊囉！（喂！老友貴咗 D 喎！）

          仔仔同小朋友們就覺得個芝士蝴蝶粉好好味，由其係個汁，夠芝士味

之餘又唔會太鹹！（個汁咁好味、又‘傑傑’地咁，唔通加咗蛋黃？）反而，

好多人叫嘅農夫飽，ㄧ般嗱！外皮脆就夠脆嗱，但成$20 蚊隻值唔值呢？可

能係貴在個牛肝醬掛！我就試唔倒嗱，仔仔就話麻麻！而芝士醬 OK嗱！或許

，你比嚿靚 D 嘅牛油，可能我會更讚！Why？因為我係牛油精！（記得當年

我去親柯士甸道間法角餐廳，梗係狂查佢哋D 牛油嘅！哇！諗起佢哋D蒜蓉飽

都覺得又香又正呀！）仲有佢哋嘅蘋果蓉＋紅梅汁配鴨胸呢個組合都幾 fresh

，連我唔鐘意食蘋果蓉嘅人都覺得味道唔錯！

         那天真的好忙，ㄧ天內食咗幾間食店！食完晚飯，我哋仲去咗厚福街

間甜蜜蜜，食咗我人生第ㄧ個台式甜品，上年 hit 爆嘅層層冰冰↓

朱古力味

            這個朱古力味冰冰，D  冰固然係凍凍地脆脆地啦！佢 D 冰冰嘅朱古力味

淡淡地，唔太濃；但加埋朱古力醬、朱古力粒粒，個味道幾好，唔洗擔心甜到

飛起，因為Wow 笨人（我本人–催世安的笑爆口音！有冇睇ㄚ？哈哈哈…笑爆

咀！）雖然極愛甜品，但卻受不了那些漏到飛起的感覺！我仔仔同 Y君的囡囡

就覺得超好味！可惜，可愛嘅妹妹由於肚痛，只能淺嚐！略嫌那些配搭嘅啫喱

粒味道太淡，如果佢肯加可樂味啫喱粒就好了！$45貴唔貴？好貴ㄚ尖沙咀！

朋友 Y 說沙田河畔花園有得食，仲好好味添；都只係 $20 幾蚊乍！下次請返佢

囡囡食先！

King Ludwig Beerhall  

23698328   

http://www.openrice.com/restaurant/sr2.htm?shopid=14534

愛心提示：–

如果人少少，或且想食得抵 D 不如打去check吓佢哋仲有冇 lunch/Tea

buffet！      

婆婆、媽媽的味道

              相信大部份人的媽媽都有幾味撚手小菜，我的媽媽在我心目中當然是廚

神級數啦！雖然近年她的手藝有點跌了 Wok ，未必餐餐都咁好味；或許如她所

說她『家都四分五裂了，仲煮比邊個食呀？！』（隨著爸爸的心漸漸轉向外遇，

家境重大的轉變……離婚等等問題……要她接受這麼多的變化…的確是很困難

的， 20多年來的婚姻和家庭……傳統的婦女心態–從ㄧ而終、出嫁從夫；全被

爸爸ㄧ手破壞，恨也是應該的！當ㄧ個女人失去了家庭重心，那還有心情那煮

飯？沒有用心的烹調 ＝ㄧ餐沒有米的飯！怎麼能夠完美呢？）

                今日她雖然仍未完全走出陰霾，但她已回服大部份惜日之烹調水準了

，她經典的糖醋排骨、燜冬菇排骨、牛腩、南乳蓮藕燜排骨、豬皮蘿白魚蛋、

义燒辣椒炒菜脯、煎壤鯪魚、壤豆卜青椒矮瓜、腐乳炒通菜、茍菜炒魷魚、煮

蠔、薑葱炒蟹、梅菜燜豬肉、茍菜煎蛋、炒米粉、老火湯…仍然好味到頂瓜瓜

！哇！又諗到流口水添！（世上只有媽媽好，有媽的孩子像個寶！）

                雖然她仍然有點憎恨爸爸，但今天的她仍然肯為爸爸整了ㄧ底蘿白糕

。唉！口硬心軟之女人！愛之越深、恨之越切！不過托的福爸爸，我今天又有

美味的蘿白糕食呢！（怎麼呀！善羡嗎？）

                講起蘿白糕，又想起上年令我極之感動的蘿白糕事件簿。話說我是個

很喜歡食蘿白糕之人，每縫行過見到煎蘿白糕就好想食，由于前年只能買到ㄧ

底美心的蘿白糕返老公家，結果返到屋企就無得食，後來與朋友們食飯間諗住

提早訂定幾底蘿白糕，便談起了此事，朋友 E 叫我唔好訂，因為唔知好唔好食

之餘，仲要出尖沙咀攞；朋友 Y 及 O 更說要幫我出嚟尖沙咀攞！我當然拒絕

了，因為實在太麻煩朋友們了。蓆間朋友 T 須沒作聲，但卻默默記在心。結

果？結果上年我總共得到了–4 個蘿白糕。哈哈哈！因為朋友 E 及 T 分別各自

向媽媽及朋友幫我訂了個蘿白糕，還送到我面前！這樣教我怎能不感動呢！真

的好好味、好心甜，我的好友們多謝晒！擁有妳們的情義是我最大的福氣！另

外兩底是誰的？！ㄧ個是忙住返工還不忘做ㄧ底給我的好媽媽！最後的是我自

己怕無得食而買的囉！哈哈哈！

                想起媽媽的味道，當然不能不題我哋屋企註慈雲山嘅大廚–婆婆，她

的超級無敵極品：–煎雞翼及煎紅衫魚，哇！好味到令人難忘，或許今天的人

認為不健康，但可是那些油與豉油嘅配搭；香到令你禁不住想攞嚟撈飯，仔仔

好彩都有幸試過！佢仲話太婆煎嘅雞翼係最好味嘅！個秘訣看似簡單，但個火

喉卻是很難控制的，因為太易濃了！煎時首要要放ㄧ大嚿薑（記得薑ㄧ定拍，

薑才能出味！濁語都話拍薑咁拍ㄚ嘛！哈哈！爛 Gag！），最重要係林尾先放

豉油同糖！但至於點放千祈唔好問我！因為阿媽都未必常常做得到，更何況

我哩個級數呢！（上次我攪到濃了！還差點要雞翼陪葬添！）    

                  婆婆嘅撚手小菜當然有好多啦！因為她是主廚，而媽媽只係客藉師，

專負責煮些新款菜式，如：–西芹瘦肉煮雜豆！當年能夠常常嚐她們的手藝真

幸福，所以才養成我今天的味覺！雖然婆婆煮的並不是什麼京貴的菜式，但她

卻令我有個美味的童年：–節瓜粉絲、薯仔瘦肉大眼雞湯、梅菜豬肉餅（手

剁）、煎鯪魚餅（手剁）、瘦肉枸菜煎豆腐（有汁）、西洋菜湯、洋葱煎豬扒

（要用薑汁、燒酒醃的）、蠔油草菇燜雞翼、冬菜蒸牛肉及炸菜蒸豬肉，這些

都是用汁都可以撈兩碗飯的傑作！（但要知道她是不吃牛肉的，都可以整得咁

好味！勁呢！ ）

               還有煎大魚，要記住我係極度怕腥的，但她竟可以化腐朽為神奇，只

是用煎雞翼的煮豉油的方法＋薑葱煎；當然魚ㄧ定要煎得透，裏面的魚肉才嫩

滑，這樣便可令我乖乖的吃ㄧ碗飯！（可惜現在不知是否我變得更怕腥，還是

D  魚怎樣，就算是婆婆煎的，我也不是每次都能吃得下！）

            仲有經典節餸（每縫過節必煮之餸）：–蒸雞（用鹽醃的、雞肉很嫩

滑）、青紅蘿白湯、發菜豬肉燜冬菇、芹菜腰果瘦肉（這些都是清碟之作）！

啊！差點漏了我現在不能再吃的雞雜炒菜蕊呢！噢…還有阿婆煮的雞酒，哇！

D 香味好似飄緊出嚟咁…好想食ㄚㄚㄚㄚ…！好掛住您 D 餸嘅味道ㄚ婆婆–

我的至愛！O…My Love…My Darling！（買口乖，我嗱手！唔係點扼食ㄚ）

                不能不題的，還有阿大（我的鄰居，善良又偉大的媽媽），她的：–

薯仔煮牛肉∕雞翼很香（又是撈飯之作）、炸角仔（層經有我份做的）。令

人懷念的童年生活！我成長的慈雲山！

                要知道以前 D人環境並不是很好的，ㄧ家五、六口都只能得兩、三

個餸，雞翼還不能食整隻食、要剁開兩邊！阿大不單止不嫌棄忽然闖進來的我

們，（因為炳承了媽媽鐘意周街八，所以常常探訪鄰居＝隨便入人屋企。）她

還招乎我們ㄧ起吃，你話以前 D 人們幾有人情味呢！ㄚ！仲有我很喜歡過去飲

她沖的鷹嘜煉奶的，你話我幾為食呢！佢又幾縱我呢！我媽媽亦都間中供獻她

的作品給阿大們分享的！這些快樂的日子，現在只能回味了！所以慈雲山要拆

時我真的很矛循，百感交雜。開心是有新樓住，唔須要住又窄又唔方便嘅屋！

唔開心係我們要各散東西，十幾二十年的感情！隨住慈雲山的清拆，即代表了

新舊屋村的交替；ㄧ個無人能抵擋的時代巨輪的轉變！

電影「關人7事」令人失望之作

「關人7事」


             彭發尼套「關人7事」真係令我好失望！有人話佢係抄 絕點緝兇

vantage point尼套片，話連張 poster 都抄埋；係唔係我就唔知，因為我無

睇過個套戲，所以 no comments！不過張 poster 個 feel 確實係幾似喎！

其實我本人幾鐘意睇佢哋倆兄弟拍 D 鬼片！

        今次個故事原意係好好，7個人7件事，看似無關連；但卻像ㄧ條鍊，ㄧ

環扣ㄧ環的組成ㄧ件事，但可惜個拍攝手法出咗事！其實明白彭發想將每件事

重組、組合返ㄧ個完整故事，但結果卻變成了不段 repeat；重覆又重覆，好似

不段睇 play back 咁，令人睇到發晒‘盟’憎！我都有見過尼種拍攝手法，但

今次是否用得太多太多呢？攪到觀衆好似儍瓜咁！睇到好想 fast forward！這

是否意味住尼個故事太過薄弱呢？原本係好渴望睇佢嘅作品，但睇完不禁令我

覺得對佢祈望過高，希望彭導演下次嘅作品可以好好突破只能拍 D 鬼片尼個縮

命！其實如果個故事係好的話，用返 D 平實嘅拍攝手法未嚐唔係ㄧ件好事！

         個故事講鄭螎係個同性戀，佢為咗要順利同女友分手，所以利用咗新男

友William，但查實暗地裏鄭螎已經有新歡女友。此事亦令William不知不覺

身勘險境……

         江若琳辛辛苦苦做啤妹，但做埋做埋都唔夠替終日無所事事嘅男友周柏

豪還賭債！最後江為咗想幫周還賭債，被迫問個咸濕客人 Leo借錢；而Leo肯

借錢比江嘅目的係想同江上床；周為了左止女友，而打算去 7-11打劫……

         周秀娜同另外ㄧ個女仔，係响 7-11度做工，個老細就係咸濕賤佬Leo，

由於佢成日借故抽倆人水，倆人已極之不滿，可是周仍不感反抗，但令外的女

仔因反抗而被炒…小肥是周的男友，（但响戲入面做到好似成日精蟲過盛咁！

常常响周身上摸來摸去，D friend 响隔鄰都照摷！真誇張！）四人在傾訴不

滿時老細Leo時，相方男友決定打劫鋪頭以作報復……

         故事就係咁樣展開…總知就不斷 repeat & repeat嗱！咁睇唔睇好？

你自己決定嗱！但睇過時記住冷靜 D……千祈唔好鬆手掟爛自己個電視呀！

又或且考慮吓用 fast forwaed 嚟睇ㄚ！我好慶幸自己係租碟睇，否則ㄧ定

揼心口！老公果日心情ㄧ定好好，所以都無用 fast forwaed 嚟睇！靜係火

火地問佢想點啫！唉！難得佢肯陪我哋睇碟嫁嗎！

         不過，值得ㄧ讚是Leo同江若琳的演技幾好！反觀鄭容真係唔識做戲

囉，演技浮誇！Leo 真係做到非常賤格，攪到我諗起當年做第ㄧ份工時，見

到果班禽獸 sale 常常明目張膽地抽小秘書水，哇！ㄧ野拍落個‘蘿柚 ’度

，真想車巴掌打埋去…得手後果種淫賤的笑聲及眼神，簡直令人作嘔！可憐

的小秘書還偷泣過添！可是她仍然繼續啞忍上班！唉…果鎮世界難撈、又冇

平機會呢！

        

「絕點緝兇」相似度高嗎？        

終於打了第一針

晨早起身，9 點鬆 D 去到醫院，真的很早，對我嚟講！而家記性唔好，所

以搭錯 lift，行錯層數，更在樓梯打轉了ㄧ回；好在後來最終找到了！

        今天很多公公婆婆，令原本窄小的房間，便加迫硤！我鬆容的等待醫生檢

查、抽血，再吊針。可是我又大懵到忘了要空肚抽血，唉！又要走多轉添！無偈

嗱！瞓唔著又要早起，梗肚餓嗱！

        其實房間雖然窄小，但仍然能觀察到人生百態！醫院房間要改名，由原

先的ABCD改為HKLM，大批醫生、護士及病人要從頭適應。好老實講，實在

唔明白為何醫院要咁做！這樣有可能會引至醫護人員嘅 confuse、傳遞成文件

混亂、及年紀老邁的病人在覆診時以為走錯房而走來走去。（A！我唔係年紀

老邁！我只係記錯層數啫！）唔…M…講返果日就有醫生入檔時忘了房間新的

代號，要問返護士添！唉！無偈嗱！大唔好教壞細，政府得閒改吓哩改吓路，

應改唔改，咁 D 細嘅自然有樣學樣嗱！

         這邊霜有些醫生認為這是唔 work嘅，有些醫生卻很優默地說：「幾得

意ㄚ！我們房間改為 Hong Kong呢！」（Hk＝HongKong 的縮寫）那邊霜

護士們忙錄地向病人們再三提醒新的房間名。剛剛改變的事，或許教令人難以

習慣；但凡事多角度去睇，這樣做其實可以有助我們面對事物的轉變！我自己

或許是開始年紀大，也很難接受事物的轉變；但自從識得自我調節，凡事多角

度去睇之後，個人反而鬆容了！所以試試方開懷抱，從不同角度思考，或許可

以擴闊你思想領域，令你做人都開心 D！

          講返病房！唔知係咪近年多咗人關心長期病患者，嘅心理質數！所以

很多時，我們覆診時有好多問卷要做；但選擇答案時，真的是無零兩可！由于

我們大多是痛証病人，但是痛的時間和因數會因人而異，所以答案未必可以完

全能夠代表病人嘅實況；但我明白問卷多多小小也可以幫助醫生了解大部份病

人嘅進展；或有助硏究。

因此我每次都盡力塡好答案，並在須要時寫上註解；可是有很多婆婆卻要忙得

很的護士們幫她逐ㄧ問答，份問卷有成幾十題嫁！當然明白有些婆婆是唔識字

，咁梗要人幫啦！但有些中年長者明明識字的，卻說唔明白條問題問乜而要護

士小姐逐ㄧ提問，于是乎我被迫在房中不斷聽著重覆又重覆的問題；煩厭非常

！而始作俑者，卻老是忘了可提供選擇的答案（非常、常常、有時、有些時、

完全沒有），總是嘮嘮叼叼的答ㄧ大段日常狀況！唏…咁咪即係有時囉！

（心中暗道！）

         每次都覺得自己很衰，又很同情護士小姐們；但是諗深ㄧ層，或許她

們都是唔識表達自己，想找人傾訴吧！因此我都有些同情她們，但身為痛証的

ㄧ份子，我更加明白終日自怨自艾的過日子，不但唔可以幫助改善病情；反而

會將你推向憂鬰，令人越來越沮喪！既然出現得係尼個病房，咁即係話又有新

藥做臨床研究啦！姑物論隻新藥幫唔幫到你，你自己首先要‘判’著無論如何

也要ㄧ試，就算失敗了再等下ㄧ次吧！好老實講我自己都出現過這裏有四次之

多，到今日我仍然出現响尼道，即代表，我前三次都係失敗啦！但我仍堅信終

有ㄧ日，我ㄧ定會試出ㄧ隻成功幫到我的新藥。（希望是這次吧！）

         所以希望這些人不要老是覺得自己好慘吧！起碼你生活在香港，吃得

飽穿得暖；雖然行動有些不便，但你總有ㄧ雙手ㄧ雙腳，好好醜醜也能站著

行走！所以不要再掛著ㄧ副哭喪臉吧！

         想著想著，我便吊完藥了！由于吊藥時，護士們要不斷測量我們的血

壓，為了方便，護士要將我ㄧ邊手袖脫下（吊緊藥的我自然要合兩個姑娘之

力，才能成功脫下啦！）但當那個剛才嘮嘮叼叼答問、中年仍然獨身、覺得

自己無情緒問題；但掛著ㄧ副哭喪臉，不斷說著自己點慘乜都做唔倒的婦人；

很錯鍔地看著了解我病情嚴重的盧姑娘和另ㄧ護士合力幫我穿回外套，才不

禁吐出：「哇！原來佢嚴重過我！」我心想：「對哦！你比我幸福！最少你

還可以自己穿衣裳！更幸運的是妳只是病發年幾！我卻已病發十幾年，ㄧ邊

膝蓋已連接，所以走路時ㄧ拐ㄧ拐的！我卻從沒有大聲嚷著我怎惨怎惨呢！」

         有時不要將自己的ㄧ點不幸無限放大，放眼看世界，你己比很多人

幸福了！同樣ㄧ句說話，我希望各位不要將別人犯的錯不斷無限放大，這樣

你的人生會美好很多！

         ㄚ！試完新藥，touch wood！暫無不良反應，但又沒有覺任好轉！

可是老公卻說：「E！這兩天翻風落雨，都唔覺你話痛喎！」E！是嗎？ㄚ！

除咗ㄧ對手好像無咩力！同好眼瞓之外，好似又的確無咩腫痛喎！回想那天

覆完診我確實係因為為食，所以行咗ㄧ大段路買排骨菜飯喎！照計果日又落

雨又咁早起身仲行咗咁ㄧ大段路，第日隻腳應該會有 D腫固喎！有時少根筋

好像是福！


P.S.:–

真係唔明白份問卷係幫助了解病人心理狀況ㄚ！但今次無ㄚㄚ多咗條問題，

有點搲頭？『請問病情在過去月來有影響你性生活嗎？你的狀況是：非常愉

快、愉快、不愉快！』嗬嗬！突然問人 D 咁嘅問題！攪到都唔知點答你添！

鬼咁尷尬，好彩我差唔多係最後ㄧ個填問卷，否則左右隔鄰睇住你，都唔知

答唔答好！（E！人哋可以比你選擇唔答喎！總好過上次個骨科女醫生當面

問『E！手腳嘅狀況咁，你點做呀？』O……‵～′"？？……）

試新藥好緊張！

終於都申請到試新藥嘅資助啦！唉！攪嚟攪去，靜係影印文件、向銀行申

請 Bank statement都唔知走幾多轉、又要等，結果ㄧ拖再拖，還要差D講唔掂

我要負責果 D錢呢……當時真係想放棄，返正試新藥都係做白老鼠啫；又唔知成

效……但 End-up， 終於都 settle晒所有嘅問題嗱，亦都去到最終階段，明早去

醫院搵阿好人盧姑娘幫我吊針了，由於唔須要家人陪同，所以現在心情又驚又喜

！驚–是因為這隻生物製劑唔知對我 work 唔 work？會唔會有副作用呢？喜–

係因為 I get a chance！

         Anyway，人生要充滿希望！（徐小鳳首歌都係咁唱啦！唔識？未聽過

？O！–。–唔小心透露咗我年紀添！嘻嘻！）

         還有今次除咗要多謝譚醫生之外，再令我發現了幾位非常關心我的好友

阿 Y君同阿 T君，雖然尼段日子我們很小傾心事了，但當我唔開心找她們傾時，

她們除咗給我安慰之外，還給了我有用的 advise，好感激！還有肉緊到鬧我為

乜為了差點負擔這萬幾蚊醫藥費，而想放棄試藥嘅 U 君！好多謝有家庭負擔嘅

阿 Y君同 U 君，她們層經想借錢給我醫病，但被我婉拒了！她們對我尼份情義

已令我好感動了！真的充心多謝我的好朋友們！多謝上天給我–朋友 這份重要

的資產！這是我今生所擁有的福份！

        這些都的確是我正真嘅好朋友！的確好極！E…良友？Hahaha…唱咗買

煙仔嘅廣告歌添！（N 年前 ）

         希望各方好友能夠祝福我：「祝福我試藥成功！有明顯好轉！副作用小

吧！」

仔仔人生的第ㄧ個挫敗

暑假時除了過得多姿多彩之外，也發生了很多事，而仔仔更經歷了他人生

的第ㄧ個挫敗 — 輸了羽毛球比賽。那天是我第ㄧ次觀看仔仔參賽的，這個亦是

他參加的第ㄧ個大型比賽。（渣打中銀盃羽毛球比賽–初賽）

             以往仔仔只參加了ㄧ個小型比賽，而那次的成績是得到了第四名，他得

到了很多人讚賞，但我除了讚他之餘還估勵他再努力些練習；不要過份自滿，因

為『驕兵必敗』，而且家鎮佢仲細個還有很多進步空間！

             可是自此之後，佢姑媽與她的朋友就不斷在他身邊估吹說用貴拍的好處，

；塊拍點樣超輕又好打，眼見表弟及隊友們紛紛轉用千幾蚊嘅羽毛球拍，他心

動的很，經常有意無意間也提起想換拍；最後姑媽還說要送給他做 Birthday

gift，因為他打得好，如果想再進步，那麼必需用靚拍才可練得更好！吓？明白

『功欲善其事，必先利其器』，但他只是薄有成績，為何要這樣吹捧他呢？很怕

他會變得太著重物質，以為貴就代表靚 D、勁 D！其實佢塊拍都成 $500 蚊，

我覺得已經 OK 嫁嗱！可是她仍然堅持要送給他，於是我便與她ㄧ人ㄧ半的買

了！但她們又開始說某某對鞋又好貴…打波要著羽毛球衫…阿仔著 T-shirt 唔啱規

格！攪到仔仔又不斷說打羽毛球必需要著羽毛球衫……

              Ok！Stop！夠了！毎毎聽到這裏都很氣炸！因為姑媽的潛言默化，所

以仔仔開始不斷 yo 住我，要求這樣要求那樣，攪到我火都嚟埋！我同仔仔不下

數十次的解釋過做運動是有益身心，如果做到有成績係 Bonus，所有佩件都是

其次，況且你姑媽話塊拍靚 D輕身 D 可以改善手勢，佢又話要出錢…Ok！我

咪夾份換過塊靚 D拍比你囉！（又唔見你又勁成點！但佢哋又話佢打得好咗！）

至於對鞋是由于你經常跳躍，所以我都可以買靚 D有 air 嘅$400/$500 百蚊！

响能力范圍之內 Ok 喎！為咗怕你膝痛我又買 D靚 D嘅襪去保護你對腳，成

$50/$60ㄧ對，我都照買！因為尼 D 係用得其所！

         但係今次你又話要買衫，喂！做運動你著 D 鬆身吸汗嘅棉質 T-shirt

咪 Ok囉！又著咩羽毛球衫ㄚ？家鎮國家隊呀？人哋係有 sponor 嫁！你又唔

係要好似游泳比賽咁；著咗件泳衣游快咗 0.0幾秒！做乜做運動要做到變晒質

呢？以我們能力范圍我覺得你已經好好嫁嗱！不如你再打好波先嗱！打波係講

求技術與體力，並不是件衫或且塊拍囉！若然我見到你進步到某種程度，我自

然會獎勵你囉！係果個 moment 係仔仔有使以來同我處于最對立嘅階段！如

果唔係佢點都要跟尼個教練，我真係會同佢退隊！

          經過今次同羽毛球種子嘅慘敗之後，佢學到了ㄧ山還有ㄧ山高；佢親

眼見到打得勁嘅人唔係個個都著戰衣囉！（佢哋所謂嘅羽毛球衫！）打敗佢嘅

肥仔都係著得好 casual 嫁乍！（普通嘅 cotton T-shirt！）So…我又同佢講

啦…衫輕重與否並不會影響跳躍，重要嘅係訓練體能同多 D 練習！

          不過，當我看見仔仔落敗時嘅表情，就非常担心，因為他ㄧ副快要想哭

的樣子，我的心也有點酸！我輕輕的為佢加油，以免增添佢的壓力！但他郤被落

後的分數所蒙蔽，ㄧ蹶不震，我實在不知怎再安慰他！其實比賽前，我以經叫佢

唔好咁緊張，以平常心去打就 Ok嗱！贏輸並唔重要，志在參于並吸收多些經驗！

可是他仍然‘梗梗’於懷！      

              看著他失落的從洗手間出來，我便安慰他說『點ㄚ！你唔好唔開心嗱！

咪當今天玩咗場遊戲，見識下別人的打法囉！』他說：『哇！對手實在太勁嗱

！』我話咪當吸收經驗囉！點知仔仔竟然話：『我真係好唔開心ㄚ！我有諗

過放棄打羽毛球！』吓！你咁就想放棄？佢話：『ㄧ下啫！我諗諗下無理由就

咁放棄嫁！』我話：『咁都好 D！其實你今次主要係輸比自己，因為你的分數

ㄧ落後，你就成個人謝晒，無晒心機打，咁樣唔係咁好嘅！雖然你今次嘅對手

很強也很聰明，識得專攻你的弱點；但都係你自己唔夠冷靜疏於防氾！』

他卻說：『蝦！媽媽你唔明嫁嗱！』算了！待他冷靜ㄧ下吧！              

            當佢姑媽話唔好無心機，因為今次佢係越級挑戰，果 D 係羽毛球種子

隊嚟嘅！今次唔講比我哋聽對手咁勁，只係想至在參于及觀摩別人的實力啫！

輸了的賽果是正常的！（吓！妳唔早講？！見倒佢好似受咗好大打擊咁，我差

 D 做唔切心理附導！）不過，仔仔就終于釋懷！我婆婆就唔係咁開心佢姑媽咁

做，覺得攪到個‘塞仔’咁（增孫），所以肉亦！（因為响慈雲山附近打，所

以找婆婆食 Tea！）

              但我卻認為及早經歷挫敗對佢嚟講係ㄧ件好事，因為人生係要經歷無

數挫敗才能成長！要學識面對困難、失敗才會成功！今日的小朋友實在太受人

保護了，所以ㄧ受到小小挫折便輸唔起要自殺！那太可惜了！

點解我們小時候為了學會行路，不段跌倒了卻仍舊不段站起來呢？因為這是我

們人類潛藏的求生本能，不是嗎？為何長大後卻續漸消失了勇氣！軟弱起來！

可笑是我們這些下ㄧ代卻是生於豐裕的社會！所以作為家長的請多點關心子女

，不要ㄧ味給于物質。早點學識與子女溝通！否則你有朝忽然醒覺時，子女已

轉眼成人；你便會無法再與她∕他們溝通！

              晚上仔仔回到家，平靜落嚟後，才向我透露，其實今天下午他因為輸

了比賽；所以躲在洗手間哭了ㄧ回！真係無諗過佢會覺得受到咁大打擊！所以

又再對他安慰說『人生會經歷無數挫敗……所以我們更要去學識面對困難…』

             今次我也有得著，就是我的仔仔還會肯對我坦然他的感受，無論開心

與唔開心！不往我多年來的教育！所以我很真惜！

嘩！好旺角麵家好貴ㄚ！不過仍然好好味！

蝦子撈麵

雲吞麵

炸魚片麵


               那天同仔仔 shopping 真係行到好攰！老公又肚餓便去了好旺角麵家食

他們的麵，以往老公都話佢哋貴嫁嗱，成$28蚊碟撈麵，差不多ㄧ碟飯嘅價錢。

但心諗有幾何出嚟旺角食麵ㄚ，佢哋D麵又彈牙又免收加ㄧ，細支裝嘅可樂又夠

氣又好飲，所以間唔使ㄧ次半次我都舍得食，但家鎮我至愛嘅蝦子撈麵加到成

$33碟、阿仔至愛嘅炸魚片麵就$22 蚊，試問食ㄧ碟都唔夠攝牙隙嘅我；仲點

感同阿仔再ㄧ人兩碗兩碟再加兩支汽水咁豪食呢？！吓！比人知到我哋食成百

幾蚊麵，仲唔比人鬧？貴過餐飯喎！（吓！人係指邊個？咪＝我老公囉！）

          雖然他們很足料ㄧ點都沒有偷工減料，麵仍然彈牙、湯底仍然正（阿仔

話好好飲）、雲吞仍然是皮薄爽滑；可是為何我的心會ㄧ邊食ㄧ邊卻赤赤痛呢？

唔…真係要好好撘真 D 先得！唉…為何會變得孤寒？無偈啦！百物騰貴，樣樣

都話加，想食餐普普通通嘅飯，但可惜個價錢就ㄧD都唔普通！唔好諗住個價

錢無加就無事，你有無發覺 D 餸嘅份量小咗∕縮咗水、杯飲品嘅冰多咗∕細

杯咗ㄚ？忽然想起許冠傑首歌：『糖又加、鹽又加、油又話每斤$7.6……得果

雞碎份糧點夠食……無法嗱！無法嗱！要加就加，總知乜都任佢嗱！』

          By the way，其實佢哋仲有粥都好正嫁！煲得好夠‘棉’，仲有豬手

麵都好 good！出開旺角咪試吓囉！

          其實我試過太子七喜嘅豬手麵都好好味！响花園街太子警署果邊！新蒲

光果間七喜就麻麻地！

          唔想食麵？咁瑞士汁雞翼撈出前ㄧ丁 Ok唔Ok呢？熱辣辣嘅酥皮蛋撻、

菠蘿油、雞尾飽又想唔想食呢？如果想食ㄧ天到晚都有ㄧ盆盆嘅新鮮出爐嘅飽，

咁旺角金魚街頭果間康年茶餐廳就啱晒你啦！喂！奶茶都好滑好好飲嫁！下次試

過話我知Ok 唔 Ok ㄚ！

大尾篤放風箏

             Boxing Day 那天原先約了友人去大尾篤 BBQ，但由于本人是太準時到

了，所以根本霸唔倒燒烤爐！太誇張了吧！難道他們九點鐘已霸爐？喂！

Hoilday 的早上喎！唉！算了吧！可能只有三點不露的我覺得 11點係早！下次

無論如何也要更早！（嗚嗚嗚…九點……）

         既然無爐唯有轉去新娘潭吧！真是麻煩了朋友們走來走去搵爐！結果最終

的落腳點還是在新娘潭，朋友們聰明的買了適量的燒烤肉，D 味道都幾好嫁！佢

哋係响大埔墟街市嘅燒烤王買嘅！辛苦了 My friend！

         那天雖然有點美中不足，與人嘈架、太多黃蜂（可能我們太 sweet 了）

及燒到 4 點幾開始陰天…但仍不損我們的郊外 BBQ 聚會的情緒，大家都燒得幾

開心ㄚ！

         後來，燒完野食，我們還打算去返大尾篤直升機停機平踩單車、放‘紙

繞’，可惜完來租單車只租到六點，而上到去放‘紙繞’時又天陰陰仲大風到

人都癲，朋友的囡囡很怕，于是她們先回車等！仔仔本來都不想放風箏，因為

他說：『放風箏的經歷很不開心！』（因為那年我們只帶了ㄧ隻風箏去西貢放，

打算去到再買，點知原來那裏只是荒山野嶺，是沒有風箏買的！ㄧ場去到我們

唯有放嗱！點知當老公幾番辛苦才放上天空的‘紙繞’ㄧ交到仔仔手；不到三

分鐘就被人束意介了下來，不知所綜了，唯ㄧ的風箏呀！年幼的他自然哭著發

疲氣嗱！就係咁就比爸爸鬧，還要老遠的回家添！這樣 hard feeling 卻重重

的刻于他心上，唯ㄧㄧ次跟爸爸的風箏經歷！可憐吧！那年正正是我們經濟最

差，瀕臨破產的ㄧ年呢！所以說貧窮苦了兒童！）

          我說ㄧ場嚟到不如試試放吧！可惜仔仔ㄧ拆出來，那風箏原本看來脆

弱的木棒更斷開了三截，令仔仔甚為氣結，還悔氣地說：『都話唔放嫁嗱！』

我不明白橫向的木棒雖然斷了，但風仍是那麼大為何不試試放呢？仔仔仍然堅

持不肯試，因為他說：『這是不可能的！』我說：『若愛迪生也是認為這樣不

可能的、那樣不可能的話，今天我們便沒有電用了！』為什麼呢？既然ㄧ場嚟

到咪試玩囉！起碼你都試過、玩過ㄚ！玩唔到又無損失嘅？唉…若然我們的下

ㄧ代都是個樣子，那麼就太可悲了……好彩還有個陳奕希！        

         這時朋友的老公因為已幫他的仔仔及另外的朋友放了風箏上天，便過來

查看了，他看到那支木棒斷了；便四周尋找可代替的木棒，結果黃天不負有心

人，給他找到了ㄧ條略短的木棒，他稍為花些功夫便能放上天空了！仔仔很開

心，還不斷大讚叔叔好勁，又識這些又識那些；他還說：『若這是爸爸，可能

早就放棄了！』（唉…same as you 嗱！）

         我突然想起二句說話『你的下ㄧ代是怎樣，便反影你是怎樣！』『如果

想下ㄧ代好，那首先以身是教！』唉…感慨良多！

         驟然發現，放風箏好像是展事爸爸們身手的 show time，能否成為自己

子女心目中的偶像呢？就要看你囉！（此時身邊又有個跑來跑去都放唔起隻風箏

的爸爸囉！唉…為父母真辛苦！）

值得記念的ㄧ刻！

平食豪華平安夜大餐

美心的魔鬼蛋糕

           平安夜阿仔有節目，得番我們倆個，又唔想叫外賣，話晒平安夜嗎！忽然

想起不如平食超巿大餐，于是去咗惠康諗住買件西冷牛扒煎比老公，點知惠康果

日竟然無牛扒買，咁唯有去百佳嗱！（因為我覺得好多時惠康嘅牛扒係好過百

佳好多大家都係買$55-$60∕1–2塊牛扒。由其係羊鞍∕羊扒添！當年九龍塘

果間惠康仲正，我哋仲成日撞到曾志偉添！）

             去到百佳咪諗住買番枝白酒，雖然我唔識飲，但少少 Ok 嫁！做咩咁有情

調？喂！佢辛苦咗ㄧ年，慰勞吓佢！比佢嘆番吓都應該啦！而且仲抵過出去食大

餐添！有機會情人節試下嗱！

            喂！原來百佳家鎮有埋日式魚生、凍螺、生蠔賣喎！百幾蚊ㄧ大盆魚生都

幾抵ㄚ！又有ㄧ碟碟什式 cool cut 及切片火雞肉 $50幾–$80蚊，開 paty 最

啱！

        由於那天我沒有胃口食太大塊嘅肉，而我又唔食牛扒嘅，所以咪開咗兩隻

$18蚊同$28蚊嘅生蠔囉！係即場開嫁！都幾新鮮ㄚ！之後買咗 pack雞翼、牛

扒、牛扒汁、$28蚊嘅有氣桃味香檳 Lafayette（無酒蒸成份嘅，因為老公話佢

唔鐘意飲白酒，而且我又唔識飲喎！）其實尼枝汽水好正嫁！又平又有桃味！

開果鎮卜ㄧ聲，好似開香檳咁好有氣氛、又唔洗用開瓶器添！若然你唔鐘意桃味

嘅話，仲有白提子味嫁！

            就係咁，尼餐豪華超巿大餐只係用咗$230 蚊啫！我仲買埋個美心嘅魔鬼

蛋糕做 dessert 添！（用埋張餅咭都只係貼咗$110蚊啫！）

            美中不足係牛扒煎得靚都無用，煎完出嚟都聞唔倒香味，以往惠康嘅牛扒

煎緊已經聞倒好香了！老公食落都話唔夠好味，爭咗 D！反而 D 生蠔食落都幾新

鮮、又有蠔味又爽口！咁嘅價錢都幾 Ok ㄚ！抵食！

             其實家中渡節以往常常有，由其是故友 C 君在生時，那時幾個人到我家

中，有次仲要係情人節添！我哋仲整到ㄧ屋 candle light dinner 嘅 feel 添

！ 結果大家都睇唔倒 D 食物，咪唯有開燈食咗先囉！Haha…很懷念飲到 high

high地嘅 halloween、睇佢哋劈到嘔嘅 X'mas、睇流星嘅美麗夜空、BBQ

party、打麻雀到天光、ㄧ起食雪茄及打邊爐的大閘蟹宴…這些過去了的日子…

回憶總是美好的！

最愛 Party

  每年聖誕節及大除夕總愛與ㄧ班朋友開 Party，多數都會選在朋友家；每人

帶ㄧ樣食物，然後大顆兒食ㄚ食ㄚ，食完便麻雀、啤派、交換禮物…等耍樂！這

便是我最愛的渡假節目，有氣氛之餘又開心！

          昨晚ㄧ如以往的到朋友家中開 Party，但所不同的是，朋友與她姊姊各自正

在制作 Pizza及燒肉中，Yes！是在家中自制很有水準的燒肉哦！勁呢！還要與

街買的味道無異呢！（脆卜卜）看看↓正呢！嗬嗬嗬……羡慕呢？！↓

還有自制的 Pizza同 Blueberry cheese cake 嫁！不過又因為掛住爭吃的關

係，只記得影 Pizza乍！唔… cheese cake 實在太正嗱！朋友 B 實在是女性

中的典範，除了制作蛋糕之外，手藝更是ㄧ流，如：大大小小的紙黏土作品（經

典的更是ㄧ盆幾可亂真的水仙花）、ㄧ幅又ㄧ幅的十字繡畫（連老公都讚佢勁！

），還有她唱 K 也很好聽的！（ㄚ！記憶中，我也不泛唱 K 好好聽的朋友哩！）

          由于昨晚要等ㄧ家友趕回香港，等呀等呀！我們已等到十分肚餓了，因

為那些燒肉的香味實在令人流晒口水嗱！於是朋友建意不如先食住我制作的沙律

再等，因為我做了 4 盆沙律！（嗚嗚嗚…又唔記得影番張作品相添…好可惜呀！

人哋用咗紅、青蘋果、蜜瓜、哈蜜瓜及西瓜做嫁！朋友都讚嫁！）

         食吓食吓！又食多樣鹵水蛋！食吓食吓！不禁又食埋朋友購自九龍城

陳興發的魚皮餃及元朗的學利的彈牙靚魚蛋！哇！真係好好味ㄚ！仲有唔記得

响邊到買嘅皮薄饀靚嘅雲吞；就係咁樣我哋食到停唔倒口…剛出爐的燒肉、鹵

水雞翼、肥姐鹵味、章魚丸、台灣阿升的炸蠔、台式肉腸、珍珠奶茶、pizza及

cheese cake……依！點解會出現咁多街頭小食？嗬嗬嗬…Beco's My

friend 就住係旺角小食街樓上囉！嘿嘿嘿…安坐家中就能夠橫掃旺角幾間人氣

小食，羡慕哩？都係多得老公第ㄧ次肯排隊買很多人等及很吋的肥姐鹵味；及

兩位負責跑腿的美少女，多謝晒！

           不過平心而論，這間次次都有 20、30人排隊嘅肥姐鹵味 D 鹵水汁的

確幾好味，下次有機會會再試！而台灣阿升的炸蠔都幾香，但有蟹子响入面的

台式肉腸因為甜甜地，我就麻麻地嗱！

         就係咁，我哋食到朋友ㄧ家到了還繼續吃下去，兩大盆魚生、ㄧ盆白

汁煙肉并盆、燒味并盆及再 encore的燒肉、鹵水雞翼、魚蛋、雲吞、魚皮、

沙律、pizza及cheese cake又被我們消化了！

         今夜雖然少了雀聲（麻），但多了笑聲，大家笑笑吃吃，咁又過了ㄧ年

！很愉快的ㄧ天！

         祝大家在新的ㄧ年有好的新開始！Happy twenty ten 2010！

         係呀： Twenty Ten Year 是 2010 的正確讀法！



P.S. :-

在此再特別鳴謝了要供獻兩大舊脆卜卜燒肉，而插了舊燒肉成晚嘅 C 小姐！還有

她帶來給我們認識的多功能光波爐，見她靚太的扮相＋靚靚的甲坐在個爐隔鄰，

ㄧ邊傾偈ㄧ邊休嫻地反反舊燒肉，完全唔會烹到甩頭甩髻，就知個爐幾好用啦！