母親的決擇

今天聽到了兩件令人痛惜的事，又有一個母親與兒子一起自殺了！母親被

救起了，但送院後不治，7歲兒子仍未尋回！唉…稚子無辜！作為父母你∕妳有

權決定他∕她的生死嗎？媽媽…妳為何如此忍心呢？妳真的可以恨心的把他∕她

拋下嗎？他∕她不是垃圾呀！他∕她是個活生生的人，有權選擇自己的人生！妳

可層想過當他∕她被信任的人拋下時，是多麼的驚慌嗎？這真的是愛他∕她嗎？

這真的是唯一可行的路嗎？既然妳有勇氣去死，為什麼卻沒勇氣活下來呢？

          明白單親媽媽的路不好走，但能夠生活在香港已經是很幸福了！因為有著

各種機構∕社會福利去幫妳、幫孩子，總算不會餓死街頭吧！請看看那些第三

國家的人、因四川大地震而殘缺的人，他們不是咬緊牙關努力活著嗎？

           看著朋友多年來如何辛苦獨自養活兒子，沒有家人支援、沒有繕養費；

沒有領取宗援的她，不知受盡多少白眼，但即使如此她仍舊努力活著！為的只

為兒子是她帶來世上的，他是她的責任！

            所以真的很希望為人父母的請先三思而後行，遇到解決不了的事請找人

傾訴或幫忙，切勿輕易做儍事！

             而另一件，是仔仔的同學媽咪，終於決定了要與丈夫離婚，因為丈夫除

了不肯工作之外，還包二奶；所以她決定四月要帶兒子回內地升學……唉！難

道她不知道香港的畢業證書是多重要的嗎？她不知道兒子在香港是有 9 年免費

教育嗎？她不知道回到內地升學要付多少學費嗎？這是一個女人能獨力付擔得

起嗎？供書教學是並不容易的事！雖然一個人要孤身在香港生活，沒有家人撐

著是很艱難，但最少响生活上也有政府支援，不致於無瓦遮頭、不仇沒有錢交

學費、不必擔心無飯開ㄚ！

            唉…又是一段內地新娘的悲歌！生活環境與文化的差異，真是譜出多少

悲劇！明白要離開自己的家鄉、離開自己的家人，生活在沒有朋友的異地是多

艱辛，但是為了要給下一代最好的，請妳冷靜下來；停一停、諗一諗，好好為

他∕她想一想好嗎？孩子在缺乏知識的成長，他未來將會變成怎樣呢？

            好唔開心，好想幫這個媽媽，但是與不相熟的她開口，是否太兀突呢？

她會否覺得我太多事呢？仔仔說她的兒子是個很聰明、又有創意的人；也是他

的好朋友，很不捨得他離開；而且也告知她們可找社褔幫忙，但看樣子他的媽

媽卻很執意帶他回內地。

            現在我很煩惱，究竟如果我將事情告知班主任會否幫到她們呢？但仔仔

一定很嬲我太多事及出賣他，他以後一定不會將任何秘密講給我聽！但是，如

果萬一她們發生什麼不幸事的話，想必我將會內疚一生！唉…進退兩難，

What can I do？我真的太多事嗎？還是我想太多呢！

Saizeriya 日式快餐–慈雲山中心

            昨日與婆婆在慈雲山中心食 Tea，由於同妹妹唔想食來食去都係果 D，

於是便挑選了這間日式快餐店 Saizeriya試試，因為婆婆肯接受西餐，所以我們

可以多些選擇，唔洗局限於中式。（所以做個勇於嚐試，肯接受新事物的老人家

係會幸福好多嫁！）

            可能係 3 點零鐘嘅關係，初初入到去只得兩三枱客，佢哋嘅裝修亦都很

光猛簡單，個 menu 嘅食品主要以西式為主：–沙律、腸仔、湯、焗田螺、

意粉、pizza、鐵板扒。價錢相當大眾化，$20幾蚊ㄧ個意粉∕pizza∕焗田螺

，$30幾蚊ㄧ個鐵板扒；＋$16∕18就可以有飯有湯∕飲品；再唔係只須＋$5

就有碟白飯（約ㄧ碗）；又或且＋$8（大人）∕$4（小童）就可以有無限次任

飲飲品（這個價錢是 Tea time時段，晚餐都係貴番少少啫！）啱晒 D鐘意飲野

嘅人，由於係自助式，所以你可以試多幾種飲品。（如果你唔怕肚痛的話！）

         而飲品方面都幾多選擇，有：–汽水、檸茶（無檸檬果種）、Mocha

、熱朱古力、桃味茶包及綠茶茶包等。再唔係你可以 order menu上面嘅生果

味酒（當然係另外收費啦！）

         我哋 order 咗個芝士 pizza、墨汁意粉、鐵板芝士雞扒＋白飯&湯、

焗田螺、卡幫那意粉（因為他們比錯了）及飲品。先到嘅係 pizza，芝士味香

濃，飽底適中，不會太薄或太厚，味道好好；但後來來的墨汁意粉洋葱太多，

蓋過晒意粉嘅味道，變咗好似食緊洋葱咁！這是最差的烹法！之後來的粟米湯

，你原全 feel 到係成口粉囉！而焗田螺，你只係見到 D牛油及蒜蓉淹住 D田

螺，咁當然係食唔倒田螺味嫁，你只覺得食緊牛油淹蒜蓉！

        另外的卡幫那意粉及鐵板芝士雞扒，則味道普普通通；但值得ㄧ讚嘅係

佢哋 D芝士好好味、好香；pizza 又抵食又好味，份量足夠二至三人享用。至

於個雞扒 D 味道雖然係ㄧ般，但起碼唔會太鹹、又無雪味。

        妹妹及她的仔仔亦可以好開懷地試飲覺種飲品。埋單都只係 $167蚊，

4 個人相當抵食。坐落先發現，原來都有好多學生嚟食固喎！咁又係！尼道

平個 pizza hut 之餘，D 薄餅又無咁多味精、D飲品仲係幾蚊雞可以無限

refill 添！唔洗下下比$10幾蚊杯，分分鐘杯野飲仲貴過個 tea set！

       下次有機會去開果度，記得試下個抵食夾大件嘅 pizza 啦！

        

朋友、離婚

         由上年至今年已聽過朋友要離婚的，或且經已離婚的有兩宗；將近離婚的

有三宗（還未計我自己），其中兩宗更是由仔仔的同學親述，唉…ㄧ關於到小朋

友的，相信或多或少會對他們的心靈做成傷害！這點令到我也有點內疚，因為上

年我自己亦層經同仔仔傾過，雖然已事過境遷；但今天再聽見仔仔說同學的媽媽

決定要跟那個不務正業的爸爸離婚，更數著他的爸爸如何差……其他的同學也群

起讓著想打這個爸爸（當然解釋了給仔仔聽暴力是解決不了問題的），同學的媽

媽更揚言要他退學；並帶他回內地居住幾年後才回來……朋友們在校中訴說著離

情。

           看著仔仔嘆息著不捨得分離，縱使未成事實，但是這種不安的情緒在小孩

們心間漫延，夠竟都會影響到學業成績，由其是今年那麼重要的畢業試！令我不

禁想起當天我的仔仔是用何種心情向他的好友訴說自己的事？！想起家鎮都有點

心酸！

             或許你會覺得我好狠心，為什麼大人的事要‘牽攝’到小孩子身上；但

是我卻認為他已長得那麼大，應該有權知到父母間發生什麼事；況且若然我們

不著痕積的分開，可能他會接受不了突如期來的改變！咁當然ㄧ定從旁觀察及

作出心理附導，但是小孩子的心事真的會完全剖白給我知嗎？我真的不清楚！

             左思又想之下，便對仔仔說，如果同學仔仍然不開心的話，不如提意他

找那位關心他們的阿 sir 傾訴；又或且叫她媽媽找社工幫忙，千祈不要避走內

地，因為這是解決不了問題；且更累了小孩！

            近年由于太多港人在國內結婚，大家文化差異又大，再加上經濟環境轉

差，這些導火線所衍生的問題令事情變得更加複雜化；但無論如何，大人出咗

問題時，不是第ㄧ時間考慮咗孩子的福利為先嗎？但為什麼她們總是想ㄧ走了

之呢？自己生出來的骨肉也可拋棄嗎？唉…真的不明所以！

             今次，另ㄧ個朋友婚姻出現了問題，是因女方出來工作見識多了，反

而朋友卻因經濟環境轉差，所以搵錢少了；後來女方又因為結識了男友，因

此無論朋友如何將辛苦搵番嚟嘅錢進貢給她，也不能挽回她的心……這樣的

婚姻為何仍要挽回呢？大多人也會這樣問，亦都會很同情男方，但站在婚姻

角度上實在難分錯與對！

              怪只能怪男方太過大男人，有多少辛酸只會往自己肩上摃，有淚只

往只往自己肚內吞！怪只能怪香港太過花花世界，多少人受不住金錢慾望的

誘惑！怪只能怪經濟環境轉型，苦了基層巿民！

              不管如何，當婚姻出現了問題時，絕對是沒有任何ㄧ方獲勝的；既

然已成事實，我好希望大人的事由大人解決，千萬不要小孩來承担，稚子無

辜。

真係好難食嘅 Rice paper（又一城）

←menu

           尋日由於 shop 唔倒 H&M x Sonia Rykiel 個 collection，便同阿 J、

仔仔ㄧ行三人去搵食，因為想食越南野，咁咪去咗 EXP 樓上間餐廳，但發覺原

來間舖已經轉咗做 Rice paper， J 仲話經已轉咗好耐添！而ㄧ向 D 人都話

Rice paper D 野唔好味，但由於我哋上到去、又想食越南野，見佢間舖又好

似幾好坐咪試試囉！

        入到去，查實都算好坐嘅，但唔知係咪 tea time 呢？成間舖好似得三

個waiter 咁，佢仲忙到好似唔得閒落單咁。其實佢哋的確算細心，冬天有杯暖

水比你飲。不過，唔明解點解個 menu 係兩張紙嚟嫁呢？需則佢哋叫米紙啫

（越南菜之特色之一），但係個 menu 都唔洗咁殘；可以張張紙過一過膠嫁！

（J 話）

        終於都落咗 order，由於入嚟果鎮比佢哋D蛋糕吸引住，我們又唔係太肚

餓，便求其叫咗碗雞絲湯粉 $68（因為佢都算大碗）、一個牛油雞翼、一杯椰

汁珍多冰及一杯芒菓、菠蘿、荔枝沙冰，諗住留返個肚鎮間食 cake。因為 J

怕甜，咪叫佢哋少甜囉！

        結果兩杯飲品先到，個買相都幾好，但可惜ㄧ飲落去，發覺佢哋並唔係

少甜；而係走甜，一杯完全係得椰子香但係又無椰汁味嘅珍多冰，原來係咁難

飲嘅！仲有 D 珍多原來係咁真貴嘅，幼過條頭髮不突止，仲難以响個杯內找尋

得到；經 J 幾番角力後，飲咗落肚都唔覺，哈！真神奇嗱！至於，阿仔果杯仲

正，完全係無芒菓同荔枝味，就好似飲緊罐頭菠蘿汁咁，但係又唔酸又唔甜喎

！尼D真係正宗嘅特飲嗱！（特別難飲）！

        主角雞絲湯粉終於上場，個碗的確好大，可以分到 3 小碗；不過，佢除

咗得個大字之外，就ㄧ D都唔好味！你只可以食到少少苦嘅配菜同雪雞嘅雪味

，個牛油雞翼都算味道最正常，無雪味、味道都 Ok！但經過前面的 Bad

feeling 之後，我哋決定唔會再 order 任何食物，亦都唔會再嚟！埋單HKD

226，都唔知食咗 D 乜？！

         所以無論你間舖裝修得幾美輪美煥都好，D 食物難食嘅話，仲點會有

人幫襯你呢？唉…

 

 

 

H&M x Sonia Rykiel

昨天約了朋友 J 在九龍塘 high tea 補祝番佢嘅生日，點知 J 話佢要先去

H & M 排隊？ E！點解 J 要去H & M 排隊呢？哦！原來她們响昨日推出一個同

Sonia Rykiel cross over 嘅針織衫 colletion，尼一個系列有 Ladies同 girls

兩組，有 causel 嘅 jumper、jumpsuit，Fine dress，cardigan同服古嘅

blazer。於是乎未能即刻到又一城 shopping嘅我，便先上她們的網頁用眼睛

shop 咗先。

        打開咗個 web site 發現佢哋今次的 present好靚，可能係背境優美；

又或且係果 D 好似立體動畫嘅相好吸引，所以我好鐘意，便 copy 底個 web

address比大家欣賞吓！

        雖然我本人覺得件 shocking pink 嘅blazer 有點娘，黑色嘅jumpsuit

有點 common，但應該好易 carry、易襯；但係當我仲未嚟得切親眼目倒尼個

colletion嘅時候，我個 12點幾已經到達嘅 friend，經已立刻打電話嚟報料話

個colletion D jumper；已經比人ㄧ件不留的全數掃走了！吓？？洗唔洗呀！

我仲未親眼見過、摸過我鐘意嘅 cardigan係咩料喎！

        J 好唔忿氣，雖然佢都覺得個 colletion普通，但佢都諗住買番ㄧ兩嚟襯

吓衫家嗎！但家鎮只係剩番件則邊有隻蝴蝶款嘅 dress，又點買得落呢？唉！

女人 shopping 起嚟真係好狼，even件衫妳係咪想買，但當妳 11點鐘排到隊

入到去，都必定會掃番幾件走嘅！Why？因為有優越感囉！因為限量版囉！因

為人哋無，但妳卻可以恤先穿上囉！Even，比我入去都可能買咗件 cardigan

嫁！未必因為件衫好靚，但係係果個 moment 妳會突然好鐘意、好衝動、好

唔理智咁去咗比錢！跟住返到屋企，打開個衣櫃，妳會發覺原來妳已經有好多

件類似嘅衫，然後妳會安慰自己話尼件同果件都唔同、淨係個顏色都唔同啦…

唉！女人嗎！

         今次尼個系列其實都同 H& M 嘅作風ㄧ樣，basic 得嚟又有服古 feel，

D顏色仲好 sharp添！價錢又大衆化$300-$400件 designer嘅 cross over作

品，難怪連設計師鄧達智都話『依家都冇話跟D 咩 fashion trendy，因為 D

時裝做到咁大衆化、又平！好似 H& M咁！』

         但係想買嘅朋友都只能 window shop；又或且係欣賞吓個網頁囉！ 

http://www.hm.com/hk/__fashion.nhtml#/sonia_rykiel/

聚會在Mega Box– CEO karaoke

            朋友一家大細從英國回來，相約食飯但又想同仔仔囡囡唱 K，突然想起上

年暑假時，層與她們在 Mega Box 的 CEO聚會，果次都 Ok ㄚ！所以今次再介

紹（有埋相） ，咁當然而家會貴 D 約$210位（Burffet＋2個 drink連 K鐘 7pm

- 12am）玩足成晚都算抵ㄚ，果晚仲話可以比我哋玩到朝早 5 點幾添！咁如果

你當 2 百幾係 Burffet錢，食尼 D 野咪唔抵囉！

        其實，响 Karaoke 嘅Burffet嚟講佢 D 食物嘅味道都算幾好嫁嗱！尋晚

佢哋比咗個房係好近 Burffet 嘅，又有兩邊電視、又有電腦，真係 very good

ㄚ，連朋友都覺得個氣氛唔錯！

            至於食物方面，不知是否今次收正價（上次只係 +$10啫），所以D 食物

嘅味道好過上次。要值得一讚係佢哋 refill 食物嘅速道很快，除咗有個牌仔例明

D 限量嘅食物推出嘅時間之外；仲會响 KTV上面 show 出個時間 remind 你，

不過你千祈唔好太大安指意，遲遲先行出去，因為 D hot item嘅食物，如：–

原盅人參雞湯、焗龍蝦、朱古力心太軟…等，話咗係得咁多份就出咁多份，遲咗

排隊輪到你都無嫁嗱！

        有咩食？！好，介紹多次：–

日式冷盤：–三文魚、吞拿魚、北寄貝…等刺身，還有壽司、冷麵。

西式冷盤：–沙律、cool cut、龍蝦仔、螺

熱盤：–中式小炒、蔬菜、素菜、雞、芝麻斑、牛雜、腸仔、點心（燒買、牛

                 肉）、燒牛肉、青口、麵包、Pizza、薯蓉、牛仔骨、中西式湯、原

            盅人參雞湯、焗龍蝦、酥皮牛柳、一人火鍋（肥牛、丸、烏冬、芋

            絲、炸魚皮、豆卜）……

日式熱盤：–鐵板炒麵、串燒（雞、豬、羊、鴨腎、刀秋魚）

甜品：–芒果chesse cake、黑森林、chocolate mousse、木糠布甸、啫

           喱、ㄧ口蛋糕、朱古力心太軟……

             總括嚟講抵玩抵食，埋單HKD2,080（平均一人$260，我哋仲叫多咗

半打啤酒，$218買 6 支送 2支。）大至上食物嘅味道及質數我都比 70 分！

☆★我的好味推介有：–原盅人參雞湯、螺、三文魚、Pizza、一人火鍋、

                              鐵板炒麵、雞串燒、朱古力心太軟、chocolate

                              mousse、黑森林及沙律☆★

阿一天下–鮑魚、魚翅、燕窩生日飯

              昨天，非常忙錄的一天，從深圳到尖沙咀走兩場！Busy？Of cousre，

新年嗎！祝大家萬事如意！朋友提意不如今次 G 的生日食有鮑魚、魚翅、燕窩

的雀局飯，但是因為有些朋友不打麻雀兼且又要返工、又有小朋友，除非去

club house，否則新年時候實在很難安排到兩全其美，所以最後決定只有飯局。

             原本無頭緒去那處食飯，但剛剛看到了飲食男女介紹的阿ㄧ天下有個抵食

套餐，只須 $168 便有鮑魚、魚翅、燕窩食，他們的 selling point 係用阿ㄧ的

罐頭鮑魚，而且還有些小菜；又有西式的扒、焗飯；又有鮑魚粥同鮑魚麵；仲有

$50-$60 的燕窩甜品添！好似好多選擇咁，於是便去試試！

        當晚晚飯時間但並唔係有太多人，以為是比較早，（點知成晚都係得幾枱

客，攪到好似包場咁！）我們有大有細ㄧ行十五，但由於無圓枱；朋友們又唔想

張枱太長，於是便分開兩 group坐，ㄧ邊坐兩枱；傾偈非常唔方便，好似分開兩

班朋友聚會咁，未能盡慶！

            我們那邊叫了 6 個套餐，兩個是$128的套餐有魚翅及1個小菜，但是沒有

杏汁燕窩，只有 1杯飲品，而另外4個是$168餐；其中兩個我們選擇了鮑魚雞扒

焗飯及鮑魚豬頸肉飯；朋友那邊則叫了 2個套餐、炒飯、炒麵等等。

        先上的魚翅，是阿ㄧ天下首創的黃燜翅，用料是南瓜、鵝掌及魚翅，我就

覺得甜得嚟似南瓜湯多過似魚翅，始終都係用傳統做法好 D，但老公覺得個味道

幾特別，口味清新。到我們的紅燒魚翅上場時，除咗首先影底張相之外；仲要睇

睇佢 D料足唔足。雖然是$168套餐，但發覺他們的排翅都算足料，但是個味道

卻似蠔油湯，而且略鹹。

        到上主菜焗飯時，覺得個買相同味道都幾好，隻鮑魚夠彈牙又夠味，但可

惜亦是較鹹，反而係果個原隻鮑魚就唔夠味；而朋友的梅菜扣肉味道是Ok的，

但個汁卻勁鹹！朋友說「唔知係味要就番隻鮑魚，所以好似樣樣 D 汁都ㄧ樣！」

亦可能係咁，我哋越食越覺得個口好鹹！

        而另外那邊的朋友，因為主要是叫炒飯、炒麵及小菜，所以她們覺得並不

太鹹，味道 Ok！後來，我們再 order 咗2個小食，炸茄子及炸豆腐，哇！我們

真的錯了！個炸茄子ㄧ眼望落去就知個脆漿太厚、勁多油，果然咬ㄧ啖成口都是

油，香口是香口；但卻像是食緊油炸鬼般，ㄧD都唔似食蔬菜。其實尼道菜真係

好巧個廚師嘅功夫，又要脆漿夠薄、又要令到客人唔會咬到成口油；所以自己

ㄧ向都好欣賞日本人的炸物（揚物）–天婦羅（Tempura），因為他們除咗個

脆漿夠薄之外，這樣的做法會令到蔬菜更香口，又有口感，由其係ㄧD較為淋身

嘅蔬菜，如：南瓜、茄子及芋頭。

         炸豆腐，望落去就 Ok，ㄧ口ㄧ粒咁，但係ㄧ見到佢哋面頭加咗咁多七

味粉，就心知不妙！因為大分部的七味粉是有很多味精的！果然大家都比 D味

精到個口無乜味覺，飲咗好多茶！最弊係 D 茶，仔仔同朋友 O 都覺得 D 茶味

怪怪地，好似有水喉水嘅味咁；唔知係咪我哋比 D鹹嘅味覺影饗晒，所以以經

飲唔出 D 乜野味，只係覺得杯茶極淡。

         到尾聲上甜品嘅時候，由於本人不喜歡杏仁，所以他們便張杏汁與燕窩

分開上；果然我的決定是明智的，因為個杏汁實在太難食，連朋友 T 都話差，

咁無偈啦，我為有齋食ㄧ個淡而無味嘅燕窩啦！Anyway, 個燕窩都算多嫁嗱，

但佢哋明唔明呢？！味道如果好，料少 D 都無問題；但料多味道唔好嘅話，盞

嘥氣！所以如果甜品唔係個廚師撚手小菜嘅時候，咪ㄧ切都應該歸於簡單！用

番原汁原味嘅冰糖燕窩，簡簡單單咪 Ok 囉！

         埋單 HKD2,383，唔算太貴。總括嚟講尼道無乜特別！但如果响尖沙咀

返工嘅朋友，又想食吓鮑魚；都可以試吓個焗飯嘅！

P.S.: –

我覺得佢哋嘅女厠門隙太大了，如厠時非常尷尬！

二十幾年前日本嘅 Mos Burger

             好耐都無去過旅行嗱！果日由于仔仔要摷番 D 舊相返學，於是摷摷吓搵

番本收藏了 20 幾年前的相簿出來，那是我首次撘飛機出去旅行；仲要係同幾個

而家已經無聯絡嘅朋友去日本，果次我哋係自由行（自駕），行程係朋友在日本

的男友幫我們編排的；這次的旅遊經歷難忘又深刻，總之係 very good ！

            在我嚟講去旅行最重要係玩、食同埋 shopping！我咁攙嘴，食梗係重

要啦！所以果次真係令我食得很開心，除咗 D食物好味之外，印象最深刻係去

東京狄士尼玩完之後食嘅牛扒∕牛肉？！我忘了是否牛扒，因為當年朋友好

似仲笑我做乜响快餐店點牛扒，唉忘了…我只記得那天因為太累了，所以便

求其入了附近ㄧ間快餐店，但估唔到佢哋 D 牛肉可以咁 juicy 咁好味嘅，除

咗牛肉超正之外，個醬汁簡直令人ㄧ試難忘！（Yes！果鎮我仲未介牛肉的

。）回到香港之後，令我念念不忘嘅竟然係佢哋嘅牛肉！當時因為超好味，

所以我 keep 住咗張紙巾（尼個係我個習慣，所以當年有很多收集品）。

         估唔到 20 年後嘅今日ㄧ睇之下，赫然發現原來這間店鋪就是已登陸

了香港ㄧ段時間的 Mos Buger，哈！世事真係其妙！原來佢哋 D牛肉响20

年前已經咁 juicy、D 醬汁又咁好味固喎！須然今日的我已介丟牛肉，但是

他們的照燒雞burger 也是很好味的夠 juicy，仔仔話果個牛肉burger也很

 juicy（貴果隻）、（朗豪坊分店，因為間間都會有 D出入嫁。）

         今次要介紹嘅係佢哋嘅魚柳飽（好似係 $18/$16蚊），芝士香、魚

柳脆、飽夠鬆軟，正！抵食！（仔仔推介）↓        

照燒雞burger

又一城 Amaroni's Little Italy 傳聞中的 Tiramisu

          一直都想去九龍塘又一城這間傳聞中 Tiramisu出名的Amaroni's Little

Italy 意大利餐廳，但可惜總係唔啱 timing，估唔到ㄧ等就等咗咁多年！

       今次托朋友 J 及她姊姊的福，我們才可以到這裏ㄧ嚐這個 Tiramisu（因

為 J 的姊姊肚痛，所以不能帶 J 到九龍城的小店ㄧ嚐他們好味甜品拿破倫，又

是 timing的問題！）依！咁應唔應該衰衰咁多謝佢肚痛呢？！

          果日我哋係去 high tea，所以比較抵！平均 hkd 52 個 tea set，包個

熱飲、凍飲要補少少錢，咁當然要改做 cuppucino∕latte要另外加 hkd 10

嗱！我哋叫咗 2 個 Tiramisu同 1個 chocolate mousse，嚟到嘅時候我急

不及待試咗個chocolate mousse 1啖，哇！個味道好似柯華田雪糕ㄚ！可

能係佢奶味太重，雖然朱古力味略淡，但係味道都唔錯，J 都同意！

      至於阿主角 Tiramisu–真係估唔到喎！件 cake 係咁大件固噃，J 說已

經唔算大件嫁啦，尼個 size 只係佢正價嘅size 的三份ㄧ。吓！唔怪得之 J

話起碼倆個人先至食得晒啦！嘻！建議情侶們 or to be 情侶們快 D去試試

囉！因為佢哋已經將餐廳佈置好，相信倆個人夜晚黑去食甜品會好有 feel

囉！Even，佢正價都係幾十蚊唔係好貴嫁乍，J 說！（飲埋杯咖啡都係

within $100抵ㄚ！）果道仲有 wine 同啤酒提供，個氣氛 Ok嫁！

       講番個 Tiramisu嘅味道先–佢係幾好味嘅，酒味香、但唔會重到浸濕

晒下層嘅蛋糕，佢嘅酒味有 D似 Baileys（ㄧ種咖啡酒）。不過 J 姊姊卻嫌

牠重佢酒味，但對於唔識飲酒嘅我嚟講又 OK 噃！蛋糕夠鬆軟、cream唔會

太漏、又唔會太甜，朱古力粉嘅份量適中，唔會太多，所以無咁易嗆喉。試

過好多次因為朱古力粉放得太多，當我好開心ㄧ啖放落口果鎮，攪到立刻嗆

晒喉係咁咳！哇！幾乎無晒儀態添！ 

       總括嚟講佢哋嘅 Tiramisu係值得ㄧ試嘅，不過因為佢嘅份量係 cake

嚟講真係比較大件，所以細食嘅朋友可能要同朋友 share；因為我同 J 雖然

都有另ㄧ個胃用來食甜品，但跟據食量大的我果日嘅經驗嚟講，的確係好飽

。（我們 tea嘅時間只係相距 lunch 之後半個鐘乍！）



P.S.: –多謝 J 請客！

年二十六 行維園花市

            尋日老公放假兼仔仔放早，我們ㄧ家去咗維園行花市。最勁嘅係我們首站

竟然係先去中央圖書借書！哇超健康的 family day！今次係老公自仔仔咁大個

以嚟首次陪佢去圖書館呢！哈哈…難得難得！

        我哋通常行花市會先行完乾貨才去買花的！但自上年起我們已沒去花市買

花了，因為費事拎餐死之餘又唔係平好多！（因為你要買ㄧ束果種花才抵，但係

我哋跟本唔須要插兩樽。）

            昨天發現維園嘅花檔好似少咗好多咁，老公話差唔多喎！我就覺得花種類

唔太多，蘭花、水仙檔就好似比較多 D，而傳統嘅菊花呀、劍蘭呀比較少咗 D，

都係旺角花虛嘅花種較多，易襯 D，但是卻太大束了。而今年價格方面都唔算太

貴！

           乾貨方面無乜太凸出嘅貨品，唯ㄧ比較啜核嘅係印有曾特首個頭嘅厠紙囉！

阿仔話曾特首真係慘，竟然比人用嚟抹 Pat Pat！D人洗唔洗咁樣呀！唉…no

comments！

        其實，今年 D 老虎咕ο臣、老虎帽同超大嘅拖鞋都幾靚，（不過咁大會唔

會跌呢？）最好都係個吹氣老虎不倒翁；有新年氣氛之餘又可以用嚟出氣，仲有

盞蘋菓燈都幾得意ㄚ！（佢哋個檔口好慘，淹濕晒D貨，不過仔仔都幫佢哋買咗

3 架車，幾靚嫁、又平！）唔知係咪因為情人節嘅關係，所以有好多公仔同花買

（膠嘅嘅、布嘅、食得嘅！）雖然 D 公仔都幾靚，但可惜太多近似嘅檔口，咁

就變成無乜特色囉！

        最把鬼嘅係隻老虎爪（連仔仔話得意但無用！）、買手袋同地墊嘅檔口，

攪到都唔似年宵灘位嘅！

        Anyway, 後生仔女，有時間都值得行下嫁！新年嗎！去感受下氣氛都好

ㄚ！

        By the way, 小食檔除咗 D 辣魚蛋夠辣，Ok 之外！果 D 唔辣嘅魚蛋

同牛雜完全無味！炸大腸又炸到黑黑地…… D 油好似用咗千年咁款！（乜唔

係尋日先至開咩？）

←戰利品↓

客家話

一個半筒水嘅人教你講我所記得嘅客家話！身為正宗嘅客家人（因父母均

為客家人）梗係識番 D客家話旁身啦！自小聽聽埋埋唔小客家話，因為婆婆經

常同 D 親戚朋友講，爸爸返到屋企又講。咁身為的媽媽為什麼會唔講？嗬嗬嗬

嗬！因為媽媽實在太聰明了，小時候婆婆帶她從鄉下走難落到嚟香港，果時

婆婆又要做泥工，邊有時間教佢ㄚ；咁佢咪ㄧ直都只係識講客家話，後來入學

（直接入讀小學，邊有錢讀幼字園嫁），間學校仲要係係徙置區嘅頂樓！（呢

果 D 八層樓高果種）簡漏？果鎮有書讀就已經好好啦！（咁阿公响邊？咪就

係自己再响香港結咗婚、生咗三個仔囉！個男人係咁無良心嫁啦！）

            就係咁老師有老師用廣東話教，阿媽就乜都聽唔明，唔洗問嗱，阿媽

咪比老師鬧佢唔肯開口囉，又叫阿婆嚟；於是媽媽梗比婆婆鬧到驚嗱！自此

之後，阿媽咪成日講廣東話囉！久而久之，連客家話係點講都唔記得落，只

係識聽啫。

           哈！唔知由幾時開始，婆婆同嘅爸爸對話已經全部變晒做廣東話呢？！

或許是由阿婆必定沖壺普利茶變為間中先至沖泡嘅龍井？！又或許是婆婆的

紙牌腳相繼去世？定係爸爸搵錢開始多，所以我們生活起了變化呢？隨住這

些習慣漸漸改變，我的印象開始糢糊了！

            不明所以，ㄧ直想記下這個語言–ㄧ種令人懷念的語言。現在終於可

以達成我的心願，留低小時候的生活點滴了！小時候除咗會詢問婆婆的往事

之外，便是問她這句客家話點講、那句又點講！因為覺得佢 D 發音好得意，

有些像英文又有些像日文。

            唔記得係咪聽過 D 宗教故事，話以前世上只得ㄧ種語言，但由於人類

開始變得自大、不安份，所以上帝令到人人都各講ㄧ種語言……不信上帝的

我唔知這個可信性有幾高！但憑我們各種語言的相似度推敲，我確信幾萬∕

千年前人類的早先是同種！     


包教曉客家話拼音：–

廣東話                                                 客家話

1) 我                                                      1) 崖

2) 你                                                      2)  ngi （讀音），唌～∕賢～

3) 婆婆                                                  3)  姐破

4) 阿媽                                                  4)  亞 me

5) 我個女                              5) 雅宅 mai 住 

（★註：音「宅」＝ 隻，因為客家人形容人係ㄧ隻隻，而動物係ㄧ條條嘅！）

6) 我係客家人                         6)  崖嘻客加燃

7) 你食飯未呀？                                   7)  ngi  洩番唔塡啊？

8) 我食咗囉！                                       8) 崖洩呆囉！

9) 起身                                                   9) 康線

10) 沖涼∕洗身                                   10) 沖線

11) 瞓（睡眠）                                   11) 腮目                      

12) 我話                                               12) 崖哇

13) 我叫你                                           13) 崖喊 ngi                             

14) 我話唔係                                       14) 崖哇唔嘻

15) 係唔係                                           15) 嘻唔嘻

16)  唔洗嗱∕唔雖要                           16) 唔 sue la

17)  係咪呢                                           17) 嘻咩

18)  得啦                                               18) 笛啦

19) 做乜野                                            19) 咗罵街

20)  講乜野                                           20) 光罵街

21)  陣間先                                           21) 煎間肘啊

22)  常常∕成日                                   22) 過 eat

23) 唔洗驚                             23) 唔（最高音）樹狂

24)  我未返到屋企！                           24) 崖盲俊

25)  70幾蚊                                           25) 切濕幾悶

26)  裙姐 （人名–婆婆的姊妹）      26) 顴（最高音）揸

27)  姨婆                                               27)  E 破

28)  小便                                               28) 柯 L



鬧人說話    

29)  你係咪痴線                                   29)  ngi  嘻咩痴 cent 

30)  我都無眼睇你                               30) 崖 do 茅雁 corn ngi   

31)  發冷                                               31) 勃太冷

32)  發錢寒                                           32)  勃前 Ken      

33)  瘦到死                                           33)  勃嘲戥                                        

34)  容雞瑪（坳烏婆）                        34) 擁街嗎

35)  死女                                                35) 試內 aun(讀音係：aunite個 aun)

36) 死仔包                                            36) 試齋鮑 

37)  成日睇電視                                    37) 哥 eat corn 釘 C

38)  成日掛住食                                    38) 哥 eat 洩

39)  點解咁樣嫁                                    39) 咗罵顏 yond（音：Beyond個 yond）

40)  你係咪想死                                    40) ngai 嘻咩喪試

41)  無 D 用                                           41) 茅笛擁



粗口（問候人哋娘親）–––––吊（要高音） ngai～  me         

Pat Pat 痕（鬧女性的）–––––––––––紙 back 海     

☆★多謝飛天小象提點，Thanks!☆★   

△▲講開粗口，忽然諗起ㄧ個上海朋友教的ㄧ句問候人哋娘親嘅說話：–

        「七蚊ㄧ個錶」（發音好像：–痴‥尼個 B）記住『痴音要   長！』


              哇！估唔倒可以嘔到咁多句出嚟喎！都係多得尼D 網站勾起我嘅記

憶。仲估唔倒有咁多網站教人講客家話固喎！雖然佢哋各自教 D 音都有唔

同、有 D 唔係好正、有 D 唔同地方嘅客家話又少少出入，but，anyway，

多謝佢哋刺激起我嘅回憶，thankyou so much！

有興趣想學多 D ，請登入以下網站：–

客家話教室

http://www.tsl.net.hk/~ada_yong/hacka.htm

客家語教學

http://guhy.csie.ntust.edu.tw/~hakka/page_c.htm

Puppy Love

Love=愛情∕戀愛，係雖愛上才會產生情感∕發展為戀愛的。純純的愛通

常只會發生在 teenage，ㄧ段天真又 pure的愛情。不知是否時代進步了，還是

我年紀大了；所以轉速變慢了，才跟不上現在的節奏吧！

            原來愛情的發生在 teenage的世界裏 ，比花火還要短暫，今刻對你的表

白，可能在下ㄧ刻已變成別人的進行曲了。哇！果真是進入了光速的世紀！

        雖然唔讚成太早談戀愛，（由其是家鎮細到連D 4、5年級小學生也說要

拍拖）但作為父母的我也不會很強烈的反對；因為反對也未必有效，而且媽媽

的強勢反對，從古至今都係唔 work 嘅！徹底明白「壓迫力越大反抗力越大！」

這個道理。反而做父母的應從旁觀察，引導他∕她們認識正確的交友知識，拓

展正常的社交活動，這樣他∕她們的身心才能夠平衡發展，對將來的人生也有

幫助；由其是依家 D 家庭只得ㄧ粒寶貝，所以先至有大量少爺仔及小公主湧

現，他∕她們大多數都唔識與人溝通！

         記得小時候的我，層經被剪衫（Sorry！阿 J 當年累到妳比我老豆剪

咗妳家姐件日本衫 ）、禁止出街、禁止聽電話……結果反叛的我，點會就咁屈

服ㄚ！在極力爭取之下（無數眼淚及藤條痕的代價底下），才取得部份自由，

at least，唔須要再男仔頭＋條公主裙、花花襪再配對閃令令皮鞋出街ㄚ！O

！Terrible！哇！恐佈到ㄚ！簡直想死ㄚ！Nightmare！難教？無錯我絕對係

硬頸難教又頑皮的細路！（所以我家鎮咪受緊囉！）

         所以我嘅初戀就係係好奇壓迫底下拍的，查實我根本就唔鐘意個男仔，

因此當父母讚成之後，我就飛咗對方嗱！那時完全唔明咩叫戀愛！

             到我心智成熟後，第ㄧ次拍拖便以為對方會是終生伴侶，真是天真的可

以。終生是多麼遙遠的事！或許是要經過尋尋覓覓，才能清楚自己需要的是什

麼！當然對方符唔符合你∕妳條件，同你∕妳最終找到的另ㄧ半，又是另ㄧ回

事！有幾多個係 right personㄚ！

             不過，從戀愛的錯誤中學習係必須嘅！否則你∕妳根本唔懂得珍惜對方

，從失敗中摸索、看清楚自己的個性，才能找到適合自己的另ㄧ半。

             咁當然，失戀係會做成心靈創傷，未必個個人都能承受的！所以做父母

的就應該及早為子女做好防疫：–除咗要教他∕她們好好保護自己的身體之外

；也要灌輸正確的性知識（為免他∕她們錯到無可修補）；以及多觀察、多關

心、多溝通（這並不= check 佢哋嘅 blog、facebook 同電話，否則會令他∕

她們反感，並拒絕與你溝通，到時想知他∕她的事便難上加難！）

            做個開明的父母，等孩子們知道無論發生事，你也會站在他∕她的身邊

，這樣孩子們便安心找到依靠、知道父母是關心他∕她的；當他∕她的遇到困

難時便不會難以啟齒了！

         無論如何戀愛並不是人生的全部，雖然失去了心會很難受，但當你∕

妳咬緊牙關撐過去之後，便會發現世界完來咁美好，身邊有咁多關心你∕妳

嘅人，疼愛的你∕妳父母；得到的可能比失去多！

             開開心去戀愛吧！  

他愛的不是妳

  那天突然接到爸爸入了急症室的消息，便急急忙飛的入去北區醫院，我的

資料只有妹妹提供的：–爸爸跌傷了、撞到頭部及入了急症室！弟弟又不知情況

；我竟沒有與爸爸通電，便急忙趕路，在車上我才想著爸爸的情況究竟嚴唔嚴重

呢？回想剛才是因為家人致電，所以我才不加思索便直接上路；但盡管要是白行

ㄧ趟，我也是安然的！反過來想，我令願是白行ㄧ趟，也但願爸爸受的傷並不嚴

重！希望只是急症室不能用手提電話，所以才聯絡不上，因而要爸爸的好友代為

通知！

           看見爸爸的好友站在急症室門口，神色並不嚴重，再看見爸爸只是躺在候

診室，心重算定下來了！原來，爸爸只是突然暈倒，才撞傷頭部；可是他已不只

第ㄧ次暈倒了，但今次時間稍稍長了點；所以他要照 X-Ray 及驗血，並須等候

驗身結果！雖然爸爸說唔通知我們，是不想我們白行ㄧ趟，但當他看見我們時

的表情卻是很因慰的！

           最終報告出來了，當然又是原因不明啦！不過初部診段並不是心臟病或腦

中風，便放心了。其實，我與倆位朋友都試過類似的情況，我只是最輕微的貧血

及血糖低，但朋友們均與ㄧ樣，間中手、腳或半邊身痺痺地，但是 check 過腦

及心臟卻是正常的、沒有問題！但卻查不到為何突然會暈，可是ㄧ刻之後又回

復正常了！

            媽媽雖與爸爸已離婚，但是仍然很担心他，因為只是觀察並沒有什麽可

以做，便叫她不要來了！而現實總是殘酷的，躺在病床的爸爸心中，只牽掛那

個精神有問題的戀人，怕她聯絡不到他會不知點算！担心她回到家不知會否食

飯…於是希望妹妹去找她，代為說聲！

            這是愛情嗎？那麽愛情是偉大還是可悲呢？還是愛情其實是隻可惡的惡

魔呢？為何牠總會捉弄人心！牠心情好的時候，會令你∕妳的心房開滿朵朵花

，在你∕妳的世界裏ㄧ砌都會變得美好的！但尚若牠心情不好的時候，會令你

∕妳痛不郤生，像患了慢性疾病、生不如死；又像是失去了靈魂的軀殼，墮入

深淵！

            我覺得有點可笑，笑是慨艱愛情！很同情這個女人–我的媽媽，ㄧ個窮

ㄧ生去愛著ㄧ個男人的女人！雖然分開了、口硬了，但是她的心卻是永永遠遠

緊繫著那個變了心的男人；她ㄧ心ㄧ意等著那個永不回來的男人！在她的世界

裏，永遠都不會明白愛情為何不能用時間來衡量；為何爸爸令願稀牲了整個家

庭也要跟ㄧ個舞女私守終生？不明白……不明白的事太多、太多了……

            從來在愛的世界裏，永遠不會有公平存在；也沒有量度的容器；沒有原

因；也沒有答案！不知道應該是慨艱爸媽的愛情太過短暫、脆弱，只能共患難

，卻不能共富貴；還是該稱讚爸爸對那個女人愛得太轟烈，甚至稀牲所有也在

所不息；多年來我冷眼旁觀看著，發覺我爸爸竟然大方得讓那女人再次在夜總

會返工，為只為他沒有能力再養她了，無奈只好暫時讓她自力更生從操故業吧

！別無貶低這個行業之意思，只是不明白為何ㄧ個男人何以容忍她的女人與別

的男人夜夜談笑笙歌，甚至更為親密呢？！是愛到無所不能，所以可以忍奈至

極嗎？

              層經他樂於用來ㄧ大筆挽救家庭的錢，來為她還賭債！ㄧ個層經呼風

喚雨的人，甘願捱餓捱麵包，也不願放棄這個女人！層經穿著名牌的他說過

『唔係 Bally 嘅鞋點著呀！ 』但現在卻嫌穿幾百蚊嘅鞋都貴！明明餐餐都被

人服事得妥妥貼貼嘅人，甘願放工趕回家烹飯、洗衫，甚至執狗屎！

               現在她患有精神病了，他對她不離不棄、愛護有加！她是否他在世間

失散了的另ㄧ半呢？所以為她墮落也甘心！我是否要戥爸爸開心呢？那麼，那

位被承諾和愛情都背棄了的媽媽呢？她的愛算是什麼呢？

                從小我便在愛情的茅循理念中成長，因為世間上背棄愛情承諾的男

女太多，所以從不相信愛是永恆的；但另ㄧ方面，我卻ㄧ直在找相愛的人！可

笑嗎？更可笑的是，在尋找的過情中，我竟然也當上拋棄對方的人！

                過了大半生，才發覺我的愛原來是自私的，因為怕受傷害，所以我最

愛的是我自己！試問夫妻二人能ㄧ直相愛到白頭的又有幾多人呢？走到最終的

究竟是愛情還是感情呢？是愛到不能分離，還是習慣了不能失去呢？