2012年11月11日星期日

渡船角 串燒店 Ferry Point/ Oyster – 佐敦文苑街


仲記得 2011 2 月時 A,F,G,J & T 聚會,阿 T 第一次介紹過佐敦尼間
 
 “渡船角 Ferry Point ” 串燒店,但係當其時我哋選擇咗前面間
 
“濱松町”,我哋仲笑言下次再嚟試;點知一別就隔咗成年,那時隔鄰間
 
 Ferry Point “Oyster” bar 都仲未有!今次有幸搵到朋友 K 陪我儍,
 
掃完 “棠記 ”再過來…繼續…正呀  !

由於果晩係 week end 好多人出嚟覓食,所以原先的小店更覺爆滿,
 
等咗一鎮店員就話今次特別安排我哋坐蠔吧果邊…Ok無問題,最緊要有
 
得食啫!既然嚟到蠔吧,咁梗要 order 番幾隻蠔先似樣啦…Hey Hey…
 
査實我同個 friend 笈咗 D 蠔好耐至真

一睇 menu 真係好多款蠔喎(日本、澳洲、法國、愛爾蘭同英國蘇格蘭)
 
!於是我哋 order 咗 3 款:Astoria 美國野生蠔 $48隻, Fine De
 
Claire法國蠔 $38隻, 及 Irish Gigias 愛爾蘭蠔 $39隻。

嘩…好新鮮呀!個士應妹妹仲先為我哋講述蠔嘅種類,還題示食蠔嘅
 
先後次序。原先還以為我點嘅法國蠔海水味重,應該要後食;但原來
 
 3 款蠔入面海水味最重嘅竟然係Irish Gigias 愛爾蘭嘅蠔喎!

雖然 Astoria 美國野生蠔 比我想像中瘦少了點,但朋友 K 就大讚
 
好正、又鮮美,而我嘅Fine De Claire法國蠔 都好好味、又鮮甜,
 
由其係佢啖海水味!(哈…究竟當時我食過嘅法國蠔係叫咩名呢?
 
我記得果隻蠔嘅 size 比尼隻還細,個殻比佢多好多層、色澤較黃
 
、海水味又較咸…?!)至於 Irish Gigias 愛爾蘭蠔係最無蠔嘅
 
一種!

好頭盤食完,咁梗係要點主角串燒啦!我哋點咗:蜜糖燒豬頸
 
1 串、麻辣燒豬頸肉 1 串、芝士 1 客、羊架 1 客(2 隻)
 
燒菠蘿 1串、燒芝士年糕1 客(2 件)、及燒黑醋鵝肝多士
 
(約$130 - $140)。

我哋唔係叫咗好多野,因為剛剛掃完“棠記 ”所以朋友 K 個胃

已經無乜位啦!不過我就大把貨!唔…前果排無啦啦好想食

日式芝士年糕,仲諗起文苑街間 “濱松町”同尖沙咀間“石澗”添!
 
今次終於可以滿足一吓我為食嘅慾望啦!好開心呀!雖然,佢哋
 
芝士 炸得有點過火,但係芝士味香濃,正呀!

反而碟燒芝士年糕有點失望,因為有點乾、芝士又唔夠味,唔…
 


蜜糖燒豬頸羊架黑醋鵝肝多士好香口,味道一流!
 
朋友 K 就略嫌鵝肝有點酥味,我就覺得好肥美又新鮮;不過就
 
略嫌有少少貴,但係咁厚身又大塊,其實都差不多。燒菠蘿
 
正!

去食串燒蔬菜,自己只喜歡幾樣野,因為覺得要燒完都咁好味
 
嘅不外乎就是:燒菠蘿、茄子、菇箘、粟米和車厘茄;而且
 
只用簡單調味便可以帶出食物味道,唔明白點解有些人卻
 
可以張菜芯燒成乾(菜葉燒走晒 D水份)、菠蘿又無啦啦加
 
咗 D 調味粉,嘩!完完全全張串燒蔬菜變成非常恐佈化嘅一
 
件事,相信係我最難接受嘅串燒菜式!

好回歸主題,今餐我真係食得非常滿意,後來我還加了一客
 
甜品“法式焦糖燉蛋”,味道麻麻,因為佢哋加咗咖啡味,
 
蛋又唔夠滑,兩個人埋單約$480 蚊。
呀响尼便 "Oyster" bar 唔一定只係食串燒,佢哋仲有西餐題

供嫁!


黑醋鵝肝多士
蜜糖燒豬頸
羊架
炸芝士
燒芝士年糕

燒菠蘿
法式焦糖燉蛋


渡船角 串燒店 Ferry Point / Ferry Point Oyster Bar

佐敦, 文苑街 18 號, 地下 A & B

Tel.: 23843376 / 23884800
 

2012年11月10日星期六

President 總統咖啡 - 雀巢即溶咖啡 - Nescafe



原先好喜歡雀巢 Nescafe 尼一隻 “Goldblend” 嘅即溶咖啡粉,
 
不論係三合一又好,因為覺得佢相較其他即溶咖啡粉香濃,而且
 
豆味亦唔會太酸;但自從果晩我在 惠康遇上了雀巣的另一隻牠
 
之後(Promote package $82.9),我個心意已徹底被牠改變了!

雀巢尼隻由日本 Kobe 廠線加工生産嘅 “President 總統咖啡

已經完完全全吸引了我,咪睇佢細細樽 (24g),由打開錫紙果

一刻,佢香濃嘅烘焙味道已久久不散;相比起

Goldblend” 就給牠比下去了,而且我而家先至聞到

Goldblend” 嘅咖啡香味原來都係略帶豆酸味嫁

比并完香味,就切切實實咁沖杯咖啡出嚟比比佢哋嘅味道啦!

不過當我一沖完杯“President  之後就覺得根本唔需再比啦!

因為已經即刻高下立見,佢香濃嘅烘焙味已經完全蓋掩住

Goldblend”不特止,仲要飲完“President 之後有濃濃嘅咖

啡餘韻留係個口腔入面,又略帶少少炭燒咖啡嘅味道!嘩…

即刻攪到杯 “Goldblend”輪為二等,唔想再飲啦!雖然佢哋

都係同為尼間日本 Kobe 廠加工生産;但係味道都唔駛差咁遠

呀! “Goldblend”話自己廠已經選用咗高海拔嘅阿拉比卡

( Arabica)咖啡豆萃取…,但一比較之下佢嘅味立刻變淡了

、果酸味變重了…我的心意、口味也變了!

你都想係屋企嘆番杯 Nescafe  嘅“President 話?就快 D 去

惠康 買番樽試試啦! 100g 好試買緊 $80 -$90 蚊,百佳好似

買緊 $90 幾蚊!

2012年11月9日星期五

冷凍零食 – 白朱古力餅乾Couque D'asses




其實之前暑假已經好想為大家介紹尼款零食,因為覺得佢好得意,就咁

食又得雪凍食又更好味添! 佢就係叫做SANRTSU “Conque

 D'asses”!

可能係“北海道白の戀人朱古力”餅太貴啦!又唔係道道都有得買,所以


一直都好懷念個味道,亦都想搵一隻白朱古力餅可以代替佢!

暫時我覺得尼隻“Conque D'asses”都 Ok 嘅!雖然佢白朱古力夾心


嘅香滑度同“北海道白の戀人朱古力”無得比,亦無咗香濃嘅牛奶味,

但白朱古嘅滑同鬆脆度都係好 Ok 嘅!甜味都算甜嘅,不過食兩三塊

都 Ok 嘅!總之我就覺得放佢落雪櫃雪凍嚟好鬼正!阿仔仲爭住食添!

反而佢嘅朱古力就無咁正啦!1盒價錢若 $26 - $28 蚊,14 塊!




2012年11月3日星期六

Pepper lunch - 希慎廣場 food court



行完誠品真係超攰,於是上咗去 11 樓嘅 food court 食飯,一去到
 
我哋就比尼個香噴噴、熱辣辣嘅鐵板飯吸引住,於是仔仔就點咗尼個
 
牛肉蛋飯連一杯超細杯嘅可樂(百事),而我就要咗個雞扒蛋+飯,
 
兩個加埋約 $110蚊。

我個雞扒有少少黑椒,好夠味,正!仔仔個牛肉蛋飯熱辣辣,牛肉板上
 
熟夠嫩滑,佢話好好味!

唯一唔好就係佢哋嘅可樂太細杯又無得加大!唔夠飲就唯有去後面比
 
 $12 蚊買杯 coca-cola 啦!嗌…唔…落格中…


Pepper Lunch

銅鑼灣,軒尼詩道 500號,

希慎廣場 Hysan place

11/f  food court

香港有間 – 誠品書店 eslite



直都想去拜會一吓香港間誠品書店,但一來怕新開多人

二來又太遠,終於上個星期日的起心肝過咗去;順便睇埋

Time Square 嘅 Halloween display。(下面有相睇,真係

好靚好有氣氛呀!)

去到希慎廣場,有扶手電梯可以去到 9 樓,嘩好高呀!



 
終於都上到啦!初初齋睇個門口都唔覺得佢大,但行行吓先

見到入面都有扶手電梯可以上下兩層(8 同 10 樓)。嘩…

真係開心,無論中、外小説、文學、設計同攝影都有,而8

樓就有各種手工興趣書籍(時裝、皮具、單車、軍士…)、

食譜、醫療、兒童圖書閣以至文具用品應有盡有!

至於 10 樓…因為太攰所以無行到,下次吧!


誠品小貼士,雖然佢哋 8 & 9樓均有餐廳(有茶、果汁及

咖啡…等飲品供應),但價錢唔平,不過 8 樓就勝在方便

你未睇完又唔想出去囉!

想食得又平又多種類就要上去 11 樓 food court 囉!


↑非常攪笑囉!唔通有人儍到擲硬幣?





 誠品書店 eslite

銅鑼灣,軒尼詩道 500號,

希慎廣場 Hysan place

8,9 & 10/F

(8 & 9/F 均有餐廳)

(另外 11/F 有 food court)