佐敦 – 堂記腸粉專門店

好開心上個禮拜終於都搵到個朋友陪我儍，出去佐敦連數兩間食店，

而第一站就係堂記腸粉專門店，由於第一次去所以問咗個好好人嘅

生果店老闆先至知…文景樓…丫…原來係响佢舖頭嘅斜對面！

（正確位置應該係文匯街轉入文成街嘅位置）

 

嘩…終於搵到啦！Yeah...Lucky 都唔係太多人啫！之不過……

唔係要排排坐等位呀？？O…原來真係等丫…但 Ok 啦我哋排

第二（不過要有心理準備，因為無論係等位同食野都係無遮無掩

、無冷氣，仲望到“街景”嫁吓！）如果你唔喜歡尼 D“特色”同

“風味” 就要考慮清楚！

等咗幾分鐘終於有位啦！睇吓有 D 乜食先…唔由於有下一 round

，所以我哋倆個只係點咗一碗“菜乾豬骨粥”同一碟“燒鴨叉燒腸粉”

，但係點知响落單嘅時候，個伙記話：『尼個腸粉要等 30 分鐘

喎！』朋友 K 就問：『咁叉燒腸粉會唔會快 D 呢？』伙記答：

『尼個都要等 30 分鐘！』朋友 K 又問：『咁有咩腸快 D 呢？』

伙記又答：『無！總之全部腸粉都要等 30 分鐘！』朋友 K 話：

『吓？！粥就唔駛等腸粉就要等 30 分鐘！咁點解佢哋唔一早講

，又或且响我哋等位果時就幫我哋落單收錢咁咪唔駛大家等完

又等囉！而且坐得槢櫈都唔會預你哋位好耐嫁啦！都唔識做

生意嘅…！』咁又係如果佢哋個流程快 D, 又唔駛‘訝’住 D 位

，咁就大家食得順暢 D 啦！ 

個“菜乾豬骨粥”好快就到嚟啦！唔睇碗粥嘅色澤好好、都算‘棉’

（應該都夠火喉嘅），又有一嚿大豬骨。不過食落就唔多覺

菜乾同豬骨嘅味道！（可能係關用料嘅問題！又或且跟本係

以前慈雲山 30 座街市嘅“菜乾豬骨粥”太好味啦！所以先至比

下去吧！唔……令人懷念嘅味道……）

登登登登…萬衆期待嘅“燒鴨叉燒腸粉”終於出場啦！味道如何？

D 油好香花生味又好似略帶豬油味，豉油帶點甜味；燒鴨同叉

燒很香、腸粉又夠滑，總之味道唔錯！（不過朋友 K 稍嫌燒鴨

有點酥！）

不過要等 30 分鐘就有 D 令我哋  ！

你知道我在等你嗎？∮∮

堂記腸粉專門店

佐敦文匯街文景樓 26 號地下 C

（正確位置應該係文匯街轉入文成街嘅位置）