終於都完完全全搬晒 Yahoo Blog 嘅日誌啦！原來不經不覺，我寫咗成 400
幾篇咁多喎？！成個人輕鬆晒之餘，就好想食番個甜品下午茶獎勵吓自己，
由於尼排一直都心思思想起大廚朋友 A 上次為我們制作過嘅“香煎法式麵包
多士伴雪糕”嘅味道，但一直苦無 recipe；今次終於的起心肝去超市買咗包
厚切麵包返嚟，諗住嘗試整吓！
憑住朋友 A 層經題過要用忌廉同淹麵包尼兩個 piont ，再加上我對烹飪嘅
常識，大至上都估到制作方法，為咗更加確定，我就上網參考咗部份食譜
之後，就決定用以下方法去整；雖然略嫌作品有點淋，不過味道都好香、
好好味嫁！我自己就非常滿意尼件第一次嘅作品啦！
呀~原來選擇麵包係非常重要嘅，因為麵包要用嚟淹忌廉蛋漿，所以用一般
嘅無皮切片厚麵包，厚道雖然足夠，但係就無咁挺、因而容易一淹就會變得
太淋；而正宗嘅法式多士之所以叫 “Pain Perdu”（意思指係：遺失的∕不要
的麵包），因為以前的法國人為咗唔想浪費果 D 變硬咗隔夜麵包，於是就
發明咗尼種食法！當然，正宗嘅麵包梗係最好用長條法包啦！
（以下材料係根據我自己做的一片切片包份量，相信若改用長條型法包，
大約可以做到 4、5 件）
材料：–
1) 厚切麵包 （最好選用較為挺身∕硬的麵包，如買唔長條法包，切片麵包
也免強可以）；
2) 純鮮牛奶 （最好不要用高鈣奶，因為太稀）；
3) President 牛油；
4) President 忌廉；
5) 白糖 （可因應個人喜好加入新鮮嘅“Vanilla 雲尼拿子”；又或者
用肉桂糖取代白糖増加香味）；
制作方法：–
1) 先將雞蛋打均備用；
2) 再用另一容器加入白糖（可以稍為多一點）、忌廉及純鮮牛奶（而忌廉
及鮮奶嘅比例分配，應分為三份，即是三份二忌廉、三份一鮮奶），然
後攪均；（因為忌廉、鮮奶及蛋漿是凍的，因此白糖就算攪均都會較難
沾上麵包，所以糖的份量可以稍為多一點也用不怕）；
3) 將攪均的忌廉、鮮奶，慢慢加入蛋漿之中，再攪均放入平底碟中，
方便淹麵包時，能平均沾上忌廉蛋漿；
4) 將切好的麵包片放入忌廉蛋漿之中，淹一淹兩面，令麵包平均沾上忌廉
蛋漿，注意：– i) 將麵包切開係因為咁樣做，可以令到麵包更加容易
沾上忌廉蛋漿；
ii) 淹麵包嘅時間唔可以淹太耐，要因應麵包嘅厚薄及
種類，否則麵包淹泡過久，就會太淋；
麵包淹泡好之後，拎起，待起鑊後才煎；
5) 用小火起鑊，放入少量牛油，待鑊微熱後；再放入沾上忌廉蛋漿之麵包
，開中火， 煎香麵包就可以上碟，食得！
唔……正正、香噴噴……Yummy！
以下網站是我上網參考的另一種“法式多士”制作方法：–
凱蘿菜菜子の生活練習本：
http://foolfish1997.pixnet.net/blog/post/26318694-%e6%b3%95%e8%98%ad%e8%a5%bf%e5%a4%9a%e5%a3%ab
正宗 “Pain Perdu 法式多士”嘅食譜：
http://www.foodnetwork.com/recipes/ina-garten/pain-perdu-recipe/index.html#!
正宗 “Pain Perdu 法式多士”制作方法嘅 video：
http://www.dailymotion.com/video/x13fjjk_easyrecette40-recette-du-pain-perdu_creation
！多謝支持我及估勵過我的網友！
, 寫了 5 年真的很不捨……不竟牠陪伴我
