點一龍–high tea 嘆點心

 



 好耐都無出過尖沙咀 海洋中心，尋日因為我要出海運大廈，所以阿 J

就陪我出去，於是兩個人就搵咗尼間係廣東道，嘉禾港威戲院隔鄰叫

點一龍嘅點心店試試。

因為我同阿 J 諗住留肚食 cake，所以只點了 4 個點心先試試佢哋嘅

水準，而佢哋好出名嘅係“點一龍鮑魚雞粒酥”（毎件$48），不過阿 J

話$48 件不如 order 咗一件試試佢値唔値先！

因為佢隻鮑魚係整整一隻，而酥皮就好似蛋撻皮咁包住隻鮑魚，所以就

算唔係 share，都最少要分兩啖先可以食晒；但係酥皮係好鬆化，而你都

知道鮑魚個質感係較為煙韌，所以當你一啖咬落去，酥皮就會散晒；但係

鮑魚又韌又要趙，個口感都較為複雜，相信若個 size 可以做一口食晒，

就會點心好多！起碼 D 酥皮就唔會跌到周圍都係！

其實我同阿 J 都覺得佢隻鮑魚嘅味道係整得唔錯，但係同酥皮夾埋一齊

嘅味道就唔多協調；可能係因為鮑魚味道帶鹹，感覺偏中式一點，而酥皮

較甜又重牛油味，這樣的中西 fusion 就唔多夾！

另外，我哋 order 咗 $18/2 件蝦餃、$38 韭黄叉燒腸及小籠包，蝦餃味道

ok, 皮唔厚；而叉燒腸的皮亦不太厚，不過由於韭黄太老又硬，放得太多

，所以影響整體味道！小籠包味道唔錯，但係略嫌包頂麵粉頭有點硬！

兩個人埋單 $192，有點貴，値唔値就見人見志。