記得第一次食尼個甜品經已係 N N 年前嘅事，當年真係覺得好新奇、
好特別！一個會著火的雪山，由侍應帶到你面前，果下幾型呀！（享盡
豔羡目光！
）Anyway，撇除豔羡目光，其實一種甜品竟然有雙重享受，冷與暖之間
；蛋白、忌廉、雪糕、蛋糕及酒香，多重質感一起豐富你嘅味蕾……
幾咁特別嘅口感…
當年由於第一次食到 D 咁特別又好味嘅甜品，所以印象深刻，不過，
咁大件又漏嘅甜品你絶對無可能成日食，於是事隔多年後；再去返果
間餐廳點返同一樣嘅甜品，然後已經唔係果一回事啦…因為酒已經唔
係酒香，而係變成好油淋淋果種咁嘅核突感覺！！最重要係連裏面嘅
蛋糕都唔好食，於是又隔咗一大段日子唔感再叫了……
然而，今次同老友 U 咁難得聚會，而佢又咁有興趣入去食甜品，而
咁啱又有“火焰雪山”尼個甜品，所以我哋就 order 啦！
不過，今次真係令我喜出望外！酒味香濃，最重要係無論雪糕、蛋糕
或 cream 嘅味道都夾得好好，又唔甜；果種享受甜品嘅愉快感覺又
返嚟啦…真係好開心呀！！
其實尼間 Gourmet D cafe 就係上次小儀同金剛介紹過，除咗食
甜品之外，仲有好有特色嘅“西班牙鹽焗魚”同“火焰海鮮意粉”
，再加上經理哥哥又好識得介紹尼道嘅特色菜，所以我同朋友決定
無論如何下次會再嚟試！
Gourmet D cafe & Restaurant
佐敦，渡船角，文苑街 34 號地舖
Tel.: 23325926
(柯士甸站 B5 出口)
釣脚？其實佢哋係油麻地有一間，地址：–
貴花甜
油麻地，砵蘭街 6 號地舖
Tel.: 34816158
(油麻地港鐵站 C 出口)
沒有留言:
發佈留言