唔知係咪天氣太反常，空氣混濁得嚟仲好似夾雜好多感冒菌，連咁少出街
嘅我都中招！話說尼幾日都在 ring ring哋中渡過！頭重重兼鼻塞塞、喉嚨勁乾
確，睇書、上網果鎮對眼完全唔可以 concentrate；個腦同對眼好似 connect
唔倒咁，好辛苦！最討厭乜都 out of control 嘅感覺！坐又唔係瞓又唔係！所
以尼幾日大部份嘅活動都要暫停。
但係晏晝果餐都要食嫁，不過無胃口、又唔想叫外賣，咁為有自己烹囉！
好彩唔洗返工啫！不過，以前返工果鎮，一感冒就必定要睇醫生兼夾要响屋企
瞓足兩 day，否則個腦好似 down 咗機咁，完全思考唔倒！
以為自己已經好辛苦，點知身邊 D 親朋戚友都有幾個人中招（感冒）；
她們還感冒了兩星期，喉嚨又痛！有個因為喉嚨損咗，仲咳到出血添！佢哋都
睇咗幾次醫生，但睇極醫生都唔好！
完來我反而係最輕‘can’果個，為咗想食通粉，（唉…食咗幾日粥、
米線同烏冬嗱！）而且 D材料又無晒，咪唯有去 supermarket買啦！剛剛諗
住試吓睇睇有無五行湯嘅料買，想試吓煲，因為個喉嚨真係好乾，飲極水都好
似唔夠咁，但個肚都飲到脹起！
ㄚ！點知發現完來家鎮百佳响有機蔬菜果便有一份份，又pack好咗嘅
五味蔬菜湯（即五行湯）包買，裏面仲有齊晒料：–兩粒乾冬菇、兩條牛膀
、白蘿蔔、甘荀及一束白蘿蔔葉。佢背面還印有個湯嘅益處同教埋你煲添！
（只係買 $16.90∕包），但由於上次妹妹聽佢奶奶講加埋青蘿蔔，所以我便
另外再買多條紅、青蘿蔔，放落去煲。
返到屋企先至記得唔可以用不銹鋼煲，因為為免全屬流入湯中喎！
（相信係為免影響了金木水火土五行掛！我諗！）咁唯有用個細 D 嘅瓦煲，
OK！D 份量仲可以分兩次添！當然乾冬菇下次要再加番兩粒。記住牛膀只須
每次約一條！（哈！完來 D牛膀有好獨特嘅樹枝味，我唔識形容）。
不過，我發覺大火滾起之後只煲一個鐘，D 蘿蔔都好似未得咁，相信
D 湯都未層入味；於是我便煲多咗個半鐘，再放幾粒鹽吊味。
我同老公都覺得 D湯味道好特別，感覺好似放咗胡椒粉咁；入口有 D
辛，但係就一 D都唔辣，好好飲。不過，仔仔就唔鐘意 D 咁重蔬菜味嘅湯。
個湯嘅功效有幾勁我就唔知，但係我飲完之後喉痛無晒、個鼻仲通埋
添！信唔信？！你自己試試！最衰今日得果三碗，聽日再煲過，睇吓幫唔幫
到第二個先！
P.S. : - 31/03/10 （後記）
我尋晚飲完個湯當然無即刻好咁神啦！今朝個鼻須然都有點塞，但係已經無
‘盟’晒咁辛苦，而且喉嚨無痛；仍然有點口乾，但唔會乾到好似比火燒咁
囉！Anyway，今日我會再飲之餘，還會給一個體質比我還要受不得寒的姑
拉飲，因為她喉痛了一星期有多，聲也沙了，試試睇吓幫唔幫到佢先。
02/04/10 （後記）
我飲咗 3 日，而家一 D鼻塞都無、口都無咁乾嗱！姑拉由怕涼（唔食得白蘿
蔔）、半信半疑咁試飲咗之後，到而家已經覺得好好了，聲都開番！唔到佢
唔信服，佢把聲已經沙咗兩個禮拜！無論食乜飲乜都唔 OK，連平時煲的開聲
茶都唔 work；但家鎮佢飲咗兩日啫，把聲就開咗嗱！今日佢仲會飲多次添！
你話 work唔 work？！試試ㄚ！尼個湯無事無幹都可以飲嫁，希望可以幫到
其他人啦！
