2010年3月14日星期日
MiXTRA - Plaring- create ring 膠介子–K11商場
尋日响尖沙咀除咗一連行咗兩個商場K11 同 i square之外(下次介紹)
,最大收獲就係發現到 Addias x Star War嘅 cross over 限量版衫鞋之外,
(好鬼鐘意果隻買滿$1,500就送嘅黑或白武士嘅 figure呀!)另外,就係發
現了這款一盒有 4 隻嘅創意介子!
當我們見到個非常 colourful 嘅 counter,就响MiXTRA門口,就比
D 咁誇張又五顏六色嘅膠介子吸引住。原先仔仔煩緊送咩 birthday gift 比
佢個 friend,後來想到他們有三兄弟(個個都對仔仔好);再加上仔仔自己
本身又勁鐘意,於是便決定買下了,這樣好玩的禮物,大家收到都會非常開心
,因為買比人果個都可以 join 埋一齊大家砌;But, 個 main point 係大家
都要唔介意撈亂晒 D combination 至好,否則妳又要指定果個顏色,就變
成了口角,攪到大家都唔開心;又或且只能砌出隻好單調嘅顏色!
若果妳∕你自己擁有一盒,用嚟襯衫都 OK嫁,每日可以換款;而男仔
又可以掛响條頸當頸鍊帶(阿仔話),都幾型嫁!
至於款式亦有狄士尼款(Minnie對手、Mickey條褲、怪誕之城嘅阿
jack!)喂!雖然我平時唔係幾鐘意阿 jack,但佢今次隻介子幾型嫁,不過
顏色方面就是百搭色–黑同白!聽聞佢哋遲 D 會出 : - Star War、多啦A夢
、愛麗斯夢遊同 Barbie添!請密切留意啦!
幾多銀両?一盒盛惠 $298!貴咗 D?喂!雖然佢膠膠地,但係佢哋
係來自日本,D 膠絕對係靚野!根據我仔仔砌高達模型多年經驗,那天看著
他們很容易便從膠架拆下;又無黏住 D 膠粒;又响道拆完又砌咗十幾二十次
都 Ok!(聽聞之後仲再砌過添)!所以我們一至裁定佢係一分錢一分貨嘅
靚膠!如果用$298除 4,咁都係為 $74.5一隻啫, Ok呀!
不過要注意一點,他們好似得三種 size :–大、中、小,而一盒裏
面必須係同一個 size,但係佢每隻色都會有多一個士啤圈比你嘅;而果四隻
色係定咗,無得換嫁!仲有貨物出門絕不退換,所以緊記 check清楚啦!
尼間 shop 除咗有衫買之外,仲有 1/60 嘅特別限量版高達模型買,
約 2千幾蚊!(貴咗 D!)
最可惜我覺得尼個商場無乜其他特色店舖,唔能夠連貫,真可惜!為
有轉場走去 i square 行啦!
點去K11?你响尖沙咀站就上到去嫁啦!比埋個商場網址你啦!
http://www.k11concepts.com/tc/#/home
地址:–MiXTRA
K11 尖沙咀河內道 18號
1/F,Corner
Clunky Design 尊頁
http://www.clunkydesign.com/2009/03/plaring-1.php
剛啱摷到這個網頁有清析版狄士尼款,請欣賞!
http://numero.fusosha.co.jp/blog/2009/12/2009_12_07_1505.html
訂閱:
發佈留言 (Atom)
沒有留言:
發佈留言