今個新年ㄧ直都係食呀食，都食咗好多餐，真幸福！由於每年都要返
老公屋企過年，果度好有新年氣氛嫁！下次介紹！由於，我返到去都只係須要
食共瞓、同埋派利是之外（奶奶及阿嫂、姑拉們做家務及烹飯），最大貢獻就
係帶ㄧ個餸、ㄧ大堆零食、DVD及捱夜睇住 D 燭火直至燒盡為止。因為果道無
商店、電視又收得差（只有亞視和大陸台最清），所以買大量零食回去尼個
job duty，對于冇事做嘅閒人–我嚟講係相當重要的，否則那 3 天怎麼過呢！
因此，我便早早買定各種零食回來試試，再決定帶那些回去了！今次，
又有好正嘅零食介紹比大家，今次如果妳∕你極愛芝士、咖啡的話，妳∕你或
許會愛上這些食品！這些芝士味、咖啡味濃的零食介紹給你們。
首先要介紹係 CaCaotime嘅 Quattro， Tiramisu味餅乾，哇！佢 嘅味道簡直係好似飲咗啖咖啡咁，香濃得嚟、又唔甜、又無日式朱古力常常有
嘅防腐劑口感！除咗無軟淋淋嘅蛋糕感覺係之外，簡直就係硬版嘅 Tiramisu
、像真度極高！正ㄚ！可惜貴咗 D，$15/6幾蚊得 4 塊。唉…咁耐以嚟我只
係响大圍站果間零食店見過有得買，辛辛苦苦再去果度入咗 3 盒貨，結果比
阿仔偷食咗一半添！激死！
另外，兩款 Calbee薯片，ㄧ種係冬季限量版芝士焗薯味（紅色果包） ，佢嘅味道好香，食落去真係滲住 D香濃嘅焗薯味道，可以隨時滿足到你半夜
想食焗薯嘅慾望！另ㄧ種係有三種芝士口味嘅厚身薯片，ㄧ啖食落去你會感覺
到咬住啖啖芝士，佢每ㄧ片都黏住大大粒嘅芝士，所以食完你ㄧ定要洗下個嘴
，否則係人都知道你食咗 D乜！至於，佢話有三種芝士口味，我就只係食到兩
種芝士味，但係都好正！仔仔勁鐘意，$16/$18包，閒閒地ㄧ個人食晒，仲想
encore添！梗係 No way啦！不過雖然我都喜愛，但我更極愛佢舊裝嘅芝士
口味嘅厚身薯片，因為你會好明顯地食到佢有 3 種嘅芝士味，簡值係極品；但
唔知係咪太騷，唔係個個都食到，所以才改為這隻新包裝、新口味呢？！
如果你有食開 EDO 嘅餅乾，你就知佢哋好鬆脆，但今次嘅芝士味ㄧ
口酥就唔屬於脆；佢個表面好滑，但咬落去就有少少黏黏地，好似有 D 麥牙
糖咁，幾得意嫁！又有淡淡嘅芝士味！雖然佢無拿破倫餅咁脆，但係都算係鬆
化。$17/18蚊盒得兩包，行開 supermarket 咪買番包試試囉！
至於鐘意食朱古力餅乾嘅你，尼隻瑞士出品嘅牌子 Siwss Delice就啱
你，佢哋夠朱古力味，但係都算甜；食多幾塊你都會覺得漏嘅！而我哋最近發
現倒尼隻瑞士出品嘅 FREY 牌子嘅朱古力平價得嚟（$10幾蚊排）又夠朱古
力味，甜味同滑度都 OK嗱！無論佢嘅 milk chocolate、dark chocolate、
有 nuts 同無 nuts 都好好味，响百佳、西田都有得買！
最近我買咗尼隻馬來西亞嘅三合一拉茶（奶茶）Max Tea，其實佢
係英國公司出品，在馬來西亞生產。佢茶味夠、夠滑，但自己就稍為覺得佢
偏甜；如果你嫌飲開嘅三合一唔夠茶味嘅話，你就試試佢啦！（佢响D馬來西
亞、印尼嘅店舖有售）！
希望你會喜歡今次嘅推介！
P.S.: –特別之零食
今個新年我們倆母子戀上咗白之戀人朱古力，這隻正宗來自日本的白朱古餅，
其吸引人之處，就係佢夾在兩塊非常鬆脆嘅餅乾中間嘅白朱古；佢有極之香滑
嘅牛奶味，連我尼個平時唔掂白朱古嘅人都深深愛上！（SOGO有售，但貴；
我是在網上拍賣的。）
另外，朋友在英國帶回的一盒平價朱古力竟然極濃滑，正！（佢話响
一般 supermarket有售喎！）
而最令我驚喜、像是與童年時嘅超羣嘅味道重逢的咖啡蛋糕，當我一
啖咬落嘅時候，我感動得幾乎想大叫，你知嗎係當年最香最好味嘅西餅店，
自從佢哋後期唔點解無啦啦轉咗味（定斷咗果種原料之後），我就一直失落
於這種味道的消失，東試西試都搵唔番相似嘅味道，but now 竟然比我發
現了這隻Marks & spencer 嘅 coffe sponge roll 有成 90% 相似度，
可惜一開咗之後唔立刻食晒嘅話，一雪過就唔好味啦！唔知香港瑪莎有無
得買呢？定係叫個衰婆寄半打過嚟呢？
沒有留言:
發佈留言