蜜糖咖啡

唉…尼幾日感冒，攪到個人頭重重、攰賴賴、浮吓浮吓咁！雖然知道感冒兼喉嚨痛

，係唔應該飲咖啡；但係我真係好 討厭尼種個頭腦好似好 confuse 嘅感覺，於是

我咪試試用蜜糖嚟沖咖啡，諗住潤 D囉！

          估唔到尼杯劇集『真情』中提及嘅傳聞中的蜜糖咖啡，完來係咁正嘅！噢

！Delicious！令人一飲便愛上了，欲罷不能！估唔到完來蜜糖同咖啡係咁

perfect match！杯中除咗有咖啡嘅香味之外，仲傳來陣陣嘅蜜糖香味，一路

飲個口充滿住蜜糖味圍繞，真係令人愛不惜手！就係咁我不其然又再沖咗第二

杯嚟飲嗱！唉…真係唔應該！但係…真係令人好難抗拒呀！好好味呀……

            第二日，我亦如是！因為一直都只得我孤方自賞，於是果日我就急於同

人分享，試下沖比別人品評。ㄚ！對方還大讚 D 蜜糖帶出咗咖啡嘅香味添！

想試？！    

           我只係用 NESCAFE 嘅 GOLDBLEND即溶咖啡嚟沖，再放 UCC白

色袋嘅Cafe Plus MILD COFFEE CREAMY；再加 德生田園蜂場 嘅蜂蜜。

（新年時在花市買的。）至於份量唔好問我，因為每個人嘅喜嗜都唔同！

        老實講我覺得就咁用 NESCAFE 同UCC嘅COFFEE CREAMY嚟沖杯

咖啡，飲落真係無乜特別！比起我平時嘅三合一，仲唔夠香濃添！而蜜糖就

咁沖水飲，亦都唔會特別香甜，我仲嫌佢略淡。但佢哋三個加埋一齊之後，

我就勁愛囉！

           後來我仲試過用UCC嘅 THE BLEND嚟沖，結果個咖啡味仲淡、又唔

夠香添！所以要試出啱自己口味嘅蜜糖咖啡就靠你撞彩囉！

            或許妳∕你有天也深深愛上自己調配嘅蜜糖咖啡，不能自拔！

            唉…蜜糖就用完添！

德生田園蜂場

元朗錦田高埔村 18B2

Tel : 24790723, 92875366