榕樹頭咖啡館

       A Rainy Day！對於要出街嘅我，响落雨嘅日子；絕對係非常非常之麻煩
嘅！Why？因為我係一個無傘人！絕對唔係型，而係我跟本開唔倒、收唔倒傘；
even，係一把自動傘！我都唔夠力開同收！So，我唯有用雨褸嗱，但往往又因
要又著又除，我都只放在袋中，非不得以都唔會攞出嚟用！
        就係咁啱，行到車站先至落大雨！咁無理由仲要儍到响個無蓋嘅車站等
車嫁！剛剛想坐低飲杯咖啡嘅時候，就見到厘間榕樹頭咖啡館 Banyan cafe
佢嘅外觀絕不奢華，望吓個餐牌，個chesse cake tea set 都係$32，Ok ㄚ！
當 take 個 break！
        一間小小地嘅 cafe，但入到去卻五臟俱全；八掛雜誌、報紙及影雜呀…
等等，飲品方面除咗有咖啡之外；仲有 juice、蜜糖茶、黑芝麻豆漿同港式奶茶
！至於食物方面，由於我一心諗住食 cake，所以我眼中只係見到有 cake、
同飛碟三文治啫，其他有咩食？！我就唔知嗱，好似有 muffin掛！因為我無睇
到個 menu；但估計應該係有意粉食嘅，因為佢每枱都有樽芝士粉嘅！
         我 order咗個chesse cake tea set，轉做熱嘅cappuccino只須+$4
蚊啫！Serve 我嘅妹妹仔話今日芝士蛋糕有兩款口味：–焦糖咖啡同檸檬味，
而我就叫咗件焦糖咖啡味！當我品嚐咗幾啖嘅時候，好 nice嘅老太太問我會唔
會好甜？我話唔會，味道剛剛好！佢好開心話 D cake 係佢個女自己做嘅，日
日新鮮嫁，而後生女 waitress就話佢哋每天都有兩款口味嘅芝士蛋糕以供選
擇，有時仲有三款添！如果鐘意，可以 order番個添，只要隔一天前 order
就 Ok嫁嗱！價錢：– 6'由$120～180，8'由$220～280個。從老太太嘅眼
神，我可以感應到佢應該係老闆娘！不過放心佢哋絕無 hard sell 嫁！
          你睇下，雖然係一件蛋糕，但係佢哋一 D都唔‘嗎乎’嫁！

                講番件焦糖咖啡芝士蛋糕嘅味道，佢的確唔會太甜；但亦唔多覺有

咖啡味，不過佢芝士味濃郁；餅身唔屬於硬，鬆鬆地，但適中嘅！作為芝士

蛋糕佢真係好夠味嘅！的確好有 home made feel，味道幾好；但美中不

足係嫌佢細件咗 D，不過相信佢尼個 size 一定會好受愛吃甜嘅 OL歡迎！

至於 cappuccino，自己就略嫌味道淡咗 D！泡泡都打得 OK，不過面頭嘅

朱古力粉就少咗 D！但整體感覺尼間 cafe 都唔錯！佢唔會太靜、亦唔算嘈

，我坐近門口都覺得幾好；店中又滲著人情味，老闆娘 nice得嚟又常常同

路過嘅街坊打朝呼！

          坐坐吓，見到件檸檬芝士蛋糕好似幾好味咁！咪買咗件比仔仔食！

單買 1 件$26蚊！

         嘩！返到屋企，打開個盒仔仔就聞到好香嘅芝士蛋糕味！嘩！真係

好香呀！忍唔住叫仔仔比啖我食，唔……真係好正呀！Yummy！檸檬味

同芝士味都好夠！咁好味早知就買多件啦！

         A！想去？！雖然佢叫榕樹頭咋，但佢絕對唔係係榕樹頭嫁！佢係

係响灣仔！

↓超正嘅檸檬芝士蛋糕！↓

     

榕樹頭咖啡館 Banyan cafe

香港灣仔，軒尼詩道 1號地下 D舖

（Mcdonald 隔鄰，即熙信大廈）

Tel : 21159590

我至愛的黑糖朱古力脆脆奶茶

             自從我們那裏的商場開了一間Happy Lemon之後，想飲好味的台式

奶茶又有希望了！因為我們的商場以前是有兩間台式奶茶的，一間是連鎖店；

但他們的奶茶和食物都很差。而另一間自家經營的奶茶好飲；但食物卻又麻

麻地。有時當你想食吓野兼嘆番杯奶茶啦，可是又不能同時進行！最後自家

經營的店，因為捱不起貴租，終於做不來；那段真空期，好在還有間西餐廳

可以頂住吓 D 奶茶癮，不過佢哋 D 珍珠又爭咗 DD（太淋、無乜口感）。最

後連果間連鎖台式奶茶店亦都執埋添…哈！

             終於等到上年，商場又開了兩間新的台式奶茶店及尼間Happy

Lemon，我們又有奶茶好飲啦！兩間都好飲，但分別在於一間貴D、選擇

少 D及個杯細 D；不過勝在有 Tea set、有得座，而食物方面都算 Ok 嘅，

但等候時間較長，現在雖然唔洗等咁耐，可以食物質數仍須改善。

          而這間Happy Lemon除咗又平、又抵飲之外，茶味都算唔錯嫁，

選擇又多：–咖啡、奶茶、綠茶及優多…等等。雖然有時都要等成幾分鐘，

但都 OK嘅！難怪佢會成為我們新竉！

               我至愛的是這款黑糖朱古力脆脆奶茶，大杯只須 $12啫；但此終

唔多夠飲。最唔抵係响街唔可以變隻匙羹出嚟食晒 D 啫喱，啜得啫喱之餘，

又啜唔晒 D 黑糖脆脆，好嘥呀！但係真係好好飲呀！入口當然無咗港式奶茶

果種澀同‘傑’身啦！台式奶茶嘅特點係香 D、淡 D及滑！奶茶味夠，而黑

糖脆脆雖然很甜，但食落‘索索’聲；好過癮，加埋啫喱又夠爽口；當三樣

野加埋一齊食，就成為好 perfect 嘅組合，唔…I like it！

          仔仔就鐘意飲 D味好得人驚嘅芒果鮮橙優多冰沙！（嘩！好鬼似藥

水味嘅！）

          不過朋友 J 卻試過旺角果間Happy Lemon（唔知邊間分店），

佢話飲落似奶水多 D喎！唉……又是連鎖加盟店的品質監控嘅問題！

          今日坐响對方嘅時候又有個後生仔同一個伯伯影緊尼間 shop，而

伯伯唔通又係潮人一族？！有寫 Blog？唔知佢哋讚定彈呢？！

Happy Lemon

http://www.happy-lemon.com/products.php?sectype=2

我像個健康的人？

最近，我最大嘅得益係 –我像個健康的人（look like）！有次我坐的士

時，司機竟然對我說：『妳不如响尼道落車好嗎？妳後生 D，行多幾步讓讓個

坐緊輪椅嘅婆婆，這裏難截車！』哦！OK，就這樣我便下車了！反正都係幾步

啫，我 Ok嘅！

        又最近，我去見社工續領傷殘津貼時，社工小姐好心地提我可以遲些才

攞續領form，因為我還未到期；若然提早了，有可能會改變了現有嘅津貼金

額！因為社署是應醫生填寫病人之評估，而去決定受助金額嘅！我當然明白這

個制度的規則啦，尼個亦係公平嘅原則。雖然明白社工小姐所懷疑和担心的

，但心中不禁暗笑，我真的好了這麼多嗎？於是我便單短地說出我不能獨立應

付日常生活的事實，而她亦唯有半信半疑地遞張 form 給我！

             這是好還是不好呢？！我只可以說在我的世界裏–這是好事一則！因

為最近我的家人及朋友們也大多說我的狀況好了很多！例如：我雖然仍然是

瘦了點，但是面色及精神均好了很多！行路又輕鬆了、快了很多！手的活動

能力雖然仍有限制，但卻沒有以往般舉步為艱！（其實我平時換衫要用多比

平常人三倍嘅時間才能穿好，有時試過因為穿不了衣服而放棄外出！但現在

我只須用多一倍半嘅時間便可以穿到簡單嘅衣服！咁當然我仍然不能自行著

襪！）

            其實病情有進步，對我嚟講已經是天大嘅恩賜！因為健康是有錢也買

不到的東西！相信如果可以對換的話，世上會有人不惜以所有的家財、名利

和權勢來對換吧！

             而最令我領略至深的是，病情好轉的我；竟然會帶給我身邊的家人及

朋友們快樂，這是我賺得最多亦是最開心的事！雖然我也會有自閉抑鬰的時

候，但是我的人生大多是 think possitive 的！這亦証明了–人生無論高低

起跌，妳∕你只要思想正面、永不放棄；最終妳∕你還是會找到了出路！

到尖沙咀一遊？Wein Stube

            話說本來 plan好想在上星期與友人到酒吧食店一聚，但因友人S沒有假

期， 唯有推遲至尼個禮拜啦！

        又由於估唔倒原來這裏是那麼大的……約有 4、5張枱，所以要 book-

ing 先有枱！朋友先上到去，鬼妹話可以比我哋坐2、3個鐘，7:30p.m.要交

枱，因為 8:30p.m.有appointment。OK！我哋都係坐坐啫！

        睇吓過 menu，E！食物選擇唔多，飲品方面又唔啱仔仔們添！點算呢

？尼道竟然無 fruit punch？！Soft drink 係 juice、coffee or tea？由於

仔仔他們覺得自己已經大個仔，又唔想飲 juice（明白嘅！不竟成長進行中。）

最後個waitress 攞咗兩支似 Apple Cider 含量微量酒精（4.5% alcohol）

嘅生果酒比仔仔他們，仲要係 last two添！（查實佢哋都試過飲 Jelly Sandy

嫁啦！我同朋友都覺得男孩子間唔中嚐試一下微量酒精都可以接受嘅！）同時

間阿waitress 小姐又好盡責地一住落 order一住提我哋要7:30p.m.交枱！

Ok Ok！知道啦！家鎮都係 5:50p.m.啫！妳唔洗落 order又提、送飲品又提

架呀！Ok！無 book枱係我唔啱，但放心我哋都經已 agree 咗會早走囉…！

        就係咁，大家有點無癮又唔想食到唔湯唔水，加上個 menu真係無乜

選擇，Burger 又無，只有sandwish、snack同扒，咁我哋唯有 order幾個

snack：–炸磨菇、大嘅雜腸并盆同煙肉蛋包，頂住先，鎮間再去第二間道

食過啦。

         個炸磨菇，size 大咗小小唔可以一啖咬落去，切開又無晒 D juicy，

味道 OK啦！老實講我同 U 就覺得九龍城間小店好過佢（無論 size同味道，

人哋咬落勁 juicy嫁！）最好味都係個煙肉蛋包！至於雜腸并盆，我哋都覺得

幾好味，唔太鹹！但以$219一個大 size嘅雜腸并盆嚟講，尖沙咀中間道果間

King Ledwig Beer-hill 抵過佢，U就覺得果間嘅德國腸仲正宗 D添。唉…

早知係咁，不如去果道食咸豬手好過啦！

         埋單盛為$650！6個人，Ok 嗱！D野食唔算太貴，一人一個 drink都

成$300幾蚊嗱！臨走時阿鬼妹 waitress 同仔仔們講，話下次會準備定 D 啱

佢哋飲嘅 soft drink，但我諗未必會有下次，因為尼道唔係好啱我哋！


P.S.:-

落單同 Menu 都係得英文嫁咋！（呀！個 menu 仲有唔知係德文定係咩文 ？）

土瓜灣譚公道–富貴甜品屋

↑榴蓮飄雪↑（買飛忽）
↓自選↓                                                           ↓芒果丸子↓（仔仔飛忽）

              由於星期日晚老公要追大結局，所以我們就由尖沙咀移師至朋友的家。

既然嚟得土瓜灣，咁無理由唔叫富貴甜品屋的外賣，因為我哋第一次食果鎮

真係好正！妳有無試過叫芒果拿破侖外賣送到嚟仲係脆嫁？！而且上次試唔

到個朱古力心太軟，好似差感 D 咁！再且佢哋 D甜品實在係唔錯嘅，價錢又

唔貴，平均都係 $10零20蚊！我哋叫咗芒果拿破侖、榴蓮飄雪、芒果丸子

、芒果自選、芒果奶凍、凍綠豆沙同朱古力心太軟。

              嘩！個榴蓮飄雪真係好香，有少少榴蓮果肉及西米食，個底應該係用

椰汁加冰打出嚟嘅！唔……一杯太小了！（就算比我食多 D我都唔得嗱！為食

！）不過，好彩我再叫多咗兩樣野嚟 share啫！嗚嗚……不過還是覺得不夠，

因為甜品實太好味了！  

         雖則今次個芒果拿破侖有D失色，因為淋咗D，無咁脆；但咬落去仍

然有小小“short short”聲嘅，可能今次佢哋送遲咗掛！食落又唔算甜，

即場食應該更正！（咁當然同九龍城小店梗係爭 D啦！但佢$20至喎！仲無

加一添！）

          另外，芒果奶凍、芒果丸子同芒果自選都唔錯，如果以 $16-20蚊

嚟講；正係好正嫁嗱！我屋企附近嘅甜品外賣，淨係啫喱雪糕都要 $10幾蚊嗱

！不過有甜品外賣已經好幸福嗱！吓？！乜野叫自選？咪即係任你簡選自己喜

好的生果、汁底同丸子…等等嘅配搭囉！幾爽嫁！

         估唔到佢哋嘅朱古力心太軟雖然都係有朱古力醬流出嚟，仲熱辣辣嘅添

；朱古力醬亦唔會甜到漏，但係我就唔係咁鐘意囉！點解呢？佢雖然都係啡色

，但食落去完全感覺唔倒有朱古力味；佢極其量係一個蛋味十足嘅蛋糕！尼個

亦都係好多人做心太軟做得唔好嘅原因！

         另外，佢哋嘅凍綠豆沙，竟然會變成綠豆糊！Why？因為無晒水份囉，

所以老公話食落怪怪哋！（個 feel！）

               但大至上佢都算係一間平得嚟又唔錯嘅甜品店！所以我先至推介！

          甜品 – 你的名字是幸福！（我真係好鐘意你嫁！諗起都想食晒你落肚

：D ）
    

富貴甜品屋

土瓜灣，譚公道 98號，兆豐閣地下，7號舖

Tel :  2712 2290

新零食好介紹

             
               今季 Calbee又出咗新口味薯片啦！ Sell有三種芝士味嘅肥嘟嘟薯片，

同芥辣味薯片（Wasabi）。嘩！Wasabi呀！啱晒我尼個變態精嗱！不過，

希望越大失望越大，一食落去無乜驚喜啫！或許wasabi 味唔夠勁、唔夠嗆喉！

同我一樣咁變態鐘意食wasabi 味嘅朋友會有點失望嗱，反而我上次介紹過果

隻wasabi米餅嘅味道仲好；又或且你可以試吓食珍珍果隻三文魚味薯片，佢

裏面附送嘅豉油味 wasabi ，嘩！D味道勁似，間唔中食吓都 Ok嘅，但千祈

唔好常常食 D味精咁勁嘅零食，否則無益之餘仲爆瘡兼喉痛就唔好嗱！

          講番尼隻三種芝士味嘅薯片，其實食落似芝士味粟米片多 D，我就覺得

食嚟食去都只係得兩種芝士味啫，芝士味唔太重，但個香味就比較濃；佢細細

塊得嚟又厚身、唔太油膩，變咗唔覺唔覺就食咗一半，仔仔就非常喜歡！我都

係喜歡舊個隻多D！

          另外，我要介紹吓尼隻日本嘅朱古力糯米糍，估唔到其貌不揚嘅佢，又

真係幾好味喎！$2.5∕個，有成‘浸’薄薄的朱古力包面，包住裏面薄薄一層

糯米；size唔太大，再加埋超薄的朱古力夾心，唔……食落去感受到多重口感，

薄脆朱古力夠味之餘、又唔太漏，相信我可以輕輕鬆鬆食兩個都得，之不過今

次只係試試，所以我同仔仔每人都係買咗一個啫！

         而不二家的朱古力脆脆心$20盒，好好味嫁，係果日無意中買嘅！係因

為肚餓但又唔可以食得太飽？（因為要返屋企食飯！唉…為食的值口！）之不

過，由於佢有好香又強烈的花生香味，所以我都唔能夠食咁多！（唉…否則因

為為食而攪到自己骨痛發作就弊嗱！）。

        BOURBON尼隻牛油曲其 (Cebuerre)，就好香牛油味，$18/盒有6包

，每包2塊。仔仔同老公都話好香脆！仲一口氣食咗 3 包添，真係有好香牛油

味嫁！

        A！如果妳有食開莎莉雪藏蛋糕，又或且嫌百佳的蜂蜜太甜兼擺唔得耐

嘅話！家鎮妳唔洗咁 dry啦！因為新出咗隻 Delice 嘅雪藏蛋卷，雖則佢無莎

莉咁軟熟，都幾甜（食到第二件果鎮）、朱古力醬夾心又有 D似嘉頓嘅朱古力

賓（包），但佢勝在可以 keep得係雪櫃；當夜深人靜∕tea time果鎮、肚餓

又唔想烹麵嘅時候，佢真係唔錯嘅選擇，朱古力醬夾心之中又有 D士多啤梨味

果醬夾雜住，OKㄚ！百佳做緊 promo $16.9∕2盒，1盒 6件！

        至於，果隻雪之朱古力片就又貴又抵，如果要食杏仁碎朱古力可以有好

多又平又好味之選擇啫！

        以為軟雪糕軟糖會好味，因為佢個 packing杯軟雪糕實在太吸引了！但

佢只係得輕微軟雪糕味，與其話佢係似，不如當自己食緊牛奶糖把嗱！唉……

軟雪糕呀軟雪糕，你在何方？！（周星馳，馬小玲你在何方的唱腔！）唉……

為何你我與相遇的 timing 總係唔啱呢？？我想念（食）你嘅時候總係找不著！

喉痛、感冒、刮大風、趕時間就扁扁遇著你呢？！噢……No！好我想食你呀！



P.S. -

ㄚ！果日去個 friend屋企見倒筒好 cute嘅迷你版 Tennis，佢係食得嘅香口珠

，不過似歸似，但佢一D都唔好食嫁！

            

係咪好 cute呢？