今日帶個 friend去買仔仔用開果隻控油去粉刺的套裝 LA ROCHE-
POSAY，由於個counter無 sales girl，問萬寧個哥哥仔，佢又唔清楚；
因為買滿$500蚊可以 join menber，咁當你生日就有禮物送，每次買滿
$200蚊又可以儲印仔，儲滿印仔又有優惠；咁當然係 join 咗著數嗱！不過
既然個 sales girl 唔响道，咪即係連 sample都無得送？！咁為有下次嗱！
點知就响尼個時候，竟然比我個 friend响 counter見到尼 set；有
新出嘅粉刺精華套裝只係買$75蚊咋！嘩！抵到飛起嗱！我都嗱嗱林幫仔仔
買咗set！Hey！好明顯樽精華液只係得 5 ml 嗱！（正價$250）但係，妳要
知道尼 set野有支價值幾十蚊嘅溫泉噴霧 50 ml、控油潔面啫喱 15 ml、控油
爽膚水 15 ml、同埋 UV 隔鄰乳液。喂！比一個價錢有 5 支潔面套裝試用乜
都抵嗱！快 D去萬寧買嗱！唔係成日有 promotion set買嫁！（佢而家果套
抗敏套裝都要 $100 set，仲無精華液添！）
By the way，儲單係要一次個滿$500蚊嫁！
LA ROCHE-POSAY有幾巴閉、好用？！仔仔用完佢之後皮膚滑咗！
暗瘡謝了很多，黑頭少咗一半！咁妳話勁唔勁！連仔仔自己第一次用完都話好
掂！不過佢衰ㄚ！明知掂又唔 keep住，用吓停吓！大個咗千祈咪後悔呀！
A！我個 friend 個仔就係上次嚟我屋企用過，所以先至咁貴都諗住買
比個仔用咋！Hey！Boys 希望你哋持之以恒啦！You know，唔係要你哋做
靚仔，但千祈唔好做個油脂、暗瘡滿面的可怕怪男！做嚟做事，儀容整潔好重
嫁！
話說仔仔正值青春期，佢D 暗瘡同黑頭成面都係，一直煩擾著我！唉…
有次仲响塊面中間攪咗粒無底洞黑頭出嚟！無論我用盡咩方法都攪唔倒…唉…
唯有搵美容院嗱！須知道，佢需然唔算好大個，但係話晒都係個男仔ㄚ，唔係
間間美容院都肯做，一係就貴到死！
我又驚 D美容院做得唔好做爛佢塊面；就係尼個時候比我撞到間大嘅美容院做
promo，男賓要比$200就可以試做一次，咁先清倒佢粒千年黑頭咋！做完
facial 個美容師竟然 sell 我比一萬幾千 take 個 cousre喎！佢都儍嘅！一萬
幾千喎！家鎮佢做明星咩！如果唔係果粒超級黑頭，我都唔洗帶佢嚟做 facial
嗱！做一、兩次就話啫！想 sell 我？嘿…難嗱！
自此之後，我就怕怕嗱！但奈何，面一定要清潔嫁，可以無論仔仔用
D專 for 男氏的清潔乳霜又好、專治暗瘡的又好、黑頭導出液；甚至無印良品
都試過了！他的額頭、鼻頭仍然都係咁……核突！唉……
有無限制佢 D飲食習慣？梗係有嗱！但妳可以完全唔比佢去食煎炸野
嗎？！幾耐？一世？跟本就好難！
好彩醒起連朋友 J D咁敏感嘅皮膚都可以用LA ROCHE-POSAY，
而且仲話好好用添！於是咪買比仔仔試囉！佢果次仲抵呀！買聖誕套裝 $210
咋，仲有成支 $235 嘅精華液！
如果你都有敏感皮膚、粉剌暗瘡嘅問題，快 D嗱嗱林去買嚟試試嗱！
有買襯手！（萬寧有售！哈唔知尼 set Waston有無得買呢？）
P.S.:
佢果支精華液連我 D勁缺水嘅皮膚都慢慢滑番，無咁 dry！
沒有留言:
發佈留言