仔仔果日先至講好耐都無食過芭芙（beard papa's的），我就話無偈
嗱，我哋都無經過間店！點知話口未完我哋過咗二、三日就經過九龍灣港鐵站
間店，於是我們當然不能錯過嗱！
排排吓隊，發覺…E……乜佢隔離個櫃位黑‘盟盟’咁特別嘅呢？！好似
買糯米滋喎！昅下先…E…新出品…唔知 D糯米滋正唔正、好唔好味呢？試下先！
排到去收銀佢又話唔可以一齊收錢，果邊還果邊喎……吓？OK！但企咗响果邊
等個 counter又無人喎！隔咗一鎮，頭先收銀個職員先問我要乜！吓？？？咪又
係你！不過尼便收 cash，但找錢又咪果部收銀機！妖…玩呀！真係奇怪嘅
system，一 D都唔方便客人！排完隊又排過……諗出尼個咁 stupid嘅方法嘅
人係咪儍嫁！夠竟識唔識做生意嫁？！就算唔同公司，你都棟個人响到開單或
且收錢ㄚ！唏……
Ok！講番個芭芙，朱古力味同忌廉都係咁好味，今次連首次食嘅老爺都
話好味，不過老人家嫌十幾蚊個貴！其實$12-$18∕個差不多了！個朱古力味
芭芙係有一層硬硬的朱古力醬鋪在面頭，一啖咬落去鬆軟的芭芙同嫩滑的
cream，那香滑又甜甜的香味真是一種享受；不過代價係兩邊嘴角皆是 cream
，這個狀況最好是在家中，但可惜若你住太遠；或是待得太久，牠便會淋了，
cream也噠下來，這樣一點也不好味！
哈…真的要讚一讚他們，多年來不同的分店也 keep到水準，D cream
都係咁香滑！SoGo、創紀之城、荃灣我都試過，我同仔仔都覺得以前沙田店
最正，跟住就係荃灣及SoGo！以前他們還出過隻芝士棒？！長條型、白色紙
包裝到像糖果一樣的，有著濃濃的芝士味；那是被我和仔仔御為極品的，可惜
家鎮沒有了！牠比朱古力溶醬蛋糕還吸引哦！（雖則朱古力溶醬蛋糕都好味！）
呀…果個 MOCHI SWEETS 糯米滋，買嘅時候，我仲以為 counter
果 D係 display嚟添，原因佢哋個個都排得太過齊齊整整，真係好鬼假；但當
店員從像是飾櫃中取出兩個給我時，我才相信！牠們凍冰冰的，我還興奮得以
為牠會像雪糕糯米滋般，咬落去會有雪糕！點知我實在開心得太早了！個店員
話個糯米滋要等 15 -20分鐘淋了之後先至可以吃！吓？！佢話因為現在雪得
太硬了！
E…哈哈，真的像石頭耶！OK…唯有等下囉！我買了 13號 芒果慕思
給仔仔（$10），9號朱古力比自己（$9）。跟住滿心期待的在九龍灣德福
window shop 住嚟等…，結果…等到牠軟化了，仔仔一口咬下那 芒果慕思
，並說牠好好味，我也試了一點，E…幾好ㄚ，外皮煙韌又有芒果味。
然後一口咬落去朱古力糯米滋……噢！What's up？！嘩…一口粉
的感覺！不是朱古力粉，而是生食麫粉的感覺……嘩怪怪的！唔甜嘅朱古力
+粉耶！Too bad！食到想扔！不過我還是很有衣食的把牠吃完！
總結嚟講，我果個就唔OK，但仔仔的芒果慕思就幾好；相信creamy
D應該會好 D掛！
↑好味忌廉芭芙！↑ ↑好味芒果慕思！↑
↓不好味的朱古力糯米滋↓
沒有留言:
發佈留言