九龍城廣場–銀咖喱

                 果晚同仔仔剪完頭髮，响九龍城廣場行咗鎮，仔仔見到間銀咖喱就話
自己好肚餓想食咖喱飯，是但啦都唔知食乜好；响Mcdonald食個餐都要成 $30
嗱！但家鎮一個日式咖喱飯都只係 $27蚊 + 埋杯汽水$4 蚊都只係 $31蚊啫，
仲平過麥記！
           $27蚊可以有乜選擇？有吉列炸猪扒∕吉列炸雞扒∕餃子∕雜菜∕鮮菌
∕海鮮薯餅及牛肉咖喱飯等等…，若要食吉列炸蝦咖喱飯（2隻）都只係 $29蚊
啫；連仔仔都話好抵食，唔怪得知吸引咗咁多後生仔女啦！
                話明平，咁佢梗係要自己買票自助嫁啦，而座位嘅 setting 亦係好似
普通 food court 咁；所以係無人招乎你嫁；亦無免費水提供，想飲水比 $6蚊
買支啦！
                而食物方面，飯係日本米，飯嘅份量Ok；咖喱係甜得嚟唔辣嘅；有幾
粒薯仔及有很多無乜肉味嘅肉碎夾雜响入面，一啖食落去……唉…弊啦……一
定有牛肉碎响入面啦，雖則無乜肉味啫！所以食齋或介咗牛肉嘅朋友（如：我）
，就咪試啦！但無奈飯就買咗嗱，唔通唔食咩！
                 吉列炸猪扒，味道 OK，夠薄夠脆；咖喱方面我覺得太甜、又唔夠辣，
但以 $27嚟講，Ok 可以接受！不過餃子認真係麻麻！鬼叫果日我唔想食太多
肉咩（但個汁都經已……唉…）！
           兩個人晚飯埋單都只係 $58啫，非常抵食；以尼個價錢 D食物質數都
算好 Ok嫁啦！或許，果日仔仔非常肚餓，所以佢大讚好味，仲一滴不留添！