果日跟朋友 D一家去青衣城探朋友 W順便食飯，因她剛剛做完手術！
（但看見她精神好好，大家也安心！祝她早日康復、身體健康！）
朋友們說這間潮樓相當抵食之餘，食物味道又Ok，還免收加一添！
她 order 了兩大碗滷味、豬紅、紅腸、兩碟蝦撈麵及兩個糖醋炸麵餅，
一個蠔餅，一條大眼雞（木棉魚），一個湯，一碟牛肉河，一個菠蘿牛肉，
一碟炒菜及一碟津白。嘩……多呢！17個人食喎，哈哈…不過佢哋個幾鐘前
才 tea 哦！
我最欣賞係個糖醋炸麵餅，同兩碟菜；個津白好夠味軟硬度適中；而
炒菜雖然個菜有小小老，但菜本身夠甜，所以味道搭夠分！至於糖醋炸麵，
由於我唔喜歡食醋，又唔想點白砂糖；因此風味可能會差 D，不過我都幾喜歡
齋食ㄚ，卜卜脆咁；味道有 D 似童星點心咁，幾得意ㄚ！
嘿！佢個真紅腸究竟係咩腸嚟嫁呢？！完全唔同一般傳統果 D甩色紅
邊腸！味道？OKㄚ！滷味都 OK嫁！蝦撈麵，雖然淋咗 D，但味道都 OK嘅！
蠔餅就無乜蠔味啦，只係食到煎蛋啫！至於，豬紅、大眼雞及牛肉，就唔好問
我啦！Beco's 我係唔食得、唔食同唔食嫁！哈哈…
你估下埋單幾多錢？！講你都唔信ㄚ！HKD1,100幾咋！超抵！講真
你話好好食又唔講得，但係如果用呢個價錢，佢都係個唔錯嘅選擇！咁當然
你唔好用以前打冷大排檔嚟比嗱！都唔同 level！唉……想回味返以前 D打冷
大排檔嘅風味（又平、又正又夠鑊氣），相信都好難搵囉！ 否則佢一定有
五星米芝蓮嘅級數！（e.g.以前慈雲山 40座果檔）
沒有留言:
發佈留言