尋晚同妹妹睇尼套兩公婆今晚玩大咗(Date Night) ，初初果段真係好
悶嫁，演員 Steve carell（演老公Phil飛）同 Tina fey（演老婆Claire嘉兒）
簡直係充份演譯出一對老夫老妻 dry 到爆嘅生活；令到我悶到幾乎要轉碟，想
睇過第二套，我仲 challenge 自己點解會覺個片頭好笑呢？我係咪租錯碟呢？
如果要睇 D咁 dry 嘅生活我自己咪係囉！ㄚ！正確嚟講，我比他們還要精彩！
不過，既然妹妹堅持，心諗好吧就就佢啦，反正難得！
其實，自己覺得為乜野倆公婆嘅生活要 set 個 time table？連 dateing
同 Make Love都要 on schedule？吓……唔係阿化？妹妹話 D 外國人都係想
尊重對方，唔洗忙到連 dateing 都無啫！吓……尼 D咪叫偽善囉！若然，倆公
婆係要真心約會，那怕是要騰出一晚呢？尼 D先係真正尊重對方！再者，Make
Love 係要講 mood 嫁，唔係你話嚟就嚟，OK！樣樣都咁公式化，同機械人有
乜分別，咁嘅生活方式唔 dry 至奇啦！唔偷食已經係萬幸啦！
挨過咗頭尼段，終於進入戲肉了！算是開始好睇啦，不過成套戲最好睇
竟然係中、後段；我好鐘意佢哋倆公婆入咗去大隻佬（Mark Wahlberg 演），
同賊仔三角嘜果段戲，嘩！D 對白真係精彩、抵死！仲有尾段嘅飛車同跳豔舞，
真係笑到我同妹妹顛咗、喘晒氣！連老公都忍唔住笑！不過，切勿與家中小孩
一起觀看，OK！因為戲裏面有 D對白同內容有點三級！
快 D 租隻碟睇吓！若你們已婚，又開始過緊有 D dry嘅生活，咁你哋
就好好檢討一下，問題是否出咗响生活方式上面，快 D諗諗偈；唔好以為對方
唔出聲係代表 ok、agree，否則當第三者出現，或對方提出離婚果鎮先至醒覺
，就太遲啦！
故事內容：–
係講一對老夫老妻，育有兩子，倆人感情淡如開水，周末晚之約會已變
成例行公事，同一間餐廳裡點同樣式，席間話題總離不開工作及家中屑事；談
不上浪漫之餘仲淹悶到飛起，返到屋企後連性趣都無埋。
眼見好友離婚，Phil 與 Claire 希望搞搞新意思，帶老婆到曼克頓的新
開張的名人餐廳食飯，但因為無 book 枱，所以不得其門而入，Phil智急下冒
認一對臨時甩底的夫婦，點知櫈都未坐暖，就出事了……
http://wmoov.com/movie/details/1320
沒有留言:
發佈留言